Yoˇhaˬ 15:24 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²⁴ Tsawrhaq tiqghaq nae-iq maq mrhaw-euq gardeuq, ngar, aqyawf maf-euq ghanrcae maqmr-euq lawnmr-aq, aqyawfmaf iqbax maqanr-ar. Aerkhawf, nymq-mr aqyawfmaf gar khoerdeuq-anr ya’mawr-awr, ngaq-anr khawf, ngaqDa-anr khawf byae-eu mae.

Akha

²⁴ Tsawˇ haˬ tiˬ gʼaˬ-iˬ maˬ mˇ haw-euˬ gaˇ heu deuˬ aˬ yawꞈ maꞈ jawˇ gaˇ ngaˇ maˬ mˇ-euˬ law nmˇ-aˬ, aˬ yawꞈ maꞈ iˬ baˇ maˬ ahˇ-aˇ. Ehˇ kʼawꞈ, ngaˬ neh mˇ-euˬ gaˇ-ahˇ aˬ yawꞈ maꞈ ya mawˇ-awˇ, ngaˬ-ahˇ maˬ ehˇ, ngaˬ Da-ahˇ maˬ ehˇ, aˬ yawꞈ maꞈ muiˇ-eu meh.

Yoˇhaˬ 15:24 Referans Kwoze

Yoˇhaˬ 14:9

Yeqsur, aqyawf-anr heulof-aer aernaeq-euq mae, “Pirlirpuv-or! Ngar, nawq naeq-aer heumyanni jawrlaf-euq khawf, nawr, ngaq-anr maq siqnya-eu le siq lor? Ngaq-anr mawr-euq tsawrhaq-aq, Aqda-anr mawr-euq mae. ‘Nga’maf-anr Aqda bimawr naeqlaf-awq’ laer nawr aqjox-aer aer-eu le?

Yoˇhaˬ 5:36

“Aerkhawf, ngar-aq, Yorhaq-euq sarkir navmaqtser huiq-eu jeq jav-eu ma! Aqda nae ngaq-anr bifnaeq laf-euq gardeuq mrluivni, nymq-mr ngar mrluf-eu heu-aq, Aqda nae ngaq-anr khaerghae lef-euq mae laer sarkir kamq-eu mae.

Yoˇhaˬ 10:37

Ngar, ngaqDa-euq gardeuq maqmr nar-aq, ngaq-anr taqjan.

Yoˇhaˬ 10:32

Yeqsur, aqyawf maf-anr aernaeq-eu, “Aqda-anr nae oe-euq gar yawmuiq ghawqmya jeq, ngar, nawmaf-anr bimawr-euq ma. Ngaq nae mr-euq aqgeu jeq-euq baqda’nae, nawmaf, ngaq-anr khaqlo nae biqsaef-eu laer ghae-eu le?”

Yoˇhaˬ 9:32

Mqmir bae ngae nae iqnan keuvni, daefle ngae nae myavbaef baef-eu tsawrhaq-anr bi mawrnya lar-euq garkawv tiqghaq-iq maq gaqhaw-aq.

Yoˇhaˬ 7:31

Tsawrhaq khoerdeuq-euq lafkhoer ghawqmya ghaq aqyawf-anr janlar-awr aer-eu, “Kali oe ngae, tsawrhaq heughaq nae mr-euq bisiq bimawr-euq deuq myavmaqtser aqyawf mr taef-a lor?”

Yoˇhaˬ 3:2

Uqcif paw, aqyawf, Yeqsur jawr-eu gar lar-awr aer-eu, “Laqbir-or! Nawr-aq, Miqyaer jawr-eu gar nae oe-euq saqlaq tiq ghaq ngar-a laer nga’maf siqnya-eu ma. Aqjeq mirnae aernar-aq, nawq nae janr-euq bisiq bimawr-eu jeq, janr-eu ghaq naeq-aer Miqyaer maqjawr lawnmr-aq, tsawrhaq tiqghaq-iq maq janrnya-a.”

Maꞈtehˬ 9:33

Naef-anr taedov ghaq ngae, aqdzawq khoerghaq dawq ngaeqnya lar-euq mae. Khoerngae, tsawrhaq armaf mafma deuq zanqler-awr aer-eu, “Irsaqleqlav-euq lafkhoer, heulof-aer ghae-eu jeq tiqjawr-iq maq mawrhaw-aq.”

Yaˬkoˆ 4:4

Banqluf muvluf-eu tsawrhaq deuq-or! Nawmaf, mirtsaq naeq-aer cawq cawq-eu deuq-aq, Miqyaer-anr muir-eu jeq pyeuf-eu mae laer maq siqnya-eu le lor? Khoermirnae, mirtsaq naeq-aer cawq khar cawqmawf-eu tsawrhaq-aq, Miqyaer-anr muir-eu tsawrhaq mae.

2 Tiˆmoˇseˬ 3:4

yawqha-euq cawq-anr anqdzaq-eu, kharnoeq khar lovlar-eu jeq mr-eu, nuima huiq-eu, Miqyaer-anr maqgaq-aer lurgha caergha-eu jeq-anr gaq-eu tsawrhaq pyeuflar taef-a.

Lormav 1:30

Narkhan paw jadoer-eu, Miqyaer-anr byae-eu, aqcawq-anr lavtanq lavnar-eu, nuima huiq-eu, jasae-eu, yawdoer jeq mr-eu garkawv sharnoeq-eu, aqma aqda-euq aerdawq maq narhaq geuf-eu.

Gʼaˬkʼehˇ 10:38

Miqyaer, Naqzaqlaer tsawrhaq Yeqsur-anr Yawshawr Saflar hawr-eu baoq nae tsaqtsov-awr, aqyawf doedoe-aer can ngae, Miqyaer, aqyawf naeq-aer jawr-eu mirnae, yawmuiq jeq mr-awr, naef sanqpaq khaeq-awr khav-eu gar daqluf-eu tsawrhaq dawqtawv luf-anr bi taqler-euq mae.

Gʼaˬkʼehˇ 2:22

“Irsaqleqlav tsawrhaq deuq-or! Ngar aer-eu gar narhaq sher-eq. Miqyaer, Naqzaqlaer tsawrhaq Yeqsur-anr ghoe-awr, nawmaf-euq ghanrcae khavjeq-aer ghae-eu jeq, zanqler paq-aer ghae-eu jeq hawr-eu bisiq bimawr-eu jeq bimr-awr, Miqyaer nae nawmaf-euq gharduq sarkir bipyeuf-euq ghaq mae laer nawmaf yawqghaq navluf siqnya-eu lof-aer mae.

Yoˇhaˬ 12:45

Ngaq-anr mawr-euq tsawrhaq-aq, ngaq-anr khaerghae lef-euq ghaq-anr mawr-euq mae.

Yoˇhaˬ 6:36

Nawmaf, ngaq-anr mawr-euq khawf, ngaq-anr maqjan nga laer ngar, nawmaf-anr aernaeq-euq ma.

Luˇkaꞈ 24:19

Yeqsur, aqyawf nyaf-anr narhaq-eu, “Aqjeq pyeuflar-euq la?” Khoerngae, aqyawfnyaf heulof-aer aer-eu mae: “Naqzaqlaer tsawrhaq Yeqsur-euq garkawv lawr. Aqyawf-aq, Miqyaer gharduq ngaeqdan-eu tsawrhaq tiq ghaq mae. Miqyaer-euq maeqshi hawr-eu tsawrhaq dawqtawv luf-euq maeqshi, ngaeq-awr mr-eu baoq zawr huiq-eu tiq ghaq mae.

Maˬkuˆ 2:12

Khoerngae, tsawrhaq khoerghaq tsawqtur-awr, tiqpov taef-aer yufzar baf-awr, tsawrhaq khoerdeuq dawqtawv luf-euq maeqshi nae dov-ir-euq mae. Khoermirnae, tsawrhaq khoerdeuq dawqtawvluf zanq duidui ler-awr, Miqyaer-anr ciqhuiq ciqmanr-eu lafkhoer aer-eu, “Nga’maf heulof-aer ghae-eu jeq tiqjawr-iq maq mawrhaw-aq siq.”

Maꞈtehˬ 21:32

Aqjeq mirnae aernar-aq, Yorhaq, nawmaf jawr-eu gar tsaq-awr dawr-eu garma-euq lafkhoer oe-euq khawf, nawmaf, aqyawf-anr maqjan-a. Aerkhawf, jeq taf-eu tsawrhaq hawr-eu mawrdo anq-eu deuq-aq, aqyawf-anr jan-euq mae. Nawmaf khoerdeuq jan-eu gar ya’mawr-euq khawf, iqbax maq noeqpov maq noeqpar-aer aqyawf-anr maqjan-a.”

Maꞈtehˬ 11:5

Myavbaef mawrnyalar, kuircawv cannyalar, coiqdoi nar-eu tsawrhaq shawrlar, naqbawq deuq gaqnyalar, shir-euq tsawrhaq ghofdaef lar-awr, irshaqzaq deuq guiqlanqdawq yagaq-euq mae.

Dawqdaq 8:36

Aerkhawf, ngaq-anr iqbax mr-eu tsawrhaq-aq, Yawqha-euq nuima saflar-anr yawqha mrbanq-euq mae. Ngaq-anr kharbyae-eu tsawrhaq-aq, shir-eu jeq-anr gaq-eu mae.”

Jaceuq 81:15

Ya’we Miqyaer-anr byae-eu deuq, awbyav-eu janrgeuf taef-a. Aerkhawf, aqyawfmaf yadaq-eu jeq, Mqmaq maqbyav yarzir yadaq taef-a.

Yoˇhaˬ 12:10

Khoerngae, pirma aqyuif deuq, Laqzaqlur-anr khawf saef ma laer bawqtsaev taq-euq mae.

Yoˇhaˬ 9:41

Yeqsur, aqyawf maf-anr aernaeq-eu, “Nawmaf myavbaefbaef lawnmr-aq, iqbax maqanr-a. Aerkhawf, nymq-mr, ‘Nga’maf mawrnya ma’ laer nawmaf aer-eu mirnae, nawmaf iqbax anr-a siq.”

Yoˇhaˬ 15:21

Aerkhawf, ngaq-euq tsawrmyanr baqda’nae, khoerdeuq dawqtawvluf, aqyawfmaf, nawmaf-anr janrlar taef-a. Aqjeq mirnae aernar-aq, aqyawfmaf, ngaq-anr khaerghae lef-euq ghaq-anr maq siqnya-a.

Yoˇhaˬ 15:22

Ngar maqoe-aer, aqyawf maf-anr maq maeqnaeq-euq lawnmr-aq, aqyawfmaf iqbax maqanr-ar. Aerkhawf, nymq-mr aqyawfmaf iqbax maqanr laer daeqlaefkhar maqza-a.

Yoˇhaˬ 15:23

Ngaq-anr byae-eu tsawrhaq-aq, ngaqDa-anr khawf byae-eu mae.

Yoˇhaˬ 16:9

Iqbax-aq, aqyawfmaf, ngaq-anr maqjan-eu mirnae mae.