Yoˇhaˬ 15:5 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁵ “Ngar-aq, aqgaf cirni nima ma. Nawmaf-aq, cirni nizaq deuq mae. Ngaq-euq lafkhoer jawr-awr, ngar khawf aqyawf-euq lafkhoer jawr-eu tsawrhaq-aq, arsiq ghawqmya’ni siqle taef-a. Aqjeq mirnae aernar-aq, ngar maqjawr nar-aq, nawmaf tiqjeq-iq maq janrnya-a.

Akha

⁵ “Ngaˇ-aˬ, aˬ gaꞈ baw duˆ ma. Naw maꞈ-aˬ, uˬ pyaˬ uˬ laꞈ meh. Ngaˬ-ahˇ tsoꞈ tsaꞈ-awˇ, ngaˇ kʼawꞈ aˬ yawꞈ-ahˇ tsoꞈ tsaꞈ-eu tsawˇ haˬ-aˬ, aˇ siˬ gʼawˬ mya ni siˬ le-eu meh. Ngaˬ-ahˇ maˬ tsoꞈ tsaꞈ naˇ, naw maꞈ tiˬ jeˬ-iˬ maˬ jahˇ nya-a.

Yoˇhaˬ 15:5 Referans Kwoze

Piˇliˇpiˆ 4:13

Ngaq-anr ghaq bifnaeq laf-eu Kali-anr ghoeghoe-aer, ngar dawqtawvluf mrnya sharnya ma.

Gawˇlawˇsehˇ 1:10

Khoernar-aq, nawmaf, Sanqpaq Miqyaer-anr geuxni daefnya lar-awr, yawqjeq navluf-euq lafkhoer aqyawf, nawmaf-anr nuikhanr shir-eu uqtaf, nawmaf yawmuiq yawqjeq navluf mr-awr shar-eu lafkhoer arsiq siqle-awr, Miqyaer-anr siqnya-eu tsawrganr myaqlar taef-a.

Yoˇhaˬ 15:16

Nawmaf nae ngaq-anr tsergeuf-euq maqngeur-a. Nawmaf ir-awr, arsiq siqle-eu uqtaf, arsiq khoer zif-awr gmqni, ngaq nae nawmaf-anr tserdov-awr tsaqtsov-euq ma. Khoermirnae, nawmaf, ngaq-euq tsawrmyanr-anr ghoe-awr, Aqda-anr kharshar-eu jeq, aqyawf, nawmaf-anr bifnaeqlaf taef-a.

Gaˬlaˬtiˆ 5:22

Aerkhawf, muiq-eu Saflar-euq arsiq-aq: gaq-eu, laqkhaq caer-eu, nuisar of-eu, nuinoeq ghawqmanrni noeq-eu, ghawqshaq gaq-eu, yawmuiq jeq mr-eu, sarjax zif-eu,

Dawqdaq 11:30

Tsaq-awr dawr-eu tsawrhaq-euq arsiq-aq, Daef-eu jeq bif-eu arbawr pyeuf-awr, Aqcawq-euq nuima saflar-anr za’nya-eu tsawrhaq-aq yawganr mae.

2 Gawˇliˬtu 13:8

Nga’maf, yawtsaq yawdawr-anr lavtsoeq-eu jeq tiqjeq-iq maq mrnya nya. Nga’maf-aq, yawtsaq yawdawr-euq gharduq taef-aer ya’mr-eu mae.

Yoˇhaˬ 5:19

Khoernar-aq, Yeqsur, aqyawf maf-anr heulof-aer aerkhof naeq-euq mae, “Ngar, nawmaf-anr aqdir aqmar aernaeq nyar, Zaqyo-aq, yawqha yawqha tiqjeq-iq maq mrnya-a. Aqda mr-eu gar mawr-awr, aqyawf mr-eu taef mae. Aqda kharmr-eu yawqjeq navluf Zaqyo khawf mrluf-eu mae.

Yaˬkoˆ 1:17

Guiqlanq yawmuiq dawqtawvluf hawr-eu kufdui byan duidui-eu lafsawq dawqtawvluf mq-euq khoertav jawr-eu yawshaef-euq Aqda-anr nae oe-euq mae. Aqyawf-aq, povlar parlar-eu narshmr maqbaw-aer, tiqjawr-iq maqpov maq parlar-a.

2 Beˬtuˆluˆ 3:18

Aqdui-euq Sanqpaq hawr-eu Kakhof-eu ghaq pyeuf-eu Yeqsur Kali-euq guiqlanq yawdzanr hawr-eu aqyawf-anr siqnya-eu jeq-euq lafkhoer, huiqlar manrlar-awq. Nymq-mr nae arsaq saq-eu maqbawni, yawshaef khanqsaer aqyawf-anr damqnaeq kar-eur. Aqmeq.

Yoˇhaˬ 12:24

Ngar, nawmaf-anr aqdirma-aer aernaeq nyar, caer siqyoeq tiq nuiv mirtsaq-anr maqga-ir-aer maqshir nar-aq, siqyoeq khoer tiq nuiv taef mae. Aerkhawf, shir nar-aq, caersiq ghawqmya’ni tsofle-eu mae.

Lormav 7:4

Ngaq-euq aqyuif aqnyir deuq-or! Khoerlof-aer durni, nawmaf khawf Kali-euq mawrdo-anr ghoe-awr, zanrdawq-anr nae shirdzeur-euq mae. Khoeruqtaf, nawmaf, shir-euq gar nae ghofdaef lar-euq khoerghaq-anr danqdzaq-ir-euq mae. Khoer-aq, aqdui, Miqyaer-euq gharduq arsiq bi siqle-eu laer mae.

Piˇliˇpiˆ 1:11

Yeqsur Kali-euq baqda’nae tsaq-awr dawr-eu arsiq tiqbyanni siqle-awr, Miqyaer-euq yawshaef khanqsaer hawr-eu, Miqyaer-anr jaceuq-eu jeq dovlarni guiqlanq sharluf-eu ma.

Yoˇhaˬ 9:33

Tsawrhaq heughaq, Miqyaer jawr-eu gar nae oe-euq maqngeur lawnmr-aq, aqyawf tiqjeq-iq maqmr nya-ar.”

Piˇliˇpiˆ 4:17

Ngar lafsawq za’ni sharpov-eu maqngeur. Aerkhawf, nawmaf-euq jeqma-anr jirjeuq bijeuq larni sharpov luf-eu ma.

Lormav 6:22

Aerkhawf, nymq-mr nawmaf iqbax-anr nae buq-ir-awr, Miqyaer-euq zaqkhav pyeuflar-euq mirnae, shawr-eu arsiq siqle luf-eu mae. Heu-euq arsaq saqduq-aq, mqmaq maqbyav yarzir daef-eu jeq za-eu mae.

Gʼaˬkʼehˇ 4:12

Aqyawf-euq lafkhoer maqngeur nar-aq, nuighaq tiqghaq-iq kakhof-eu jeq maqanr-a. Aqjeq mirnae aernar-aq, mq-euq uqmov, aqdui-anr bibuq-ir nya-eu tsawrmyanr yawqmyanryawq maqbif taq-aq.”

1 Gawˇliˬtu 12:12

Mawrdo tiq do taef khawf arsaer ghawqmya’ni tsof-eu mae. Mawrdo-euq arsaer deuq ghawqmya’ni tsof-eu khawf, dawqtawvluf mawrdo tiq do taef-aer pyeuf-eu lof-aer, Kali khawf khoerlof-aer dur-eu mae.

1 Beˬtuˆluˆ 2:4

Sanqpaq Yeqsur jawr-eu gar lar-awq. Aqyawf-aq, daefluf-eu khaqlo mae. Tsawrhaqzaq nae byaerdzae-euq khawf, Miqyaer nae tserdov-awr, poeq duidui-eu mae.

1 Gawˇliˬtu 12:27

Nawmaf-aq, Kali-euq mawrdo mae. Khoeruqtaf, aqyawf ghaqyawf tiq ghaq tiq saer pyeuf-eu mae.

Eˇpeˇsu 5:9

(Aqjeq mirnae aernar-aq, muiq-eu Saflar-euq arsiq-aq, tsaq-awr dawr-eu jeq, yawtsaq yawdawr jeq hawr-eu yawmuiq jeq dawqtawv luf-euq lafkhoer anr-eu mae).

2 Gawˇliˬtu 9:10

Miqyaer, siqyoeq saeq-eu tsawrhaq-euq gharduq siqyoeq zanqnaeq-awr, dzaq-eu gharduq dzaqdzaq dawrdawr bifnaeq luf-ur! Aqyawf, nawmaf ka-eu gharduq, siqyoeq laeqhmq naeq-awr, nawmaf nae saeqtaq-euq siqyoeq khoer bibaw bi zale-eu uqtaf, tsaq-awr dawr-eu jeq bimyaq bi sanrlar luf-ur!

Gawˇlawˇsehˇ 1:6

Yawtsaq yawdawr-anr taf-eu Miqyaer-euq guiqlanq yawdzanr garkawv khoer, mirtsaq doeni gaqbyan-ir-awr, arsiq siqle luf-eu lof-aer, nawmaf jawr-eu gar gaqkeuv le-awr, nawmaf yagaq-awr siqnya-euq nan-anr nae nar-aq, nawmaf-euq ghanrcae khawf arsiq siqle luf-eu mae.

Lormav 12:5

Khoerlof-aer durni, aqdui tsawrhaq yawmyaq khawf, Kali-euq lafkhoer mawrdo tiq do taef ma. Aqdui tiqghaq tirghaq-euq arsaer pyeuf-eu ma.

1 Gawˇliˬtu 10:16

Aqdui, Miqyaer-anr jaceuq-eu guiqlanq-euq khmqmaq heu-aq, aqdui, Kali-euq shiq-anr tafluf-eu ma laer aermawf-eu maqngeur-a lor? Aqdui ngawqpyaeq-eu kaqmur-aq, aqdui, Kali-euq mawrdo-anr gawfluf-eu ma laer aermawf-eu maqngeur-a laq?

Maꞈtehˬ 13:21

Aerkhawf, aqyawf-euq lafkhoer duqcir maq ka’naf nya-euq mirnae, ghawqmyanrni maqgmq-a. Dawq khoer-euq baqda’nae shaq-awr zanq-eu jeq hawr-eu khaeq-awr khav-eu jeq keuvle ngae, tiqpov taef-aer coq-ir-eu mae.