Yoˇhaˬ 16:16 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁶ “Tiqkhaeq ghae nar-aq, ngar, Aqda jawr-eu gar ghofler-eu mirnae, nawmaf, ngaq-anr maqpar ya’mawr-ar. Aerkhawf, tiqkhaeq parghae nar-aq, nawmaf, ngaq-anr ya’mawr taef-a.”

Akha

¹⁶ “Tiˬ kʼehˬ gʼeh naˇ, naw maꞈ ngaˬ-ahˇ maˬ paˇ ya mawˇ-aˇ. Tiˬ kʼehˬ paˇ gʼeh naˇ, naw maꞈ ngaˬ-ahˇ paˇ ya mawˇ tehꞈ-a.”

Yoˇhaˬ 16:16 Referans Kwoze

Yoˇhaˬ 7:33

Khoerngae, Yeqsur, aqyawf maf-anr aernaeq-eu, “Ngar, nawmaf naeq-aer tiqkhaeq jawr nar-aq, ngaq-anr khaerghae lef-euq ghaq jawr-eu gar ghofler ma.

Gʼaˬkʼehˇ 1:3

Aqyawf shaqzanq daqghaq-euq nar-aq, yawduq baw-eu sarkir ghawqmya jeq nae aqyawf daefluf-eu ma laer, ghaqkhaer deuq-anr bimawr-euq mae. Oeqtser nan-euq lafkhoer aqyawf-euq mawrdo aqyawf maf-anr bimawr-awr, Miqyaer uvlanr-eu garkawv ja’maeq naeq-euq mae.

Yoˇhaˬ 16:28

Ngar, Aqda jawr-eu gar nae oe-awr, mirtsaq-anr oeka-euq ma. Ngar, mirtsaq-anr nae dov-ir-awr, Aqda jawr-eu gar par ghofler ma.”

Yoˇhaˬ 16:22

Khoerlof-aer durni, nymq-mr nawmaf noeqshaq luf-eu ngar-a. Aerkhawf, ngar, nawmaf-anr parya mawr ngae, nawmaf-euq nuima laqkhaq caerlar taef-a. Nawmaf laqkhaq caer-eu gar, laqkhaq maqbi caerni tiqghaq-iq maq yurgeuf nya-ar.

HeˬByehˇ 12:2

Caevghaeluf ngae, Yeqsur-anr hawtsov taq-awq. Aqyawf-aq, aqdui jan-eu jeq-euq ardanq bae-euq ghaq hawr-eu arsaq saq-eu ghaq pyeuf-eu mae. Aqyawf-euq maeqshi javluf-eu laqkhaq caer-eu jeq-euq baqda’nae, daqga-eu jeq-anr maq sharnoeqni lafyaq-anr daq-euq mae. Nymq-mr aqyawf, Miqyaer-euq nuirmanq armar paw nuirluf-eu mae.

Yoˇhaˬ 13:3

Aqda Miqyaer nae aqyawf-euq aqlaf-euq lafkhoer yawqjeq navluf a’naeq jir-awr, aqyawf, Miqyaer jawr-eu gar nae oe-awr, Miqyaer jawr-eu gar ya ghofler-eu mae laer Yeqsur siqnya luf-eu mae.

Yoˇhaˬ 16:5

“Nymq-mr ngar, ngaq-anr khaerghae lef-euq ghaq jawr-eu gar ghofler ma. Aerkhawf, ‘Nawr aqgeugar ir-eu le?’ laer nawmaf tiqghaq-iq ngaq-anr maq narhaq lar-a.

Yoˇhaˬ 13:33

Ngar gaq-euq zaqdeuq-or! Ngar, nawmaf naeq-aer ghawqmyanrni maqpar yajawr-eu mae. Nawmaf, ngaq-anr pov taef-a. Aerkhawf, ‘Ngar ir-eu gar nawmaf maq oenya-a’ laer ngar, Yurdav tsawrhaq-anr aernaeq-euq lof-aer, nymq-mr ngar, nawmaf-anr khawf aernaeq-eu ma.

Yoˇhaˬ 12:35

Yeqsur, aqyawf maf-anr heulof-aer aernaeq-euq mae, “Nawmaf jawr-eu gar yawshaef tiqkhaeq bya-a siq. Yawzanr nawmaf-anr maqbi taemini, yawshaef bya ngae can-awq. Yawzanr-euq lafkhoer can-eu tsawrhaq-aq, aqyawf aqgeugar irluf-eu le laer maq siqnya-a.

Maˬkuˆ 16:19

Sanqpaq Yeqsur, aqyawf maf-anr dawq khoerlof-aer ngaeqnaeq ghaq-euq nar-aq, mq-euq khoertav bi sheuqkhofdav lef-awr, Miqyaer-euq armar paw nuir-euq mae.

Yoˇhaˬ 17:13

“Aerkhawf, nymq-mr ngar, nawr jawr-eu gar ghoflar ma. Ngaq-euq laqkhaq caer-eu jeq aqyawf maf-euq lafkhoer byanlarni, mirtsaq-euq khoertav jawr ngae, ngar dawq heudeuq aernaeq-euq ma.

Yoˇhaˬ 17:5

Aqda-or! Mirtsaq maqbae-euq minav-aer, ngar, nawq naeq-aer jawr ngae jav-euq yawshaef khanqsaer khoer, nymq-mr nawq naeq-aer tiqkawv lof-aer yawshaef khanqsaer biza naeqlaf-awq.

Yoˇhaˬ 16:10

Tsaq-awr dawr-eu-aq, ngar, ngaqDa jawr-eu gar ghofler-awr, nawmaf, ngaq-anr maqpar ya’mawr-eu mirnae mae.