Yoˇhaˬ 14:1 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹ “Nawmaf-euq nuima maqsar-aer taqghae. Nawmaf, Miqyaer-anr jan-awr, ngaq-anr khawf jan-awq.

Akha

¹ Aˬ yawꞈ maꞈ-ahˇ Yeˬsuˇ ehˇ nehˬ-eu, “Naw maꞈ nui ma shaˬ zahˬ taˬ mˇ. Miˬyehˇ-ahˇ jah-awˇ, ngaˬ-ahˇ kʼawꞈ jah-awˬ.

Yoˇhaˬ 14:1 Referans Kwoze

Yoˇhaˬ 12:44

Khoerngae, Yeqsur tersar yawkhav-aer heulof-aer aer-eu mae: “Ngaq-anr jan-eu tsawrhaq-aq, ngaq-anr jan-eu maqngeur-a. Ngaq-anr khaerghae lef-euq ghaq-anr jan-eu mae.

Yoˇhaˬ 6:40

Zaqyo-anr mawr-awr aqyawf-anr kharjan-eu tsawrhaq yawqghaq navluf-anr, mqmaq maqbyav yarzir daef-eu jeq bi za’ni, ngaq-anr khaerghae lef-euq ghaq nuima tsaq-eu mae. Khoeruqtaf, arsaqsaq ngae nan, ngar, aqyawf-anr bi ghofdaeflar ma.”

Jaceuq 43:5

Ngaq-euq nuima saflar-or! Aqjeq ghae-eu mrnyoeq saef-eu le? Aqjeq mirnae, nawr, ngaq-euq lafkhoer maqsar marsar-aer ghaesaef-eu le? Miqyaer-anr noeqtmq-awq. Aqjeq mirnae aernar-aq, Ngaq-euq Miqyaer, ngaq naeq-aer jawr-awr cawba naeqlaf-eu mirnae, Ngar, aqyawf-anr jaceuq le siq.

1 Beˬtuˆluˆ 1:21

Miqyaer, aqyawf-anr shir-euq gar nae bi ghofdaef lar-awr, yawshaef khanqsaer bifnaeq-euq mirnae, nawmaf-euq jan-eu jeq hawr-eu noeqtmq-eu jeq, Miqyaer-euq lafkhoer anr-eu mae. Nawmaf-aq, Kali-euq baqda’nae Miqyaer-anr janluf-eu mae.

Yoˇhaˬ 13:19

Garkawv heudeuq pyeuflar ngae, ngar-aq, khoerghaq ngar-a laer nawmaf janni, nymq-mr maq pyeuflar-euq minav-aer, ngar, nawmaf-anr aernaeq-eu ma.

Eˇpeˇsu 1:15

Khoermirnae, nawmaf, Sanqpaq Yeqsur-anr nuijan anr-awr, tsawrshawr dawqtawv luf-anr gaq-eu garkawv ngar yagaq-awr,

Yoˇhaˬ 12:27

“Nymq-mr ngaq-euq nuima saflar tiqpawf-iq maq sarnya. Ngar aqjox-aer aer-eu tsaq-eu la? ‘Aqda-or! Aryamq heu-anr nae ngaq-anr bibuq-ir naeqlaf-awq’ laer ya’aer-eu la laq? Aerkhawf, ngar-aq, arpyar heu jav-awr oe-euq ma.

2 Teˇsaˬloˇni 2:2

Aqcawq, Kali-euq arnan keuvle-euq mae laer ja’naeq lar-eu khawf, saflar-euq lafkhoer yasiq-euq le laer ja’naeq lar-eu khawf, nga’maf sanqbof khoerlof-aer bofnaeq laf-euq mae laer aernaeq laf-eu law-awr khawf, nuima-euq lafkhoer taq noeqshaq, taq tsawqguv-ir.

2 Gawˇliˬtu 2:7

Aerkhawf, aqyawf ardzaeq noeqshaq dzeur-awr, maqya cawv-ir ni, nawmaf, aqyawf-anr iqbax pyaeqjir naeq-awr, aqyawf-anr bi noeqsar lar-eu tsaq taef-a.

Yoˇhaˬ 11:33

Maqliv hawr-eu aqyawf-euq maeqnan cantae lef-euq Yurdav tsawrhaq deuq ngoer-eu gar Yeqsur ya’mawr ngae, aqyawf-euq nuima-anr zawler-awr nuima tiqpawf-iq maqsar-a.

Yoˇhaˬ 5:23

Khoer-aq, tsawrhaq dawqtawvluf, Aqda Miqyaer-anr yawzeu baw-eu lof-aer, Zaqyo-anr khawf yawzeu bi bawlar-eu gharduq mae. Zaqyo-anr yawzeu maqbaw-eu tsawrhaq-aq, Zaqyo-anr khaerghae lef-euq Aqda Miqyaer-anr khawf yawzeu maqbaw-a.

Yoˇhaˬ 16:3

Aqyawfmaf, Aqda-anr maq siqnya-aer, ngaq-anr khawf maq siqnya-euq mirnae, nawmaf-anr khoerlof-aer janrlar taef-a.

Jaceuq 77:10

Khoernar-aq, ngar aer-eu, “Heu-aq, ngar nuima nar-eu tiqjeq ma. Aerkhawf, ngar, Gor duidui-eu ghaq-euq armar laf-euq arkhof arla-anr noeqkeuv ma.”

Yoˇhaˬ 16:6

Aerkhawf, garkawv heudeuq ngar, nawmaf-anr aernaeq-euq mirnae, nawmaf-euq nuima-euq lafkhoer noeqshaq-eu jeq byan-eu mae.

Yoˇhaˬ 16:24

Nymq-mr keuvni, nawmaf, ngaq-euq tsawrmyanr-anr ghoe-awr tiqjeq-iq maqshar-aq siq. Nawmaf laqkhaq caer-eu jeq byanlarni shar-awq, shar nar-aq za taef-a.”