Yoˇhaˬ 16:25 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²⁵ “Ngar garkawv heudeuq nawmaf-anr yawjeq majeq dawq-anr nae aernaeq-euq ma. Aerkhawf, ghawqmyanr maqghae-aer, Aqda-euq garkawv, yawjeq majeq dawq-anr nae maqngeur-eu, nawmaf-anr byacaevni ja’naeq-eu aryamq keuvle luf-eu mae.

Akha

²⁵ “Ngaˇ yaw jeˬ ma jeˬ ja ja-ehˇ, gaˇ kawˆ heu deuˬ naw maꞈ-ahˇ mehˬ nehˬ-euˬ ma. Ehˇ kʼawꞈ, ngaˇ yaw jeˬ ma jeˬ maˬ paˇ ja ni, Aˬda gaˇ kawˆ naw maꞈ-ahˇ dawˇ coe ni ya ehˇ nehˬ-eu aˇ nah keuˆ le tehꞈ-a.

Yoˇhaˬ 16:25 Referans Kwoze

Yoˇhaˬ 16:12

“Ngar, nawmaf-anr aernaeq paq-aer ghae-eu ghawqmya jeq jav-eu le siq. Aerkhawf, nymq-mr nawmaf maq ghovtaq jircoer-a.

Yoˇhaˬ 10:6

Yeqsur yawjeq majeq dawq heudawq nae maeqnaeq-euq khawf, aqyawfmaf, Yeqsur nae aqyawf maf-anr maeqnaeq-euq garkawv khoerdeuq-anr maq ghovshaw nya-a.

Maˬkuˆ 4:13

Yeqsur, aqyawf maf-anr heulof-aer aernaeq-euq mae: “Nawmaf yawjeq majeq dawq heudawq-anr maq ghovshawnya nya lor? Tox-aer mar-iq, yawjeq majeq dawq nuideuq dawqtawv luf-anr aqjox-aer ghovshawnya nmr-mq?

Jaceuq 78:2

Ngar, ngaq-euq khaqmae mrnga-awr dawqdaq zmq ma. Ngar, arhuba-euq zaftaq-euq dawq ngaeq ma.

Jaceuq 49:4

Ngaq-euq naqbawr ciqkhmr-awr dawqdaq-anr narhaq-awr, Ngar, deur-mq diq-awr zaftaq-euq dawqtsuif yurdovlaf ma.

2 Gawˇliˬtu 4:2

Aerkhawf, nga’maf shafdawrlar paq-aer ghae-eu zaftaq-euq jeq byaerdzae jir-awr, jaqmyawf-euq lafkhoer maqdaef-aer, maershuir maqanrni, Miqyaer-euq dawq khawqluf-eu ma. Khoermirnae, Miqyaer-euq maeqshi, tsawrhaq dawqtawv luf-euq zaqsiq nuisiq-anr tsaqni, yawtsaq yawdawr-aq, nga’maf-anr byacaevni ciqpoeq luf-eu mae.

Yoˇhaˬ 16:2

Aqcawq, nawmaf-anr zanrdawq khawqnymr-anr nae taedov naeqlaf taef-a. Khoeruqtaf, nawmaf-anr saef-eu aqsur ghaq maqkaq, aqyawf, Miqyaer-euq gar mr-eu ma laer noeq-eu aryamq keuvle luf-eu mae.

Dawqdaq 1:6

Dawqdaq hawr-eu sheucaev-eu dawq bi ghovshaw nya-awr, Tsawrganr anr-eu tsawrhaq-euq dawqdzawr hawr-eu tsaqdzov dzov-eu dawq-anr bi ghovshaw nya-eu gharduq mae.

Maˬkuˆ 4:34

Yawjeq majeq dawq-anr nae maqngeur nar-aq, Yeqsur, aqyawf maf-anr maq maeqnaeq-aq. Aerkhawf, aqyawf-euq zaqlanr deuq taef-aer jawr ngae, garkawv khoerdeuq dawqtawvluf, aqyawf maf-anr ja’maeq naeq-euq mae.

Maˬkuˆ 8:32

Yeqsur garkawv heudeuq byacaevni ngaeq-eu mirnae, Beqtuvluv, aqyawf-anr gardzer paw sheuqghawq-awr, danqbae-awr nae daeq-euq mae.

Yoˇhaˬ 10:24

Khoerngae, Yurdav tsawrhaq, aqyawf-euq tiqjawq uiqlar-awr aqyawf-anr aernaeq-eu, “Nawr, nga’maf-anr yawduq maqbaw-aer aqmyan keuvni bidawq-eu laer ghae-eu le? Nawr, Kali ngeur nar-aq, nga’maf-anr dawrcoeni aernaeq laf-awq.”

Yoˇhaˬ 16:32

Nawmaf caevbyav jir-awr, yawqha-euq jawrduq-anr caevghof jir-awr, ngaq-anr taef-aer byaerdzae yaf-eu aryamq keuvle luf-eu mae. Nymq-mr nae keuvle-euq mae. Aerkhawf, ngar-aq, ngar tiq ghaq taef-aer jawr-eu maqngeur, Aqda, ngaq naeq-aer jawrluf-eu mae.