Yoˇhaˬ 15:25 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²⁵ Khoerlof-aer pyeuflar-euq-aq, aqyawf maf-euq zanrdawq-euq lafkhoer boftaq-euq dawq heudawq byanlar-euq mae, ‘Tiqjeq-iq maqngeur-eu gar, aqyawfmaf, ngaq-anr byae-eu mae.’ (Jc 35:19; 69:4)

Akha

²⁵ Aˬ yawꞈ maꞈ-euˬ Zahˇ dawˬ kʼoꞈ dawˬ laꞈ kʼoeˇ, ‘Gaˇ kawˆ tiˬ jeˬ-iˬ maˬ jaˆ gaˇ aˬ yawꞈ maꞈ ngaˬ-ahˇ muiˇ-eu meh’ lehˇ ehˇ taˬ-euˬ jaˆ-eu miˇ neh, kʼoeˇ loꞈ-ehˇ maˬ pyeuꞈ laˇ-ehˇ maˬ gʼeh nya-a.

Yoˇhaˬ 15:25 Referans Kwoze

Jaceuq 109:3

Aqyawfmaf, ngaq-anr byae-eu dawq, ngaq-euq tiqjawq jabyan taq-awr; Tiqjeq-iq maqngeur-eu gar, ngaq-anr caelar luf-eu mae.

Jaceuq 69:4

Tiqjeq-iq maqngeur-eu gar, ngaq-anr byae-eu tsawrhaq deuq, Ngaq-euq uqduq tsaerkanr myavmaqtser myaq-eu mae. Tiqjeq-iq maqngeur-eu gar, ngaq-anr muir-eu deuq, aqyawfmaf ghaq khav-awr, Ngaq-anr lavcawv-eu laer ghae-eu mae. Ngaq nae maqkhoeq-euq jeq-anr, ngar ya tsoeqkhof naeq-eu mae.

Jaceuq 35:19

Ngar tiqjeq-iq maqlaeq-eu gar muir-eu deuq, Ngaq-euq baqda’nae laqkhaq taqbi caer law. Tiqjeq-iq maqngeur-eu gar, ngaq-anr byae-eu deuq myavtaev taqbi taevcawq law.

Luˇkaꞈ 24:44

Khoerngae, Yeqsur, aqyawf maf-anr aernaeq-eu, “Morseq-euq zanrdawq, Miqyaer gharduq ngaeqdan-eu deuq-euq sanqbof hawr-eu, Jaceuq-eu sanqbof-euq lafkhoer, ngaq-euq garkawv khar boftaq-euq dawqtawvluf ya byanlar taef-a laer, ngar, nawmaf naeq-aer jawr ngae, dawq heudeuq aernaeq dzeur-euq ma.”

2 Gawˇliˬtu 11:7

Nawmaf-anr taqhuiq-eu laer ngar, yawqha-euq mawrdo-anr taqnyir-awr, arpoeq maqyurni nawmaf-anr Miqyaer-euq guiqlanqdawq maeqnaeq-euq mirnae, ngar iqbax mr-euq nga lor?

Panmaeq 21:6

Khoerngae, aqyawf, ngaq-anr heulof-aer aernaeq laf-euq mae, “Mrluiv jir-euq ma! Ngar-aq, Ardanq bae-awr Arsaq saq-eu ghaq, Aqlaqpar hawr-eu Ormeqgar ma. Ngar, ircuf kharmaef-eu tsawrhaq-anr, daef-eu jeq bif-eu ircuf irbyoe-anr nae yoerdov lef-eu ircuf yawqngaef-aer bidawr ma.

Panmaeq 22:17

Khoerngae, muiq-eu Saflar hawr-eu miqshuif aer-eu, “Lar-awq.” Yagaq-euq tsawrhaq deuq khawf, “Lar-awq” laer kur-awq. Ircuf maef-eu tsawrhaq deuq khawf lar-awq. Khar dawrmawf-eu tsawrhaq yawqghaq navluf daef-eu jeq bif-eu ircuf yawqngaef-aer dawrlar-awq.

2 Teˇsaˬloˇni 3:8

Nga’maf arpoeq maqbif-aer nawmaf-euq tiqjeq-iq maqdzaq-aq. Nawmaf tiqghaq-anr-iq khavbaev maqya pyeufni, nga’maf uqcif nan’ghanr maqaer, gar mr duidui-euq ma.

Gaˬlaˬtiˆ 2:21

Ngar, Miqyaer-euq guiqlanq-anr maq byaerdzae. Zanrdawq-euq baqda’nae tsaq-awr dawr-eu tsawrhaq pyeuflarnya lawnmr-aq, Kali shir-euq-aq, yawqngaef mae.”

Lormav 3:24

Aerkhawf, nymq-mr-aq, Miqyaer-euq guiqlanq yawdzanr baqda’nae, Yeqsur Kali-euq lafkhoer anr-eu kakhof-eu jeq-anr ghoe-awr, yawqngaef-aer mrshawr naeqlaf-euq mae.

Lormav 3:19

Zanrdawq-euq lafkhoer khar boftaq-euq dawqdeuq-aq, zanrdawq-euq lafov jawr-eu tsawrhaq-anr aernaeq-eu mae laer aqdui siqnya-eu ma. Khoer-aq, tiqghaq-iq daeqlaefkhar maqbi za-aer, mirtsaqzaq dawqtawvluf Miqyaer-euq maeqshi yawlaeq ngar-a laer bi dovlar-eu gharduq mae.

Yoˇhaˬ 10:34

Yeqsur, aqyawf maf-anr heulof-aer aerkhof naeq-euq mae, “Nawmaf-euq zanrdawq-euq lafkhoer, ‘Ngar aer-eu, “Nawmaf-aq, miqyaer deuq mae,” (Jc 82:6) laer boftaq-euq maqngeur-a lor’?

Jaceuq 7:4

Ngar dawqpae yawmuiq-aer jawrtaf luf-eu tiq ghaq-anr, Ngar yawdoer janrnaeq-euq jav-awr, tiqjeq-iq maqngeur-eu gar, ngaq-anr muir-eu tsawrhaq-anr nawqdzaq khavdzaq taq-euq jav nar-aq,

Yoˇhaˬ 19:36

Heulof-aer pyeuflar-euq-aq, Yaerbof-euq lafkhoer boftaq-euq heudawq byanlar-euq mae, “Aqyawf-euq shaqyoeq tiqkanq-iq maqbi khaef-ir-ar.” (Di 12:46; Bts 9:12)

Maꞈtehˬ 10:8

Nar-awr gawr-eu tsawrhaq-anr lavtaq naeq-awr, shir-euq tsawrhaq-anr bi ghofdaef lar-awq. Coiqdoi nar-eu tsawrhaq-anr bi shawrlar-awr, naef-anr taedov-awq. Nawmaf yawqngaef-aer za-euq lof-aer, aqcawq-anr yawqngaef-aer bifnaeq-awq.

Yoˇhaˬ 13:18

“Ngar heulof-aer aer-eu-aq, nawmaf yawqghaq navluf-anr aer-eu maqngeur. Ngaq nae tserdov taq-euq tsawrhaq-anr ngar siqnya ma. Aerkhawf, ‘Ngaq naeq-aer kaqmur dzaqtaf-eu tsawrhaq, Aqyawf-euq kuirnuif bafdir-awr, ngaq-anr muirlar-eu mae,’ (Jc 41:9) laer Yaerbof-euq lafkhoer boftaq-euq lof-aer ya byanlar taef-a.