Yoˇhaˬ 14:26 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²⁶ Ngaq-euq tsawrmyanr-euq uqmov nae, Aqda, Cawba-eu ghaq pyeuf-eu Yawshawr Saflar-anr bi’oe ngae, aqyawf, nawmaf-anr yawqjeq navluf maeqnaeq laf-awr, ngaq nae nawmaf-anr aernaeq taqyaf-euq dawq khoer dawqtawvluf, aqyawf, nawmaf-anr bi noeqdovlar taef-a.

Akha

²⁶ Aˬda kʼehˇ gʼeh leꞈ-eu lehˇ gʼeh-eu Caw ba-eu gʼaˬ pyeuꞈ-eu Yaw sahˇ Miˬyehˇ-aˬ, naw maꞈ-ahˇ yawˬ jeˬ na luꞈ mehˬ nehˬ tsoˆ nehˬ laꞈ-awˇ, ngaˬ neh ehˇ taˬ yaꞈ-euˬ dawˬ deuˬ-ahˇ naw maꞈ noeˬ mawˇ ni caw ba nehˬ laꞈ tehꞈ-a.

Yoˇhaˬ 14:26 Referans Kwoze

Yoˇhaˬ 15:26

“Aqda jawr-eu gar nae oe-eu Cawba-eu ghaq-anr ngar, nawmaf jawr-eu gar bi’oe ma. Aqyawf-aq, Aqda-anr nae dovle-awr yawtsaq yawdawr-euq Saflar mae. Aqyawf oekeuv ngae, ngaq-euq garkawv sarkirkamq taef-a.

Yoˇhaˬ 14:16

Ngar, Aqda-anr shar-awr, aqmyanluf nawmaf naeq-aer bijawr-eu gharduq, aqyawf, nawmaf-anr Cawba-eu ghaq, tiq ghaq bifnaeqlaf taef-a.

1 Yoˇhaˬ 2:27

Nawmaf, Kali nae tsaqtsov-euq jeq za-awr, tsaqtsov-euq jeq khoer aqmyanluf nawmaf-euq lafkhoer javluf-eu mirnae, tsawrhaqzaq tiqghaq-iq nawmaf-anr maeqnaeq tsovnaeq-eu laer maqya ghae-ar. Aqjeq mirnae aernar-aq, tsaqtsov-euq jeq khoer, nawmaf-anr taf-eu yawqjeq navluf maeqnaeq tsovnaeqlaf taef-a. Tsaqtsov-euq jeq khoer-aq, jaqmyawf maqngeur-a, tsaq-awr dawr-eu mae. Khoermirnae, tsaqtsov-euq jeq nawmaf-anr maeqnaeq tsovnaeq laf-eu lof-aer aqyawf-euq lafkhoer jawr-awq.

Yoˇhaˬ 16:7

Ngar, nawmaf-anr dawrcoeni aernaeq nyar. Ngar ghofler-eu-aq, nawmaf-euq gharduq yawmuiq mae. Aqjeq mirnae aernar-aq, ngar maq ghofler nar-aq, Cawba-eu ghaq, nawmaf jawr-eu gar maqoe-a. Aerkhawf, ngar ghawq-ir-euq nar-aq, aqyawf-anr nawmaf jawr-eu gar khaerghaelef ma.

1 Yoˇhaˬ 2:20

Yawshawr ghaq, nawmaf-anr tsaqtsov-euq mirnae, nawmaf yawqjeq navluf-anr siqnya mae.

1 Gawˇliˬtu 6:19

Nawmaf-euq mawrdo-aq, Yawshawr Saflar-euq uqduq tanqnymr nymrma mae laer maq siqnya-eu le lor? Yawshawr Saflar-aq, Miqyaer-anr nae oe-awr, nawmaf-euq lafkhoer jawrluf-eu mae. Khoeruqtaf, nawmaf-euq mawrdo-aq, nawmaf-euq maqngeur-a.

Gʼaˬkʼehˇ 2:33

Miqyaer-euq armar paw aqyawf-anr taqhuiq taqmanr-awr, Yawshawr Saflar bif ma laer Miqyaer nae sarjax dzaqtaq-euq lof-aer, aqyawf za-euq mae. Nymq-mr nawmaf yagaq ya’mawr luf-eu lof-aer, aqyawf shaevdav naeqlef-euq mae.

Eˇpeˇsu 1:17

Aqdui-euq Sanqpaq Yeqsur Kali-euq Miqyaer pyeuf-eu, yawshaef khanqsaer-euq Aqda, nawmaf-anr zaqsiq tsawrganr hawr-eu panmaeq-eu Saflar bifnaeq-awr, aqyawf-anr siqnya-eu tsawrganr anrlarni, ngar guiqlanq sharluf-eu ma.

Lormav 15:13

Yawshawr Saflar-euq baoq baqda’nae nawmaf noeqtmq-eu jeq myaqlarni, nawmaf jan-eu lafkhoer, noeqtmq-eu jeq bif-eu Miqyaer, nawmaf-anr laqkhaq caer-eu jeq hawr-eu nuisar of-eu jeq bi byanlar luf-ur.

Gʼaˬkʼehˇ 2:4

Khoerngae, aqyawfmaf yawqghaq navluf-anr Yawshawr Saflar byanle-awr, Yawshawr Saflar nae bingaeq-euq lof-aer, danqbae-awr nuijeq-euq dawq-anr nae dawqbav bav-eu mae.

Yoˇhaˬ 2:22

Khoermirnae, Yeqsur shir-awr ghofdaeflar ngae, aqyawf nae aqyawf maf-anr aertaq-euq dawq heudawq-anr zaqlanr deuq noeqdov lar-euq mae. Khoerngae jawr, aqyawfmaf, Yaerbof-anr khawf, Yeqsur nae ngaeq-euq dawq-anr khawf jan-euq mae.

Gʼaˬkʼehˇ 13:2

Aqyawfmaf, Sanqpaq Miqyaer-anr uqduq tanqtanq-aer dzardzaq sheuqluf ngae, Yawshawr Saflar, aqyawf maf-anr aernaeq-eu, “Ngaq nae aqyawf nyaf-anr kurtaq-awr bi mr-eu laer ghaer-eu gar deuq-anr mrni, ngaq-euq gharduq Baqnaqbar hawr-eu Sawrluv-anr tserpavdov taq-awq.”

1 Beˬtuˆluˆ 1:12

Miqyaer gharduq ngaeqdan-eu khoerdeuq, aqyawfmaf gar mr-eu-aq, yawqha-euq gharduq mr-eu maqngeur-aer, aqdui-euq gharduq mr-eu mae laer Miqyaer, aqyawf maf-anr panmaeq naeq-euq mae. Mq-anr nae bi’oe-euq Yawshawr Saflar, aqyawf maf-anr panmaeq naeq-euq mirnae, nymq-mr aqyawfmaf guiqlanqdawq khoerdeuq, nawmaf-anr maeqnaeq luf-eu mae. Mqtav ghaqkhaer deuq khawf, khoerdeuq-anr mawrmawf duidui-eu mae.

1 Yoˇhaˬ 5:7

Mq-euq khoertav sarkir kamq-eu smr ghaq jawr-eu mae: Aqda Miqyaer, Dawq hawr-eu Yawshawr Saflar, heu smr ghaq-aq tiq ghaq taef mae.

Tiˇtuˆ 3:5

aqyawf, aqdui-anr kakhof naeqlaf-euq khoer-aq, aqdui tsaq-awr dawr-eu jeq mr-euq mirnae maqngeur-a. Aerkhawf, aqyawf, aqdui-anr ghawqshaq gaq-eu mirnae, Yawshawr Saflar-euq lafkhoer lavshuif-eu jeq hawr-eu daefpov daeqpar-eu jeq-anr taf-eu tsiqshawr-eu jeq baqda’nae, aqyawf, aqdui-anr bibuq-ir naeqlaf-euq mae.

Luˇkaꞈ 24:49

Narhaq sher-eq. NgaqDa-euq sarjax, ngar, nawmaf-euq khoertav bi jawrle ma. Nawmaf mq-euq khoertav-euq baoq maqza-euq khoerkeuvni meuq-euq lafkhoer dawqtawq siq.”

Yuˇdaˆ 1:20

Aerkhawf, ngar zawr gaq-eu cawqdeuq-or! Nawmaf, shawr duidui-eu jan-eu jeq-euq lafkhoer huiqlar manrlar-awr, Yawshawr Saflar-euq lafkhoer guiqlanq shar-awq.

HeˬByehˇ 9:8

Saqpar saeqghawv yawbae ghawv kharjav-eu khoerkeuvni, shawr duidui-eu lawv-anr urler-eu garma maq danrlar-aq siq laer, Yawshawr Saflar toeqmaeq naeqlaf-euq mae

HeˬByehˇ 3:7

Khoermirnae, Yawshawr Saflar heulof-aer aertaq-euq mae, “Iqnan nawmaf, aqyawf-euq dawq yagaq-euq ngeur nar-aq,

2 Gawˇliˬtu 13:14

Sanqpaq Yeqsur Kali-euq guiqlanq yawdzanr, Miqyaer-euq gaq-eu jeq hawr-eu Yawshawr Saflar-euq lafkhoer cawq cawqtaf-eu jeq, nawmaf yawqghaq navluf-euq khoertav jav luf-ur. Aqmeq.

1 Teˇsaˬloˇni 4:8

Khoermirnae, dawq khoerdawq-anr maq hageuf-eu tsawrhaq-aq, tsawrhaq-euq dawq-anr maq hageuf-eu maqngeur-aer, nawmaf-euq lafkhoer Yawshawr Saflar bi jawrle-euq Miqyaer khoerghaq-euq dawq-anr maq hageuf-eu jeq pyeuf-eu mae.

1 Gawˇliˬtu 12:3

Khoermirnae, ngar, nawmaf-anr heulof-aer bi siqnya’mawf mir-a. Tsawrhaq tiqghaq-iq Miqyaer-euq Saflar-anr ghoe-awr nae, Yeqsur-anr yaqkhaer yaq-eu dawq maqngaeq-ar. Khoeruqtaf, Yawshawr Saflar-anr maqghoe nar-aq, Yeqsur-aq, Sanqpaq mae laer tsawrhaq tiqghaq-iq maqaer nya-a.

2 Beˬtuˆluˆ 1:21

Aqjeq mirnae aernar-aq, Miqyaer gharduq ngaeqdan-eu dawq-aq, tiqpawf-iq tsawrhaq-euq nuinoeq nuikhanr-anr nae dovle-euq maqngeur-a. Aerkhawf, Miqyaer-euq shawr-eu tsawrhaq deuq-aq, Yawshawr Saflar nae bi noeqdov-euq lof-aer ngaeq-eu mae.

Luˇkaꞈ 11:13

Nawmaf, tsawrdoer pyeuf-eu khawf, yawqha-euq zaq-anr lafsawq yawmuiq bifnaeq-eu siqnya-eu mae. Khoernav maqtser, mq-euq khoertav jawr-eu nawmaf-euq Aqda, aqyawf-anr shar-eu deuq-anr Yawshawr Saflar bifnaeq mawf-eu mae!”

Jaceuq 51:11

Nawq-euq maeqshi nae ngaq-anr taq taedzae naeqlaf. Nawq-euq Yawshawr Saflar, ngaq-anr nae taq yurkhof naeqlaf.

Lormav 15:16

ngar, aqcawq tsawrjeuq tsawrca-euq gharduq Yeqsur Kali-euq gar mrzaq geuf-awr, Miqyaer-euq guiqlanq dawq-euq gar mrluf-eu ma. Yawshawr Saflar nae aqcawq tsawrjeuq tsawrca-anr lavshawr-euq nar-aq, aqyawf maf-anr yur-awr lawrnaeq-eu jeq lof-aer lawrnaeq ngae, Miqyaer hageuf paq-aer ngar mrluf-eu ma.

Luˇkaꞈ 1:41

Erlirsaqbaev, Maqliv dawqcawq puqlar-eu gar yagaq-euq naeq-aer, aqyawf piluf-eu zaq khoerghaq, uqmav-euq lafkhoer luvluv-aer teuv-eu mae. Khoeruqtaf, Erlirsaqbaev-anr Yawshawr Saflar byanle-awr,

Maꞈtehˬ 3:11

Nawmaf noeqpov noeqparni, ngar-aq, aqdir nawmaf-anr ircuf nae bartirsaq mrnaeq luf-eu ma. Aerkhawf, ngaq-euq maeqnan oeluf-eu ghaq-aq, ngaq-euq navmaqtser baoq huiq-eu mae. Ngar-aq, aqyawf-euq saeqnawv yurnaeq-eu taef khawf maqgeux-a. Aqyawf-aq, Yawshawr Saflar hawr-eu miqdzaq nae nawmaf-anr bartirsaq mrnaeq taef-a.

HeˬByehˇ 2:4

Miqyaer, aqyawf nuima tsaq-eu lof-aer bisiq bimawr-eu jeq, zanqler paq-aer ghae-eu jeq hawr-eu khavjeq-aer ghae-eu jeq ghawqmya jeq mr-awr, Yawshawr Saflar-euq lafsawq bizmq-eu lafkhoer sarkir kamqnaeq laf-euq mae.

2 Tiˆmoˇseˬ 1:14

Aqdui-euq lafkhoer jawr-eu Yawshawr Saflar-anr ghoe-awr, nawq-anr a’naeq taq-euq yawmuiq jeq-anr, nawr yawmuiq-aer jeqhmq taq-awq.

Eˇpeˇsu 4:30

Miqyaer-euq Yawshawr Saflar nuima cawv paq-aer taqmr. Miqyaer, Yawshawr Saflar-anr ghoe-awr nawmaf-anr kakhof naeqlaf-eu arnan-euq gharduq, jmq diqtaq-euq mae.

Lormav 14:17

Aqjeq mirnae aernar-aq, Miqyaer uvlanr-eu jeq-aq, dzaq-awr dawr-eu garkawv maqngeur-a. Yawshawr Saflar-euq lafkhoer, tsaq-awr dawr-eu, nuisar of-eu hawr-eu laqkhaq caer-eu jeq pyeuf-eu mae.

Lormav 5:5

Noeqtmq-eu baqda’nae nuima yacawv-eu maqngeur-a. Aqjeq mirnae aernar-aq, aqdui-anr bifnaeq laf-euq Yawshawr Saflar, aqdui-euq nuima-euq lafkhoer, Miqyaer-euq gaq-eu jeq shaevanr naeqlaf-euq mae.

Gʼaˬkʼehˇ 20:28

Yawshawr Saflar, nawmaf-anr armaf-euq lafkhoer nae tserdov-awr aqyuif aqtsu bigeuf-euq mirnae, nawmaf yawqhar yawqha yanryanr-aer daef-awr, armaf maflan-euq gharduq khawf yanr-awq. Aqyawf-euq shiq nae zeurkhof taq-euq Sanqpaq Miqyaer-euq Kalizaq armur-anr bosav-awq.

Gʼaˬkʼehˇ 11:16

Khoerngae, ngar, Sanqpaq Yeqsur nae aernaeq laf-euq dawq heudawq-anr noeqdov lar-euq mir-a. Aqyawf aer-eu, ‘Yorhaq-aq, ircuf nae bartirsaq mrnaeq-euq mae. Aerkhawf, nawmaf-aq, Yawshawr Saflar-euq lafkhoer bartirsaq ya hageuf taef-a.’

Gʼaˬkʼehˇ 1:8

Aerkhawf, Yawshawr Saflar, nawmaf-euq khoertav zafkale ngae, nawmaf baoq za taef-a. Khoernar-aq, nawmaf, Yeqlursaqlaeq hawr-eu Yurdav mirkhanq-euq lafkhoer, Saqmaqliv mirkhanq doeni hawr-eu mqdzer mirdzer-anr keuvni, ngaq-euq garkawv sarkir kamq-eu tsawrhaq pyeuflar taef-a.”

Yoˇhaˬ 20:22

Khoerlof-aer aerghaq-euq nar-aq, aqyawf maf-euq khoertav saf baw-awr heulof-aer aernaeq-euq mae, “Yawshawr Saflar-anr hageuf-awq.

Yoˇhaˬ 6:45

Miqyaer gharduq ngaeqdan-eu deuq-euq sanqbof-euq lafkhoer, ‘Miqyaer, tsawrhaq yawqghaq navluf-anr maeqnaeq taef-a,’ (Isy 54:13) laer boftaq-euq mae. Khoermirnae, Aqda Miqyaer maeq-eu dawq-anr yagaq-awr dzawgeuf-euq tsawrhaq yawqghaq navluf ngar jawr-eu gar lar taef-a.

Maˬkuˆ 13:11

Aqcawq, nawmaf-anr yarkhaq dar-eu nymr-anr sheuqghae ngae, nawmaf aqjox-aer ya’ngaeq yatmr-eu laer, maq keuvlar-euq minav-aer khanq taqlanr. Khoerngae yamq-anr nawmaf-anr bingaeq bitmr laf-eu lof-aer ngaeq-awr tmr-awq. Aqjeq mirnae aernar-aq, dawq ngaeq-eu ghaq-aq, nawmaf maqngeur-eu, Yawshawr Saflar mae.

Maꞈtehˬ 1:20

Yorsaev khoerlof-aer sharnoeqluf ngae, aqyawf yufmav mav-eu lafkhoer, Sanqpaq Miqyaer-euq mqtav ghaqkhaer dovle-awr heulof-aer aer-eu mae: “Daqbir-euq zaqyo Yorsaev-or, nawq nae aertsaev taq-euq Maqliv-anr sheuqdanq dzaq-eu taq noeqshaq. Aqjeq mirnae aernar-aq, aqyawf piluf-eu zaq-aq, Yawshawr Saflar-euq baqda’nae tsaevler-euq mae.

HeˬByehˇ 10:15

Yawshawr Saflar khawf, aqdui-anr sarkir kamqnaeq laf-eu lafkhoer, yawbae heulof-aer aer-eu mae,

Yoˇhaˬ 12:16

Yawbae ngae-aq, aqyawf-euq zaqlanr deuq garkawv khoer-anr maq ghovshaw nya-a. Yeqsur yawshaef khanqsaer zaghaq-awr nae taef-aer, aqyawf-euq garkawv khoerlof-aer boftaq-euq gar hawr-eu aqcawq, aqyawf-anr khoerlof-aer janrnaeq-euq garkawv, aqyawf maf-anr noeqdov ler-euq mae.

Maˬkuˆ 12:36

Yawshawr Saflar, Daqbir-anr sheuqghae ngae, aqyawf-euq mawrdo nae heulof-aer aertaq-euq mae, ‘Sanqpaq Miqyaer, ngaq-euq Sanqpaq-anr aernaeq-euq, “Ngar, nawq-anr muir-eu deuq, nawq-euq aqkuir cawqtaqduq maqbi pyeuflar-euq khoerkeuvni, ngaq-euq armar paw nuir-awq.” ’ (Jc 110:1)

Panmaeq 2:11

“Naqbawr tsof-awr gaqnya-eu tsawrhaq deuq, muiq-eu Saflar nae Kalizaq armur-anr aernaeq-euq dawq-anr yawmuiq-aer narhaq-awq. Nyiq pov tiqpov shir-eu jeq, ghaqler-eu tsawrhaq-anr maq lavnar nya-ar.” ’

Eˇpeˇsu 1:13

Nawmaf-anr kakhof nya-eu yawtsaq yawdawr-euq guiqlanq dawq-anr yagaq ngae, nawmaf, Kali-anr ghoelar-euq mae. Khoermirnae, jan-eu lafkhoer sarjax biftaq-euq lof-aer, Yawshawr Saflar-anr ghoe-awr nawmaf-anr jmq diqtaq-euq mae.

2 Gawˇliˬtu 6:6

Nuima shawr-eu, siqnya-eu tsawrganr zmq-eu, nuinoeq ghawqmanrni noeq-eu, ghawqshaq gaq-eu, Yawshawr Saflar-anr ghoe-eu, nuima shawrjaevni gaq-eu,

Gʼaˬkʼehˇ 20:35

Nawmaf khawf khoerlof-aer gar yawkhav-aer mrmr-aer, ghaq baq-eu deuq-anr cawba’ni, ngar yawqjeq navluf-euq lafkhoer nawmaf-anr mrmaeq naeq-euq ma. Sanqpaq Yeqsur nae aertaq-euq dawq heudawq-anr khawf noeqkeuv-awq, ‘Bif-eu-aq, za-eu navmaqtser guiqlanq huiqdzaeq-eu mae.’ ”

Gʼaˬkʼehˇ 15:8

Tsawrhaq-euq nuima-anr siqnya-eu Miqyaer-aq, aqdui-anr Yawshawr Saflar bifnaeq laf-euq lof-aer, aqcawq tsawrjeuq tsawrca-anr khawf bifnaeq-euq mirnae, Miqyaer, aqyawf maf-anr khawf hageuf-eu nga laer mawrlar-eu mae.

Gʼaˬkʼehˇ 7:51

“Kawqlanr ghanr-awr, nuima hawr-eu naqbawr bawkhov maeqdzaq maqyaeq-euq tsawrhaq deuq-or! Nawmaf aqmyanluf Yawshawr Saflar-anr lavtsoeq-eu mae. Nawmaf-euq aqpoeq deuq aqjox-aer janr-euq nar-aq, nawmaf khawf khoerlof-aer ghaeluf-eu mae.

Gʼaˬkʼehˇ 1:4

Yeqsur, aqyawfmaf naeq-aer uiqler-awr jawr ngae, Yeqlursaqlaeq-anr nae taqdov-ir, Aqda Miqyaer nae aertaq-euq dawqma sarjax khoerdawq-anr nawmaf dawqtawq siq laer, Yeqsur, aqyawf maf-anr dawq bif-euq mae. Yeqsur aer-eu, “Garkawv heu-aq, ngar aer-eu gar nawmaf yagaq-euq mae.

Gʼaˬkʼehˇ 1:2

Yeqsur, Yawshawr Saflar-anr ghoe-awr, aqyawf nae tserdov taq-euq ghaqkhaer deuq-anr dawq bifyaf-awr, mqtav bi sheuqdav lef-euq gar keuvni boftaq-euq ma.

Yoˇhaˬ 7:39

Yeqsur heulof-aer aer-eu-aq, aqyawf-anr jan-eu tsawrhaq deuq aqkar muiq-eu Saflar za-eu gar aermawf-eu mae. Aqjeq mirnae aqkar za-eu laer aernar-aq, Yeqsur yawshaef khanqsaer maqza-euq siq mirnae, aqyawf maf-anr Yawshawr Saflar maq bifdan-aq siq.

Luˇkaꞈ 3:22

Khoerngae, Yawshawr Saflar, khaqkhoeq lof-aer dur-eu lafkhoer, aqyawf-euq khoertav zafka le-awr, mq-anr nae tersar ngaeqdov lef-eu, “Nawr-aq, ngar zawr gaq-eu ngaq-euq Zaqyo ma. Ngar, nawq-anr nuikhanrshir duidui ma.”

Luˇkaꞈ 1:67

Khoerngae, Yawshawr Saflar, Yorhaq-euq aqda Zeqkaqlir-anr byanle-awr, Miqyaer gharduq heulof-aer ngaeqdan-euq mae:

Luˇkaꞈ 1:35

Mqtav ghaqkhaer heulof-aer aerkhof naeq-euq mae, “Yawshawr Saflar, nawq-euq khoertav zafka le-awr, Gor duidui-eu ghaq-euq baoq nawq-anr joeshmrle taef-a. Khoermirnae, daefle-eu Yawshawr ghaq-anr Miqyaer-euq Zaqyo laer kur taef-a.

Luˇkaꞈ 1:15

Aqyawf, Sanqpaq Miqyaer-euq maeqshi yawhuiq yawmanr ghaq pyeuflar taef-a. Aqyawf-aq, aqgaf dzaruir yawtav hawr-eu aqgaf dzaruir yawbyawq khawf maqdawr-ar. Aqma-euq uqmav-euq lafkhoer ur ngae nae, Yawshawr Saflar tiqbyanni byan taef-a.

Maꞈtehˬ 28:19

Khoermirnae, nawmaf ir-awr, tsawrjeuq tsawrca dawqtawvluf, ngaq-euq zaqlanr pyeuflarni mr-ir-awq. Aqda, Zaqyo hawr-eu Yawshawr Saflar-euq tsawrmyanr-euq uqmov, aqyawf maf-anr bartirsaq mrnaeq-awq.

Gʼaˬkʼehˇ 28:25

Aqyawfmaf tiqghaq tirghaq maqtsaq maq dzoerler-aer, Pawrluv, aqyawf maf-anr dawq heudawq aernaeq ghaq ngae ghawq-ir-euq mae: “Yawshawr Saflar nae Miqyaer gharduq ngaeqdan-eu Irsaqyar-anr ghoe-awr, aqdui-euq aqpoeq deuq-anr aernaeq-euq dawq heudawq-aq, tsaq duidui-eu mae.

Gʼaˬkʼehˇ 16:6

Khoerngae, Aqsir mircoer-anr Yaerdawq maqbi maeqni Yawshawr Saflar lavtsoeq-eu mirnae, aqyawfmaf, Puqgir hawr-eu Gaqlaqtiv mirkhanq irpav ghae-euq mae.

Gʼaˬkʼehˇ 15:28

Maq mrkhmq-eu heudeuq maqngeur nar-aq, nawmaf-euq khoertav khavbaev nuijeq maq ciqpi naeq-eu gar Yawshawr Saflar khawf nuima tsaq-awr, nga’maf khawf nuima tsaq-eu ma.

Gʼaˬkʼehˇ 13:4

Khoermirnae, Yawshawr Saflar, aqyawf nyaf-anr khaer-eu lof-aer, Seqlurgir meuq-anr irka-awr, khoergar nae lawq-anr dziq-awr, Gurbaqlur irjawlanr-anr irghae-euq mae.

Gʼaˬkʼehˇ 7:55

Khoerngae, Saqteqpaq-anr Yawshawr Saflar byanle-awr mq-anr hawtsovtaq ngae, Miqyaer-euq yawshaef khanqsaer-anr mawr-awr, Yeqsur, Miqyaer-euq armar paw yawfluf-eu gar khawf ya’mawr-awr,

Gʼaˬkʼehˇ 5:3

Khoerngae, Beqtuvluv heulof-aer aernaeq-euq mae: “Aqnaqnir-or! Aqjeq mirnae nawq-euq nuima-anr naef Saqdaq bi urbyan lar-awr, Yawshawr Saflar-anr jaqmyawf myawf-awr, mirtsaq anqza-euq pyur uicuiv yurdov yaf-euq le?

Luˇkaꞈ 2:25

Khoerngae, Yeqlursaqlaeq-anr Surmoq laer kur-eu tiq ghaq jawr-eu mae. Aqyawf-aq, dawrcoeni ghae-awr, Miqyaer-anr yawzeu baw-eu tiq ghaq mae. Aqmyanluf Irsaqleqlav tsawrhaq-anr nuima bi sarlar-eu ghaq oekeuv-eu gar noeqtmq luf-eu mae. Khoeruqtaf, Yawshawr Saflar, aqyawf-euq lafkhoer jawrluf-eu mae.

Maꞈtehˬ 1:18

Yeqsur Kali daefle-euq garkawv-aq heulof-aer mae. Aqyawf-euq aqma Maqliv-aq, Yorsaev-anr danqdzaq-ir ma laer aertsaev taq-euq mae. Aqyawfnyaf maq sheuqdanq dzaq-euq minav-aer, Maqliv, Yawshawr Saflar-euq baqda’nae zaq tsaevler-euq mae.

Yoˇhaˬ 1:33

Yawbae-aq, ngar, aqyawf-anr maq siqnya-aq. Aerkhawf, ircuf nae bartirsaq mrnaeq-awq laer ngaq-anr khaer-eu khoerghaq, ngaq-anr heulof-aer aernaeq laf-euq mae, ‘Yawshawr Saflar zafka le-awr, aqgeu ghaq-euq khoertav dawfluf-eu gar nawr ya’mawr nar-aq, khoerghaq-aq, Yawshawr Saflar nae bartirsaq mrnaeq-eu ghaq pyeuf-eu mae.’

Yoˇhaˬ 14:25

“Ngar, nawmaf naeq-aer jawrluf ngae, dawq heudeuq nawmaf-anr aernaeq-euq ma.