Yoˇhaˬ 16:11 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹¹ Yarkhaq dar-eu-aq, mirtsaq heu-anr uvlanr-eu ghaq-aq, yarkhaq bi dartsaev ghaq-euq mirnae mae.

Akha

¹¹ Yaˇ kʼaˬ daˇ-eu gaˇ kawˆ aˬ yawꞈ maꞈ jah lehˬ-euˬ meh. Aˬ jeˬ miˇ neh ehˇ naˇ, miˇ tsaˬ-ahˇ uˆ lahˇ-eu gʼaˬ yaˇ kʼaˬ daˇ-eu jeˬ-ahˇ ya daˬ gʼaˬ-euˬ meh.

Yoˇhaˬ 16:11 Referans Kwoze

Yoˇhaˬ 12:31

Nymq-mr mirtsaq heu-anr yarkhaq dar-eu aryamq tsaqlar-euq mae. Nymq-mr mirtsaq heu-anr uvlanr luf-eu ghaq yabi taedov taef-a.

1 Yoˇhaˬ 3:8

Iqbax mr-eu tsawrhaq-aq, naef sanqpaq-anr taf-eu tsawrhaq mae. Aqjeq mirnae aernar-aq, naef sanqpaq-aq, yawbae ngae nae iqbax mrluf-eu mae. Khoermirnae, Miqyaer-euq Zaqyo, naef sanqpaq mrluf-eu gardeuq-anr lavcawv-eu laer oe-euq mae.

HeˬByehˇ 2:14

Zaq khoerdeuq shiq hawr-eu shaqjir piluf-eu lof-aer, aqyawf khawf aqyawfmaf lof-aer durni daefle-euq mae. Aqyawf shir-awr, shir-eu jeq-anr uvlanr-eu naef sanqpaq-euq baoq-anr lavcawv le-euq mae.

Gawˇlawˇsehˇ 2:15

Aqyawf heu-euq lafkhoer, mqsanr hawr-eu aryaq deuq-anr ghaqler-awr, aqyawfmaf shafdawr paq-aer aqcawq-euq maeqshi byacaevni janrnaeq-euq mae.

2 Gawˇliˬtu 4:4

Maqjan-eu tsawrhaq-anr Miqyaer-euq shaevdzeuf pyeuf-eu Kali-euq yawshaef khanqsaer byadov lef-eu guiqlanqdawq, maqbi bya’naeq-eu gharduq, heuzir-euq miqyaer, aqyawf maf-euq nuima-euq myavnuiv bibaef-ir taq-euq mae.

Yoˇhaˬ 14:30

Aqkar nar-aq, ngar, nawmaf naeq-aer dawq ghawqmya’ni maqpar ngaeq ma. Aqjeq mirnae aernar-aq, mirtsaq heu-anr uvlanr luf-eu ghaq larluf-eu mae. Aqyawf, ngaq-euq khoertav baoq tiqpawf-iq maqjav-a.

Panmaeq 1:7

Hawde-eq. Aqyawf, mqdmr-euq lafkhoer zafkale taef-a. Myavnuiv yawqnuiv navluf, aqyawf-anr ya’mawr-awr aqyawf-anr tsawv-euq tsawrhaq deuq khawf ya’mawr taef-a. Mirtsaq-euq khoertav jawr-eu tsawrjeuq tsawrca dawqtawvluf, aqyawf-euq baqda’nae tsawrngoer ya’ngoer taef-a. Heulof-aer pyeuflar taef-a. Aqmeq.

2 Beˬtuˆluˆ 3:7

Nymq-mr javluf-eu mq hawr-eu mir-anr khawf, Yaerdawq aqyawf tiqdawq nae jeqhmq taq-euq mae. Heu-aq, Miqyaer-anr yawzeu maqbaw-eu tsawrhaq-anr yarkhaq dar-awr, lavcawv ngae nan keuvni miqdzaq-euq gharduq jeqhmq taq-euq mae.

HeˬByehˇ 9:27

Tsawrhaqzaq tiq pov yashir-eu mae laer aertsaev taq-euq mae. Shir-euq nar-aq, yarkhaq yabi dar-eu mae.

HeˬByehˇ 6:2

bartirsaq mrnaeq-eu dawqmaeq dawqtsov, aqlaf bafdav-eu garkawv, shir-euq gar nae ghofdaef lar-eu garkawv hawr-eu arsaq saq-eu maqbawni yarkhaq dar-eu jeq, heudeuq mae.

Eˇpeˇsu 2:2

Khoerngae, nawmaf-aq, mirtsaq heu-anr taf-eu canjeq cankawv-euq lafkhoer daef-awr, mq-anr aryaq jav-eu mqsanr-euq maeqnan can-euq mae. Nymq-mr uvlanr-eu saflar heu, maq narhaq geuf-eu tsawrhaq-euq lafkhoer gar mrluf-eu mae.

1 Gawˇliˬtu 4:5

Khoermirnae, aryamq maq keuvlar-euq minav-aer, Sanqpaq Miqyaer maqoe-euq nmrkaq, tiqjeq-anr-iq yarkhaq taqdar siq. Aqyawf oekeuv ngae, yawzanr-euq lafkhoer zaftaq-euq deuq yawbya-anr bi dovlar-awr, tsawrhaq-euq nuima khawf aqyawf panmawrnaeq taef-a. Khoerngae, Miqyaer, tsawrhaq yawqghaq navluf-anr geux-eu lof-aer jaceuqnaeq taef-a.

Gʼaˬkʼehˇ 10:42

Aqcawq-anr dawqmaeq maeq-awr, daefluf-eu tsawrhaq-anr khawf, shir-euq tsawrhaq-anr khawf, yarkhaq dar-eu ghaq geufni, Miqyaer, Yeqsur-anr tserdov taq-euq mae laer, sarkir bikamq-eu gharduq, aqyawf, nga’maf-anr dawq bifyaf-euq mae.

Luˇkaꞈ 10:18

Yeqsur, aqyawf maf-anr heulof-aer aernaeq-euq mae, “Ngar, naef Saqdaq mqmyawf myawf-eu lof-aer mq-anr nae gale-eu gar mawr-euq ma.

Maꞈtehˬ 12:36

Ngar, nawmaf-anr aernaeq nyar, tsawrhaq yawqghaq navluf yawqha nae gardanr maqtsoeq-eu dawq khar ngaeqtaq-euq lof-aer, yarkhaqdar ngae nan, yawqdawq navluf ya dzawrpov taef-a.

Maꞈtehˬ 12:18

“Ngaq nae tserdov taq-euq ghaqzaq ghaqkhaer-anr hawsher-eq. Ngaq-euq nuima saflar, aqyawf-anr gaq duidui-awr, aqyawf-anr nuikhanrshir nya. Ngar, ngaq-euq Saflar, aqyawf-anr bif ma. Aqyawf, aqcawq tsawrjeuq tsawrca-anr tsaq-awr dawr-eu garkawv ja’maeq taef-a.

Jaceuq 68:18

Nawr yawgor-anr davler ngae, bi kalanr taq-euq deuq-anr sheuqdav lef-euq mae; Nawr, tsawrhaqzaq-euq ghanrcae nae lafsawq za-awr, Puiq-eu deuq-euq lafkhoer nae khawf za-euq mae. Miqyaer pyeuf-eu Ya’we Miqyaer khoergar jawr taef-a.

Lormav 16:20

Ghawqmyanr maqghae-aer, nuisar bif-eu Miqyaer-aq, nawmaf-euq aqkuir paeqzar-euq uqmov, naef Saqdaq-anr nawqpyaev taef-a. Aqdui-euq Sanqpaq Yeqsur Kali-euq guiqlanq yawdzanr nawmaf-euq khoertav jav luf-ur.

Lormav 2:16

Ngar guiqlanqdawq maeq-eu lof-aer, Miqyaer, Yeqsur Kali-anr ghoe-awr tsawrhaqzaq nae zaftaq-euq jeq-anr yarkhaqdar ngae nan, heulof-aer pyeuflar taef-a.

Gʼaˬkʼehˇ 26:18

Aqyawf maf-euq myavnuiv pannaeq-awr, yawzanr-euq lafkhoer nae yawshaef jav-eu gar bilar-awr, naef Saqdaq-euq baoq-euq uqmov jawr-eu gar nae Miqyaer jawr-eu paw bi ghoflar-eu uqtaf, ngaq-anr jan-eu baqda’nae, Miqyaer, aqyawf maf-euq iqbax pyaeqnaeq-awr, muiqlar shawrlar-euq tsawrhaq naeq-aer jeqbir za’ni, ngar, nawq-anr aqyawfmaf jawr-eu gar bi’ir-eu ma.’ ”

Gʼaˬkʼehˇ 24:25

Khoernar-aq, Pawrluv tsaq-awr dawr-eu garkawv, yawqha-euq nuima-anr ghaqler-eu garkawv hawr-eu, aqkar keuvle-eu yarkhaq dar-eu garkawv ja’maeqnaeq ngae, Peqlir guvlar taq-awr aer-eu, “Nymq-mr pov-aq ghaq-ar. Nawr ghof-ir-awr, aqkar aryamq tsaq ngae, ngar, nawq-anr parkur ma.”

Yoˇhaˬ 16:12

“Ngar, nawmaf-anr aernaeq paq-aer ghae-eu ghawqmya jeq jav-eu le siq. Aerkhawf, nymq-mr nawmaf maq ghovtaq jircoer-a.