Yoˇhaˬ 16:33 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³³ Nawmaf, ngaq-euq lafkhoer nuisar of-eu jeq za’ni, ngar, nawmaf-anr garkawv heudeuq aernaeq-eu ma. Mirtsaq-euq khoertav jawr ngae, nawmaf shaq-awr zanq-eu jeq-anr yadaq taef-a. Aerkhawf, nawmaf nuima zif-awr laqkhaq caer-awq, ngar, mirtsaq-anr ghaqler-euq ma.”

Akha

³³ Ngaˬ-euˬ laꞈ kʼoeˇ naw maꞈ nui saˇ oꞈ-eu jeˬ za nya ni, naw naw maꞈ-ahˇ heu loꞈ-ehˇ ehˇ-eu ma. Miˇ tsaˬ heu kʼoeˇ taˆ, kʼehˬ-eu kʼaˆ-eu jeˬ-ahˇ naw maꞈ ya daˬ tehꞈ-a. Ehˇ kʼawꞈ, tiˬ pawꞈ-iˬ taˬ guˆ. Miˇ tsaˬ heu-ahˇ ngaˇ gʼaˬ leˇ-euˬ ma.”

Yoˇhaˬ 16:33 Referans Kwoze

Yoˇhaˬ 14:27

“Ngar, nawmaf-anr nuisar of-eu jeq bifyaf ma. Ngar, nawmaf-anr bif-eu ngaq-euq nuisar of-eu jeq heu-aq, mirtsaqzaq bif-eu lof-aer bif-eu maqngeur. Nawmaf-euq nuima maqsar-aer taqghae, guv khawf taqguv.

1 Yoˇhaˬ 5:4

Aqjeq mirnae aernar-aq, Miqyaer-anr nae daefle-euq yawqghaq navluf, mirtsaq-anr ghaqler-eu mae. Aqdui-euq jan-eu jeq-euq baqda’nae mirtsaq-anr ghaqler-eu ma.

2 Teˇsaˬloˇni 3:16

Nuisar biof-eu Sanqpaq Miqyaer, aqyawfghaq, nawmaf-anr aqmyanluf yawqjeq navluf-euq lafkhoer nuisar biof luf-ur. Sanqpaq Miqyaer, nawmaf yawqghaq navluf naeq-aer jawr luf-ur.

1 Yoˇhaˬ 4:4

Ngar gaq-eu zaqdeuq-or! Nawmaf, Miqyaer-anr taf-eu tsawrhaq pyeuf-awr, nawmaf, aqyawf maf-anr ghaqler-euq mae. Aqjeq mirnae aernar-aq, nawmaf-euq lafkhoer jawr-eu ghaq-aq, mirtsaq-euq khoertav jawr-eu ghaq navmaqtser huiqdzaeq-eu mae.

Piˇliˇpiˆ 4:7

Khoerlof-aer shar nar-aq, Miqyaer-anr nae dovle-euq tsawrhaqzaq maq ghovshaw nya-eu nuisar of-eu jeq, Yeqsur Kali-euq lafkhoer, nawmaf-euq nuima hawr-eu nuinoeq nuidur-anr bosav naeqlaf taef-a.

1 Beˬtuˆluˆ 5:9

Nawmaf zifdanni jan-eu lafkhoer aqyawf-anr lavtsoeq-awq. Mirtsaq-euq khoertav jawr-eu nawmaf-euq aqyuif aqnyir deuq khawf, khoerlof-aer ghae-eu shaqzanq daqluf mae laer siqnya-awq.

Yoˇhaˬ 14:1

“Nawmaf-euq nuima maqsar-aer taqghae. Nawmaf, Miqyaer-anr jan-awr, ngaq-anr khawf jan-awq.

2 Tiˆmoˇseˬ 3:12

Aqdir aernar-aq, Yeqsur Kali-euq lafkhoer Miqyaer-anr yawzeu bawbaw-aer khar daefmawf-eu tsawrhaq yawqghaq navluf, khaeq-awr khav-eu jeq-anr yadaq taef-a.

Gʼaˬkʼehˇ 14:22

Zaqlanr deuq nuima saflar, ghaq khavlarni, aqmyanluf jan-awr nuima zifdanni jawr-awq laer ghaq bifnaeq-eu lafkhoer aer-eu, “Aqdui, Miqyaer uvlanr-eu jeq-anr urler nya’ni, shaqzanq ghawqmya jeq-anr ya tanqpuq-eu mae.”

Panmaeq 3:21

Ngar ghaqler-euq mirnae, ngaqDa-euq nuirmanq-anr ngaqDa naeq-aer tiqkawv lof-aer nuirluf-eu lof-aer, ngar khawf ghaqler-eu tsawrhaq-anr ngaq naeq-aer ngaq-euq nuirmanq-anr binuir ma.

HeˬByehˇ 11:25

Morseq-aq, iqbax-euq lafkhoer tiqkhaeq larkhaeq caergha-eu navmaqtser, Miqyaer-euq tsawrhaq deuq naeq-aer tiqkawv lof-aer shaqzanq-anr daq ma laer tsergeuf-euq mae.

Panmaeq 7:14

Khoerngae, ngar, aqyawf-anr, “Ngaq-euq sanqpaq-or! Nawr siqnya mae” laer aerkhof naeq-euq ma. Khoernar-aq, aqyawf, ngaq-anr heulof-aer aernaeq laf-euq mae: “Tsawrhaq heudeuq-aq, shaqdui zanq duidui-eu aryamq-euq lafkhoer nae dovlar-euq mae. Aqyawf maf-aq, yawqha-euq paerkhanq paermanr pyurdeuqni ghaelarni, Yawrzaq-euq shiq nae laeqtsiq ghaq-euq mae.

1 Teˇsaˬloˇni 3:7

Khoermirnae, aqyuif aqnyir deuq-or! Nga’maf shaq-awr zanq-eu, khaeq-awr khav-eu yawqjeq navluf-anr yadaq khawf, nawmaf jan-eu garkawv yagaq-awr nga’maf-euq nuima sarlar-euq mir-a.

Panmaeq 12:11

Aqyawfmaf, Yawrzaq-euq shiq hawr-eu yawqha-euq sarkir kamq-eu dawq nae, yawlaeq daqler-eu ghaq-anr ghaqler-euq mae. Aqyawf maf-aq, khoer-euq gharduq, yawqha-euq daefzir-anr ghawqcawx cawv-aer maqghaeni, shir khawf shirpeuq-eu mae.

Gawˇlawˇsehˇ 1:20

Aqyawf-euq baqda’nae, mirtsaq-euq khoertav hawr-eu mq-euq khoertav kharjawr kharjav-eu yawqjeq navluf, aqyawf-anr tsaqlar dzoerlarni, aqyawf-euq lafyaq-euq khoertav yoerle-euq shiq-anr ghoe-awr bitsaq bi dzoerlar-euq mae.

2 Gawˇliˬtu 1:3

Aqdui-euq Sanqpaq Yeqsur Kali-euq Aqda Miqyaer-anr jaceuq kar-eur. Aqyawf-aq, ghawqshaq gaqnya-eu Aqda pyeuf-awr, yawqjeq navluf-euq lafkhoer nuima bi sarlar-eu Miqyaer mae.

2 Gawˇliˬtu 13:11

Aqyuif aqnyir deuq-or! Ghawqdawq ngaeq-awr arsaqsaq ma. Nawmaf byanlar-awr, nuima sarlar-awr, nuinoeq tiqjeq taef-aer taq-eu uqtaf, tiqghaq tirghaq tsaqler dzoerler-awq. Khoerlof-aer janr nar-aq, gaq-eu jeq bif-awr nuisar bif-eu Miqyaer, nawmaf naeq-aer jawr taef-a.

1 Teˇsaˬloˇni 3:4

Aqjeq mirnae aernar-aq, aqdui khaeq-awr khav-eu jeq-anr yadaq taef-a laer nga’maf, nawmaf naeq-aer jawrluf ngae nae aertaq-euq ma. Aertaq-euq lof-aer byanlar luf-eu nga laer nawmaf siqnya-eu mae.

Gaˬlaˬtiˆ 6:14

Aerkhawf, ngar lawnmr-aq, aqdui-euq Sanqpaq Yeqsur Kali-euq lafyaq-anr taef-aer nuima huiq-awr, nuijeq tiqjeq-anr-iq nuima maqhuiq. Aqyawf-euq baqda’nae, mirtsaq heu-aq, ngaq-euq gharduq lafyaq-euq khoertav taftaeq dzeur-awr, ngar khawf, mirtsaq-euq gharduq-aq, lafyaq-euq khoertav bi tafsaef dzeur-euq ma.

2 Gawˇliˬtu 7:4

Ngar nuima khaqduqni nawmaf-anr ngaeqnaeq-eu ma. Ngar, nawmaf-euq baqda’nae khanqsaer jaevnya-awr, nuima sar-eu jeq byan mir-a. Nga’maf shaq-awr zanq-eu dawqtawv luf-euq lafkhoer khawf, ngar laqkhaqcaer duidui mir-a.

Gʼaˬkʼehˇ 27:25

Khoermirnae, cawqdeuq-or! Nawmaf nuima noeqsar-awq. Ngaq-anr aernaeq laf-euq lof-aer pyeuflar taef-a laer ngar, Miqyaer-anr jan ma.

Jaceuq 68:18

Nawr yawgor-anr davler ngae, bi kalanr taq-euq deuq-anr sheuqdav lef-euq mae; Nawr, tsawrhaqzaq-euq ghanrcae nae lafsawq za-awr, Puiq-eu deuq-euq lafkhoer nae khawf za-euq mae. Miqyaer pyeuf-eu Ya’we Miqyaer khoergar jawr taef-a.

Gaˬlaˬtiˆ 1:4

Zawr doer-eu heuzir-anr aqdui yabuq-ir ni, Kali-aq, aqdui-euq Aqda Miqyaer nuima tsaq-eu lof-aer, aqdui-euq iqbax-euq gharduq aqyawf-euq mawrdo lawrnaeq-euq mae.

Gʼaˬkʼehˇ 9:31

Khoerngae, Yurdav mirkhanq, Gaqliqlaer mirkhanq hawr-eu Saqmaqliv mirkhanq doeni jawr-eu Kali-anr jan-eu armur deuq, nuisar of-eu lafkhoer yajawr-awr huiqlar manrlar-euq mae. Sanqpaq Miqyaer-anr yawzeu baw-awr, Yawshawr Saflar ghaq bif-eu lof-aer daefghae-eu lafkhoer, aqyawfmaf myaqlar-euq mae.

Yoˇhaˬ 12:31

Nymq-mr mirtsaq heu-anr yarkhaq dar-eu aryamq tsaqlar-euq mae. Nymq-mr mirtsaq heu-anr uvlanr luf-eu ghaq yabi taedov taef-a.

Luˇkaꞈ 2:14

“Gor duidui-eu gar jawr-eu Miqyaer-euq yawshaef khanqsaer huiq luf-ur! Mirtsaq-euq khoertav, aqyawf nuikhanr shir-eu tsawrhaq deuq nuisar of luf-ur!”

Gʼaˬkʼehˇ 27:22

Nymq-mr nawmaf nuisar za-awq laer ngar, nawmaf-anr ghaq bif-eu ma. Lawq heulawq cawv-ir-eu maqngeur nar-aq, nawmaf tiqghaq-iq zir maqya smq-ar.

Luˇkaꞈ 19:38

“ ‘Sanqpaq Miqyaer-euq tsawrmyanr-euq uqmov oeluf-eu Sanqpaq-anr jaceuq-awq.’ Mq-euq khoertav nuisar of-eu jeq jav luf-ur. Gor duidui-eu gar yawshaef khanqsaer jav luf-ur.” (Jc 118:26)

Gʼaˬkʼehˇ 23:11

Nishawq nan ngae mir, Sanqpaq Yeqsur, Pawrluv-euq dawqpae yawfle-awr aer-eu, “Pawrluv-or! Nuima khaqduqni jawr-awq. Nawr, ngaq-euq garkawv Yeqlursaqlaeq-euq lafkhoer sarkir kamq-euq lof-aer, Lormav meuq-anr khawf sarkir yakamq taef-a.”

HeˬByehˇ 7:2

Aqbyaqhaq khawf, aqyawf nae khar deuvza-euq lafkhoer nae aqyawf-anr tserbymr tiqbymr bifnaeq-euq mae. Maqlaqkirsaqdaev laer aer-eu tsawrmyanr-euq dawqtsuif-aq, “Tsaq-awr dawr-eu sanqpaq” laer aermawf-awr, Saqlaeq-euq sanqpaq laer aer-eu-aq, “Nuisar bi’of-eu sanqpaq” laer aermawf-eu mae. (Adb 14:17-20)

Yoˇhaˬ 16:11

Yarkhaq dar-eu-aq, mirtsaq heu-anr uvlanr-eu ghaq-aq, yarkhaq bi dartsaev ghaq-euq mirnae mae.

Maꞈtehˬ 9:2

Khoerngae, aqcawq, yufzar-anr galuf-eu kuirshir lafshir shir-eu tiq ghaq-anr, Yeqsur jawr-eu gar baflaf-euq mae. Yeqsur, aqyawfmaf jan-eu gar ya’mawr ngae, kuirshir lafshir shir-eu khoerghaq-anr aernaeq-eu, “Aqli-or! Laqkhaq caer-awq, nawq-euq iqbax pyaeqnaeq ghaq-euq ma.”

2 Gawˇliˬtu 2:14

Aerkhawf, Miqyaer-anr jaceuq ma. Aqyawf, aqmyanluf Kali-anr ghoe-awr ghaqler-eu lafkhoer, aqdui-anr sheuqghae naeqlaf luf-eu mae. Kali-anr siqnya-eu tsawrganr-euq baqda’nae dovlar-eu yawsaw jeq, Miqyaer, aqdui-anr ghoe-awr yawqgar navluf bi sawkeuv-ir luf-eu mae.

2 Gawˇliˬtu 4:7

Huiq-awr muiq-eu baoq heu-aq, nga’maf-anr nae maqngeur-eu, Miqyaer-anr nae dovle-euq ngar-a laer bisiqni, nga’maf poeq-eu myawqganq heu, mirtsaq oeqlanq-euq lafkhoer anrluf-eu ma.

2 Gawˇliˬtu 6:4

Aerkhawf, nga’maf yawqjeq navluf-euq lafkhoer yawqhar yawqha, Miqyaer-euq guiqlanq-euq gar mrzaq ma laer noeqpoeq-awr, heudeuq-anr yadaq-euq ma: yawkhav-aer ya’or-eu, shaqzanq myaq-eu, mawf-awr nym-eu, noeqshaq-eu,

1 Yoˇhaˬ 2:13

Aqda deuq-or! Nawmaf ardanqbae ngae nae daefluf-eu ghaq-anr siqnya-euq mirnae, ngar, nawmaf-anr sanqbof bofanr lef-euq ma. Zaqguq deuq-or! Nawmaf, yawcawv ghaq-anr ghaqler-euq mirnae, ngar, nawmaf-anr sanqbof bofanr lef-euq ma. Ngar gaq-eu zaqdeuq-or! Nawmaf, Aqda Miqyaer-anr siqluf-eu mirnae, ngar, nawmaf-anr sanqbof bofanr lef-euq ma.