Yoˇhaˬ 16:23 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²³ “Khoerngae nan keuvlar nar-aq, nawmaf, ngaq-anr tiqjeq-iq maqpar shar-ar. Ngar, nawmaf-anr aqdirma-aer aernaeq nyar, ngaq-euq tsawrmyanr-anr ghoe-awr, nawmaf, Aqda-anr kharshar-eu jeq aqyawf, nawmaf-anr bifnaeqlaf taef-a.

Akha

²³ “Aˇ nah kʼoeˇ nah keuˆ le ngeh, naw maꞈ ngaˬ-ahˇ tiˬ jeˬ-iˬ maˬ paˇ shaˇ-aˇ. Ngaˇ naw maꞈ-ahˇ maˇ jawˆ ni ehˇ nehˬ nyaˇ. Ngaˬ-euˬ tsawˇ myahˇ laꞈ kʼoeˇ naw maꞈ kʼaˇ shaˇ-eu jeˬ-ahˇ, Aˬda biꞈ nehˬ laꞈ tehꞈ-a.

Yoˇhaˬ 16:23 Referans Kwoze

Yoˇhaˬ 15:7

Nawmaf, ngaq-euq lafkhoer jawr-awr, ngaq-euq dawq khawf nawmaf-euq lafkhoer anr-eu nar-aq, nawmaf geufmawf-eu lof-aer shar-awq, nawmaf-euq gharduq bi pyeuflar taef-a.

Maꞈtehˬ 21:22

Nawmaf guiqlanqshar ngae, jan-eu nuima anr nar-aq, kharshar-eu dawqtawvluf za taef-a.”

Maꞈtehˬ 7:7

“Shar-awq, shar nar-aq za taef-a. Pov-awq, pov nar-aq mawrle taef-a. Khov-awq, khov nar-aq nawmaf-anr pannaeqlaf taef-a.

Yoˇhaˬ 16:26

Khoerngae nan, nawmaf, ngaq-euq tsawrmyanr-anr ghoe-awr shar taef-a. Ngar, nawmaf-euq gharduq Aqda-anr shar ma laer ngar, nawmaf-anr aer-eu maqngeur.

Yoˇhaˬ 14:20

Khoerngae nan keuvle nar-aq, ngar, Aqda-euq lafkhoer jawr-awr, nawmaf, ngaq-euq lafkhoer jawr-awr, ngar khawf nawmaf-euq lafkhoer jawr-eu gar nawmaf yasiq taef-a.

Eˇpeˇsu 2:18

Aqjeq mirnae aernar-aq, Kali-euq baqda’nae aqdui tsawrjeuq nyiq jeuqluf, muiq-eu Saflar, aqyawf tiqghaq-anr ghoe-awr, Aqda jawr-eu gar urlernya lar-euq ma.

1 Yoˇhaˬ 2:1

Ngar gaq-eu zaqdeuq-or! Nawmaf iqbax maqya mrni, garkawv heudeuq ngar, nawmaf-anr bofnaeq-eu ma. Aerkhawf, tiqghaqnav iqbax mr-euq law nar-aq, aqdui-euq danzar tanqshar-eu tsaq-awr dawr-eu tiq ghaq Aqda Miqyaer jawr-eu gar jawrluf-eu ma. Aqyawf-aq, Yeqsur Kali mae.

Yoˇhaˬ 14:5

Tormav, aqyawf-anr aernaeq-eu, “Sanqpaq-or! Nawr aqgeugar leluf-eu la laer nga’maf maq siqnya nya. Nga’maf, garma khoerkanr-anr aqjox-aer siqnya nmr-mq?”

Yoˇhaˬ 16:19

Khoerngae, aqyawfmaf, aqyawf-anr narhaq mawf-eu nga laer Yeqsur siqnya-awr heulof-aer aernaeq-euq mae, “ ‘Tiqkhaeq ghae nar-aq, nawmaf, ngaq-anr maqpar ya’mawr-ar. Tiqkhaeq parghae nar-aq, nawmaf, ngaq-anr ya’mawr taef-a’ laer ngar aer-eu mirnae, nawmaf tiqghaq tirghaq narhaq luf-eu le lor?

Yoˇhaˬ 16:30

Tiqghaq-iq nawq-anr tiqjeq-iq narhaq-eu laer maqya ghaeni, nawr yawqjeq navluf-anr siqnya nga laer nymq-mr nga’maf siqduq-euq ma. Khoermirnae, nawr, Miqyaer jawr-eu gar nae oe-euq ngar-a laer nga’maf jan ma.”

Yoˇhaˬ 14:22

Yurdav laer kur-eu (Yurdav Irsaqgaqliqoq maqngeur-eu) ghaq narhaq-eu, “Sanqpaq-or! Nawq-euq mawrdo, nga’maf-anr byacaevni bimawr-eu gar nae, aqjeq mirnae mirtsaqzaq-anr maqbi mawr-eu le?”