Yoˇhaˬ 15:11 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹¹ “Ngaq-euq laqkhaq caer-eu jeq nawmaf-euq lafkhoer anr-awr, nawmaf laqkhaq caer-eu jeq byanlarni, ngar, nawmaf-anr dawq heudeuq aernaeq-eu ma.

Akha

¹¹ Ngaˬ-euˬ laˬ kʼaˬ cehˇ-eu jeˬ naw maꞈ laꞈ kʼoeˇ ahˇ-awˇ, naw maꞈ laˬ kʼaˬ cehˇ-eu jeˬ byah laˇ ni, naw maꞈ-ahˇ ngaˇ heu loꞈ-ehˇ ehˇ nehˬ-euˬ jeˬ pyeuꞈ-eu ma.

Yoˇhaˬ 15:11 Referans Kwoze

Lormav 15:13

Yawshawr Saflar-euq baoq baqda’nae nawmaf noeqtmq-eu jeq myaqlarni, nawmaf jan-eu lafkhoer, noeqtmq-eu jeq bif-eu Miqyaer, nawmaf-anr laqkhaq caer-eu jeq hawr-eu nuisar of-eu jeq bi byanlar luf-ur.

Yoˇhaˬ 17:13

“Aerkhawf, nymq-mr ngar, nawr jawr-eu gar ghoflar ma. Ngaq-euq laqkhaq caer-eu jeq aqyawf maf-euq lafkhoer byanlarni, mirtsaq-euq khoertav jawr ngae, ngar dawq heudeuq aernaeq-euq ma.

Yoˇhaˬ 16:24

Nymq-mr keuvni, nawmaf, ngaq-euq tsawrmyanr-anr ghoe-awr tiqjeq-iq maqshar-aq siq. Nawmaf laqkhaq caer-eu jeq byanlarni shar-awq, shar nar-aq za taef-a.”

1 Yoˇhaˬ 1:4

Nawmaf laqkhaq caer-eu jeq byanlarni, garkawv heudeuq nga’maf, nawmaf-anr bofanr lef-eu ma.

1 Beˬtuˆluˆ 1:8

Nawmaf, aqyawf-anr maq mawrhaw-euq khawf, aqyawf-anr gaqluf-eu mae. Nymq-mr nawmaf, aqyawf-anr maqya mawr khawf, aqyawf-anr jan-eu mirnae, yawshaef khanqsaer byan-awr, maq aernya paq-aer laqkhaq caer-eu jeq-euq lafkhoer, nawmaf laqkhaqcaer luf-eu mae.

2 Yoˇhaˬ 1:12

Ngar, nawmaf-anr bofnaeq paq-aer ghae-eu ghawqmya jeq jav-eu le siq. Aerkhawf, seuqghaq hawr-eu sanquir nae maq bofmawf nya. Aqdui-euq laqkhaq caer-eu jeq byanlarni, ngar, nawmaf jawr-eu gar oe-awr, myavpyawq tanqdzoer-awr dawqja jacawq ma laer noeqtmq taq-euq ma.

Yoˇhaˬ 16:33

Nawmaf, ngaq-euq lafkhoer nuisar of-eu jeq za’ni, ngar, nawmaf-anr garkawv heudeuq aernaeq-eu ma. Mirtsaq-euq khoertav jawr ngae, nawmaf shaq-awr zanq-eu jeq-anr yadaq taef-a. Aerkhawf, nawmaf nuima zif-awr laqkhaq caer-awq, ngar, mirtsaq-anr ghaqler-euq ma.”

2 Gawˇliˬtu 1:24

Nga’maf, nawmaf jan-eu jeq-anr dzoeq-eu laer maqngeur. Nawmaf jan-eu lafkhoer yawfluf-eu mae. Nga’maf-aq, nawmaf laqkhaq caerni nawmaf-euq gar mrcawq pyeuf-eu ma.

1 Teˇsaˬloˇni 5:16

Aqmyanluf laqkhaq caer-awq.

Luˇkaꞈ 15:32

Aerkhawf, nawqnyir heughaq-aq, shir-euq khawf ghofdaef lar-awr, byov-ir-euq khawf mawrkhof-euq mirnae, aqdui laqkhaq caertavni laqkhaq cawcaer naeq-eu tsaq taef-a.’ ”

Luˇkaꞈ 15:9

Povmawr ngae, aqyawf-euq cawqdeuq hawr-eu dawqpae jawr-eu deuq-anr kur-awr aernaeq-eu, ‘Ngaq nae bi gabyov-euq pyur khoerbyav povmawr khof-euq mirnae, nawmaf, ngaq naeq-aer laqkhaq cawcaer lar-awq.’

Piˇliˇpiˆ 1:25

Nawmaf huiqlar manrlar-awr, jan-eu jeq-euq lafkhoer laqkhaq yacaerni, ngar, nawmaf dawqtawvluf naeq-aer jawr-awr daefdav lef-eu tsaq taef-a laer, siqnya-awr yawduq baw-eu ma.

Eˇpeˇsu 5:18

Jirbaq taq dawryaef. Dawryaef nar-aq, yawuq uq-ir nya-eu mae. Aerkhawf, nawmaf-euq lafkhoer muiq-eu Saflar bi byanlar-awq.

Yoˇhaˬ 3:29

Miqshuif-anr sheuq-eu ghaq-aq, Yoshuif mae. Yoshuif-euq cawq yoshuif-euq dawqpae yawf-awr, yoshuif-euq dawq yagaq ngae, laqkhaqcaer duidui-eu mae. Khoerlof-aer durni, ngar khawf laqkhaq caer-eu jeq byan duidui mir-a.

Luˇkaꞈ 15:5

Povmawr-euq nar-aq, laqkhaq caertavni bafpu-anr bafdav taef-a.

Luˇkaꞈ 15:23

Tsurdanqni ghae-eu mawrner mawrgaw khoermawr tsanrlaf-awr saef-awq. Aqduimaf laqkhaq tiqcaer dzaqtaf dawrtaf kar-eur.