Yoˇhaˬ 16:32 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³² Nawmaf caevbyav jir-awr, yawqha-euq jawrduq-anr caevghof jir-awr, ngaq-anr taef-aer byaerdzae yaf-eu aryamq keuvle luf-eu mae. Nymq-mr nae keuvle-euq mae. Aerkhawf, ngar-aq, ngar tiq ghaq taef-aer jawr-eu maqngeur, Aqda, ngaq naeq-aer jawrluf-eu mae.

Akha

³² Naw maꞈ dawˬ tawˆ luꞈ bi teh byaˆ jiˇ-awˇ, yawˬ ha-euˬ nymˇ-ahˇ yawˬ ha cehˆ gʼoꞈ jiˇ-awˇ, ngaˬ-ahˇ tehꞈ-ehˇ byehˇ dzeh yaꞈ-eu aˇ yamˬ keuˆ le luꞈ meh. Aˇ yamˬ kʼoeˇ aˬ diˇ keuˆ le taˬ-euˬ meh. Ehˇ kʼawꞈ, ngaˇ-aˬ, tiˬ gʼaˬ tehꞈ maˬ ngeuˇ. Aˬ jeˬ miˇ neh ehˇ naˇ, Aˬda ngaˬ nehˬ-ehˇ jawˇ ma.

Yoˇhaˬ 16:32 Referans Kwoze

Maꞈtehˬ 26:31

Khoerngae, Yeqsur, aqyawf maf-anr heulof-aer aernaeq-euq mae, “Nymrcif nawmaf yawqghaq navluf, ngaq-euq baqda’nae sanqtiftif taef-a. Aqjeq mirnae aernar-aq, Yaerbof-euq lafkhoer heulof-aer boftaq-euq mae, ‘Ngar, yawr bo-eu ghaq-anr diq ngae, Yawrmaf-euq yawrdeuq caevbyavjir taef-a.’ (Zkl 13:7)

Yoˇhaˬ 8:29

“Ngaq-anr khaerghae lef-euq ghaq, ngaq naeq-aer jawrluf-eu mae. Aqda Miqyaer, ngaq-anr byaerdzae-awr, ngar tiq ghaq taef-aer maqbi jawrnaeq laf-a. Aqjeq mirnae aernar-aq, ngar aqmyanluf aqyawf nuima tsaq-eu heudeuq mrluf-eu ma.”

Yoˇhaˬ 8:16

Ngar yarkhaqdar lawnmr-aq, ngaq nae dar-euq khoer tsaq ma. Aqjeq mirnae aernar-aq, ngar tiq ghaq taef-aer dar-eu maqngeur, ngaq-anr khaerghae lef-euq Aqda Miqyaer, ngaq naeq-aer jawr-eu mae.

Maˬkuˆ 14:27

Khoerngae, Yeqsur, aqyawf maf-anr heulof-aer aernaeq-euq mae, “Nymrcif nawmaf yawqghaq navluf ngaq-euq baqda’nae sanqtiftif taef-a. Aqjeq mirnae aernar-aq, Yaerbof-euq lafkhoer heulof-aer boftaq-euq mae, ‘Ngar, yawr bo-eu ghaq-anr diq ngae, yawrdeuq caevbyavjir taef-a.’ (Zkl 13:7)

Maꞈtehˬ 26:56

Aerkhawf, Miqyaer gharduq ngaeqdan-eu deuq-euq sanqbof-euq lafkhoer boftaq-euq lof-aer byanlarni, heudeuq dawqtawvluf pyeuflar-euq mae.” Khoerngae, zaqlanr dawqtawvluf, aqyawf-anr byaerdzae yaf-awr caevbyov jir-euq mae.

Yoˇhaˬ 20:10

Khoernar-aq, zaqlanr khoer nyiq ghaq yawqha-euq nymr-anr par ghofler-euq mae.

Yoˇhaˬ 16:25

“Ngar garkawv heudeuq nawmaf-anr yawjeq majeq dawq-anr nae aernaeq-euq ma. Aerkhawf, ghawqmyanr maqghae-aer, Aqda-euq garkawv, yawjeq majeq dawq-anr nae maqngeur-eu, nawmaf-anr byacaevni ja’naeq-eu aryamq keuvle luf-eu mae.

Yoˇhaˬ 16:2

Aqcawq, nawmaf-anr zanrdawq khawqnymr-anr nae taedov naeqlaf taef-a. Khoeruqtaf, nawmaf-anr saef-eu aqsur ghaq maqkaq, aqyawf, Miqyaer-euq gar mr-eu ma laer noeq-eu aryamq keuvle luf-eu mae.

Yoˇhaˬ 4:23

Aqda-anr aqdirma-aer uqduq tanq-eu tsawrhaq-aq, saflar-euq lafkhoer hawr-eu yawtsaq yawdawr-euq lafkhoer uqduq tanq-eu aryamq keuvle luf-eu mae. Nymq-mr keuvle taq-euq mae. Aqjeq mirnae aernar-aq, Aqda-aq, aqyawf-anr khoerlof-aer uqduq tanq-eu tsawrhaq-anr povluf-eu mae.

Yoˇhaˬ 4:21

Khoerngae, Yeqsur, aqyawf-anr heulof-aer aernaeq-euq mae, “Zaqmiq aqbur-or! Ngaq-anr jan-awq. Gawqjawq heujawq-euq khoertav maqaer, Yeqlursaqlaeq-anr maqaer, nawmaf, Aqda-anr uqduq maqya tanqler-eu aryamq keuvle luf-eu mae.

Yoˇhaˬ 12:23

Khoerngae, Yeqsur, aqyawf nyaf-anr heulof-aer aerkhof naeq-euq mae, “Tsawrhaq-euq Zaqyo yawshaef khanqsaer za-eu aryamq keuvlar-euq mae.

Yoˇhaˬ 5:28

“Nawmaf garkawv heu-anr taq zanqler. Aqjeq mirnae aernar-aq, aryamq keuvlar ngae, lmqbymr-anr bafpanq taq-euq tsawrhaq dawqtawvluf, aqyawf-euq tersar yagaq-awr,

Yoˇhaˬ 5:25

“Ngar, nawmaf-anr aqdir aqmar aernaeq nyar, shir-euq tsawrhaq deuq, Miqyaer-euq Zaqyo-euq tersar-anr yagaq-eu aryamq keuvle luf-eu mae. Nymq-mr nae keuvle-euq mae. Yagaq-euq tsawrhaq yadaef taef-a.

Maˬkuˆ 14:50

Khoerngae, zaqlanr dawqtawvluf, aqyawf-anr byaerdzae yaf-awr caevbyov jir-euq mae.

Gʼaˬkʼehˇ 8:1

Saqteqpaq-anr saef-eu gar Sawrluv khawf nuima tsaq-eu mae. Khoerngae nan-anr nae, Yeqlursaqlaeq-anr jawr-eu Kali-anr jan-eu armur-aq, khaeqdui khav duidui-eu gar yadaq-euq mae. Ghaqkhaer deuq maqngeur nar-aq, Kali-anr jan-eu tsawrhaq dawqtawvluf Yurdav mirkhanq hawr-eu Saqmaqliv mirkhanq doeni caevbyav ghae-euq mae.

Yoˇhaˬ 16:31

Yeqsur, aqyawf maf-anr heulof-aer aerkhof naeq-euq mae, “Nymq-mr pov-aq, nawmaf jan ma lor?

Yoˇhaˬ 19:27

Khoernar-aq, zaqlanr khoerghaq-anr aernaeq-eu, “Haeq, nawqma-anr hawsher-eq!” Khoerngae yamq-anr nae nar-aq, zaqlanr khoerghaq, Yeqsur-euq aqma-anr aqyawf-euq irkanr-anr sheuqkhof ghae-awr bijawr-euq mae.

Gʼaˬkʼehˇ 21:6

Khoernar-aq, tiqghaq tirghaq ghawqdawq ngaeq-awr, nga’maf lawq-anr dziqler-euq nar-aq, aqyawfmaf irkanr ghofler-euq mae.