Yoˇhaˬ 14:21 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²¹ Ngaq nae bif-euq dawq yagaq-awr mrcaw-eu tsawrhaq-aq, ngaq-anr gaq-eu tsawrhaq mae. Ngaq-anr gaq-eu tsawrhaq-anr ngaqDa gaq taef-a. Khoeruqtaf, ngar khawf aqyawf-anr gaq-awr, ngaq-euq mawrdo aqyawf-anr byacaevni bimawr ma.”

Akha

²¹ Ngaˬ neh biꞈ-euˬ dawˬ-ahˇ ya gaˬ-euˬ loꞈ-ehˇ naˇ haˬ geuꞈ-eu tsawˇ haˬ-aˬ, ngaˬ-ahˇ gaˬ-eu tsawˇ haˬ meh. Ngaˬ-ahˇ kʼaˇ gaˬ-eu tsawˇ haˬ-ahˇ ngaˬ Da gaˬ tehꞈ-a. Ngaˇ kʼawꞈ aˬ yawꞈ-ahˇ gaˬ-awˇ, ngaˇ aˬ suˇ gʼaˬ pyeuꞈ-eu gaˇ kawˆ a yawꞈ-ahˇ bi siˬ bi mawˇ ma.”

Yoˇhaˬ 14:21 Referans Kwoze

Yoˇhaˬ 14:15

“Nawmaf, ngaq-anr gaq nar-aq, ngaq nae bif-euq dawqdeuq-anr mrcaw taef-a.

1 Yoˇhaˬ 5:3

Miqyaer-anr gaq-eu laer aer-eu-aq, aqdui, Miqyaer nae biftaq-euq dawq-anr narhaq geuf-eu gar aer-eu mae. Aqyawf nae biftaq-euq dawq-aq, aqdui-euq gharduq kan-eu khavbaev maqngeur-a.

1 Yoˇhaˬ 2:5

Aerkhawf, Sanqpaq Miqyaer-euq dawq khar narhaq geuf-eu tsawrhaq-aq, Miqyaer-anr gaq-eu jeq aqyawf-euq lafkhoer aqdir byanlar-euq mae. Heu-euq baqda’nae, aqdui, aqyawf-euq lafkhoer jawrluf ma laer siqlar-eu ma.

2 Yoˇhaˬ 1:6

Gaq-eu laer aer-eu-aq, Miqyaer nae dawq biftaq-euq lof-aer daef-eu gar aer-eu mae. Tiqghaq tirghaq gaq-awq laer biftaq-euq dawq khoerdawq-anr yawbae ngae nae, nawmaf yagaq-euq mae. Nawmaf khoerlof-aer daef-eu tsaq mae.

Yoˇhaˬ 16:27

Ngar, Aqda jawr-eu gar nae oe-euq mae laer nawmaf jan-awr, ngaq-anr gaq-eu mirnae, Aqda, aqyawfghaq khawf nawmaf-anr gaq-eu mae.

Luˇkaꞈ 11:28

Khoerngae, Yeqsur aer-eu, “Khoernav maqtser, Miqyaer-euq dawq yagaq-awr mrcaw-eu tsawrhaq-aq, guiqlanq huiqdzaeq-eu mae.”

Yoˇhaˬ 15:14

Ngaq nae khar biftaq-euq dawqdeuq-anr nawmaf mrcaw nar-aq, nawmaf, ngaq-euq cawq pyeuf-eu mae.

Panmaeq 3:20

Narhaq sher-eq, ngar larghov-anr yawf-awr khovluf ma. Aqsur ghaq maqkaq, ngaq-euq tersar gaq-awr, larghov pannaeqlaf nar-aq, ngar, aqyawf jawr-eu gar urler-awr, ngar, aqyawf naeq-aer dzaqtaf dawrtaf ma. Aqyawf khawf ngaq naeq-aer dzaqtaf dawrtaf taef-a.

Panmaeq 22:14

Aqyawf nae biftaq-euq dawqdeuq-anr mrcaw-eu tsawrhaq deuq-aq, guiqlanqhuiq taef-a. Aqyawfmaf daef-eu jeq bif-eu arbawr za’nya-awr, meuq-euq lanrkhaeq-anr nae meuq-anr ya urle taef-a.

2 Gawˇliˬtu 4:6

Yawzanr-anr nae yawshaef byadov larni dawq bif-euq Miqyaer-aq, aqdui-euq nuima-anr yawshaef bi byalar naeqlaf-euq mae. Heu-aq, Yeqsur Kali-euq myavpyawq-anr nae byadov lef-eu, Miqyaer-euq yawshaef khanqsaer-anr siqnya-eu tsawrganr biza-eu gharduq mae.

Panmaeq 2:17

“Naqbawr tsof-awr gaqnya-eu tsawrhaq, muiq-eu Saflar nae Kalizaq armur-anr aernaeq-euq dawq-anr yawmuiq-aer narhaq-awq. Ngar, ghaqler-eu tsawrhaq-anr, zaftaq-euq maqnav bidzaq-awr, khaqlo lopyur tiq siq bif ma. Khaqlo khoersiq-euq khoertav tsawrmyanr yawshuif boftaq-euq mae. Khaqlo khoersiq za-euq aqyawfghaq maqngeur nar-aq, tsawrmyanr khoermyanr-anr nuighaq tiqghaq-iq maq siqnya-a.” ’

Yoˇhaˬ 17:23

Ngar, aqyawf maf-euq lafkhoer jawr-awr, nawr, ngaq-euq lafkhoer jawr-eu mirnae, aqyawfmaf nuima taf-awr gm-eu byanlar taef-a. Khoerngae, nawq nae ngaq-anr khaerghae lef-awr, nawr, ngaq-anr gaq-eu lof-aer, aqyawf maf-anr khawf gaq-eu ngar-a laer, mirtsaqzaq siqnyalar taef-a.

Jaceuq 35:27

Ngar tsaq-awr dawr-eu jeq mr-eu gar nuikhanr shir-eu tsawrhaq deuq, Laqkhaq caer-eu mirnae gurgur-aer bi caergha law; Aqyawfmaf maq naqlerni heulof-aer bi’aer law, “Aqyawf-euq kuirlaf zaqkhav muiqlar sanrlar-eu gar nuikhanr shir-eu Ya’we Miqyaer-anr ciqhuiq ciqmanr kar-eur.”

1 Yoˇhaˬ 3:1

Aqda Miqyaer, aqdui-anr arnavni gaq-eu nga laer sharnoeqhaw sher-eq. Aqdui-anr Miqyaer-euq zaq laer kurnaeq laf-euq mae. Mirtsaqzaq, aqyawf-anr maq siqnya-eu mirnae, aqdui-anr khawf maq siqnya-a.

2 Teˇsaˬloˇni 2:16

Aqdui-euq Sanqpaq Yeqsur Kali hawr-eu aqdui-euq Aqda Miqyaer, aqdui-anr gaq-awr, aqyawf-euq guiqlanq yawdzanr baqda’nae, li-eu maqbaw-eu nuima sar-eu jeq hawr-eu muiq-eu noeqtmq-eu jeq aqdui-anr bifnaeq laf-awr,

Yoˇhaˬ 16:14

Aqyawf, ngar yawshaef khanqsaer za’ni mr taef-a. Aqjeq mirnae aernar-aq, aqyawf, ngaq-anr taf-eu deuq yur-awr nawmaf-anr dzawrnaeqlaf taef-a.

Yoˇhaˬ 14:18

“Ngar, nawmaf-anr murcoeq aqnmr lof-aer maq byaerdzaeyaf. Ngar, nawmaf jawr-eu gar par ghofle ma.

2 Tiˆmoˇseˬ 4:22

Sanqpaq Miqyaer, nawq-euq saflar-euq lafkhoer jawr luf-ur. Nawq-euq khoertav guiqlanq yawdzanr jav luf-ur.

2 Gawˇliˬtu 3:18

Aqdui yawqghaq navluf-euq myavpyawq-anr saqpar maq daeqkaqni, pyawqhaw-anr hawluf-eu lof-aer, Sanqpaq Miqyaer-euq yawshaef khanqsaer-anr hawluf-eu ma. Aqdui, Sanqpaq Miqyaer-euq shaevdzeuf-anr durlarni, Sanqpaq Miqyaer-euq Saflar-euq baqda’nae, yawshaef khanqsaer tiqtiv sair tiqtiv javdzaeqlar luf-eu ma.

Gʼaˬkʼehˇ 22:18

Sanqpaq Yeqsur mawrle-awr, ngaq-anr aer-eu, ‘Yeqlursaqlaeq-anr nae yawkawr-aer dov-ir-awq. Aqjeq mirnae aernar-aq, heugar jawr-eu tsawrhaq deuq, nawr, ngaq-euq garkawv sarkir kamq-eu gar maq hageuf-a.’

2 Gawˇliˬtu 12:8

Ngar, Sanqpaq Miqyaer-anr aqgan heu gheudovdzae naeqlaf laer, smq pov keuvni shar-euq ma.

Dawqdaq 8:17

Ngaq-anr gaq-eu tsawrhaq-anr ngar gaq-awr, Laejae-awr ngaq-anr pov-eu deuq, Ngaq-anr povmawr taef-a.