Yoˇhaˬ 14:10 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁰ Ngar, Aqda-euq lafkhoer jawr-awr, Aqda, ngaq-euq lafkhoer jawr-eu mae laer nawr maqjan-eu le lor? Ngar, nawmaf-anr aernaeq-eu dawqdeuq-aq, ngaq-euq aryaq zmq-awr aer-eu maqngeur. Aerkhawf, ngaq-euq lafkhoer jawr-eu Aqda, aqyawf-euq gar heudeuq mrluf-eu mae.

Akha

¹⁰ Aˬda-euˬ laꞈ kʼoeˇ ngaˇ jawˇ-awˇ, ngaˬ-euˬ laꞈ kʼoeˇ Aˬda jawˇ meh lehˇ Piˇliˇpuˆ nawˇ maˬ jah te loˇ. Ngaˇ naw maꞈ-ahˇ ehˇ-eu dawˬ heu deuˬ-aˬ, ngaˬ-euˬ nui noeˬ ehˇ-eu maˬ ngeuˇ. Ngaˬ-euˬ laꞈ kʼoeˇ jawˇ luꞈ-eu Aˬda gaˇ mˇ luꞈ-eu jeˬ pyeuꞈ-eu meh.

Yoˇhaˬ 14:10 Referans Kwoze

Yoˇhaˬ 5:19

Khoernar-aq, Yeqsur, aqyawf maf-anr heulof-aer aerkhof naeq-euq mae, “Ngar, nawmaf-anr aqdir aqmar aernaeq nyar, Zaqyo-aq, yawqha yawqha tiqjeq-iq maq mrnya-a. Aqda mr-eu gar mawr-awr, aqyawf mr-eu taef mae. Aqda kharmr-eu yawqjeq navluf Zaqyo khawf mrluf-eu mae.

Yoˇhaˬ 10:38

Aerkhawf, ngar mrluf-eu ngeur nar-aq, ngaq-anr maqjan-eu khawf, ngar mrluf-eu gardeuq-anr jan-awq. Khoerlof-aer nar-aq, Aqda, ngaq-euq lafkhoer jawr-awr, ngar khawf Aqda-euq lafkhoer jawr-eu nga laer nawmaf ya siqnya-awr yajan taef-a.”

Gʼaˬkʼehˇ 10:38

Miqyaer, Naqzaqlaer tsawrhaq Yeqsur-anr Yawshawr Saflar hawr-eu baoq nae tsaqtsov-awr, aqyawf doedoe-aer can ngae, Miqyaer, aqyawf naeq-aer jawr-eu mirnae, yawmuiq jeq mr-awr, naef sanqpaq khaeq-awr khav-eu gar daqluf-eu tsawrhaq dawqtawv luf-anr bi taqler-euq mae.

Yoˇhaˬ 12:49

Aqjeq mirnae aernar-aq, ngar, ngaq-euq aryaq nae tiqjeq-iq maqngaeq-aq. Ngaq-anr khaerghae lef-euq Aqda-aq, ngar aqjeq ya’ngaeq-awr ngar aqjeq yatmr-eu la laer aqyawf, ngaq-anr dawq biflaf-euq mae.

Yoˇhaˬ 10:30

Ngar hawr-eu ngaqDa-aq, tiq ghaq taef ma.”

Yoˇhaˬ 8:28

Khoermirnae, Yeqsur, aqyawf maf-anr heulof-aer aernaeq-euq mae: “Nawmaf, Tsawrhaq-euq Zaqyo-anr khanqtur ngae, ngar-aq, khoerghaq ngar-a laer siqnya-eu uqtaf, ngar-aq, yawqha yawqha taef-aer tiqjeq-iq maqmr-aer, ngaqDa nae ngaq-anr maeq-euq lof-aer ngar heudeuq aer-eu ngar-a laer nawmaf yasiq taef-a.

Gawˇlawˇsehˇ 2:9

Aqjeq mirnae aernar-aq, Miqyaer kharpyeuf-eu jeq Kali-euq mawrdo-euq lafkhoer tiqbyanni byanluf-eu mae.

Yoˇhaˬ 17:8

Aqjeq mirnae aernar-aq, nawq nae ngaq-anr bifnaeq laf-euq dawq, ngar, aqyawf maf-anr bif-awr, aqyawfmaf khawf dawq khoerdeuq-anr hageuf-euq mae. Khoeruqtaf, ngar, nawr jawr-eu gar nae oe-euq ngar-a laer aqyawfmaf siqduq-awr, nawq nae ngaq-anr khaerghae lef-euq ngar-a laer khawf aqyawfmaf jan-eu mae.

Yoˇhaˬ 5:17

Khoerngae, Yeqsur, aqyawf maf-anr aernaeq-eu, “Nymq-mr keuvni ngaqDa gar mrluf-eu mae. Ngar khawf mrluf-eu ma.”

1 Yoˇhaˬ 5:7

Mq-euq khoertav sarkir kamq-eu smr ghaq jawr-eu mae: Aqda Miqyaer, Dawq hawr-eu Yawshawr Saflar, heu smr ghaq-aq tiq ghaq taef mae.

2 Gawˇliˬtu 5:19

Khoer-aq, Miqyaer, Kali-anr ghoe-awr mirtsaqzaq, aqyawf-anr tsaqlar dzoerlarni mr-eu jeq pyeuf-eu mae. Miqyaer, aqyawfmaf nae mrbanq lavbanq-euq jeq-anr maq sawxtaq-aer, tsawrhaqzaq, Miqyaer-anr tsaqler dzoerler-eu gar taf-eu dawq, nga’maf-anr a’naeq laf-euq mae.

Yoˇhaˬ 8:38

Ngar-aq, ngaqDa naeq-aer jawr ngae mawr-euq deuq ja’naeq-eu ma. Nawmaf khawf, nawmaf-euq aqda naeq-aer jawr ngae ya’mawr-euq jeq mr-eu ngar-a.”

Gawˇlawˇsehˇ 1:19

Aqjeq mirnae aernar-aq, aqyawf-euq lafkhoer byan-eu jeq dawqtawvluf byan-eu gar, Aqda nuikhanr shir-eu mae.

Yoˇhaˬ 14:20

Khoerngae nan keuvle nar-aq, ngar, Aqda-euq lafkhoer jawr-awr, nawmaf, ngaq-euq lafkhoer jawr-awr, ngar khawf nawmaf-euq lafkhoer jawr-eu gar nawmaf yasiq taef-a.

Yoˇhaˬ 7:16

Yeqsur, aqyawf maf-anr heulof-aer aerkhof naeq-euq mae, “Ngar maeq-eu dawqmaeq dawqtsov heu-aq, ngaq-euq dawq maqngeur, ngaq-anr khaerghae lef-euq ghaq-euq dawq mae.

Yoˇhaˬ 8:40

Ngar, Miqyaer-anr nae yagaq-euq yawtsaq yawdawr jeq nawmaf-anr ja’naeq-euq ma. Aerkhawf, nymq-mr nawmaf, ngaq-anr saef-eu laer jawqluf-eu mae. Aqbyaqhaq-aq, teulof-aer maqmr-aq.

Yoˇhaˬ 11:26

Ngaq-euq lafkhoer jawr-awr, ngaq-anr kharjan-eu tsawrhaq-aq, tiqjawr-iq maqya shir-ar. Nawr dawq heudawq-anr jan ma laq?”

Yoˇhaˬ 3:2

Uqcif paw, aqyawf, Yeqsur jawr-eu gar lar-awr aer-eu, “Laqbir-or! Nawr-aq, Miqyaer jawr-eu gar nae oe-euq saqlaq tiq ghaq ngar-a laer nga’maf siqnya-eu ma. Aqjeq mirnae aernar-aq, nawq nae janr-euq bisiq bimawr-eu jeq, janr-eu ghaq naeq-aer Miqyaer maqjawr lawnmr-aq, tsawrhaq tiqghaq-iq maq janrnya-a.”

Yoˇhaˬ 14:11

Ngar, Aqda-euq lafkhoer jawr-awr, Aqda, ngaq-euq lafkhoer jawr mae laer jan-awq. Maqngeur nar-aq, gar khoerdeuq-euq baqda’nae taef-aer khawf ngaq-anr jan-awq.

Yoˇhaˬ 14:24

Ngaq-anr maqgaq-eu tsawrhaq-aq, ngaq-euq dawq-anr maq mrcaw-ar. Nawmaf ya gaqluf-eu dawq heu-aq, ngaq-euq dawq maqngeur, ngaq-anr khaerghae lef-euq Aqda Miqyaer-euq dawq mae.