Yoˇhaˬ 16:5 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁵ “Nymq-mr ngar, ngaq-anr khaerghae lef-euq ghaq jawr-eu gar ghofler ma. Aerkhawf, ‘Nawr aqgeugar ir-eu le?’ laer nawmaf tiqghaq-iq ngaq-anr maq narhaq lar-a.

Akha

⁵ Nymˬ-mˇ-aˬ, ngaˬ-ahˇ kʼehˇ gʼeh leꞈ-euˬ gʼaˬ jawˇ gaˇ ngaˇ gʼoꞈ leˇ-eu lehˇ gʼeh-eu ma. Ehˇ kʼawꞈ, ‘Nawˇ aˬ gaˇ iˇ-eu gʼeh te’ lehˇ, naw maꞈ tiˬ gʼaˬ-iˬ ngaˬ-ahˇ maˬ naˇ haˬ-a.

Yoˇhaˬ 16:5 Referans Kwoze

Yoˇhaˬ 13:36

Sirmoq Beqtuvluv, Yeqsur-anr narhaq-eu, “Sanqpaq-or! Nawr aqgeugar ir-eu laer ghaeluf-eu le?” Yeqsur, aqyawf-anr aerkhof naeq-eu, “Nymq-mr ngar ir-eu laer ghaeluf-eu gar, nawr maq cantaelaf nya-a. Aerkhawf, aqkar, ngaq-euq maeqnan yacan taelaf taef-a.”

Yoˇhaˬ 7:33

Khoerngae, Yeqsur, aqyawf maf-anr aernaeq-eu, “Ngar, nawmaf naeq-aer tiqkhaeq jawr nar-aq, ngaq-anr khaerghae lef-euq ghaq jawr-eu gar ghofler ma.

Yoˇhaˬ 16:28

Ngar, Aqda jawr-eu gar nae oe-awr, mirtsaq-anr oeka-euq ma. Ngar, mirtsaq-anr nae dov-ir-awr, Aqda jawr-eu gar par ghofler ma.”

Yoˇhaˬ 17:4

Ngar, nawq nae ngaq-anr bimr-euq gar-anr mrluiv-awr, ngar, mirtsaq-euq khoertav nawq-euq yawshaef khanqsaer dovlarni mr-euq ma.

Yoˇhaˬ 16:10

Tsaq-awr dawr-eu-aq, ngar, ngaqDa jawr-eu gar ghofler-awr, nawmaf, ngaq-anr maqpar ya’mawr-eu mirnae mae.

HeˬByehˇ 12:2

Caevghaeluf ngae, Yeqsur-anr hawtsov taq-awq. Aqyawf-aq, aqdui jan-eu jeq-euq ardanq bae-euq ghaq hawr-eu arsaq saq-eu ghaq pyeuf-eu mae. Aqyawf-euq maeqshi javluf-eu laqkhaq caer-eu jeq-euq baqda’nae, daqga-eu jeq-anr maq sharnoeqni lafyaq-anr daq-euq mae. Nymq-mr aqyawf, Miqyaer-euq nuirmanq armar paw nuirluf-eu mae.

HeˬByehˇ 1:3

Aqyawf-aq, Miqyaer-euq yawshaef khanqsaer-euq yawshaef pyeuf-awr, Miqyaer-euq shaevdzeuf byan-eu ghaq pyeuf-eu mae. Aqyawf, aqyawf-euq baoq anr-eu dawq-anr ghoe-awr, dawqtawv luf-anr hawlanr lavsav luf-eu mae. Aqyawf, aqyawf-euq mawrdo nae aqdui-euq iqbax-anr tsiqshawr ghaq-awr, yawgor-anr khanqsaer huiq-eu Ghaq-euq armar paw nuirluf-eu mae.

Yoˇhaˬ 13:3

Aqda Miqyaer nae aqyawf-euq aqlaf-euq lafkhoer yawqjeq navluf a’naeq jir-awr, aqyawf, Miqyaer jawr-eu gar nae oe-awr, Miqyaer jawr-eu gar ya ghofler-eu mae laer Yeqsur siqnya luf-eu mae.

Yoˇhaˬ 16:16

“Tiqkhaeq ghae nar-aq, ngar, Aqda jawr-eu gar ghofler-eu mirnae, nawmaf, ngaq-anr maqpar ya’mawr-ar. Aerkhawf, tiqkhaeq parghae nar-aq, nawmaf, ngaq-anr ya’mawr taef-a.”

Yoˇhaˬ 14:28

‘Ngar ghofler khawf, nawmaf jawr-eu gar tiq pov paroe ma’ laer ngaq nae nawmaf-anr aernaeq-euq dawq nawmaf yagaq-euq mae. Nawmaf, ngaq-anr gaq nar-aq, ‘Ngar, Aqda jawr-eu gar ghofler ma’ laer aer-eu mirnae, nawmaf laqkhaqcaer taef-a. Aqjeq mirnae aernar-aq, Aqda-aq, ngaq-euq navmaqtser huiq-eu mae.

Yoˇhaˬ 6:62

Tsawrhaq-euq Zaqyo, aqyawf-euq jawrduq-anr ghofdav ler-eu gar nawmaf ya’mawr nar-aq, aqjox-aer noeq nmr-mq?

Yoˇhaˬ 17:13

“Aerkhawf, nymq-mr ngar, nawr jawr-eu gar ghoflar ma. Ngaq-euq laqkhaq caer-eu jeq aqyawf maf-euq lafkhoer byanlarni, mirtsaq-euq khoertav jawr ngae, ngar dawq heudeuq aernaeq-euq ma.

Yoˇhaˬ 16:17

Khoerngae, zaqlanr tiqpavnav deuq, aqyawf maf-euq yawkaq ja-eu, “ ‘Tiqkhaeq ghae nar-aq, ngar, Aqda jawr-eu gar ghofler-eu mirnae, nawmaf, ngaq-anr maqpar ya’mawr-ar. Aerkhawf, tiqkhaeq parghae nar-aq, nawmaf, ngaq-anr ya’mawr taef-a’ laer aqyawf, aqdui-anr aernaeq laf-eu khoer, aqjeq-anr aermawf-eu nga?”