Yoˇhaˬ 14:16 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁶ Ngar, Aqda-anr shar-awr, aqmyanluf nawmaf naeq-aer bijawr-eu gharduq, aqyawf, nawmaf-anr Cawba-eu ghaq, tiq ghaq bifnaeqlaf taef-a.

Akha

¹⁶ Ngaˇ Aˬda-ahˇ shaˇ-awˇ, naw maꞈ nehˬ-ehˇ aˬ myah luꞈ bi jawˇ-eu gʼaˇ duˬ Caw ba-eu gʼaˬ bi biꞈ leꞈ ma.

Yoˇhaˬ 14:16 Referans Kwoze

Yoˇhaˬ 14:26

Ngaq-euq tsawrmyanr-euq uqmov nae, Aqda, Cawba-eu ghaq pyeuf-eu Yawshawr Saflar-anr bi’oe ngae, aqyawf, nawmaf-anr yawqjeq navluf maeqnaeq laf-awr, ngaq nae nawmaf-anr aernaeq taqyaf-euq dawq khoer dawqtawvluf, aqyawf, nawmaf-anr bi noeqdovlar taef-a.

Yoˇhaˬ 15:26

“Aqda jawr-eu gar nae oe-eu Cawba-eu ghaq-anr ngar, nawmaf jawr-eu gar bi’oe ma. Aqyawf-aq, Aqda-anr nae dovle-awr yawtsaq yawdawr-euq Saflar mae. Aqyawf oekeuv ngae, ngaq-euq garkawv sarkirkamq taef-a.

Lormav 15:13

Yawshawr Saflar-euq baoq baqda’nae nawmaf noeqtmq-eu jeq myaqlarni, nawmaf jan-eu lafkhoer, noeqtmq-eu jeq bif-eu Miqyaer, nawmaf-anr laqkhaq caer-eu jeq hawr-eu nuisar of-eu jeq bi byanlar luf-ur.

Gaˬlaˬtiˆ 5:22

Aerkhawf, muiq-eu Saflar-euq arsiq-aq: gaq-eu, laqkhaq caer-eu, nuisar of-eu, nuinoeq ghawqmanrni noeq-eu, ghawqshaq gaq-eu, yawmuiq jeq mr-eu, sarjax zif-eu,

Lormav 14:17

Aqjeq mirnae aernar-aq, Miqyaer uvlanr-eu jeq-aq, dzaq-awr dawr-eu garkawv maqngeur-a. Yawshawr Saflar-euq lafkhoer, tsaq-awr dawr-eu, nuisar of-eu hawr-eu laqkhaq caer-eu jeq pyeuf-eu mae.

Gʼaˬkʼehˇ 9:31

Khoerngae, Yurdav mirkhanq, Gaqliqlaer mirkhanq hawr-eu Saqmaqliv mirkhanq doeni jawr-eu Kali-anr jan-eu armur deuq, nuisar of-eu lafkhoer yajawr-awr huiqlar manrlar-euq mae. Sanqpaq Miqyaer-anr yawzeu baw-awr, Yawshawr Saflar ghaq bif-eu lof-aer daefghae-eu lafkhoer, aqyawfmaf myaqlar-euq mae.

1 Yoˇhaˬ 2:1

Ngar gaq-eu zaqdeuq-or! Nawmaf iqbax maqya mrni, garkawv heudeuq ngar, nawmaf-anr bofnaeq-eu ma. Aerkhawf, tiqghaqnav iqbax mr-euq law nar-aq, aqdui-euq danzar tanqshar-eu tsaq-awr dawr-eu tiq ghaq Aqda Miqyaer jawr-eu gar jawrluf-eu ma. Aqyawf-aq, Yeqsur Kali mae.

Yoˇhaˬ 4:14

Aerkhawf, ngar bidawr-eu ircuf khardawr-euq tsawrhaq-aq, tiqjawr-iq maqpar maeflar-ar. Ngar bidawr-eu ircuf khoer, tsawrhaq khoerghaq-euq lafkhoer ircuf irbyoe pyeuf-awr, mqmaq maqbyav yarzir daef-eu jeq za-eu gar keuvni tanqdavlaf taef-a.”

Maꞈtehˬ 28:20

Ngaq nae nawmaf-anr biftaq-euq dawq yawqdawq navluf-anr aqyawfmaf narhaq geufni maeqnaeq tsovnaeq-awq. Mirtsaq heu arsaqsaq ngae keuvni, ngar, nawmaf naeq-aer aqmyanluf jawr ma.” Aqmeq.

Piˇliˇpiˆ 2:1

Khoermirnae, Kali-euq lafkhoer nuima sarlaevni ghae-awr, gaq-eu lafkhoer nuima sarlar-euq uqtaf, muiq-eu Saflar naeq-aer cawq cawqtaf-awr, ghoer-awr gaq-eu jeq hawr-eu ghawqshaq gaq-eu jeq anr nar-aq,

Lormav 5:5

Noeqtmq-eu baqda’nae nuima yacawv-eu maqngeur-a. Aqjeq mirnae aernar-aq, aqdui-anr bifnaeq laf-euq Yawshawr Saflar, aqdui-euq nuima-euq lafkhoer, Miqyaer-euq gaq-eu jeq shaevanr naeqlaf-euq mae.

Gʼaˬkʼehˇ 13:52

Khoerngae, zaqlanr deuq laqkhaq caer-eu jeq hawr-eu Yawshawr Saflar tiqbyanni byanluf-eu mae.

Yoˇhaˬ 17:15

Mirtsaq-euq khoertav nae aqyawf maf-anr sheuqdov ghae-awq laer ngar, nawq-anr shar-eu maqngeur. Aerkhawf, aqyawfmaf, yawdoer ghaq-anr nae yabuq-ir ni hawpir naeq-awq laer shar-eu ma.

Yoˇhaˬ 14:18

“Ngar, nawmaf-anr murcoeq aqnmr lof-aer maq byaerdzaeyaf. Ngar, nawmaf jawr-eu gar par ghofle ma.

HeˬByehˇ 7:25

Khoermirnae, aqyawf-anr ghoe-awr Miqyaer jawr-eu gar kharlar-eu tsawrhaq-anr aqyawf tiqbyan tiqlof kakhofnaeq nya-eu mae. Aqjeq mirnae aernar-aq, aqyawf aqmyanluf daefluf-awr, aqyawf maf-euq gharduq guiqlanq sharcaw duidui luf-eu mae.

Lormav 8:34

Aqyawfmaf yawlaeq mae laer yarkhaq darnya-eu aqsur ghaq la? Yeqsur Kali-aq, shir-euq khawf ghofdaef lar-awr, nymq-mr Miqyaer-euq armar paw jawr-awr nae aqdui-euq gharduq guiqlanq shardan luf-eu mae.

Yoˇhaˬ 14:14

Nawmaf, ngaq-euq tsawrmyanr-anr ghoe-awr, aqgeu jeq shar-eu maqkaq, ngar bi pyeuflar ma.”

Yoˇhaˬ 17:20

“Ngar, tsawrhaq heudeuq-euq gharduq taef-aer maqngeurni, aqyawf maf-euq dawq-euq baqda’nae, aqkar ngaq-anr janlar-eu tsawrhaq deuq-euq gharduq khawf guiqlanq shar-eu ma.

Yoˇhaˬ 16:22

Khoerlof-aer durni, nymq-mr nawmaf noeqshaq luf-eu ngar-a. Aerkhawf, ngar, nawmaf-anr parya mawr ngae, nawmaf-euq nuima laqkhaq caerlar taef-a. Nawmaf laqkhaq caer-eu gar, laqkhaq maqbi caerni tiqghaq-iq maq yurgeuf nya-ar.

2 Teˇsaˬloˇni 2:16

Aqdui-euq Sanqpaq Yeqsur Kali hawr-eu aqdui-euq Aqda Miqyaer, aqdui-anr gaq-awr, aqyawf-euq guiqlanq yawdzanr baqda’nae, li-eu maqbaw-eu nuima sar-eu jeq hawr-eu muiq-eu noeqtmq-eu jeq aqdui-anr bifnaeq laf-awr,

Yoˇhaˬ 7:39

Yeqsur heulof-aer aer-eu-aq, aqyawf-anr jan-eu tsawrhaq deuq aqkar muiq-eu Saflar za-eu gar aermawf-eu mae. Aqjeq mirnae aqkar za-eu laer aernar-aq, Yeqsur yawshaef khanqsaer maqza-euq siq mirnae, aqyawf maf-anr Yawshawr Saflar maq bifdan-aq siq.

Gʼaˬkʼehˇ 1:4

Yeqsur, aqyawfmaf naeq-aer uiqler-awr jawr ngae, Yeqlursaqlaeq-anr nae taqdov-ir, Aqda Miqyaer nae aertaq-euq dawqma sarjax khoerdawq-anr nawmaf dawqtawq siq laer, Yeqsur, aqyawf maf-anr dawq bif-euq mae. Yeqsur aer-eu, “Garkawv heu-aq, ngar aer-eu gar nawmaf yagaq-euq mae.

1 Yoˇhaˬ 2:27

Nawmaf, Kali nae tsaqtsov-euq jeq za-awr, tsaqtsov-euq jeq khoer aqmyanluf nawmaf-euq lafkhoer javluf-eu mirnae, tsawrhaqzaq tiqghaq-iq nawmaf-anr maeqnaeq tsovnaeq-eu laer maqya ghae-ar. Aqjeq mirnae aernar-aq, tsaqtsov-euq jeq khoer, nawmaf-anr taf-eu yawqjeq navluf maeqnaeq tsovnaeqlaf taef-a. Tsaqtsov-euq jeq khoer-aq, jaqmyawf maqngeur-a, tsaq-awr dawr-eu mae. Khoermirnae, tsaqtsov-euq jeq nawmaf-anr maeqnaeq tsovnaeq laf-eu lof-aer aqyawf-euq lafkhoer jawr-awq.

2 Yoˇhaˬ 1:2

Aqdui-euq lafkhoer anrluf-eu yawtsaq yawdawr jeq-euq baqda’nae, nawmaf-anr gaq-eu ma. Yawtsaq yawdawr jeq khoer-aq, mqmaq maqbyav yarzir aqdui-euq lafkhoer anr taef-a.