Yoˇhaˬ 15:18 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁸ “Mirtsaqzaq, nawmaf-anr byae nar-aq, nawmaf-anr maqbyae-euq minav-aer ngaq-anr byae-euq mae laer nawmaf siqnya-awq.

Akha

¹⁸ “Miˇ tsaˬ zaˬ naw maꞈ-ahˇ muiˇ laˇ ngeh, naw maꞈ-ahˇ maˬ muiˇ mi naˆ-ehˇ ngaˬ-ahˇ jeˬ huˬ muiˇ-euˬ meh lehˇ siˬ nya-awˬ.

Yoˇhaˬ 15:18 Referans Kwoze

1 Yoˇhaˬ 3:13

Ngaq-euq aqyuif aqnyir deuq-or! Mirtsaqzaq, nawmaf-anr byae nar-aq taq zanqler.

Yoˇhaˬ 7:7

Mirtsaqzaq, nawmaf-anr maqbyae nya-ar. Aerkhawf, ngar, aqyawfmaf nae mr-euq deuq yawdoer nga laer sarkir kamq-eu mirnae, aqyawfmaf, ngaq-anr byae-eu mae.

Yoˇhaˬ 3:20

Yawdoer jeq kharmr-eu tsawrhaq-aq, yawshaef-anr byae-awr, aqyawf mrluf-euq jeq maqya dovlarni yawshaef bya-eu gar maqlar-a.

Maˬkuˆ 13:13

Khoeruqtaf, ngaq-euq tsawrmyanr baqda’nae, tsawrhaq dawqtawvluf nawmaf-anr byae taef-a. Aerkhawf, arsaqsaq ngae keuvni zif-eu tsawrhaq-aq, yabuq-ir taef-a.

Luˇkaꞈ 6:22

“Tsawrhaq-euq Zaqyo-euq baqda’nae aqcawq, nawmaf-anr byae-awr nawmaf-anr sawxdzae naeqlaf-eu uqtaf, nawmaf-anr yaeqbawq saerlu-aer aerlar-awr, nawmaf-euq tsawrmyanr-anr yawdoer laer sawxdzae naeflaf ngae, nawmaf guiqlanqhuiq taef-a.

Maꞈtehˬ 10:22

Khoeruqtaf, ngaq-euq tsawrmyanr baqda’nae tsawrhaq dawqtawvluf, nawmaf-anr byae taef-a. Aerkhawf, arsaqsaq ngae keuvni zif-eu tsawrhaq-aq, yabuq-ir taef-a.

1 Yoˇhaˬ 3:1

Aqda Miqyaer, aqdui-anr arnavni gaq-eu nga laer sharnoeqhaw sher-eq. Aqdui-anr Miqyaer-euq zaq laer kurnaeq laf-euq mae. Mirtsaqzaq, aqyawf-anr maq siqnya-eu mirnae, aqdui-anr khawf maq siqnya-a.

Maꞈtehˬ 5:11

“Ngar baqda’nae aqcawq, nawmaf-anr yaeqbawq-aer aerlar, nawmaf-anr khaeqlar khavlar, maqngeur-eu gar jaqmyawf myawf-eu lafkhoer nawmaf-anr ghawqmya jeq aerdoerlar ngae, nawmaf guiqlanq huiq-eu mae.

Yaˬkoˆ 4:4

Banqluf muvluf-eu tsawrhaq deuq-or! Nawmaf, mirtsaq naeq-aer cawq cawq-eu deuq-aq, Miqyaer-anr muir-eu jeq pyeuf-eu mae laer maq siqnya-eu le lor? Khoermirnae, mirtsaq naeq-aer cawq khar cawqmawf-eu tsawrhaq-aq, Miqyaer-anr muir-eu tsawrhaq mae.

HeˬByehˇ 12:2

Caevghaeluf ngae, Yeqsur-anr hawtsov taq-awq. Aqyawf-aq, aqdui jan-eu jeq-euq ardanq bae-euq ghaq hawr-eu arsaq saq-eu ghaq pyeuf-eu mae. Aqyawf-euq maeqshi javluf-eu laqkhaq caer-eu jeq-euq baqda’nae, daqga-eu jeq-anr maq sharnoeqni lafyaq-anr daq-euq mae. Nymq-mr aqyawf, Miqyaer-euq nuirmanq armar paw nuirluf-eu mae.

1 Yoˇhaˬ 3:3

Yeqsur-anr heulof-aer noeqtmq-eu yawqghaq navluf, Yeqsur shawr-eu lof-aer, yawqhar yawqha lavshawr-eu mae.

Maꞈtehˬ 24:9

“Khoerngae, aqyawfmaf, nawmaf-anr khaeq-awr khav-eu jeq-euq lafkhoer a’naeq-awr nawmaf-anr saef taef-a. Ngaq-euq tsawrmyanr baqda’nae, mirkhanq-euq tsawrjeuq dawqtawvluf nawmaf-anr byae taef-a.

Dawqdaq 29:27

Tsaq-awr dawr-eu tsawrhaq-aq, maqtsaq maqdawr-eu tsawrhaq-anr nuidav dav-eu lof-aer, Tsawrcawv-aq, garma-anr nae dawrcoeni daef-eu tsawrhaq-anr nuidav dav-eu mae.

Yoˇhaˬ 16:1

“Nawmaf sanqtif maqya tifni, garkawv heudeuq ngar, nawmaf-anr aernaeq-eu ma.

Yoˇhaˬ 16:33

Nawmaf, ngaq-euq lafkhoer nuisar of-eu jeq za’ni, ngar, nawmaf-anr garkawv heudeuq aernaeq-eu ma. Mirtsaq-euq khoertav jawr ngae, nawmaf shaq-awr zanq-eu jeq-anr yadaq taef-a. Aerkhawf, nawmaf nuima zif-awr laqkhaq caer-awq, ngar, mirtsaq-anr ghaqler-euq ma.”

Gʼaˬkʼehˇ 14:22

Zaqlanr deuq nuima saflar, ghaq khavlarni, aqmyanluf jan-awr nuima zifdanni jawr-awq laer ghaq bifnaeq-eu lafkhoer aer-eu, “Aqdui, Miqyaer uvlanr-eu jeq-anr urler nya’ni, shaqzanq ghawqmya jeq-anr ya tanqpuq-eu mae.”