Yoˇhaˬ 16:10 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁰ Tsaq-awr dawr-eu-aq, ngar, ngaqDa jawr-eu gar ghofler-awr, nawmaf, ngaq-anr maqpar ya’mawr-eu mirnae mae.

Akha

¹⁰ Yaw tsaˬ yaw dawˇ jeˬ gaˇ kawˆ aˬ yawꞈ maꞈ jah lehˬ-euˬ meh. Aˬ jeˬ miˇ neh ehˇ naˇ, ngaˇ Aˬda jawˇ gaˇ gʼoꞈ leˇ-awˇ naw maꞈ ngaˬ-ahˇ tiˬ jawˇ-iˬ maˬ paˇ ya mawˇ meh.

Yoˇhaˬ 16:10 Referans Kwoze

1 Beˬtuˆluˆ 3:18

Aqjeq mirnae aernar-aq, Kali khawf iqbax-euq gharduq shaqzanq tiq pov daq-euq mae. Maqtsaq maqdawr-eu tsawrhaq-euq gharduq, tsaq-awr dawr-eu ghaq yadaq-euq mae. Aqyawf, aqdui-anr Miqyaer-euq maeqshi sheuqlef nya’ni, shiqshaq paw-aq, bi tafsaef-euq khawf, muiq-eu Saflar nae bi ghofdaef lar-euq mae.

2 Gawˇliˬtu 5:21

Kali-aq, iqbax tiqpawf-iq maqanr-eu khawf, aqdui-euq gharduq Miqyaer, aqyawf-anr iqbax bipyeuf-ir-euq mae. Khoermirnae, Kali-euq lafkhoer aqdui, Miqyaer-euq tsaq-awr dawr-eu tsawrhaq pyeuflar-euq ma.

1 Tiˆmoˇseˬ 3:16

Aqdui uqduq tanq-eu zanr-euq lafkhoer zaftaq-euq jeq arnavni huiq-eu la laer aqdui siqnya-eu ma: Miqyaer shiqshaq pi-awr daefle-euq gar bimawr naeqlaf-euq mae. Muiq-eu Saflar khawf aqyawf-aq, dawr-awr tsaq-eu mae laer sarkir kamq-eu mae. Mqtav ghaqkhaer, aqyawf-anr ya’mawr-euq mae. Aqyawf-euq garkawv aqcawq tsawrjeuq tsawrca-anr gaqdoe-ir-awr, Mirtsaqzaq, aqyawf-anr jan-eu mae. Aqyawf-aq, yawshaef khanqsaer-euq lafkhoer bi sheuqdav lef-euq mae.

1 Gawˇliˬtu 1:30

Aerkhawf, Miqyaer-euq baqda’nae nawmaf, Yeqsur Kali-euq lafkhoer ya jawrlar-euq mae. Kali-aq, aqdui-euq gharduq Miqyaer-euq zaqsiq tsawrganr, tsaq-awr dawr-eu jeq, lavshawr-eu jeq hawr-eu kakhof-eu jeq pyeuflar-euq mae.

Gʼaˬkʼehˇ 3:14

Nawmaf, Tsaq-awr dawr-eu Yawshawr ghaq-anr byaerdzae-awr, aqcawq-anr saef-eu tsawrhaq pyaeqnaeqlaf laer shar-euq mae.

Gaˬlaˬtiˆ 5:5

Jan-eu baqda’nae aqdui, muiq-eu Saflar-anr ghoeghoe-aer, noeqtmq luf-eu tsaq-awr dawr-eu jeq-anr nuima keuv-eu lafkhoer dawqluf-eu ma.

Lormav 1:17

Aqjeq mirnae aernar-aq, Miqyaer-euq tsaq-awr dawr-eu jeq-aq, jan-eu jeq-anr bae-awr jan-eu jeq-anr saqler-eu mae laer guiqlanq dawq-anr ghoe-awr, panmaeq naeqlaf-euq mae. Yaerbof-euq lafkhoer boftaq-euq lof-aer, “Tsaq-awr dawr-eu tsawrhaq-aq, jan-eu baqda’nae yadaef-eu mae.” (Hbk 2:4)

Gʼaˬkʼehˇ 17:31

Aqjeq mirnae aernar-aq, aqyawf nae aryaq biftaq-euq ghaq-anr ghoe-awr, mirtsaqzaq-anr tsaq-awr dawr-eu lafkhoer aqyawf yarkhaq dar-eu laer nanpax paxtaq-euq mae. Aqyawf-anr shir-euq gar nae bi ghofdaef lar-euq gar ghoe-awr, Miqyaer nae khoerghaq-anr aryaq biftaq-euq mae laer tsawrhaqzaq dawqtawv luf-anr yawduq baw-eu jeq bifnaeq-euq mae.”

Gʼaˬkʼehˇ 7:52

Nawmaf-euq aqpoeq deuq nae maqbi khaeq maqbi khav haw-euq Miqyaer gharduq ngaeqdan-eu tsawrhaq aqgeu ghaq jawr-eu la? Tsaq-awr dawr-eu ghaq oe taef-a laer ngaeqdan-euq deuq-anr khawf, aqyawfmaf saef-euq mae. Nymq-mr nawmaf khawf, Tsaq-awr dawr-eu khoerghaq, aqcawq-anr anqdzaq-awr bisaef-euq mae.

Gʼaˬkʼehˇ 2:32

Yeqsur heughaq-anr Miqyaer nae bi ghofdaef lar-euq mae. Nga’maf dawqtawvluf garkawv heu-euq gharduq sarkir kamq-eu tsawrhaq ma.

Yoˇhaˬ 5:32

Ngaq-euq garkawv sarkir kamq-eu tiq ghaq jawr-eu mae. Ngaq-euq garkawv aqyawf kamq-eu khoer-aq, byan mae laer ngar siqnya-eu ma.

Yoˇhaˬ 3:14

Morseq, bawrtsanq bawrdanr-anr arlawr khanqtur-euq lof-aer, Tsawrhaq-euq Zaqyo-anr khawf khoerlof-aer yabi khanqtur taef-a.

Yoˇhaˬ 7:33

Khoerngae, Yeqsur, aqyawf maf-anr aernaeq-eu, “Ngar, nawmaf naeq-aer tiqkhaeq jawr nar-aq, ngaq-anr khaerghae lef-euq ghaq jawr-eu gar ghofler ma.

Yoˇhaˬ 16:5

“Nymq-mr ngar, ngaq-anr khaerghae lef-euq ghaq jawr-eu gar ghofler ma. Aerkhawf, ‘Nawr aqgeugar ir-eu le?’ laer nawmaf tiqghaq-iq ngaq-anr maq narhaq lar-a.

Yoˇhaˬ 16:28

Ngar, Aqda jawr-eu gar nae oe-awr, mirtsaq-anr oeka-euq ma. Ngar, mirtsaq-anr nae dov-ir-awr, Aqda jawr-eu gar par ghofler ma.”