Yoˇhaˬ 14:2 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

² NgaqDa-euq nymr-anr jawrkhar zaganq mae. Jawrkhar maqza lawnmr-aq, ngar, nawmaf-anr aernaeq taef-a. Ngar, nawmaf-euq gharduq jawrzar lavsavler ma.

Akha

² Ngaˬ Da-euˬ nymˇ-ahˇ jawˇ kʼaˇ za gahˬ meh. Ngaˇ naw maꞈ gʼaˇ duˬ jawˇ zaˇ laˆ saˆ leˇ ma. Jawˇ kʼaˇ maˬ za law nmˇ-aˬ, maˬ za-a lehˇ ngaˇ dawˇ coe ni ehˇ ma.

Yoˇhaˬ 14:2 Referans Kwoze

2 Gawˇliˬtu 5:1

Aqjeq mirnae aernar-aq, aqdui-euq mirtsaq-euq nymr heu-aq, saeqghawv lof-aer dur-eu mae. Saeqghawv heu cawv-ir nar-aq, tsawrhaq-euq aqlaf nae tsov-euq nymr maqngeur-eu, mq-euq khoertav, Miqyaer nae aqdui-euq gharduq tsovtaq-euq, mqmaq maqbyav yarzir zif-eu nymr jav mae laer siqnya ma.

Yoˇhaˬ 13:36

Sirmoq Beqtuvluv, Yeqsur-anr narhaq-eu, “Sanqpaq-or! Nawr aqgeugar ir-eu laer ghaeluf-eu le?” Yeqsur, aqyawf-anr aerkhof naeq-eu, “Nymq-mr ngar ir-eu laer ghaeluf-eu gar, nawr maq cantaelaf nya-a. Aerkhawf, aqkar, ngaq-euq maeqnan yacan taelaf taef-a.”

HeˬByehˇ 13:14

Aqjeq mirnae aernar-aq, heugar aqdui zif-eu meuq maqjav. Aerkhawf, aqdui aqkar javle-eu meuq-anr sharpov luf-eu ma.

Panmaeq 21:2

Khoernar-aq, ngar, Miqyaer-anr nae shawr-eu meuq pyeuf-eu Yeqlursaqlaeq yawshuif, mq-euq khoertav nae oeka luf-eu gar ya’mawr-euq ma. Meuq heumeuq-aq, myawqgur geuf-awr laeqhmqdan taq-euq, yoshuif oekeuv-eu gar dawqluf-eu miqshuif-anr dur-eu mae.

Panmaeq 3:12

Ngar, ghaqler-eu tsawrhaq-anr ngaq-euq Miqyaer-euq uqduq tanqnymr nymrma-euq khawrzeur bigeuf-awr, aqyawf-anr aqmyanluf khoergar bijawr ma. Ngaq-euq Miqyaer-euq tsawrmyanr, hawr-eu ngaq-euq Miqyaer jawr-eu mq-anr nae oeka-euq Yeqlursaqlaeq yawshuif pyeuf-eu, ngaq-euq Miqyaer-euq meuq-euq tsawrmyanr hawr-eu ngaq-euq tsawrmyanr yawshuif, ngar, aqyawf-euq khoertav bofdavnaeq ma.

HeˬByehˇ 11:10

Aqjeq mirnae aernar-aq, Aqbyaqhaq-aq, Miqyaer nae bae-awr tsovtaq-euq, dawqpaeq zif-eu meuq-anr dawqluf-eu mae.

Yoˇhaˬ 13:33

Ngar gaq-euq zaqdeuq-or! Ngar, nawmaf naeq-aer ghawqmyanrni maqpar yajawr-eu mae. Nawmaf, ngaq-anr pov taef-a. Aerkhawf, ‘Ngar ir-eu gar nawmaf maq oenya-a’ laer ngar, Yurdav tsawrhaq-anr aernaeq-euq lof-aer, nymq-mr ngar, nawmaf-anr khawf aernaeq-eu ma.

Yoˇhaˬ 16:4

Garkawv heu ngar, nawmaf-anr aernaeq-euq ma. Aryamq tsaqlar ngae, ngaq nae nawmaf-anr aernaeq-euq deuq nawmaf noeqdovlar taef-a. Yawbae ngae, ngar, nawmaf-anr maq aernaeq-euq khoer-aq, ngar, nawmaf naeq-aer jawrluf-eu mirnae ma.”

Yoˇhaˬ 17:24

“Aqda-or! Mirtsaq maqbae-euq minav-aer nawr, ngaq-anr gaqluf-eu mirnae, nawq nae ngaq-anr bifnaeq laf-euq yawshaef khanqsaer khoer-anr aqyawfmaf ya’mawrni, nawq nae ngaq-anr bifnaeq laf-euq tsawrhaq-anr ngar kharjawr-eu gar aqyawfmaf khawf bi jawrmawf mir-a.

HeˬByehˇ 6:20

Maqlaqkirsaqdaev pirma-euq dzoeqdzaq za-euq lof-aer, Yeqsur-aq, mqmaq maqbyav yarzir Pirma yawhuiq ghaq pyeuf-awr, khoergar aqdui-euq gharduq maeqhuq huq-euq ghaq geuf-awr urler-euq mae.

Panmaeq 3:21

Ngar ghaqler-euq mirnae, ngaqDa-euq nuirmanq-anr ngaqDa naeq-aer tiqkawv lof-aer nuirluf-eu lof-aer, ngar khawf ghaqler-eu tsawrhaq-anr ngaq naeq-aer ngaq-euq nuirmanq-anr binuir ma.

Panmaeq 1:5

Shir-euq tsawrhaq deuq-anr nae ghofdaef baebae lar-euq ghaq pyeuf-awr, mirtsaq-euq sanqpaq deuq-euq khoertav uvlanr-eu ghaq pyeuf-eu uqtaf, sarjax zif-eu lafkhoer sarkir kamq-eu Yeqsur Kali-euq guiqlanq yawdzanr hawr-eu nuisar of-eu jeq, nawmaf-euq khoertav jav luf-ur. Aqdui-anr gaq-awr aqyawf-euq shiq nae, aqdui-euq iqbax tsiqshawr naeqlaf-euq mae.

HeˬByehˇ 9:8

Saqpar saeqghawv yawbae ghawv kharjav-eu khoerkeuvni, shawr duidui-eu lawv-anr urler-eu garma maq danrlar-aq siq laer, Yawshawr Saflar toeqmaeq naeqlaf-euq mae

Tiˇtuˆ 1:2

khoer-aq, mqmaq maqbyav yarzir daef-eu jeq za taef-a laer noeqtmq-eu jeq-anr dawqpaeq taq-awr, jaqmyawf maqmyawf-eu Miqyaer-aq, mqmir maq javle-euq minav-aer sarjax dzaqtaq-euq mae.

1 Teˇsaˬloˇni 5:9

Aqjeq mirnae aernar-aq, Miqyaer, aqdui-anr aqyawf-euq nuima paer-eu jeq-anr bidaq-eu gharduq maqngeur-eu, aqdui, Sanqpaq Yeqsur Kali-anr ghoe-awr nae kakhof-eu jeq biza-eu gharduq tserdov taq-euq mae.

Gʼaˬkʼehˇ 9:16

Ngaq-euq tsawrmyanr baqda’nae, aqyawf shaqzanq ghawqmya jeq yadaq-a laer ngar, aqyawf-anr bimawr ma.”

Yoˇhaˬ 14:28

‘Ngar ghofler khawf, nawmaf jawr-eu gar tiq pov paroe ma’ laer ngaq nae nawmaf-anr aernaeq-euq dawq nawmaf yagaq-euq mae. Nawmaf, ngaq-anr gaq nar-aq, ‘Ngar, Aqda jawr-eu gar ghofler ma’ laer aer-eu mirnae, nawmaf laqkhaqcaer taef-a. Aqjeq mirnae aernar-aq, Aqda-aq, ngaq-euq navmaqtser huiq-eu mae.

Luˇkaꞈ 14:22

Khoerngae, kuirlaf zaqkhav khoerghaq aer-eu, ‘Sanqpaq-or! Nawq nae khaer-euq lof-aer mrjir-euq ma. Aerkhawf, jawrduq ngaef nga siq.’