Yoˇhaˬ 15:15 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁵ Aqkar nar-aq, ngar, nawmaf-anr zaqkhav laer maqpar kur ma. Aqjeq mirnae aernar-aq, zaqkhav-aq, yawsanr aqjeq mrluf-eu la laer maq siqnya-a. Aerkhawf, ngar, nawmaf-anr cawq laer kur ma. Aqjeq mirnae aernar-aq, ngar, ngaqDa-anr nae kharya gaq-euq yawqjeq navluf nawmaf-anr aernaeq-eu ma.

Akha

¹⁵ Aˬ kaˇ naˇ, ngaˇ naw maꞈ-ahˇ zaˬ kʼaˆ lehˇ maˬ paˇ kuˇ ma. Aˬ jeˬ miˇ neh ehˇ naˇ, zaˬ kʼaˆ-aˬ, yawˬ ha-euˬ baw leˬ aˬ jeˬ mˇ luꞈ-eu gaˇ kawˆ maˬ siˬ nya-a. Ngaˇ naw maꞈ-ahˇ ngaˬ-euˬ cawˬ lehˇ kuˇ ma. Aˬ jeˬ miˇ neh ehˇ naˇ, ngaˬ Da neh kʼaˇ ehˇ nehˬ laꞈ-euˬ jeˬ naw maꞈ-ahˇ ngaˇ dzawˇ nehˬ gʼaˬ jiˇ-euˬ ma.

Yoˇhaˬ 15:15 Referans Kwoze

Jaceuq 25:14

Ya’we Miqyaer nae zaftaq-euq jeq-aq, aqyawf-anr guv-eu tsawrhaq deuq naeq-aer jav-awr; Aqyawf, aqyawf maf-anr aqyawf-euq dawqma sarjax bimawr-eu mae.

Maꞈtehˬ 13:11

Yeqsur heulof-aer aerkhof naeq-euq mae, “Aqjeq mirnae aernar-aq, mqtav mirkhanq-euq garkawv zaftaq-euq deuq nawmaf-anr taef-aer bi siqnya-awr, aqyawf maf-anr maqbi siqnya-aq.

Yaˬkoˆ 2:23

“Aqbyaqhaq, Miqyaer-anr jan-eu mirnae, aqyawf-anr tsaq-awr dawr-eu tsawrhaq laer sawxnaeq-euq mae,” (Adb 15:6) laer aertaq-euq Yaerbof khoerdawq byanlar-euq mae. Khoeruqtaf, aqyawf-anr Miqyaer-euq cawq laer khawf kur-eu mae.

Gawˇlawˇsehˇ 1:26

Arhu nae tiqzir sair tiqzir daeqkaq-awr zaftaq-euq jeq pyeuf-eu khawf, nymq-mr aqyawf-euq tsawrshawr deuq-anr panmaeq naeq-euq mae.

Panmaeq 1:1

Yeqsur Kali nae panmaeq naeqlaf-euq, ghawqmyanr maqghae-aer pyeuflar-eu laer ghae-eu garkawv heudeuq-aq, aqyawf-euq ghaqzaq ghaqkhaer deuq-anr bimawr-eu laer Miqyaer nae aqyawf-anr bif-awr, panmaeq naeq-euq mae. Aqyawf, mqtav ghaqkhaer-anr ghoe-awr garkawv heudeuq, aqyawf-euq ghaqzaq ghaqkhaer Yorhaq-anr bi siqnya-euq mae.

Eˇpeˇsu 3:5

Dzeurlaf-euq zir-anr zaftaq-euq jeq khoer, tsawrhaqzaq-anr maqbi siqnya-aq. Aerkhawf, nymq-mr-aq, muiq-eu Saflar-anr ghoe-awr, aqyawf-euq shawr-eu ghaqkhaer deuq hawr-eu, aqyawf-euq gharduq ngaeqdan-eu deuq-anr panmaeq naeq-euq mae.

Eˇpeˇsu 1:9

Miqyaer, aqyawfghaq nae noeqtsaev taq-euq jeq, aqyawf nuikhanr shir-eu mirnae, zaftaq-euq aqyawf nuima tsaq-eu jeq aqdui-anr bi siqnya naeqlaf-euq mae.

Yoˇhaˬ 20:17

Yeqsur, aqyawf-anr heulof-aer aernaeq-euq mae, “Ngaq-anr taq gheutaeq. Aqjeq mirnae aernar-aq, ngar, ngaqDa jawr-eu gar maq ghofdav ler-aq siq. Nawr, ngaq-euq aqyuif aqnyir deuq jawr-eu gar le-awr nae, ‘NgaqDa hawr-eu nawmaf-euq Aqda pyeuf-awr, ngaq-euq Miqyaer hawr-eu nawmaf-euq Miqyaer khawf pyeuf-eu, ngaqDa jawr-eu gar ngar ghofdavler ma’ jer laer aernaeq ler-awq.”

2 Beˬtuˆluˆ 1:1

Ngar-aq, Yeqsur Kali-euq kuirlaf zaqkhav hawr-eu ghaqkhaer Sirmoq Beqtuvluv ma. Aqdui-euq Miqyaer hawr-eu Kakhof-eu ghaq, Yeqsur Kali-euq tsaq-awr dawr-eu jeq-euq baqda’nae, nga’maf lof-aer zawr poeq-eu jan-eu jeq za-euq nawmaf-anr sanqbof bofanr lef-eu ma.

Gaˬlaˬtiˆ 4:6

Nawmaf-aq, Miqyaer-euq zaq mirnae, Miqyaer, aqyawf-euq Zaqyo-euq Saflar, nawmaf-euq lafkhoer bi jawrle-awr, “Aqba, Aqda-or!” laer kur-eu mae.

Yoˇhaˬ 12:26

Tsawrhaq tiqghaqnav ngaq-euq kuirlaf zaqkhav geufmawf nar-aq, ngaq-euq maeqnan ya cantae-eu mae. Ngar aqgeugar jawr nar-aq, ngaq-euq kuirlaf zaqkhav khawf khoergar yajawr-eu mae. Tsawrhaq tiqghaqnav ngaq-euq kuirlaf zaqkhav geuf nar-aq, ngaqDa, aqyawf-anr taqhuiq taqmanrnaeq taef-a.”

Yoˇhaˬ 8:26

Ngar, nawmaf-euq garkawv ja-awr, yarkhaqdar paq-aer ghae-eu ghawqmya jeq jav-eu ma. Aerkhawf, ngaq-anr khaerghae lef-euq ghaq tsaq-awr dawr-eu mae. Ngar, aqyawf-anr nae yagaq-euq deuq mirtsaqzaq-anr ja’maeq naeq-eu ma.”

1 Beˬtuˆluˆ 1:11

Aqyawfmaf kakhof-eu jeq heu aqmyan, aqsur ghaq la laer povtser-awr, aqyawf maf-euq lafkhoer jawr-eu Kali-euq Saflar, aqyawf maf-anr toeqmaeq naeq-euq lof-aer, Kali shaqzanq-anr yadaq-awr, arnan yawshaef khanqsaer za taef-a laer khawf arhuba nae, aqyawfmaf ngaeqdan taq-euq mae.

Yaˬkoˆ 1:1

Ngar-aq, Miqyaer hawr-eu Sanqpaq Yeqsur Kali-euq kuirlaf zaqkhav Yaqkov ma. Kharngeur-eu gar jawrbyav taq-euq tsawrjeuq 12 jeuq-anr dawqcawq puqanr lef-eu ma.

Piˇleˇmoˬ 1:16

Nymq-mr-aq, aqyawf zaqkhav maqpar ngeur-aer, zaqkhav taf-aer gordzaeq-eu aqdui zawr gaq-eu maernmr pyeuflar-euq mae. Ngaq-euq gharduq-aq, aqdir khoerlof-aer pyeuf mir-a. Nawq-euq gharduq ngeurdzaeq, shiqshaq paw hawr-eu Sanqpaq Yeqsur-euq lafkhoer, zawr gaq-eu maernmr par pyeufdzaeq taef-a.

Yoˇhaˬ 17:26

Nawq nae ngaq-anr gaqnaeq laf-euq, gaq-eu jeq khoer, aqyawf maf-euq lafkhoer anr-awr, ngar khawf aqyawf maf-euq lafkhoer yajawrni, ngar, aqyawf maf-anr nawq-euq tsawrmyanr dzawrmaeqnaeq dzeur-euq khawf, pardzawr maeqnaeq le siq.”

Yoˇhaˬ 15:20

‘Zaqkhav-aq, yawqha-euq yawsanr navmaqtser maq huiqdzaeq-a’ laer ngaq nae nawmaf-anr aernaeq-euq dawq-anr taqngaer. Aqyawfmaf, ngaq-anr khaeqlar khavlar nar-aq, nawmaf-anr khawf khaeqlar khavlar taef-a. Aqyawfmaf, ngaq-euq dawq-anr mrcaw nar-aq, nawmaf-euq dawq-anr khawf mrcaw taef-a.

Yoˇhaˬ 13:16

Ngar, nawmaf-anr aqdirma-aer aernaeq nyar, kuirlaf zaqkhav-aq, yawqha-euq yawsanr navmaqtser maq huiqdzaeq-a. Bikhaer-eu ghaq khawf, aqyawf-anr khaer-euq ghaq navmaqtser maq huiqdzaeq-a.

Yuˇdaˆ 1:1

Ngar-aq, Yeqsur Kali-euq kuirlaf zaqkhav hawr-eu Yaqkov-euq maernmr Yurdav ma. Aqda Miqyaer nae kurdov-awr lavshawr-euq uqtaf, Yeqsur Kali bosav-eu lafkhoer jawrluf-eu tsawrhaq deuq-anr sanqbof bofanr lef-euq ma.

Gʼaˬkʼehˇ 20:27

Aqjeq mirnae aernar-aq, Miqyaer nuima tsaq-eu jeq dawqtawvluf ngar maq zaftaqni nawmaf-anr maeqnaeq jir-euq ma.

Yoˇhaˬ 4:19

Khoerngae, zaqmiq aqbur khoerghaq, aqyawf-anr heulof-aer aernaeq-euq mae: “Saqlaq-or! Nawr-aq, Miqyaer gharduq ngaeqdan-eu tiq ghaq nga laer ngar hawdov-euq ma.

Luˇkaꞈ 10:23

Khoerngae, Yeqsur, zaqlanr deuq jawr-eu paw ghawrpyawr-awr, aqyawf maf-anr taef-aer ciqcurni heulof-aer aernaeq-euq mae, “Nawmaf nae ya’mawr-euq deuq-anr ya’mawr-euq myavnuiv-aq, guiqlanq huiq-eu mae.

Dawqdaq 18:24

Tsawrhaq tiq ghaq, cawq ghawqmya’ni jawr-eu khawf, cawv-ir nya-eu mae. Aerkhawf, maernmr navmaqtser dawqpae taeqni jawr-eu cawq jawr-eu mae.

Yoˇhaˬ 16:12

“Ngar, nawmaf-anr aernaeq paq-aer ghae-eu ghawqmya jeq jav-eu le siq. Aerkhawf, nymq-mr nawmaf maq ghovtaq jircoer-a.

Lormav 7:15

Aqjeq mirnae aernar-aq, ngar mrluf-eu deuq-anr ngar maq ghovshawnya nya. Ngar mrmawf-eu deuq-anr ngar maqmr-aer, ngar byae-eu deuq-anr ngar mrluf-eu mir-a.

1 Gawˇliˬtu 2:16

Aqjeq mirnae aernar-aq, “Sanqpaq Miqyaer-anr maeqnaeqler paq-aer aqyawf-euq nuinoeq nuima-anr siqnya-eu aqsur ghaq jawr-eu la?” (Isy 40:13) Aerkhawf, aqdui-aq, Kali-euq nuinoeq nuima anr-eu ma.