Yoˇhaˬ 14:19 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁹ Tiqkhaeq ghae nar-aq, mirtsaqzaq, ngaq-anr maqpar ya’mawr-ar. Aerkhawf, nawmaf, ngaq-anr ya’mawr taef-a. Aqjeq mirnae aernar-aq, ngar daefluf-eu mirnae, nawmaf khawf yadaef taef-a.

Akha

¹⁹ Tiˬ kʼehˬ tiˬ yamˬ laꞈ kʼoeˇ, miˇ tsaˬ zaˬ deuˬ ngaˬ-ahˇ maˬ paˇ ya mawˇ meh. Ehˇ kʼawꞈ, naw maꞈ ngaˬ-ahˇ ya mawˇ tehꞈ-a. Ngaˇ dehꞈ-eu baˬ da neh, naw maꞈ kʼawꞈ ya dehꞈ tehꞈ-a.

Yoˇhaˬ 14:19 Referans Kwoze

Yoˇhaˬ 16:16

“Tiqkhaeq ghae nar-aq, ngar, Aqda jawr-eu gar ghofler-eu mirnae, nawmaf, ngaq-anr maqpar ya’mawr-ar. Aerkhawf, tiqkhaeq parghae nar-aq, nawmaf, ngaq-anr ya’mawr taef-a.”

HeˬByehˇ 7:25

Khoermirnae, aqyawf-anr ghoe-awr Miqyaer jawr-eu gar kharlar-eu tsawrhaq-anr aqyawf tiqbyan tiqlof kakhofnaeq nya-eu mae. Aqjeq mirnae aernar-aq, aqyawf aqmyanluf daefluf-awr, aqyawf maf-euq gharduq guiqlanq sharcaw duidui luf-eu mae.

Yoˇhaˬ 7:33

Khoerngae, Yeqsur, aqyawf maf-anr aernaeq-eu, “Ngar, nawmaf naeq-aer tiqkhaeq jawr nar-aq, ngaq-anr khaerghae lef-euq ghaq jawr-eu gar ghofler ma.

Yoˇhaˬ 11:25

Yeqsur, aqyawf-anr heulof-aer aernaeq-euq mae, “Ngar-aq, ghofdaef lar-eu jeq hawr-eu daef-eu jeq pyeuf-eu ma. Ngaq-anr jan-eu tsawrhaq-aq, shir-euq khawf ghofdaeflar taef-a.

1 Gawˇliˬtu 15:45

Khoerlof-aer durni, Yaerbof-euq lafkhoer boftaq-euq, “Tsawrhaq yawbae ghaq pyeuf-eu Aqdaq-aq, daef-eu tsawrhaq pyeuflar-euq mae.” (Adb 2:7) Arsaq saq-eu Aqdaq ghaq-aq, daef-eu jeq bif-eu saflar pyeuflar-euq mae.

Yoˇhaˬ 16:22

Khoerlof-aer durni, nymq-mr nawmaf noeqshaq luf-eu ngar-a. Aerkhawf, ngar, nawmaf-anr parya mawr ngae, nawmaf-euq nuima laqkhaq caerlar taef-a. Nawmaf laqkhaq caer-eu gar, laqkhaq maqbi caerni tiqghaq-iq maq yurgeuf nya-ar.

Lormav 8:34

Aqyawfmaf yawlaeq mae laer yarkhaq darnya-eu aqsur ghaq la? Yeqsur Kali-aq, shir-euq khawf ghofdaef lar-awr, nymq-mr Miqyaer-euq armar paw jawr-awr nae aqdui-euq gharduq guiqlanq shardan luf-eu mae.

Lormav 5:10

Aqjeq mirnae aernar-aq, aqdui, Miqyaer-anr muir-eu tsawrhaq pyeufluf ngae, aqyawf-euq Zaqyo shirdan-euq mirnae, Miqyaer-anr tsaqler dzoerler-euq ma. Khoernav maqtser, tsaqler dzoerler ghaq-euq nar-aq, Kali daefluf-eu mirnae, aqdui-anr aqdir kakhof naeqlaf taef-a.

1 Gawˇliˬtu 15:20

Aerkhawf, Kali-aq, shir-euq gar nae ghofdaef lar-awr, yufkhav dzeur-euq tsawrhaq-euq lafkhoer nae siqbae baele-euq arsiq pyeuf-eu mae.

Yoˇhaˬ 14:6

Yeqsur, aqyawf-anr heulof-aer aernaeq-euq mae, “Ngar-aq, garma ma, yawtsaq yawdawr jeq hawr-eu daef-eu jeq khawf ngeur ma. Ngaq-anr maqghoe nar-aq, tsawrhaq tiqghaq-iq Aqda jawr-eu gar maq lekeuv nya-a.

Yoˇhaˬ 13:33

Ngar gaq-euq zaqdeuq-or! Ngar, nawmaf naeq-aer ghawqmyanrni maqpar yajawr-eu mae. Nawmaf, ngaq-anr pov taef-a. Aerkhawf, ‘Ngar ir-eu gar nawmaf maq oenya-a’ laer ngar, Yurdav tsawrhaq-anr aernaeq-euq lof-aer, nymq-mr ngar, nawmaf-anr khawf aernaeq-eu ma.

Yoˇhaˬ 12:35

Yeqsur, aqyawf maf-anr heulof-aer aernaeq-euq mae, “Nawmaf jawr-eu gar yawshaef tiqkhaeq bya-a siq. Yawzanr nawmaf-anr maqbi taemini, yawshaef bya ngae can-awq. Yawzanr-euq lafkhoer can-eu tsawrhaq-aq, aqyawf aqgeugar irluf-eu le laer maq siqnya-a.

Yoˇhaˬ 8:21

Khoerngae, Yeqsur, aqyawf maf-anr par aernaeq-eu, “Ngar dov-ir luf-eu ma. Nawmaf, ngaq-anr sharpov taef-a. Aerkhawf, nawmaf-aq, nawmaf-euq iqbax-euq lafkhoer yashir taef-a. Ngar ir-eu gar nawmaf maqoe nya-ar.”

Yoˇhaˬ 6:40

Zaqyo-anr mawr-awr aqyawf-anr kharjan-eu tsawrhaq yawqghaq navluf-anr, mqmaq maqbyav yarzir daef-eu jeq bi za’ni, ngaq-anr khaerghae lef-euq ghaq nuima tsaq-eu mae. Khoeruqtaf, arsaqsaq ngae nan, ngar, aqyawf-anr bi ghofdaeflar ma.”

Gʼaˬkʼehˇ 10:41

Mirkhanqzaq dawqtawv luf-anr bimawr-euq maqngeur-a. Sarkir bikamq-eu laer yawbae ngae nae, Miqyaer nae tserdov taq-euq nga’maf-anr bimawr naeqlaf-euq taef mae. Aqyawf shir-euq gar nae ghofdaef lar-awr, nga’maf, aqyawf naeq-aer dzaqtaf dawrtaf-euq ma.

Panmaeq 20:4

Khoernar-aq, ngar, nuirmanq tiqdeuq-anr ya’mawr-euq ma. Nuirmanq-anr nuirluf-eu deuq-anr yarkhaq dar-eu baoq biftaq-euq mae. Khoerngae, ngar, Yeqsur-euq garkawv sarkir kamq-euq hawr-eu Miqyaer-euq Dawq-euq baqda’nae, uqduq tov-eu gar yadaq-euq tsawrhaq deuq-euq saflar-anr khawf ya’mawr-euq ma. Aqyawf maf-aq, jeqzaq yawghae khoermawr hawr-eu aqyawf-euq mawrkawr-anr uqduq maqtanq-aer, aqyawf maf-euq narkhawr hawr-eu aqlaf-anr khawf, jeqzaq yawghae khoermawr-euq jmq maq diqtaq-aq. Aqyawfmaf ghofdaef lar-awr, Kali naeq-aer tiqkawv lof-aer 1,000 khof byanni sanqpaq geuf-awr uvlanr-euq mae.