Yoˇhaˬ 15:7 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁷ Nawmaf, ngaq-euq lafkhoer jawr-awr, ngaq-euq dawq khawf nawmaf-euq lafkhoer anr-eu nar-aq, nawmaf geufmawf-eu lof-aer shar-awq, nawmaf-euq gharduq bi pyeuflar taef-a.

Akha

⁷ Naw maꞈ ngaˬ-ahˇ tsoꞈ tsaꞈ-awˇ, ngaˬ-euˬ dawˬ naw maꞈ-ahˇ tsoꞈ tsaꞈ taˬ naˇ, naw maꞈ kʼaˇ shaˇ mawꞈ-eu jeˬ shaˇ-awˬ. Kʼaˇ shaˇ-eu jeˬ za tehꞈ-a.

Yoˇhaˬ 15:7 Referans Kwoze

Jaceuq 37:4

Ya’we Miqyaer-euq lafkhoer laqkhaq caer-awq; Aqyawf, nawq-euq nuima geufmawf-eu jeq bifnaeqlaf taef-a.

1 Yoˇhaˬ 5:14

Miqyaer-euq maeqshi urler ngae, aqdui heulof-aer yawduq baw-eu ma: aqdui, aqyawf nuima tsaq-eu lof-aer shar nar-aq, aqyawf, aqdui-euq shardawq-anr narhaq naeqlaf-eu mae.

Yoˇhaˬ 14:13

Zaqyo-euq baqda’nae Aqda yawshaef khanqsaer za’ni, nawmaf, ngaq-euq tsawrmyanr-anr ghoe-awr kharshar-eu yawqjeq navluf ngar bi pyeuflar ma.

1 Yoˇhaˬ 3:22

Aqdui, aqyawf nae biftaq-euq dawqdeuq-anr narhaq geuf-awr, aqyawf nuima tsaq-eu lof-aer mr nar-aq, aqdui kharshar-eu yawqjeq navluf za-eu mae.

Yoˇhaˬ 15:16

Nawmaf nae ngaq-anr tsergeuf-euq maqngeur-a. Nawmaf ir-awr, arsiq siqle-eu uqtaf, arsiq khoer zif-awr gmqni, ngaq nae nawmaf-anr tserdov-awr tsaqtsov-euq ma. Khoermirnae, nawmaf, ngaq-euq tsawrmyanr-anr ghoe-awr, Aqda-anr kharshar-eu jeq, aqyawf, nawmaf-anr bifnaeqlaf taef-a.

Maꞈtehˬ 7:7

“Shar-awq, shar nar-aq za taef-a. Pov-awq, pov nar-aq mawrle taef-a. Khov-awq, khov nar-aq nawmaf-anr pannaeqlaf taef-a.

Yoˇhaˬ 16:23

“Khoerngae nan keuvlar nar-aq, nawmaf, ngaq-anr tiqjeq-iq maqpar shar-ar. Ngar, nawmaf-anr aqdirma-aer aernaeq nyar, ngaq-euq tsawrmyanr-anr ghoe-awr, nawmaf, Aqda-anr kharshar-eu jeq aqyawf, nawmaf-anr bifnaeqlaf taef-a.

Gaˬlaˬtiˆ 5:16

Khoermirnae, ngar, heulof-aer aermawf mir-a. Nawmaf shiqshaq-euq nuikhanr-anr maqya mrcawni, muiq-eu Saflar-euq lafkhoer can-awq.

1 Yoˇhaˬ 2:27

Nawmaf, Kali nae tsaqtsov-euq jeq za-awr, tsaqtsov-euq jeq khoer aqmyanluf nawmaf-euq lafkhoer javluf-eu mirnae, tsawrhaqzaq tiqghaq-iq nawmaf-anr maeqnaeq tsovnaeq-eu laer maqya ghae-ar. Aqjeq mirnae aernar-aq, tsaqtsov-euq jeq khoer, nawmaf-anr taf-eu yawqjeq navluf maeqnaeq tsovnaeqlaf taef-a. Tsaqtsov-euq jeq khoer-aq, jaqmyawf maqngeur-a, tsaq-awr dawr-eu mae. Khoermirnae, tsaqtsov-euq jeq nawmaf-anr maeqnaeq tsovnaeq laf-eu lof-aer aqyawf-euq lafkhoer jawr-awq.

Dawqdaq 10:24

Tsawrcawv deuq-euq khoertav, Yawqha guv-eu jeq keuvle-eu mae. Aerkhawf, tsaq-awr dawr-eu deuq-aq, Yawqha geufmawf-eu jeq za taef-a.

Jaceuq 119:11

Ngar, nawq-anr iqbax maqya mrbanqni, Ngaq-euq nuima-euq lafkhoer, nawq-euq dawq shardawv taq-euq ma.

1 Yoˇhaˬ 2:14

Aqda deuq-or! Nawmaf ardanqbae ngae nae daefluf-eu ghaq-anr siqnya-euq mirnae, ngar, nawmaf-anr sanqbof bofanr lef-euq ma. Zaqguq deuq-or! Nawmaf ghaq khav-eu mirnae, ngar, nawmaf-anr sanqbof bofanr lef-euq ma. Miqyaer-euq dawq aqmyanluf nawmaf-euq lafkhoer anr-awr, nawmaf yawcawv ghaq-anr ghaqler-euq mae.

Gawˇlawˇsehˇ 3:16

Kali-euq dawq nawmaf-euq lafkhoer tiqbyan tiqlof bi sanrlar-awq. Zaqsiq tsawrganr tiqbyanni anr-eu lafkhoer, jaceuq-eu dawq, jaceuq-eu cardawq hawr-eu saflar paw-euq cardawq-anr ghoeghoe-aer, tiqghaq tirghaq maeqnaeq tsovnaeq-awr ghaq bif-awq. Nawmaf-euq nuima-euq lafkhoer anr-eu guiqlanq yawdzanr nae Sanqpaq Miqyaer-anr carcar-aer jaceuq-awq.

Dawqdaq 4:4

Ngaqda, ngaq-anr maeq-awr ngaq-anr heulof-aer aer-eu mae: “Nawq-euq nuima-euq lafkhoer, ngaq-euq dawq nyaefzif taq-awr, Nawr yadaefni, ngaq-euq khaerdawq-anr mrcaw-awq.

Yoˇhaˬ 8:37

“Nawmaf-aq, Aqbyaqhaq-euq zaqdeuq uvdeuq mae laer ngar siqnya ma. Aerkhawf, ngaq-euq dawq nawmaf-euq lafkhoer jawrkhar maqza-eu mirnae, nawmaf, ngaq-anr saef-eu laer jawqluf-eu mae.

Gaˬlaˬtiˆ 4:2

Aqyawf-euq aqda nae aertsaev taq-euq aryamq maq keuvlar-euq khoerkeuvni, aqyawf-anr hawpir-eu ghaq hawr-eu irkanr mrmyawq-anr hawpir-eu ghaq-euq lafov yajawr-eu mae.

Yoˇhaˬ 8:31

Khoerngae, Yeqsur, aqyawf-anr jan-eu Yurdav tsawrhaq deuq-anr heulof-aer aernaeq-euq mae, “Nawmaf, ngaq-euq dawq-euq lafkhoer jawr nar-aq, aqdir aqmar ngaq-euq zaqlanr pyeuf-eu mae.