Yoˇhaˬ 14:23 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²³ Yeqsur, aqyawf-anr heulof-aer aerkhof naeq-euq mae, “Aqgeu ghaq maqkaq, ngaq-anr gaq nar-aq, ngaq-euq dawq-anr mrcaw taef-a. Khoeruqtaf, ngaqDa khawf aqyawf-anr gaq-awr, nga’nyaf Dazaq, aqyawf jawr-eu gar oe-awr, aqyawf naeq-aer jawr ma.

Akha

²³ Yeˬsuˇ ehˇ-eu, “Ngaˬ-ahˇ gaˬ-eu tsawˇ haˬ-aˬ, ngaˬ neh mehˬ nehˬ tsoˆ nehˬ-euˬ dawˬ-ahˇ naˇ haˬ geuꞈ tehꞈ-a. Kʼoeˇ loꞈ-ehˇ naˇ haˬ geuꞈ-eu tsawˇ haˬ-ahˇ ngaˬ Da gaˬ-awˇ, ngaˬ Da nga nyaꞈ aˬ yawꞈ-euˬ nui ma laꞈ kʼoeˇ jawˇ le ma.

Yoˇhaˬ 14:23 Referans Kwoze

Yoˇhaˬ 14:21

Ngaq nae bif-euq dawq yagaq-awr mrcaw-eu tsawrhaq-aq, ngaq-anr gaq-eu tsawrhaq mae. Ngaq-anr gaq-eu tsawrhaq-anr ngaqDa gaq taef-a. Khoeruqtaf, ngar khawf aqyawf-anr gaq-awr, ngaq-euq mawrdo aqyawf-anr byacaevni bimawr ma.”

Yoˇhaˬ 14:15

“Nawmaf, ngaq-anr gaq nar-aq, ngaq nae bif-euq dawqdeuq-anr mrcaw taef-a.

1 Yoˇhaˬ 2:24

Yawbae ngae nae, nawmaf yagaq-euq deuq aqmyanluf nawmaf-euq nuima-euq lafkhoer bi’anr-awq. Yawbae ngae nae, nawmaf yagaq-euq deuq nawmaf-euq nuima-euq lafkhoer anr nar-aq, nawmaf, Zaqyo-euq lafkhoer hawr-eu Aqda Miqyaer-euq lafkhoer khawf jawr-eu mae.

1 Yoˇhaˬ 4:4

Ngar gaq-eu zaqdeuq-or! Nawmaf, Miqyaer-anr taf-eu tsawrhaq pyeuf-awr, nawmaf, aqyawf maf-anr ghaqler-euq mae. Aqjeq mirnae aernar-aq, nawmaf-euq lafkhoer jawr-eu ghaq-aq, mirtsaq-euq khoertav jawr-eu ghaq navmaqtser huiqdzaeq-eu mae.

2 Gawˇliˬtu 6:16

Miqyaer-euq uqduq tanqnymr nymrma hawr-eu tanqpanq aqma mawrkawr aqjox-aer tsaqler dzoerler nya-eu? Aqjeq mirnae aernar-aq, nawmaf-aq, daefluf-eu Miqyaer-euq uqduq tanqnymr nymrma mae. Miqyaer nae aertaq-euq lof-aer, “Ngar, aqyawf maf-euq lafkhoer jawr-awr, aqyawf maf-euq ghanrcae can ma. Ngar, aqyawf maf-euq Miqyaer pyeuf-awr, aqyawfmaf, ngaq-euq tsawrhaq pyeuf taef-a.” (Lb 26:12; Ezk 37:27)

Jaceuq 91:1

Gor duidui-eu ghaq nae zaftaq-euq jawrduq-anr jawr-eu tsawrhaq-aq, Baoq zawr huiq-eu Miqyaer-euq narshmr-euq uqmov yajawr taef-a.

Yoˇhaˬ 10:30

Ngar hawr-eu ngaqDa-aq, tiq ghaq taef ma.”

Yoˇhaˬ 6:56

Ngaq-euq shaqjir dzaq-awr ngaq-euq shiq dawr-eu tsawrhaq-aq, ngaq-euq lafkhoer jawr-awr, ngar khawf aqyawf-euq lafkhoer jawr-eu ma.

Yoˇhaˬ 14:17

Aqyawf-aq, yawtsaq yawdawr-euq Saflar mae. Mirtsaqzaq, aqyawf-anr maq siqnya-aer maq mawrnya-eu mirnae, aqyawf-anr maq hageuf nya-a. Aerkhawf, nawmaf, aqyawf-anr siqnya-eu mae. Aqjeq mirnae aernar-aq, aqyawf, nawmaf naeq-aer jawrluf-awr, nawmaf-euq lafkhoer jawr taef-a.

Panmaeq 21:22

Aerkhawf, ngar, meuq heumeuq-euq lafkhoer yawshawr lawv jav-eu maqmawr-aq. Aqjeq mirnae aernar-aq, baoq huiq duidui-eu Sanqpaq Miqyaer hawr-eu Yawrzaq-aq, meuq heumeuq-euq yawshawr lawv pyeuf-eu mae.

Panmaeq 22:3

Aqkar nar-aq, yaqkhaer yaq-eu jeq maqpar jav-eu mae. Miqyaer hawr-eu Yawrzaq-euq nuirmanq, meuq heumeuq-euq lafkhoer jav-awr, aqyawf-euq kuirlaf zaqkhav deuq, aqyawf-anr uqduqtanq taef-a.

Jaceuq 90:1

Sanqpaq Miqyaer-or! Yawqzir navluf, Nawr-aq, nga’maf-euq jawrduq jawrzar pyeuf-eu ma.

Yoˇhaˬ 8:51

Ngar, nawmaf-anr aqdir aqmar aernaeq nyar, ngaq-euq dawq-anr mrcaw-eu tsawrhaq aqsur ghaq maqkaq, shir-eu jeq-anr tiqjawr-iq maqya mawr-ar.”

Yoˇhaˬ 8:52

Khoerngae, Yurdav tsawrhaq, Yeqsur-anr heulof-aer aernaeq-euq mae: “Nymq-mr pov-aq, nawq-euq lafkhoer naef ur-eu nga laer, nga’maf siqnya ma. Aqbyaqhaq shir-awr, Miqyaer gharduq ngaeqdan-eu tsawrhaq deuq khawf shirjir-euq mae. Nawr, ‘Ngaq-euq dawq-anr mrcaw-eu tsawrhaq aqsur ghaq maqkaq, shir-eu jeq-anr tiqjawr-iq maqya myeufhaw-ar’ laer aer-eu beu.

Yoˇhaˬ 14:24

Ngaq-anr maqgaq-eu tsawrhaq-aq, ngaq-euq dawq-anr maq mrcaw-ar. Nawmaf ya gaqluf-eu dawq heu-aq, ngaq-euq dawq maqngeur, ngaq-anr khaerghae lef-euq Aqda Miqyaer-euq dawq mae.

Yoˇhaˬ 15:10

Ngar-aq, ngaqDa nae bif-euq dawqdeuq-anr mrcaw-awr, aqyawf-euq gaq-eu jeq-euq lafkhoer jawrluf-eu lof-aer, nawmaf khawf, ngaq nae bif-euq dawqdeuq-anr mrcaw nar-aq, ngaq-euq gaq-eu jeq-euq lafkhoer jawrluf-eu mae.

Yoˇhaˬ 16:27

Ngar, Aqda jawr-eu gar nae oe-euq mae laer nawmaf jan-awr, ngaq-anr gaq-eu mirnae, Aqda, aqyawfghaq khawf nawmaf-anr gaq-eu mae.

Eˇpeˇsu 3:17

Nawmaf jan-eu mirnae, Kali, nawmaf-euq nuima-euq lafkhoer jawrle-eu uqtaf, nawmaf gaq-eu jeq-euq lafkhoer, duqcir ka’naf ghae-awr, dawqpaeq bi ziflar law.

1 Yoˇhaˬ 2:5

Aerkhawf, Sanqpaq Miqyaer-euq dawq khar narhaq geuf-eu tsawrhaq-aq, Miqyaer-anr gaq-eu jeq aqyawf-euq lafkhoer aqdir byanlar-euq mae. Heu-euq baqda’nae, aqdui, aqyawf-euq lafkhoer jawrluf ma laer siqlar-eu ma.

1 Yoˇhaˬ 5:3

Miqyaer-anr gaq-eu laer aer-eu-aq, aqdui, Miqyaer nae biftaq-euq dawq-anr narhaq geuf-eu gar aer-eu mae. Aqyawf nae biftaq-euq dawq-aq, aqdui-euq gharduq kan-eu khavbaev maqngeur-a.

2 Yoˇhaˬ 1:6

Gaq-eu laer aer-eu-aq, Miqyaer nae dawq biftaq-euq lof-aer daef-eu gar aer-eu mae. Tiqghaq tirghaq gaq-awq laer biftaq-euq dawq khoerdawq-anr yawbae ngae nae, nawmaf yagaq-euq mae. Nawmaf khoerlof-aer daef-eu tsaq mae.

Panmaeq 21:3

Khoerngae, ngar, mq-anr nae tersar yawkhav-aer heulof-aer ngaeqdov lef-eu gar yagaq-euq ma: “Hawsher-eq. Miqyaer-euq jawrduq, tsawrhaq jawr-eu gar javle-euq mae. Aqyawf, aqyawfmaf naeq-aer jawr-awr, aqyawfmaf, Miqyaer-euq zaq pyeuflar taef-a. Miqyaer, aqyawfghaq, aqyawfmaf naeq-aer jawr-awr, aqyawf maf-euq Miqyaer pyeuf taef-a.