Yoˇhaˬ 14:12 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹² “Ngar, nawmaf-anr aqdirma-aer aernaeq nyar, ngaq-anr jan-eu tsawrhaq-aq, ngaq nae mr-euq gardeuq mr taef-a. Ngar, ngaqDa jawr-eu gar ghofler-eu mirnae, aqyawf heunav maqtser huiq-eu gardeuq mr taef-a.

Akha

¹² Ngaˇ naw maꞈ-ahˇ maˇ jawˆ ni ehˇ nehˬ nyaˇ. Ngaˬ-ahˇ kʼaˇ jah-eu tsawˇ haˬ-aˬ, ngaˬ neh mˇ-euˬ zahˬ leˇ paˬ-ehˇ gʼeh-eu gaˇ deuˬ mˇ tehꞈ-a. Ngaˬ neh mˇ-euˬ gaˇ deuˬ myaˆ maˬ tseˇ aˬ yawꞈ mˇ huiˬ gʼeh tehꞈ-a. Aˬ jeˬ miˇ neh ehˇ naˇ, ngaˇ-aˬ, Aˬda jawˇ gaˇ ya gʼoꞈ leˇ meh.

Yoˇhaˬ 14:12 Referans Kwoze

Maꞈtehˬ 21:21

Khoerngae, Yeqsur, aqyawf maf-anr heulof-aer aerkhof naeq-euq mae: “Ngar, nawmaf-anr aqdirma-aer aernaeq nyar, nawmaf jan-awr, nuima povpov lavlav-aer maqghae nar-aq, ngaq nae siqguq arbawr heubawr-anr janrnaeq-euq lof-aer, nawmaf khawf janrnya-eu uqtaf, ‘Nawq-euq jawrduq-anr nae dov-ir-awr, iqmalavshav-anr gapuf-ir-awq’ laer gawqjawq heujawq-anr aernaeq ngae, khoerlof-aer pyeuflar taef-a.

Maˬkuˆ 16:17

Jan-eu tsawrhaq deuq-aq, bisiq bimawr-eu jeq heudeuq mrdovlaf taef-a. Aqyawfmaf, ngaq-euq tsawrmyanr-anr ghoe-awr naef-anr taedov taef-a. Aqyawfmaf dawqbav yawshuif deuq bav taef-a.

Gʼaˬkʼehˇ 16:18

Aqyawf khoerlof-aer ghawqmya nan janrkeuv laf-euq mirnae, Pawrluv daevlar taq-awr, narkhan paw ciqpyawr-awr naef khoermawr-anr aernaeq-eu, “Yeqsur Kali-euq tsawrmyanr-euq uqmov, ngar, nawq-anr dawq bif-eu ma. Aqyawf-anr nae dovle-awq.” Khoerngae, tiqpov taef-aer naef khoermawr dovle-euq mae.

Gʼaˬkʼehˇ 9:34

Beqtuvluv, aqyawf-anr aernaeq-eu, “Aerneq-or! Yeqsur Kali, nawq-anr lavtaq luf-eu mae. Tur-awr nawq-euq yufzar lavluiv-awq.” Khoerngae, tiqpov taef-aer aqyawf turlar-euq mae.

Gʼaˬkʼehˇ 19:12

Khoermirnae, Pawrluv-euq mawrdo-anr nae lafsiv maqngeur nar-aq, tsanrghaq-eu saqpar, nar-awr gawr-eu deuq jawr-eu gar yurghae-awr ghovdavnaeq ngae, nargawr taqler-awr, naef yawjawf deuq khawf dov-ir-eu mae.

Gʼaˬkʼehˇ 9:40

Beqtuvluv, aqyawfmaf yawqghaq navluf-anr bidov-ir-awr, pawqtsuif pawqdmq dmq-awr guiqlanq shar-euq mae. Khoernar-aq, shir-euq mawrdo jav-eu paw ghawrpyawr-awr aer-eu, “Daqbirtav-or! Tur-awq.” Khoerngae, aqyawf myavnuiv byaelar-awr, Beqtuvluv-anr mawr ngae turnuir lar-euq mae.

Gʼaˬkʼehˇ 8:7

Aqjeq mirnae aernar-aq, tsawrhaq ghawqmya ghaq-euq lafkhoer ur-eu naef yawjawf deuq, tersar yawkhav-aer gurgur-aer dovle-euq mae. Kuirshir lafshir shir-eu hawr-eu kuircawv ghawqmya ghaq khawf taqler-euq mae.

Gʼaˬkʼehˇ 5:15

Khoeruqtaf, Beqtuvluv cantsaev ngae, aqyawf-euq arbar narshmr taef-aer khawf, nar-awr gawr-eu tsawrhaq-anr bi barshmrni, aqyawf maf-anr garma-anr bafdov lef-awr, yufzar-anr maqngeur nar-aq, parsiq-anr bi yuftaq-euq mae.

Gʼaˬkʼehˇ 2:41

Aqyawf nae maeq-euq dawq-anr laqkhaq caertavni hageuf-euq tsawrhaq deuq bartirsaq hageuf-euq mae. Khoerngae nan, zaqlanr 3,000 ghaq aerghaqni lanqlar-euq mae.

Gʼaˬkʼehˇ 4:4

Aerkhawf, dawq khoer-anr yagaq-euq tsawrhaq ghawqmya’ni janlar-euq mae. Zaqyo aqli deuq taef-aer 5,000 ghaq aerghaqni byan-eu mae.

Yoˇhaˬ 16:7

Ngar, nawmaf-anr dawrcoeni aernaeq nyar. Ngar ghofler-eu-aq, nawmaf-euq gharduq yawmuiq mae. Aqjeq mirnae aernar-aq, ngar maq ghofler nar-aq, Cawba-eu ghaq, nawmaf jawr-eu gar maqoe-a. Aerkhawf, ngar ghawq-ir-euq nar-aq, aqyawf-anr nawmaf jawr-eu gar khaerghaelef ma.

Gʼaˬkʼehˇ 2:33

Miqyaer-euq armar paw aqyawf-anr taqhuiq taqmanr-awr, Yawshawr Saflar bif ma laer Miqyaer nae sarjax dzaqtaq-euq lof-aer, aqyawf za-euq mae. Nymq-mr nawmaf yagaq ya’mawr luf-eu lof-aer, aqyawf shaevdav naeqlef-euq mae.

Yoˇhaˬ 7:39

Yeqsur heulof-aer aer-eu-aq, aqyawf-anr jan-eu tsawrhaq deuq aqkar muiq-eu Saflar za-eu gar aermawf-eu mae. Aqjeq mirnae aqkar za-eu laer aernar-aq, Yeqsur yawshaef khanqsaer maqza-euq siq mirnae, aqyawf maf-anr Yawshawr Saflar maq bifdan-aq siq.

Yoˇhaˬ 7:33

Khoerngae, Yeqsur, aqyawf maf-anr aernaeq-eu, “Ngar, nawmaf naeq-aer tiqkhaeq jawr nar-aq, ngaq-anr khaerghae lef-euq ghaq jawr-eu gar ghofler ma.

Lormav 15:19

Baoq huiq-eu bisiq bimawr-eu jeq hawr-eu zanqler paq-aer ghae-eu jeq heudeuq, Miqyaer-euq Saflar-euq baoq-anr ghoe-awr mr-euq ma. Khoerlof-aer mrmr-aer, ngar, Yeqlursaqlaeq-anr nae Irlurliv-anr keuvni, Kali-euq garkawv guiqlanqdawq maeqdoe-euq ma.

Gʼaˬkʼehˇ 6:7

Khoernar-aq, Miqyaer-euq dawq gaqdoe-ir-awr, Yeqlursaqlaeq-euq lafkhoer zaqlanr zawr myaqlar-awr, pirma ghawqmya’ni khawf Kali-anr janlar-euq mae.

Gʼaˬkʼehˇ 4:16

“Aqduimaf, tsawrhaq heu nyiq ghaq-anr aqjox-aer janrnaeq paq nga? Aqjeq mirnae aernar-aq, aqyawfnyaf byacaevni mawrlar-eu khavjeq-aer ghae-eu jeq janr-euq mae laer Yeqlursaqlaeq-anr jawr-eu tsawrhaq dawqtawvluf siqnya-eu mae. Aqduimaf khawf maqngeur-a laer maqaer nya-eu beu.

Yoˇhaˬ 14:28

‘Ngar ghofler khawf, nawmaf jawr-eu gar tiq pov paroe ma’ laer ngaq nae nawmaf-anr aernaeq-euq dawq nawmaf yagaq-euq mae. Nawmaf, ngaq-anr gaq nar-aq, ‘Ngar, Aqda jawr-eu gar ghofler ma’ laer aer-eu mirnae, nawmaf laqkhaqcaer taef-a. Aqjeq mirnae aernar-aq, Aqda-aq, ngaq-euq navmaqtser huiq-eu mae.

Gʼaˬkʼehˇ 10:46

Aqjeq mirnae aernar-aq, tsawrhaq heudeuq yawqjeq yawq-euq dawq bavbav-aer Miqyaer-anr ciqhuiq ciqmanr-eu gar yagaq ya’mawr-euq mae.

Gʼaˬkʼehˇ 4:33

Ghaqkhaer deuq huiq-eu baoq anr-eu lafkhoer, Sanqpaq Yeqsur ghofdaef lar-euq garkawv sarkir kamq-euq mae. Aqyawfmaf yawqghaq navluf-euq khoertav, Miqyaer-euq guiqlanq yawdzanr huiq duidui-eu mae.

Maˬkuˆ 11:13

Aqyawf garmanr kaq-eu gar oeluf ngae nae, arpaf maer-eu siqguq arbawr tiq bawr-anr mawr-euq mae. Aqyawf, arbawr khoerbawr arsiq maqsiq nga laq laer dawqpae irkeuv-awr haw ngae, arsiq siq-eu aryamq maqngeur-eu mirnae, arpaf taef-aer tsof-eu gar ya’mawr-euq mae.

Yoˇhaˬ 4:37

‘Tiq ghaq saeq-awr, tiq ghaq yaeq-eu mae’ laer aer-eu khoerdawq-aq, heugar tsaq-eu mae.

Yoˇhaˬ 5:20

Aqda-aq, Zaqyo-anr gaq-awr, aqyawf kharmr-eu dawqtawvluf Zaqyo-anr bimawr-eu mae. Nawmaf bi zanqler paq-aer heudeuq navmaqtser huiq-eu jeq khawf, aqyawf, Zaqyo-anr bimawr taef-a.