Yoˇhaˬ 17:10 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁰ Ngaq-euq dawqtawvluf nawq-euq mae. Nawq-euq dawqtawvluf khawf ngaq-euq ma. Heudeuq-euq baqda’nae ngar yawshaef khanqsaer za-euq ma.

Akha

¹⁰ Ngaˇ kʼaˇ jaˆ-eu jeˬ dawˬ tawˆ luꞈ nawˬ-euˬ pyeuꞈ-awˇ, nawˇ kʼaˇ jaˆ-eu jeˬ dawˬ tawˆ luꞈ ngaˬ-euˬ pyeuꞈ-eu meh. Aˬ yawꞈ maꞈ laꞈ kʼoeˇ ngaˬ-euˬ yaw shehꞈ kʼahˬ sehˇ-ahˇ aˬ cawˬ ya mawˇ-eu meh.

Yoˇhaˬ 17:10 Referans Kwoze

Yoˇhaˬ 10:30

Ngar hawr-eu ngaqDa-aq, tiq ghaq taef ma.”

1 Beˬtuˆluˆ 2:9

Aerkhawf, nawmaf-aq, Miqyaer nae tserdov taq-euq heuzir-euq tsawrhaq pyeuf-awr, sanqpaq hawr-eu pirma pyeuf-eu uqtaf, shawr-eu tsawrjeuq tsawrca pyeuf-awr, aqdir Miqyaer-euq tsawrhaq pyeuf-eu mae. Khoer-aq, Miqyaer nae mr-euq jaceuq paq-aer ghae-eu garkawv, dawqdzawr bimr-eu laer nawmaf-anr yawzanr-euq lafkhoer nae kurdov-awr, zanqler paq-aer ghae-eu yawshaef-euq lafkhoer sheuqur naeqlaf-euq mae. (Isy 43:20-21; Di 19:6)

2 Teˇsaˬloˇni 1:10

Khoerngae nan, Sanqpaq Yeqsur zafka le-awr, aqyawf-euq tsawrshawr deuq, aqyawf-anr ciqhuiq ciqmanr-awr, aqyawf-anr jan-eu tsawrhaq dawqtawvluf, aqyawf-anr jaceuq taef-a. Aqjeq mirnae aernar-aq, nga’maf nae nawmaf-euq ghanrcae sarkir kamq-euq gar nawmaf jan-eu mae.

Gawˇlawˇsehˇ 2:9

Aqjeq mirnae aernar-aq, Miqyaer kharpyeuf-eu jeq Kali-euq mawrdo-euq lafkhoer tiqbyanni byanluf-eu mae.

2 Teˇsaˬloˇni 1:12

Khoernar-aq, aqdui-euq Miqyaer hawr-eu Sanqpaq Yeqsur Kali-euq guiqlanq yawdzanr-euq lafkhoer, nawmaf-euq baqda’nae aqdui-euq Sanqpaq Yeqsur-euq tsawrmyanr yawshaef khanqsaer za-awr, nawmaf khawf aqyawf-euq baqda’nae yawshaef khanqsaer za taef-a.

Piˇliˇpiˆ 1:20

Ngar geufmawf duidui-awr, noeqtmq taq-euq jeq-aq heulof-aer ma. Ngar tiqjeq-iq-euq lafkhoer maqya shafdawr-aer, dzeurlaf ngae lof-aer nymq-mr khawf, nuima khaqduqni anr-awr, daef khawf shir khawf ngaq-euq mawrdo nae Kali-anr taqhuiq taqmanr ma.

Gʼaˬkʼehˇ 19:17

Garkawv heu-aq, Erpersu-anr jawr-eu Yurdav tsawrhaq hawr-eu, Heqlaqsar tsawrhaq dawqtawvluf yasiq-euq mae. Aqyawfmaf dawqtawvluf guv duidui-awr, Sanqpaq Yeqsur-euq tsawrmyanr-anr yawkhav-aer ciqhuiq ciqmanr-eu mae.

Yoˇhaˬ 11:4

Yeqsur dawq khoerdawq-anr yagaq ngae aer-eu, “Nar-eu khoer-aq, shir-eu gar maqkeuv-ar. Aerkhawf, Miqyaer-euq yawshaef khanqsaer bi dovlar-eu gharduq mae. Nar-eu khoer baqda’nae Miqyaer-euq Zaqyo yawshaef khanqsaer za taef-a.”

Yoˇhaˬ 5:23

Khoer-aq, tsawrhaq dawqtawvluf, Aqda Miqyaer-anr yawzeu baw-eu lof-aer, Zaqyo-anr khawf yawzeu bi bawlar-eu gharduq mae. Zaqyo-anr yawzeu maqbaw-eu tsawrhaq-aq, Zaqyo-anr khaerghae lef-euq Aqda Miqyaer-anr khawf yawzeu maqbaw-a.

Gaˬlaˬtiˆ 1:24

Ngaq-euq baqda’nae aqyawfmaf, Miqyaer-anr jaceuq-eu mae.

Yoˇhaˬ 12:23

Khoerngae, Yeqsur, aqyawf nyaf-anr heulof-aer aerkhof naeq-euq mae, “Tsawrhaq-euq Zaqyo yawshaef khanqsaer za-eu aryamq keuvlar-euq mae.