Yoˇhaˬ 16:13 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹³ Aerkhawf, yawtsaq yawdawr-euq Saflar oekeuv ngae, nawmaf yawtsaq yawdawr dawqtawv luf-anr siqnya larni aqyawf sheuqmaeq naeqlaf taef-a. Aqjeq mirnae aernar-aq, aqyawf-aq, aqyawf-euq aryaq zmq-awr maqngaeq-a. Aerkhawf, aqyawf nae kharya gaq-euq jeq aqyawf ngaeq-awr, aqkar pyeuflar-eu garkawv deuq khawf, aqyawf, nawmaf-anr aernaeqlaf taef-a.

Akha

¹³ Ehˇ kʼawꞈ, Miˬyehˇ gaˇ kawˆ yaw tsaˬ yaw dawˇ jeˬ pah mehˬ le-eu gʼaˬ pyeuꞈ-eu Yaw sahˇ Miˬyehˇ oe ngeh, yaw tsaˬ yaw dawˇ dawˬ tawˆ luꞈ-ahˇ naw maꞈ siˬ nya laˇ ni aˬ yawꞈ sheuˬ mehˬ laꞈ tehꞈ-a. Aˬ jeˬ miˇ neh ehˇ aˇ, aˬ yawꞈ-euˬ nui noeˬ nui loˆ maˬ ngehˬ maˬ tmˇ-ehˇ, Aˬda neh kʼaˇ ehˇ nehˬ-euˬ jeˬ naw maꞈ-ahˇ dzawˇ nehˬ-awˇ, mehˬ hu paw pyeuꞈ laˇ-eu lehˇ gʼeh-eu gaˇ kawˆ deuˬ ehˇ mehˬ laꞈ tehꞈ-a.

Yoˇhaˬ 16:13 Referans Kwoze

Yoˇhaˬ 14:26

Ngaq-euq tsawrmyanr-euq uqmov nae, Aqda, Cawba-eu ghaq pyeuf-eu Yawshawr Saflar-anr bi’oe ngae, aqyawf, nawmaf-anr yawqjeq navluf maeqnaeq laf-awr, ngaq nae nawmaf-anr aernaeq taqyaf-euq dawq khoer dawqtawvluf, aqyawf, nawmaf-anr bi noeqdovlar taef-a.

Yoˇhaˬ 14:17

Aqyawf-aq, yawtsaq yawdawr-euq Saflar mae. Mirtsaqzaq, aqyawf-anr maq siqnya-aer maq mawrnya-eu mirnae, aqyawf-anr maq hageuf nya-a. Aerkhawf, nawmaf, aqyawf-anr siqnya-eu mae. Aqjeq mirnae aernar-aq, aqyawf, nawmaf naeq-aer jawrluf-awr, nawmaf-euq lafkhoer jawr taef-a.

Yoˇhaˬ 15:26

“Aqda jawr-eu gar nae oe-eu Cawba-eu ghaq-anr ngar, nawmaf jawr-eu gar bi’oe ma. Aqyawf-aq, Aqda-anr nae dovle-awr yawtsaq yawdawr-euq Saflar mae. Aqyawf oekeuv ngae, ngaq-euq garkawv sarkirkamq taef-a.

1 Yoˇhaˬ 2:27

Nawmaf, Kali nae tsaqtsov-euq jeq za-awr, tsaqtsov-euq jeq khoer aqmyanluf nawmaf-euq lafkhoer javluf-eu mirnae, tsawrhaqzaq tiqghaq-iq nawmaf-anr maeqnaeq tsovnaeq-eu laer maqya ghae-ar. Aqjeq mirnae aernar-aq, tsaqtsov-euq jeq khoer, nawmaf-anr taf-eu yawqjeq navluf maeqnaeq tsovnaeqlaf taef-a. Tsaqtsov-euq jeq khoer-aq, jaqmyawf maqngeur-a, tsaq-awr dawr-eu mae. Khoermirnae, tsaqtsov-euq jeq nawmaf-anr maeqnaeq tsovnaeq laf-eu lof-aer aqyawf-euq lafkhoer jawr-awq.

1 Yoˇhaˬ 2:20

Yawshawr ghaq, nawmaf-anr tsaqtsov-euq mirnae, nawmaf yawqjeq navluf-anr siqnya mae.

Yoˇhaˬ 12:49

Aqjeq mirnae aernar-aq, ngar, ngaq-euq aryaq nae tiqjeq-iq maqngaeq-aq. Ngaq-anr khaerghae lef-euq Aqda-aq, ngar aqjeq ya’ngaeq-awr ngar aqjeq yatmr-eu la laer aqyawf, ngaq-anr dawq biflaf-euq mae.

1 Yoˇhaˬ 4:6

Aqdui-aq, Miqyaer-anr taf-eu tsawrhaq ma. Miqyaer-anr siqnya-eu tsawrhaq-aq, nga’maf-euq dawq narhaq-eu mae. Miqyaer-anr maqtaf-eu tsawrhaq-aq, nga’maf-euq dawq maq narhaq-a. Khoermirnae, yawtsaq yawdawr jeq-anr taf-eu Muiq-eu Saflar hawr-eu yawbanq yawlaeq jeq-anr taf-eu saflar-anr aqdui siqnya-eu ma.

Yoˇhaˬ 14:6

Yeqsur, aqyawf-anr heulof-aer aernaeq-euq mae, “Ngar-aq, garma ma, yawtsaq yawdawr jeq hawr-eu daef-eu jeq khawf ngeur ma. Ngaq-anr maqghoe nar-aq, tsawrhaq tiqghaq-iq Aqda jawr-eu gar maq lekeuv nya-a.

Panmaeq 1:19

Khoermirnae, nawq nae kharya mawr-euq deuq, nymq-mr pyeufluf-eu deuq hawr-eu aqkar pyeuflar-eu laer ghae-eu deuq boftaq-awq.

Yoˇhaˬ 8:38

Ngar-aq, ngaqDa naeq-aer jawr ngae mawr-euq deuq ja’naeq-eu ma. Nawmaf khawf, nawmaf-euq aqda naeq-aer jawr ngae ya’mawr-euq jeq mr-eu ngar-a.”

2 Teˇsaˬloˇni 2:3

Tiqghaq-iq nawmaf-anr tiqjeq ghaenae-iq maqbi shuirtawvni yanr-awq. Aqjeq mirnae aernar-aq, arnan khoernan maq lavsav ghaq-euq minav-aer, yawbae jeq-aq, tsawrhaq ghawqmya’ni Miqyaer-anr byaer taef-a. Khoernar-aq, iqbax-euq yawsanr ghaq bi dovlar taef-a. Aqyawf-aq, lavcawv-eu ghaq-euq zaq mae.

Panmaeq 1:1

Yeqsur Kali nae panmaeq naeqlaf-euq, ghawqmyanr maqghae-aer pyeuflar-eu laer ghae-eu garkawv heudeuq-aq, aqyawf-euq ghaqzaq ghaqkhaer deuq-anr bimawr-eu laer Miqyaer nae aqyawf-anr bif-awr, panmaeq naeq-euq mae. Aqyawf, mqtav ghaqkhaer-anr ghoe-awr garkawv heudeuq, aqyawf-euq ghaqzaq ghaqkhaer Yorhaq-anr bi siqnya-euq mae.

2 Teˇsaˬloˇni 2:12

yawtsaq yawdawr-anr maqjan-aer, maqtsaq maqdawr-eu jeq-anr nuikhanr shir-eu tsawrhaq dawqtawv luf-anr yarkhaqdar taef-a.

Gʼaˬkʼehˇ 27:24

aer-eu, ‘Pawrluv-or! Taqguv. Nawr, Gaersaq-euq maeqshi yayawf taef-a. Nawq naeq-aer lawq-anr dziqluf-eu tsawrhaq yawqghaq navluf khawf, Miqyaer, nawq-anr taqnaeq jir-euq mae.’

Gʼaˬkʼehˇ 20:23

Aerkhawf, ngar khar irkeuv-euq meuq-euq lafkhoer, shmrcav hawr-eu shaqzanq, ngaq-anr dawqluf-eu mae laer Yawshawr Saflar, ngaq-anr byacaevni aernaeq laf-euq mae.

Yoˇhaˬ 3:32

Aqyawf nae yagaq ya’mawr-euq deuq aqyawf sarkir kamq-eu mae. Aerkhawf, aqyawf nae sarkir kamq-euq gar tiqghaq-iq maq hageuf-a.

Gʼaˬkʼehˇ 11:28

Aqyawf maf-euq lafkhoer, Aqgaqbar laer kur-eu tiq ghaq turlar-awr, muiq-eu Saflar sheuqghae-eu lafkhoer, mirtsaq doeni maefdui shuf duidui-eu jeq keuvle taef-a laer bimawr-euq mae. Maef-awr shuf-eu khoer-aq, sanqpaq Gaersaq Gaqlawrdir dzoeqdzaq mrluf ngae keuvle-euq mae.

Yoˇhaˬ 16:12

“Ngar, nawmaf-anr aernaeq paq-aer ghae-eu ghawqmya jeq jav-eu le siq. Aerkhawf, nymq-mr nawmaf maq ghovtaq jircoer-a.

HeˬByehˇ 1:1

Arhuba, Miqyaer, aqyawf-euq gharduq ngaeqdan-eu deuq-anr ghoe-awr, aqdui-euq aqpoeq deuq-anr ghawqmya dzerdzaq-anr nae, ghawqmya pov dawq ngaeqcawq-euq mae.

1 Yoˇhaˬ 5:6

Heughaq-aq, ircuf hawr-eu shiq-anr nae oe-euq Yeqsur Kali mae. Ircuf-anr nae oe-euq taef maqngeur-a. Ircuf hawr-eu shiq-anr nae oe-euq mae. Muiq-eu Saflar-aq, yawtsaq yawdawr mirnae, Muiq-eu Saflar sarkir kamq-eu mae.