Yoˇhaˬ 15:16 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁶ Nawmaf nae ngaq-anr tsergeuf-euq maqngeur-a. Nawmaf ir-awr, arsiq siqle-eu uqtaf, arsiq khoer zif-awr gmqni, ngaq nae nawmaf-anr tserdov-awr tsaqtsov-euq ma. Khoermirnae, nawmaf, ngaq-euq tsawrmyanr-anr ghoe-awr, Aqda-anr kharshar-eu jeq, aqyawf, nawmaf-anr bifnaeqlaf taef-a.

Akha

¹⁶ Naw maꞈ neh ngaˬ-ahˇ tseˇ geuꞈ-euˬ maˬ ngeuˇ-a. Ngaˬ neh naw maꞈ-ahˇ tseˇ doˆ-euˬ ma. Naw maꞈ iˇ-awˇ ziꞈ-eu gmˬ-eu aˇ siˬ gʼawˬ mya ni siˬ le-eu gʼaˇ duˬ tseˇ doˆ-euˬ ma. Kʼoeˇ ngeh jawˇ, ngaˬ-euˬ tsawˇ myahˇ laꞈ kʼoeˇ naw maꞈ kʼaˇ shaˇ-eu jeˬ, Aˬda naw maꞈ-ahˇ biꞈ nehˬ laꞈ tehꞈ-a.

Yoˇhaˬ 15:16 Referans Kwoze

Yoˇhaˬ 15:19

Nawmaf, mirtsaq-anr taf-eu lawnmr-aq, mirtsaqzaq deuq yawqha-anr taf-eu tsawrhaq-anr gaq taef-a. Aerkhawf, nawmaf, mirtsaq-anr maqtaf-a. Khoeruqtaf, ngar, nawmaf-anr mirtsaq heu-euq lafkhoer nae tserdov-euq mirnae, mirtsaqzaq, nawmaf-anr byae-eu mae.

Eˇpeˇsu 2:10

Aqdui-aq, Miqyaer-euq lafzar ma. Yawbae ngae nae aqdui-anr bimr-eu laer laeqhmq taq-euq yawmuiq jeq-anr, aqdui mrmr-aer daefni, Yeqsur Kali-euq lafkhoer aqdui-anr bae naeqlaf-euq mae.

Luˇkaꞈ 6:13

Uqbya byalar ngae, aqyawf, zaqlanr deuq-anr kurlaf-awr, aqyawf, aqyawf maf-euq lafkhoer nae 12 ghaq tserdov-awr, aqyawf maf-anr ghaqkhaer laer kurnaeq-euq-aq heudeuq mae:

Gaˬlaˬtiˆ 1:15

Aerkhawf, ngar, aqma-euq uqpanq-euq lafkhoer urngae nae ngaq-anr tserdov-awr, aqyawf-euq guiqlanq yawdzanr nae ngaq-anr kurnaeq laf-euq Miqyaer-aq,

1 Yoˇhaˬ 4:19

Miqyaer, aqdui-anr jeqhu gaq-euq mirnae, aqdui, aqyawf-anr gaq-eu ma.

Gʼaˬkʼehˇ 22:14

Khoernar-aq, aqyawf aer-eu, ‘Nawr, Miqyaer nuima tsaq-eu jeq-anr yasiqni hawr-eu, Tsaq-awr dawr-eu ghaq-anr ya’mawrni khawf, aqyawf-euq khaqmae-anr nae ngaeqdov lef-euq tersar-anr yagaqni khawf, aqdui-euq aqpoeq deuq-euq Miqyaer, nawq-anr tserdov taq-euq mae.

2 Tiˆmoˇseˬ 2:2

Tsawrkaq ghawqmya ghaq-euq maeqshi, ngaq nae maeqnaeq tsovnaeq-euq gar nawr yagaq-euq khoerdeuq, sarjax zif-awr aqcawq-anr maeqnaeq tsovnaeq nya-eu tsawrhaq deuq-anr khawf a’naeq-awq.

Yoˇhaˬ 13:18

“Ngar heulof-aer aer-eu-aq, nawmaf yawqghaq navluf-anr aer-eu maqngeur. Ngaq nae tserdov taq-euq tsawrhaq-anr ngar siqnya ma. Aerkhawf, ‘Ngaq naeq-aer kaqmur dzaqtaf-eu tsawrhaq, Aqyawf-euq kuirnuif bafdir-awr, ngaq-anr muirlar-eu mae,’ (Jc 41:9) laer Yaerbof-euq lafkhoer boftaq-euq lof-aer ya byanlar taef-a.

Yoˇhaˬ 6:70

Khoerngae, Yeqsur, aqyawf maf-anr aernaeq-eu, “Nawmaf 12 ghaq-anr ngaq nae tserdov taq-euq maqngeur-a lor? Aerkhawf, nawmaf-euq lafkhoer keuq-eu tiq ghaq-aq, naef sanqpaq mae.”

1 Beˬtuˆluˆ 3:15

Aerkhawf, nawmaf-euq nuima-euq lafkhoer Sanqpaq Miqyaer-aq, yawshawr mae laer noeqtsov taq-awq. Nawmaf noeqtmq luf-eu garkawv khar narhaq lar-eu tsawrhaq-anr, aqjox-aer aerkhof naeq-eu laer aqmyanluf yawmuiq-aer laeqhmq taq-awr, nuima nanqyuni yawzeu baw-eu lafkhoer jashaw naeq-awq.

Jaceuq 71:18

Nymq-mr ngar mawqle-awr uqduq pyurle-euq mir-a. Nawq-euq ghaq-euq garkawv, ngar heuzir-anr maq dzawrnaeq ghaq-aer, Nawq-euq baoq-euq garkawv ngar, nanqshaev deuq dawqtawv luf-anr, Maq dzawrnaeq ghaq-euq khoerkeuvni, Miqyaer-or! Ngaq-anr taq byaerdzae naeqlaf.

1 Yoˇhaˬ 4:10

Gaq-eu jeq-aq heulof-aer mae: aqdui, Miqyaer-anr gaq-euq maqngeur-eu, Miqyaer, aqdui-anr gaq-awr, aqdui-euq iqbax tsiqshawr-eu gharduq bi lawrbyan-eu laer aqyawf-euq Zaqyo bi’oe-euq mae.

Dawqdaq 11:30

Tsaq-awr dawr-eu tsawrhaq-euq arsiq-aq, Daef-eu jeq bif-eu arbawr pyeuf-awr, Aqcawq-euq nuima saflar-anr za’nya-eu tsawrhaq-aq yawganr mae.

Gʼaˬkʼehˇ 1:24

Khoernar-aq, aqyawfmaf guiqlanq heulof-aer shar-euq mae, “Sanqpaq Miqyaer-or! Nawr-aq, tsawrhaq yawqghaq navluf-euq nuima-anr siqnya-eu mae. Nawr, heu nyiq ghaq-anr nae aqgeu ghaq-anr tserdov-euq le laer panmaeq naeqlaf-awq.

1 Beˬtuˆluˆ 3:2

Khoer-aq, nawmaf yawzeu baw-eu siqnya-awr, shawrjaevni daefluf-eu gar aqyawfmaf ya’mawr-euq mirnae mae.

Lormav 15:4

Arhu nae Yaerbof-euq lafkhoer khar boftaq-euq dawqtawvluf, aqdui-anr maeqnaeq tsovnaeq-eu gharduq mae. Yaerbof-euq lafkhoer maeqtaq-euq lof-aer ornya lar-awr, nuima sar-eu jeq za-eu mirnae, noeqtmq-eu jeq javlar-eu mae.

Gʼaˬkʼehˇ 9:15

Khoerngae, Sanqpaq Yeqsur, aqyawf-anr heulof-aer aernaeq-euq mae: “Ir-awq. Aqjeq mirnae aernar-aq, aqyawf-aq, aqcawq tsawrjeuq tsawrca, sanqpaq deuq hawr-eu Irsaqleqlav tsawrhaq-euq maeqshi, ngaq-euq tsawrmyanr bipi-awr bi tsafgaq-eu laer ngaq nae tserdov taq-euq ngaq-euq keuka ma.

Maꞈtehˬ 21:22

Nawmaf guiqlanqshar ngae, jan-eu nuima anr nar-aq, kharshar-eu dawqtawvluf za taef-a.”

Jaceuq 145:4

Nawq nae mr-euq gardeuq-euq garkawv, tiqzir sair tiqzir jaceuq taef-a; Nawq nae baoq-euq lafkhoer mr-euq deuq, dzawrgaqnaeq taef-a.

2 Tiˆmoˇseˬ 1:11

Ngar, aqcawq tsawrjeuq tsawrca-euq gharduq ghaqkhaer geuf-awr dawqmaeq maeq-eu ghaq geuf-eu uqtaf, maeqnaeq tsovnaeq-eu ghaq geuf-awq laer Miqyaer, ngaq-anr kadar naeqlaf-euq mae.

1 Gawˇliˬtu 10:11

Aqyawf maf-anr pyeuflar-euq garkawv heudeuq dawqtawvluf hawgeufduq pyeufni, arsaq saq-eu arnan aryamq-euq lafkhoer jawr-eu aqdui yanrnya larni boftaq-euq mae.

Lormav 9:21

Oeqlanq taev-eu ghaq, mirtsaq shaqjaev tiq khor-anr nae tiq tsuv tsuv-awr, poeq-awr lawq-eu oeqlanq taevdov-awr, tiq tsuv partsuv-awr, teq-awr nyir-eu oeqlanq khawf, aqyawf taevmawf-eu lof-aer, aqyawf-euq navni jav-eu maqngeur-a laq?

Yaˬkoˆ 3:18

Tsaqler dzoerlerni mr-eu tsawrhaq-aq, tsaqler dzoerler-eu siqyoeq saeq-awr, tsaq-awr dawr-eu jeq yayaeq-eu mae.

HeˬByehˇ 11:4

Aqbeqlav jan-eu lafkhoer, Miqyaer-anr lawrnaeq-euq mirnae, Gaqirnav nae lawrnaeq-euq jeq navmaqtser muiqdzaeq-eu mae. Miqyaer, Aqbeqlav nae lawrnaeq-euq lafsawq-euq garkawv sarkir kamq-awr, Aqbeqlav-aq, tsaq-awr dawr-eu tsawrhaq mae laer sarkir za-euq mae. Jan-eu jeq-euq baqda’nae, Aqbeqlav shirdzeur-euq khawf dawq ngaeqluf-eu mae.

Tiˇtuˆ 1:5

Maq mrluiv-euq gardeuq mrluiv-eu uqtaf, ngaq nae nawq-anr khaertaq yaf-euq lof-aer, yawqmeuq navluf-euq lafkhoer jawr-eu Kalizaq armur-euq aqyuif aqtsu deuq-anr bi tserdov-eu laer, khoerngae, ngar, nawq-anr Gaqlaqdeq irjawlanr-anr bi jawryaf-euq ma.

Gawˇlawˇsehˇ 1:6

Yawtsaq yawdawr-anr taf-eu Miqyaer-euq guiqlanq yawdzanr garkawv khoer, mirtsaq doeni gaqbyan-ir-awr, arsiq siqle luf-eu lof-aer, nawmaf jawr-eu gar gaqkeuv le-awr, nawmaf yagaq-awr siqnya-euq nan-anr nae nar-aq, nawmaf-euq ghanrcae khawf arsiq siqle luf-eu mae.

Lormav 1:5

Nga’maf, aqyawf-euq baqda’nae, guiqlanq yawdzanr za-awr ghaqkhaer yageuf-euq ma. Khoer-aq, aqyawf-euq tsawrmyanr gharduq hawr-eu mirkhanq-euq tsawrjeuq dawqtawv luf-euq ghanrcae nae, jan-awr narhaq geuf-eu tsawrhaq bi dovlar-eu gharduq mae.

Gʼaˬkʼehˇ 10:41

Mirkhanqzaq dawqtawv luf-anr bimawr-euq maqngeur-a. Sarkir bikamq-eu laer yawbae ngae nae, Miqyaer nae tserdov taq-euq nga’maf-anr bimawr naeqlaf-euq taef mae. Aqyawf shir-euq gar nae ghofdaef lar-awr, nga’maf, aqyawf naeq-aer dzaqtaf dawrtaf-euq ma.

1 Tiˆmoˇseˬ 2:7

Khoer-euq gharduq, ngar-aq, dawqmaeq maeq-eu ghaq hawr-eu ghaqkhaer pyeuflarni khawf, jan-eu jeq hawr-eu yawtsaq yawdawr jeq-euq garkawv aqcawq tsawrjeuq tsawrca-anr maeqnaeq tsovnaeq-ir-eu maeqzaq pyeuflarni khawf, Miqyaer, ngaq-anr tserdov naeqlaf-euq mae. Ngar heulof-aer aer-eu-aq, jaqmyawf myawf-eu maqngeur, Kali-euq lafkhoer yawtsaq yawdawr dawq ngaeq-eu ma.

Gawˇlawˇsehˇ 1:23

Nawmaf nae yagaq-euq guiqlanq dawq-anr taf-eu noeqtmq-eu jeq-anr nae maq jivdov-ir ni, jan-eu lafkhoer dawqpaeq zif-awr, zifdanni nyaeftaeqtaq nya-euq ngeur nar-aq, khoer-aq, mq-euq uqmov baetaq-euq yawqjeq navluf-anr dawqmaeq maeqnaeq-euq mirnae mae. Ngar, Pawrluv khawf khoer-euq gharduq kuirlaf zaqkhav geuflar-euq ma.

Lormav 1:13

Aqyuif aqnyir deuq-or! Ngar, nawmaf-anr heulof-aer bi siqmawf mir-a. Nuigar jawr-eu aqcawq tsawrjeuq tsawrca-euq ghanrcae arsiq za-euq lof-aer, nawmaf-euq ghanrcae khawf arsiq uicuivnav za’ni, nawmaf jawr-eu gar lar ma laer ngar ghawqmya pov noeqtsaev-euq ma. Aerkhawf, nymq-mr keuvni lavtsoeq-eu jeq jav-eu mae.

Gʼaˬkʼehˇ 1:8

Aerkhawf, Yawshawr Saflar, nawmaf-euq khoertav zafkale ngae, nawmaf baoq za taef-a. Khoernar-aq, nawmaf, Yeqlursaqlaeq hawr-eu Yurdav mirkhanq-euq lafkhoer, Saqmaqliv mirkhanq doeni hawr-eu mqdzer mirdzer-anr keuvni, ngaq-euq garkawv sarkir kamq-eu tsawrhaq pyeuflar taef-a.”

Maꞈtehˬ 7:7

“Shar-awq, shar nar-aq za taef-a. Pov-awq, pov nar-aq mawrle taef-a. Khov-awq, khov nar-aq nawmaf-anr pannaeqlaf taef-a.

Yoˇhaˬ 15:5

“Ngar-aq, aqgaf cirni nima ma. Nawmaf-aq, cirni nizaq deuq mae. Ngaq-euq lafkhoer jawr-awr, ngar khawf aqyawf-euq lafkhoer jawr-eu tsawrhaq-aq, arsiq ghawqmya’ni siqle taef-a. Aqjeq mirnae aernar-aq, ngar maqjawr nar-aq, nawmaf tiqjeq-iq maq janrnya-a.