Yoˇhaˬ 14:13 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹³ Zaqyo-euq baqda’nae Aqda yawshaef khanqsaer za’ni, nawmaf, ngaq-euq tsawrmyanr-anr ghoe-awr kharshar-eu yawqjeq navluf ngar bi pyeuflar ma.

Akha

¹³ Zaˬmaˇ laꞈ kʼoeˇ Aˬda-euˬ yaw shehꞈ kʼahˬ sehˇ ya mawˇ ni, naw maꞈ ngaˬ-euˬ tsawˇ myahˇ laꞈ kʼoeˇ kʼaˇ shaˇ-eu yawˬ jeˬ na luꞈ ngaˇ mˇ byah nehˬ ma.

Yoˇhaˬ 14:13 Referans Kwoze

Yoˇhaˬ 15:7

Nawmaf, ngaq-euq lafkhoer jawr-awr, ngaq-euq dawq khawf nawmaf-euq lafkhoer anr-eu nar-aq, nawmaf geufmawf-eu lof-aer shar-awq, nawmaf-euq gharduq bi pyeuflar taef-a.

Maˬkuˆ 11:24

Khoermirnae, ngar, nawmaf-anr aernaeq nyar, nawmaf guiqlanq kharshar ngae, aqjeq shar-eu maqkaq, za’ma laer nawmaf jan-awr shar nar-aq, nawmaf za taef-a.

Maꞈtehˬ 21:22

Nawmaf guiqlanqshar ngae, jan-eu nuima anr nar-aq, kharshar-eu dawqtawvluf za taef-a.”

Maꞈtehˬ 7:7

“Shar-awq, shar nar-aq za taef-a. Pov-awq, pov nar-aq mawrle taef-a. Khov-awq, khov nar-aq nawmaf-anr pannaeqlaf taef-a.

1 Yoˇhaˬ 5:14

Miqyaer-euq maeqshi urler ngae, aqdui heulof-aer yawduq baw-eu ma: aqdui, aqyawf nuima tsaq-eu lof-aer shar nar-aq, aqyawf, aqdui-euq shardawq-anr narhaq naeqlaf-eu mae.

Yoˇhaˬ 16:23

“Khoerngae nan keuvlar nar-aq, nawmaf, ngaq-anr tiqjeq-iq maqpar shar-ar. Ngar, nawmaf-anr aqdirma-aer aernaeq nyar, ngaq-euq tsawrmyanr-anr ghoe-awr, nawmaf, Aqda-anr kharshar-eu jeq aqyawf, nawmaf-anr bifnaeqlaf taef-a.

1 Yoˇhaˬ 3:22

Aqdui, aqyawf nae biftaq-euq dawqdeuq-anr narhaq geuf-awr, aqyawf nuima tsaq-eu lof-aer mr nar-aq, aqdui kharshar-eu yawqjeq navluf za-eu mae.

Yoˇhaˬ 15:16

Nawmaf nae ngaq-anr tsergeuf-euq maqngeur-a. Nawmaf ir-awr, arsiq siqle-eu uqtaf, arsiq khoer zif-awr gmqni, ngaq nae nawmaf-anr tserdov-awr tsaqtsov-euq ma. Khoermirnae, nawmaf, ngaq-euq tsawrmyanr-anr ghoe-awr, Aqda-anr kharshar-eu jeq, aqyawf, nawmaf-anr bifnaeqlaf taef-a.

Yoˇhaˬ 14:14

Nawmaf, ngaq-euq tsawrmyanr-anr ghoe-awr, aqgeu jeq shar-eu maqkaq, ngar bi pyeuflar ma.”

Yaˬkoˆ 5:16

Khoermirnae, nawmaf nargawr taqlerni tiqghaq tirghaq, yawqha-euq iqbax jadov-awr, tiqghaq tirghaq-euq gharduq guiqlanq shar-awq. Tsaq-awr dawr-eu tsawrhaq-euq guiqlanq shardawq-aq, huiq-eu baoq anr-awr ghawqmya jeq bi pyeuflar nya-eu mae.

Piˇliˇpiˆ 4:13

Ngaq-anr ghaq bifnaeq laf-eu Kali-anr ghoeghoe-aer, ngar dawqtawvluf mrnya sharnya ma.

Yaˬkoˆ 1:5

Nawmaf-euq lafkhoer tiqghaqnav zaqsiq tsawrganr teqluf nar-aq, Miqyaer-anr shar-eu tsaq mae. Miqyaer, aqyawf-anr bif taef-a. Aqjeq mirnae aernar-aq, Miqyaer-aq, aqyawf-anr kharshar-eu tsawrhaq-anr maqdaeq-aer ghawqmya’ni bif-eu mae.

Eˇpeˇsu 3:12

Aqdui, Yeqsur-euq lafkhoer nuima khaqduqni taq-awr, aqyawf-anr jan-awr yawduq baw-eu mirnae, Miqyaer-euq maeqshi urler nya-eu ma.

Yoˇhaˬ 16:26

Khoerngae nan, nawmaf, ngaq-euq tsawrmyanr-anr ghoe-awr shar taef-a. Ngar, nawmaf-euq gharduq Aqda-anr shar ma laer ngar, nawmaf-anr aer-eu maqngeur.

Yoˇhaˬ 10:30

Ngar hawr-eu ngaqDa-aq, tiq ghaq taef ma.”

Eˇpeˇsu 2:18

Aqjeq mirnae aernar-aq, Kali-euq baqda’nae aqdui tsawrjeuq nyiq jeuqluf, muiq-eu Saflar, aqyawf tiqghaq-anr ghoe-awr, Aqda jawr-eu gar urlernya lar-euq ma.

Gawˇlawˇsehˇ 3:17

Nawmaf dawqngaeq dawqtmr mr-eu hawr-eu, mr-awr shar-eu yawqjeq navluf, Sanqpaq Yeqsur-euq tsawrmyanr-euq uqmov mr-awq. Aqyawf-anr ghoe-awr Aqda Miqyaer-euq guiqlanq-anr jaceuq-awq.

Yoˇhaˬ 7:37

Yawbui bui-eu arsaqsaq ngae nan-aq, huiqdzaeq-eu nan mae. Yeqsur gawqyawf yawf-awr, tersar yawkhav-aer heulof-aer aer-eu mae, “Ircuf kharmaef-eu tsawrhaq, ngar jawr-eu gar lar-awr dawrlar-awq.

HeˬByehˇ 7:25

Khoermirnae, aqyawf-anr ghoe-awr Miqyaer jawr-eu gar kharlar-eu tsawrhaq-anr aqyawf tiqbyan tiqlof kakhofnaeq nya-eu mae. Aqjeq mirnae aernar-aq, aqyawf aqmyanluf daefluf-awr, aqyawf maf-euq gharduq guiqlanq sharcaw duidui luf-eu mae.

Yoˇhaˬ 14:6

Yeqsur, aqyawf-anr heulof-aer aernaeq-euq mae, “Ngar-aq, garma ma, yawtsaq yawdawr jeq hawr-eu daef-eu jeq khawf ngeur ma. Ngaq-anr maqghoe nar-aq, tsawrhaq tiqghaq-iq Aqda jawr-eu gar maq lekeuv nya-a.

Yoˇhaˬ 12:44

Khoerngae, Yeqsur tersar yawkhav-aer heulof-aer aer-eu mae: “Ngaq-anr jan-eu tsawrhaq-aq, ngaq-anr jan-eu maqngeur-a. Ngaq-anr khaerghae lef-euq ghaq-anr jan-eu mae.

Luˇkaꞈ 11:9

“Ngar, nawmaf-anr aernaeq nyar. Shar-awq, shar nar-aq za taef-a. Pov-awq, pov nar-aq mawrle taef-a. Khov-awq, khov nar-aq nawmaf-anr pannaeqlaf taef-a.

1 Beˬtuˆluˆ 2:5

Nawmaf khawf, daefluf-eu khaqlo mae. Miqyaer nae saflar paw-euq nymr tsov-eu gar bizmq-awq. Nawmaf shawr-eu pirma geuf-awr, Yeqsur Kali-anr ghoe-awr nae, Miqyaer nuikhanr shir-eu saflar paw-euq lawrnaeq-eu jeq lawrnaeq-awq.

Yoˇhaˬ 5:19

Khoernar-aq, Yeqsur, aqyawf maf-anr heulof-aer aerkhof naeq-euq mae, “Ngar, nawmaf-anr aqdir aqmar aernaeq nyar, Zaqyo-aq, yawqha yawqha tiqjeq-iq maq mrnya-a. Aqda mr-eu gar mawr-awr, aqyawf mr-eu taef mae. Aqda kharmr-eu yawqjeq navluf Zaqyo khawf mrluf-eu mae.

HeˬByehˇ 13:15

Khoermirnae, aqdui, Yeqsur-anr ghoe-awr, aqmyanluf Miqyaer-anr jaceuq-eu lawr-eu jeq lawrnaeq kar-eur. Khoer-aq, aqyawf-euq tsawrmyanr-anr jaceuq-eu laer aqdui-euq maeqluq-anr nae siqle-eu arsiq mae.

HeˬByehˇ 4:15

Aqjeq mirnae aernar-aq, aqdui-euq Pirma yawhuiq ghaq-aq, aqdui ghaq baq-eu jeq-anr ghawqshaq maq gaqnya-eu maqngeur-a. Aqyawf khawf, aqdui lof-aer yawqdzer dzaq-anr navluf murjur jur-eu gar yadaq haw-euq mae. Aerkhawf, aqyawf iqbax maqmr-aq.

Eˇpeˇsu 3:14

Garkawv heudeuq-euq baqda’nae, ngar, aqdui-euq Sanqpaq Yeqsur Kali-euq Aqda Miqyaer-euq maeqshi, pawqtsuif pawqdmq dmq-awr guiqlanq sharluf-eu ma.

Yoˇhaˬ 4:14

Aerkhawf, ngar bidawr-eu ircuf khardawr-euq tsawrhaq-aq, tiqjawr-iq maqpar maeflar-ar. Ngar bidawr-eu ircuf khoer, tsawrhaq khoerghaq-euq lafkhoer ircuf irbyoe pyeuf-awr, mqmaq maqbyav yarzir daef-eu jeq za-eu gar keuvni tanqdavlaf taef-a.”

Yoˇhaˬ 4:10

Yeqsur, aqyawf-anr aerkhof naeq-eu, “Miqyaer nae bif-euq lafsawq hawr-eu, ‘Ngaq-anr ircuf bidawr naeqlaf-awq’ laer nawq-anr sharluf-eu ghaq aqsur ghaq la laer nawr siqnya lawnmr-aq, nawr, aqyawf-anr shar taef-a. Aqyawf khawf nawq-anr daef-eu jeq bif-eu ircuf bidawr naeqlaf taef-a.”

Yoˇhaˬ 16:7

Ngar, nawmaf-anr dawrcoeni aernaeq nyar. Ngar ghofler-eu-aq, nawmaf-euq gharduq yawmuiq mae. Aqjeq mirnae aernar-aq, ngar maq ghofler nar-aq, Cawba-eu ghaq, nawmaf jawr-eu gar maqoe-a. Aerkhawf, ngar ghawq-ir-euq nar-aq, aqyawf-anr nawmaf jawr-eu gar khaerghaelef ma.

Yoˇhaˬ 13:31

Yurdav dov-ir ghaq-euq nar-aq, Yeqsur heulof-aer aer-eu mae, “Nymq-mr Tsawrhaq-euq Zaqyo yawshaef khanqsaer zaghaq-awr, aqyawf-euq lafkhoer Miqyaer khawf yawshaef khanqsaer za-euq mae.

1 Gawˇliˬtu 14:13

Khoermirnae, dawqbav bav-eu tsawrhaq-aq, dawqtsuif yurdov nya’ni guiqlanq shar-eu tsaq mae.