Yoˇhaˬ 15:1 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹ “Ngar-aq, aqgaf cirni nima ma. NgaqDa-aq, aqgaf yarkmr-anr lavsav-eu ghaq mae.

Akha

¹ Ngaˇ-aˬ, maˇ maˇ ni gʼeh-eu aˬ gaꞈ baw duˆ ma. Ngaˬ Da-aˬ, aˬ gaꞈ yaˇ kmˇ-ahˇ bo saˆ-eu gʼaˬ meh.

Yoˇhaˬ 15:1 Referans Kwoze

1 Gawˇliˬtu 3:9

Nga’nyaf-aq, Miqyaer-euq gar mrcawq ma. Nawmaf-aq, Miqyaer-euq daeyar mae. Nawmaf-aq, Miqyaer tsovluf-eu nymr mae.

Yoˇhaˬ 6:55

Ngaq-euq shaqjir-aq, aqdir aqmar dzaq-eu jeq pyeuf-awr, ngaq-euq shiq khawf aqdir aqmar dawr-eu jeq pyeuf-eu mae.

1 Yoˇhaˬ 2:8

Aerkhawf, khaerdawq yawshuif laer aernya-eu tiq dawq ngar, nawmaf-anr bofanr lef-eu ma. Dawq khoerdawq tsaq-awr dawr-eu-aq, Kali-euq lafkhoer hawr-eu nawmaf-euq lafkhoer mawrlar-eu mae. Aqjeq mirnae aernar-aq, yawzanr byov-ir luf-awr, nymq-mr marjawvni ghae-eu yawshaef byadovlar luf-eu mae.

Maˬkuˆ 12:1

Khoerngae, Yeqsur, aqyawf maf-anr yawjeq majeq dawq-anr nae heulof-aer maeqnaeq-euq mae: “Tsawrhaq tiq ghaq aqgaf yarkmr tiq kawq mr-awr, yarkmr yawmuiq-aer mrjawq-awr, aqgaf dzaruir nawqdovduq janr-awr nae, aqgaf yar-anr lof-eu nymrgor tiq nymr khawf tsov-euq mae. Khoernar-aq, aqgaf yarkmr-anr mr-eu deuq-anr ngaqnaeq yaf-awr, yawqkhanq yawqmir yawq-anr ghawqmyanrni jawr-ir-euq mae.

Maꞈtehˬ 21:33

“Yawjeq majeq dawq yawqdawq yawq-anr narhaq sher-eq. Yarsanr aqda tiq ghaq, aqgaf yarkmr tiq kmr mr-awr, yarkmr yawmuiq-aer mrjawq-awr, yarkmr-euq lafkhoer aqgaf dzaruir nawqdovduq janr-awr nae, yarkmr-anr lof-eu nymrgor tiq nymr khawf tsov-euq mae. Khoernar-aq, aqgaf yarkmr-anr mr-eu deuq-anr ngaqnaeq yaf-awr, yawqkhanq yawqmir yawq-anr ghawqmyanrni jawr-ir-euq mae.

Yoˇhaˬ 6:32

Khoerngae, Yeqsur, aqyawf maf-anr heulof-aer aernaeq-euq mae, “Ngar, nawmaf-anr aqdir aqmar aernaeq nyar, nawmaf-anr mqtav-euq kaqmur bif-euq ghaq-aq, Morseq maqngeur-a. Aerkhawf, marmarni mqtav-euq kaqmur, nawmaf-anr bif-eu ghaq-aq ngaqDa mae.

Luˇkaꞈ 13:6

Khoerngae, Yeqsur yawjeq majeq dawq-anr nae heulof-aer maeqnaeq-euq mae: “Tsawrhaq tiq ghaq, aqyawf-euq aqgaf yarkmr-anr siqguq arbawr tiq bawr kataq-euq mae. Arsiq maqsiq nga lor laer aqyawf hawle ngae, arsiq maqsiq-a.

Maꞈtehˬ 20:1

“Aqjeq mirnae aernar-aq, mqtav mirkhanq-aq, heulof-aer dur-eu mae, yarsanr aqda tiq ghaq uqshawq yawnaf-aer dov-ir-awr, aqyawf-euq aqgaf yarkmr-euq lafkhoer ghaqmanr manrdzaq-eu tsawrhaq pov-ir-euq mae.

Yoˇhaˬ 1:9

Yawshaef khoer-aq, marjawvni ghae-eu yawshaef mae. Yawshaef khoer mirtsaq-euq khoertav khar daefle-euq tsawrhaq dawqtawv luf-anr bya’naeq le-euq mae.

Yoˇhaˬ 1:17

Zanrdawq-aq, Morseq-anr ghoe-awr bifnaeq lef-euq mae. Aerkhawf, guiqlanq yawdzanr hawr-eu yawtsaq yawdawr jeq-aq, Yeqsur Kali-anr nae dovle-euq mae.

Maꞈtehˬ 15:13

Khoerngae, Yeqsur heulof-aer aerkhof naeq-euq mae: “Arbawq yawqbawq navluf mq-euq khoertav jawr-eu ngaqDa nae kataq-euq maqngeur nar-aq, yawqbawq navluf-anr dawqpaeq duqpur laevni yabi ghawrdzae taef-a.

Yoˇhaˬ 15:2

Aqyawf, ngaq-anr tsoftsaf luf-eu gar nae arsiq maq siqle-eu cirni nizaq dawqtawv luf-anr deuvdzae-eu mae. Arsiq khar siqle-eu cirni nizaq deuq-anr-aq, bi siqdzaeq le-eu laer aqyawf yawmuiq-aer dawnaeq-eu mae.

Lormav 11:17

Tsawrhaqzaq nae kataq-euq saqloq uqpyaq tiqdeuq nav-anr deuvdzae-awr, bawrtsanq-euq saqloq uqpyaq pyeuf-eu nawmaf-anr tsafnaeq laf-awr, uqpyaq nuideuq naeq-aer tiqkawv lof-aer saqloq-euq duqcir-euq ardziq-anr shuvluf-eu ngeur nar-aq,