Yoˇhaˬ 13:34 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³⁴ Nawmaf tiqghaq tirghaq gaq-awq laer ngar, nawmaf-anr dawq yawshuif tiq dawq bif-eu ma. Ngar, nawmaf-anr gaq-euq lof-aer, nawmaf khawf tiqghaq tirghaq gaq-awq.

Akha

³⁴ Nymˬ-mˇ ngaˇ naw maꞈ-ahˇ zahˇ dawˬ kʼoꞈ dawˬ yaw shuiꞈ biꞈ yaꞈ-eu ma. Tiˬ gʼaˬ tiˇ gʼaˬ gaˬ-awˬ. Ngaˇ naw maꞈ-ahˇ gaˬ gaˇ duˇ ni, naw maꞈ tiˬ gʼaˬ tiˇ gʼaˬ ya gaˬ meh.

Yoˇhaˬ 13:34 Referans Kwoze

Eˇpeˇsu 5:2

Kali, aqdui-anr gaq-awr, aqyawf-euq mawrdo, Miqyaer-anr damqnaeq-eu jeq hawr-eu lawrnaeq-eu yawsaw jeq lof-aer aqdui-anr bifnaeq laf-euq mae. Khoermirnae, nawmaf khawf gaq-eu lafkhoer daef-awq.

Yoˇhaˬ 15:17

Ngar, nawmaf-anr dawq heulof-aer bif-eu-aq, nawmaf tiqghaq tirghaq bigaq-eu gharduq ma.”

1 Beˬtuˆluˆ 1:22

Nawmaf, muiq-eu Saflar baqda’nae yawtsaq yawdawr jeq-anr narhaq geuf-awr, nawmaf-euq nuima saflar muiqlar shawrlar-euq mirnae, aqyuif aqnyir yawkaq aqdir gaq-awr, nuima shawrjaevni zifdanni tiqghaq tirghaq gaq-awq.

Gaˬlaˬtiˆ 6:2

Nawmaf, Kali-euq zanr-anr mrbyanni, tiqghaq tirghaq-euq khavbaev cawpi-awq.

1 Yoˇhaˬ 3:23

Miqyaer nae biftaq-euq dawq-aq heulof-aer mae. Aqdui, aqyawf-euq Zaqyo, Yeqsur Kali-euq tsawrmyanr-anr yajan-awr, aqyawf nae dawq biftaq yaf-euq lof-aer tiqghaq tirghaq yagaq-eu mae.

1 Yoˇhaˬ 4:21

Miqyaer-anr gaq-eu tsawrhaq-aq, yawqha-euq maernmr-anr khawf yagaq-eu mae laer aer-eu dawq khoerdawq-aq, Miqyaer nae aqdui-anr biftaq-euq dawq mae.

Yaˬkoˆ 2:8

“Yawqha-euq mawrdo-anr gaq-eu lof-aer, yawqha-euq dawqpae jawr-eu tsawrhaq-anr gaq-awq,” (Lb 19:18) laer Yaerbof-euq lafkhoer boftaq-euq Sanqpaq-euq zanrdawq uqdzan dawq-anr nawmaf mrbyan nar-aq, muiq duidui mae.

1 Teˇsaˬloˇni 3:12

Nga’maf, nawmaf-anr gaq-eu lof-aer, nawmaf tiqghaq tirghaq gaq-awr, tsawrhaq dawqtawv luf-anr khawf gaqnya larni, Sanqpaq Yeqsur, nawmaf-euq lafkhoer gaq-eu jeq bi myaqlar bi byanlar luf-ur.

Lormav 12:10

Aqyuif aqnyir yawkaq gaq-eu lof-aer tiqghaq tirghaq ghoer-awr gaq-awq. Yawqha-anr navmaqtser aqcawq-anr noeqpoeq-awr, tiqghaq tirghaq taqhuiq taqmanr-awq.

2 Yoˇhaˬ 1:5

Zaqmiq-or! Aqdui tiqghaq tirghaq gaq kar-eur laer nymq-mr ngar, nawq-anr shar-eu ma. Biftaq yaf-euq dawq yawshuif ngar, nawq-anr bofanr lef-eu maqngeur. Yawbae ngae nae aqdui zataq-euq dawq khoerdawq, ngar, nawq-anr bofanr lef-eu ma.

Gaˬlaˬtiˆ 6:10

Khoeruqtaf, aqdui khar yaeflar ngae, tsawrhaq dawqtawv luf-anr yawmuiq jeq mrnaeq kar-eur. Aqcawq-anr navmaqtser, jan-eu nymrkhanq-euq lafkhoer mrnaeq-eu tsaq mae.

1 Yoˇhaˬ 3:11

Aqdui tiqghaq tirghaq yagaq mae laer aertaq-euq dawq khoerdawq-anr, yawbae ngae nae nawmaf yagaq taq-euq mae.

HeˬByehˇ 13:1

Aqyuif aqnyir maernmr yawkaq gaq-eu lof-aer aqmyanluf gaq-awq.

2 Teˇsaˬloˇni 1:3

Aqyuif aqnyir deuq-or! Nga’maf, aqmyanluf nawmaf-euq gharduq Miqyaer-euq guiqlanq-anr jaceuq paq-aer ghae-eu mae. Aqjeq mirnae aernar-aq, nawmaf jan-eu jeq huiqlar myaqlar duidui luf-awr, nawmaf yawqghaq navluf tiqghaq tirghaq gaq-eu jeq myaqlar duidui luf-eu mirnae, nga’maf khoerlof-aer jaceuq-eu-aq tsaq mae.

Gaˬlaˬtiˆ 5:22

Aerkhawf, muiq-eu Saflar-euq arsiq-aq: gaq-eu, laqkhaq caer-eu, nuisar of-eu, nuinoeq ghawqmanrni noeq-eu, ghawqshaq gaq-eu, yawmuiq jeq mr-eu, sarjax zif-eu,

2 Beˬtuˆluˆ 1:7

Miqyaer-anr yawzeu baw-eu jeq-anr maernmr-anr ghawqshaq gaq-eu jeq bi lanqlar-awr, maernmr-anr ghawqshaq gaq-eu jeq-anr gaq-eu jeq bi lanqlar-awq.

Gawˇlawˇsehˇ 1:4

Aqjeq mirnae aernar-aq, nawmaf, Yeqsur Kali-anr janluf-awr, tsawrshawr dawqtawv luf-anr gaqluf-eu garkawv nga’maf yagaq-euq ma.

Gaˬlaˬtiˆ 5:6

Aqjeq mirnae aernar-aq, Yeqsur Kali-euq lafkhoer jawr-eu tsawrhaq deuq, bawkhov maeqdzaq yaeq-eu hawr-eu maqyaeq-eu-aq, tiqjeq-iq gardanr maqtsoeq-a. Aerkhawf, gaq-eu lafkhoer mrdov shardov laf-eu jan-eu jeq taef-aer gardanr tsoeq-eu mae.

Yoˇhaˬ 17:21

Nawq nae ngaq-anr khaerghae lef-euq ngar-a laer mirtsaqzaq janlarni, Aqda-or! Nawr, ngaq-euq lafkhoer jawr-awr, ngar, nawq-euq lafkhoer jawr-eu lof-aer, aqyawfmaf dawqtawvluf nuima tiqsiq taef-aer taqnya larni, aqyawfmaf, arnyaf-euq lafkhoer bijawr-awq.

Jaceuq 119:63

Ngar-aq, nawq-euq maeqdawq-anr khar mrcaw-eu deuq hawr-eu, Nawq-anr guv-eu yawqghaq navluf naeq-aer cawq cawq-eu ma.

Jaceuq 16:3

Mirtsaq-euq khoertav jawr-eu tsawrshawr deuq-aq, muiq-awr jaq-eu mae. Ngar, aqyawf maf-anr laqkhaqcaer nya.

Maꞈtehˬ 5:44

Aerkhawf, ngar, nawmaf-anr aernaeq nyar, nawmaf-anr muir-eu tsawrhaq-anr gaq-awr, nawmaf-anr yaqkhaer yaq-eu tsawrhaq-anr dawq ngaeqghae naeq-awq. Nawmaf-anr byae-eu tsawrhaq-anr yawmuiq jeq janrnaeq-awr, nawmaf-anr khaeqlar khavlar-awr, yaeqbawq-aer zmqlar-eu tsawrhaq-euq gharduq guiqlanq shar-awq.

Lormav 13:8

Nawmaf tiqghaq tirghaq gaq-eu dzirdzov maqngeur nar-aq, nuijeq-euq dzirdzov taqbi dav. Aqjeq mirnae aernar-aq, aqcawq-anr gaqnya-eu tsawrhaq-aq, zanrdawq-anr mrbyan-eu mae.

Lormav 13:10

Gaq-eu jeq-aq, yawqha-euq dawqpae jawr-eu tsawrhaq-anr lavtanq lavnar-eu jeq maqmr-a. Khoermirnae, gaq-eu jeq-aq, zanrdawq-anr mrbyan-eu mae.