Yoˇhaˬ 16:22 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²² Khoerlof-aer durni, nymq-mr nawmaf noeqshaq luf-eu ngar-a. Aerkhawf, ngar, nawmaf-anr parya mawr ngae, nawmaf-euq nuima laqkhaq caerlar taef-a. Nawmaf laqkhaq caer-eu gar, laqkhaq maqbi caerni tiqghaq-iq maq yurgeuf nya-ar.

Akha

²² Naw maꞈ kʼawꞈ, kʼoeˇ gaˇ duˇ-eu meh. Nymˬ-mˇ naw maꞈ ya noeˬ shaˬ-eu meh. Ehˇ kʼawꞈ, naw maꞈ-ahˇ ngaˇ paˇ haw mawˇ le ngeh, naw maꞈ laˬ kʼaˬ cehˇ dui dui tehꞈ-a. Kʼoeˇ ngeh jawˇ, naw maꞈ laˬ kʼaˬ cehˇ-eu jeˬ-ahˇ tiˬ gʼaˬ-iˬ maˬ paˇ lu doˆ geuꞈ gʼeh nya-aˇ.

Yoˇhaˬ 16:22 Referans Kwoze

1 Beˬtuˆluˆ 1:8

Nawmaf, aqyawf-anr maq mawrhaw-euq khawf, aqyawf-anr gaqluf-eu mae. Nymq-mr nawmaf, aqyawf-anr maqya mawr khawf, aqyawf-anr jan-eu mirnae, yawshaef khanqsaer byan-awr, maq aernya paq-aer laqkhaq caer-eu jeq-euq lafkhoer, nawmaf laqkhaqcaer luf-eu mae.

Gʼaˬkʼehˇ 13:52

Khoerngae, zaqlanr deuq laqkhaq caer-eu jeq hawr-eu Yawshawr Saflar tiqbyanni byanluf-eu mae.

Yoˇhaˬ 16:6

Aerkhawf, garkawv heudeuq ngar, nawmaf-anr aernaeq-euq mirnae, nawmaf-euq nuima-euq lafkhoer noeqshaq-eu jeq byan-eu mae.

2 Teˇsaˬloˇni 2:16

Aqdui-euq Sanqpaq Yeqsur Kali hawr-eu aqdui-euq Aqda Miqyaer, aqdui-anr gaq-awr, aqyawf-euq guiqlanq yawdzanr baqda’nae, li-eu maqbaw-eu nuima sar-eu jeq hawr-eu muiq-eu noeqtmq-eu jeq aqdui-anr bifnaeq laf-awr,

Gʼaˬkʼehˇ 16:25

Aerkhawf, saerghanr caelar ngae, Pawrluv hawr-eu Siqlav guiqlanq shar-awr, Miqyaer-anr jaceuq-eu cardawq carcar-aer jaceuq luf-eu mae. Kuv-anr ur-eu deuq khawf narhaq luf-eu mae.

Jaceuq 146:2

Ngar yawdaef daefluf ngae, Ya’we Miqyaer-anr jaceuq ma; Ngar yawdaef khardaef-eu khoerkeuvni, Car-awr ngaq-euq Miqyaer-anr jaceuq ma.

Gʼaˬkʼehˇ 2:46

Aqyawfmaf nan-anr nae nuima gm-awr, uqduq tanqnymr nymrma-anr davler-eu uqtaf, kaqmur ngawqpyaeq-awr, laqkhaq tiqcaer nuima jerloni, tiqnymr sair tiqnymr dzaqtaf dawrtaf-eu mae.

HeˬByehˇ 10:34

Aqjeq mirnae aernar-aq, shmrcav nae bi paftaq-euq ngaq-anr khawf, nawmaf ghawqshaq gaq-awr, aqcawq, nawmaf-euq myawqdeuq-anr khaeqgeuf khavgeuf-euq khawf, nawmaf laqkhaq caertavni daq-awr hageuf coer-eu mae. Aqjeq mirnae aernar-aq, heunav maqtser muiqdzaeq zifdzaeq-eu jeqbir nawmaf-euq gharduq jav-eu mae laer nawmaf siqnya-eu mae.

HeˬByehˇ 6:18

Khoer-aq, maq parlar nya-eu nyiq jeq-euq garkawv mae. Miqyaer-aq, jaqmyawf maq myawfnya-a laer aqdui nuima bi sarni kamq-eu jeq khoer-anr ghoe-awr nae, aqdui-euq maeqhu paw jav-eu noeqtmq-eu jeq-anr zifdanni nyaeftaeq taq-awq laer, caevzafduq-anr caevur taq-euq aqdui-anr ghaq yawkhav-aer bifnaeqlaf luf-eu mae.

Gʼaˬkʼehˇ 5:41

Miqyaer, aqyawf maf-anr Yeqsur-euq tsawrmyanr baqda’nae shafdawr-eu jeq-anr daq-eu geux-eu tsawrhaq laer sawxnaeq-euq mirnae, ghaqkhaer deuq, khavma armur-euq maeqshi nae laqkhaq caertavni dov-ir-euq mae.

Yoˇhaˬ 21:7

Khoerngae, Yeqsur zawr gaq-eu zaqlanr khoerghaq, Beqtuvluv-anr, “Sanqpaq Yeqsur nga” laer aernaeq-euq mae. Sirmoq Beqtuvluv, Sanqpaq Yeqsur nga laer aer-eu gar yagaq ngae, maeqtsoeq maq dmluf-eu mirnae, paerkhanq paermanr tiq kanr lanrcuf-awr, lan-anr tsawqpuf ghae-euq mae.

Yoˇhaˬ 14:27

“Ngar, nawmaf-anr nuisar of-eu jeq bifyaf ma. Ngar, nawmaf-anr bif-eu ngaq-euq nuisar of-eu jeq heu-aq, mirtsaqzaq bif-eu lof-aer bif-eu maqngeur. Nawmaf-euq nuima maqsar-aer taqghae, guv khawf taqguv.

Yoˇhaˬ 14:1

“Nawmaf-euq nuima maqsar-aer taqghae. Nawmaf, Miqyaer-anr jan-awr, ngaq-anr khawf jan-awq.

Yoˇhaˬ 4:14

Aerkhawf, ngar bidawr-eu ircuf khardawr-euq tsawrhaq-aq, tiqjawr-iq maqpar maeflar-ar. Ngar bidawr-eu ircuf khoer, tsawrhaq khoerghaq-euq lafkhoer ircuf irbyoe pyeuf-awr, mqmaq maqbyav yarzir daef-eu jeq za-eu gar keuvni tanqdavlaf taef-a.”

Luˇkaꞈ 24:41

Aqyawfmaf laqkhaq caer-awr zanqler taq-euq baqda’nae, maq janni jawrluf ngae, Yeqsur, aqyawf maf-anr aernaeq-eu, “Nawmaf, heugar dzaq-eu jeq tiqjeqpaq maqjav laq?”

Luˇkaꞈ 16:25

Aqbyaqhaq heulof-aer aernaeq-euq mae, ‘Aqli-or! Nawr yawdaefdaef ngae, yawmuiq bymr yatawv-awr, Laqzaqlur-aq, yawdoer jeq za-euq gar taqngaer de-eq. Nymq-mr aqyawf heugar nuisar of-eu lafkhoer yajawr-awr, nawr-aq, shaqdui zanq duidui-eu gar ya daqluf-eu mae.

Luˇkaꞈ 10:42

Aerkhawf, mawf-eu-aq tiqjeq jav-eu taef mae. Maqliv-aq, aqcawq maq ludov nya-eu muiqdzaeq-eu khoerjeq-anr tsergeuf-euq mae.”

Maꞈtehˬ 28:8

Khoerngae, aqyawfnyaf guv khawf guv, laqkhaq khawf caer duidui-eu lafkhoer, aqyawf-euq zaqlanr deuq-anr dzawrnaeq ler-eu laer lmqbymr-anr nae yawkawr-aer caevghof lef-euq mae.

Yoˇhaˬ 16:20

Ngar, nawmaf-anr aqdirma-aer aernaeq nyar, nawmaf yawkhav-aer ngoer-awr, tsawrngoer ya’ngoer taef-a. Aerkhawf, mirtsaqzaq laqkhaqcaer taef-a. Nawmaf ya noeqshaq-eu khawf, nawmaf noeqshaq-eu khoer laqkhaq caer-eu jeq pyeuflar taef-a.

Luˇkaꞈ 19:26

“ ‘Aqjeq mirnae aernar-aq, ngar, nawmaf-anr aernaeq nyar, jav-eu tsawrhaq yawqghaq navluf-anr par biflanq naeq-awr, maqjav-eu tsawrhaq-anr-aq, aqyawf kharjav-eu jeq khawf yabi yurdovjir taef-a.

Yoˇhaˬ 16:16

“Tiqkhaeq ghae nar-aq, ngar, Aqda jawr-eu gar ghofler-eu mirnae, nawmaf, ngaq-anr maqpar ya’mawr-ar. Aerkhawf, tiqkhaeq parghae nar-aq, nawmaf, ngaq-anr ya’mawr taef-a.”

Jaceuq 33:21

Aqdui, aqyawf-euq shawr-eu tsawrmyanr-anr ghoe-euq mirnae, Aqdui-euq nuima, aqyawf-euq lafkhoer laqkhaq yacaer taef-a.

Yoˇhaˬ 14:19

Tiqkhaeq ghae nar-aq, mirtsaqzaq, ngaq-anr maqpar ya’mawr-ar. Aerkhawf, nawmaf, ngaq-anr ya’mawr taef-a. Aqjeq mirnae aernar-aq, ngar daefluf-eu mirnae, nawmaf khawf yadaef taef-a.

2 Gawˇliˬtu 6:10

Noeqshaq-eu gar dur-eu khawf, aqmyanluf laqkhaqcaer luf-eu ma. Irshaq shaq-eu tsawrhaq-anr dur-eu khawf, tsawrhaq ghawqmya ni-anr smrmuiq bi muiqlar-eu ma. Tiqjeq-iq maqjav-eu gar dur-eu khawf, yawqjeq navluf jav-eu tsawrhaq ma.