Yoˇhaˬ 13:18 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁸ “Ngar heulof-aer aer-eu-aq, nawmaf yawqghaq navluf-anr aer-eu maqngeur. Ngaq nae tserdov taq-euq tsawrhaq-anr ngar siqnya ma. Aerkhawf, ‘Ngaq naeq-aer kaqmur dzaqtaf-eu tsawrhaq, Aqyawf-euq kuirnuif bafdir-awr, ngaq-anr muirlar-eu mae,’ (Jc 41:9) laer Yaerbof-euq lafkhoer boftaq-euq lof-aer ya byanlar taef-a.

Akha

¹⁸ “Naw maꞈ dawˬ tawˆ luꞈ gaˇ kawˆ ngaˇ ehˇ luꞈ-eu maˬ ngeuˇ. Ngaˬ neh tseˇ doˆ-euˬ tsawˇ haˬ deuˬ ngaˇ siˬ nya ma. Ehˇ kʼawꞈ, Jaˇliꞈ laꞈ kʼoeˇ ehˇ taˬ-euˬ, ‘Ngaˬ nehˬ-ehˇ gʼawˬ nyoeˇ kʼmˬ maˬ taꞈ-eu gʼaˬ ngaˬ-ahˇ puiˬ-eu meh’ lehˇ ehˇ-eu dawˬ kʼoeˇ dawˬ maˬ byah laˇ-ehˇ maˬ gʼeh nya-a.

Yoˇhaˬ 13:18 Referans Kwoze

Jaceuq 41:9

Ngaq-euq kaqmur bidzaq-awr ngaq nae ghoe-euq ngaq-euq ghoercawq khawf, Aqyawf-euq kuirnuif bafdir-awr, ngaq-anr muirlar-eu mae.

Maꞈtehˬ 26:23

Yeqsur heulof-aer aerkhof naeq-euq mae: “Ngaq-anr anqdzaq-eu ghaq-aq, ngaq naeq-aer khmqmaq tiq khmq-euq lafkhoer laefdzaq taef-a.

Yoˇhaˬ 17:12

Ngar, aqyawfmaf naeq-aer mirtsaq-euq khoertav jawrluf ngae, nawq-euq tsawrmyanr-euq uqmov, ngar, aqyawf maf-anr bosav-euq ma. Nawq nae ngaq-anr bifnaeq laf-euq tsawrhaq deuq-anr ngar bosav-awr, lavcawv-eu ghaq-euq zaq maqngeur nar-aq, aqyawfmaf tiqghaq-iq maqbyov-ir-aq. Heu-aq, Yaerbof-euq lafkhoer boftaq-euq lof-aer bi byanlar-eu gharduq mae.

Maˬkuˆ 14:20

Yeqsur, aqyawf maf-anr heulof-aer aerkhof naeq-euq mae, “Zaqlanr 12 ghaq-euq lafkhoer ngaq naeq-aer khmqmaq tiq khmq-anr laefdzaq luf-eu khoerghaq mae.

Yoˇhaˬ 13:26

Yeqsur aerkhof naeq-eu, “Ngar, kaqmur tiq pyaeq laef-awr, aqsur ghaq-anr bifnaeq nar-aq, ngaq-anr anqdzaq-eu-aq khoerghaq mae.” Khoernar-aq, Yeqsur, kaqmur tiq pyaeq laef-awr, Sirmoq-euq zaqyo, Yurdav Irsaqgaqliqoq-anr bifnaeq-euq mae.

Yoˇhaˬ 6:70

Khoerngae, Yeqsur, aqyawf maf-anr aernaeq-eu, “Nawmaf 12 ghaq-anr ngaq nae tserdov taq-euq maqngeur-a lor? Aerkhawf, nawmaf-euq lafkhoer keuq-eu tiq ghaq-aq, naef sanqpaq mae.”

Yoˇhaˬ 15:19

Nawmaf, mirtsaq-anr taf-eu lawnmr-aq, mirtsaqzaq deuq yawqha-anr taf-eu tsawrhaq-anr gaq taef-a. Aerkhawf, nawmaf, mirtsaq-anr maqtaf-a. Khoeruqtaf, ngar, nawmaf-anr mirtsaq heu-euq lafkhoer nae tserdov-euq mirnae, mirtsaqzaq, nawmaf-anr byae-eu mae.

HeˬByehˇ 4:13

Khar baetaq-euq yawqjeq navluf, aqyawf-euq maeqshi zaftaq-euq tiqjeq-iq maqjav-a. Yawqjeq navluf aqyawf-euq maeqshi byacaevni pandzae taq-euq mae. Aqkar, aqdui, aqyawf-anr dawqdzawr ya mrnaeq-eu mae.

Yoˇhaˬ 15:16

Nawmaf nae ngaq-anr tsergeuf-euq maqngeur-a. Nawmaf ir-awr, arsiq siqle-eu uqtaf, arsiq khoer zif-awr gmqni, ngaq nae nawmaf-anr tserdov-awr tsaqtsov-euq ma. Khoermirnae, nawmaf, ngaq-euq tsawrmyanr-anr ghoe-awr, Aqda-anr kharshar-eu jeq, aqyawf, nawmaf-anr bifnaeqlaf taef-a.

Maꞈtehˬ 10:36

yawqha-anr muir-eu tsawrhaq-aq, yawqha-euq nymrkhanq-euq zaqdeuq pyeuf taef-a.’ (Mik 7:6)

Panmaeq 2:23

Ngar, aqyawf-euq zaqdeuq-anr saef-awr bishir ma. Khoerngaejawr, ngar-aq, nuima hawr-eu nuinoeq nuidur-anr tsermr-eu ghaq ngar-a laer Kalizaq armur yawqmur navluf yasiq taef-a. Ngar, nawmaf yawqghaq navluf-anr yawqha nae mr-euq lof-aer geuxni bifnaeq ma.

Yoˇhaˬ 21:17

Yeqsur, aqyawf-anr smq pov tiqpov par narhaq-eu, “Yornav-euq zaqyo Sirmoq-or! Nawr, ngaq-anr gaq ma lor?” “Nawr, ngaq-anr gaq ma lor?” laer Yeqsur, aqyawf-anr smq pov narhaq keuvlaf-euq mirnae, Beqtuvluv noeqshaq lar-awr, aqyawf-anr aerkhof naeq-eu, “Sanqpaq-or! Nawr, yawqjeq navluf siqnya-eu mae. Ngar, nawq-anr gaq-eu nawr siqnya mae.” Yeqsur, aqyawf-anr heulof-aer aernaeq-euq mae, “Ngaq-euq yawrdeuq-anr bidzaq bidawr-awq.

2 Gawˇliˬtu 4:5

Nga’maf-aq, yawqha-euq garkawv dawqmaeq maeqluf-eu maqngeur. Yeqsur Kali-aq, Sanqpaq Miqyaer mae laer maeq-eu uqtaf, nga’maf-aq, Yeqsur-euq gharduq nawmaf-euq zaqkhav pyeufluf-eu ma.

Maꞈtehˬ 26:21

Aqyawfmaf dzaqluf ngae Yeqsur aer-eu, “Ngar, nawmaf-anr aqdirma-aer aernaeq nyar, nawmaf-euq lafkhoer-euq tiq ghaq, ngaq-anr anqdzaq taef-a.”

Maˬkuˆ 14:17

Khoernar-aq, uqcif cifle ngae, Yeqsur hawr-eu ghaqkhaer 12 ghaq oe-euq mae.

Maˬkuˆ 14:18

Aqyawfmaf hawqjawq jawq-awr dzaqluf ngae, Yeqsur aernaeq-eu, “Ngar, nawmaf-anr aqdirma-aer aernaeq nyar, nawmaf-euq lafkhoer ngaq naeq-aer tiqgar dzaqluf-eu tiq ghaq, ngaq-anr anqdzaq taef-a.”

Luˇkaꞈ 22:21

Aerkhawf, hawsher-eq. Ngaq-anr anqdzaq-eu ghaq-euq aqlaf-aq, ngaq naeq-aer hawqje tiqje-anr jawqluf-eu ngar-a.

Yoˇhaˬ 13:21

Yeqsur heudeuq aerghaq ngae, aqyawf-euq saflar tiqpawf-iq maqsar-aer byacaevni aer-eu, “Ngar, nawmaf-anr aqdir aqmar-aer aernaeq nyar, nawmaf-euq lafkhoer nae tiq ghaq, ngaq-anr anqdzaq taef-a.”

Yoˇhaˬ 13:22

Khoerngae, aqyawf, aqsur ghaq-anr aermawf-eu nga laer zaqlanr deuq noeq ngae maqdov-aer, tiqghaq tirghaq haw-eu mae.

Yoˇhaˬ 15:25

Khoerlof-aer pyeuflar-euq-aq, aqyawf maf-euq zanrdawq-euq lafkhoer boftaq-euq dawq heudawq byanlar-euq mae, ‘Tiqjeq-iq maqngeur-eu gar, aqyawfmaf, ngaq-anr byae-eu mae.’ (Jc 35:19; 69:4)

Yoˇhaˬ 18:32

Aqyawfmaf khoerlof-aer aer-eu-aq, Yeqsur, aqyawf aqjox-aer yashir-eu garkawv, Yeqsur nae aertaq-euq lof-aer byanlarni aer-eu mae.

Yoˇhaˬ 19:24

Khoermirnae, aqyawf maf-euq yawkaq ja-eu, “Aqdui, paerkhanq heu maq caeqpyaqni, aqsur ghaq za’nya-eu nga laer shaevtsaqtsaq kar-eur.” Heu-aq, Yaerbof-euq lafkhoer boftaq-euq dawq heudawq bi byanlar-eu gharduq mae, “Aqyawf maf-euq yawkaq, ngaq-euq maeqtsoeq lafnyir kanr birgeuf-awr, Ngaq-euq paerkhanq lafkhoer kanr shaevtsaq tsaqgeuf-euq mae.” (Jc 22:18) Khoermirnae, guirzaq deuq khoerlof-aer janr-euq mae.

Yoˇhaˬ 19:36

Heulof-aer pyeuflar-euq-aq, Yaerbof-euq lafkhoer boftaq-euq heudawq byanlar-euq mae, “Aqyawf-euq shaqyoeq tiqkanq-iq maqbi khaef-ir-ar.” (Di 12:46; Bts 9:12)

Gʼaˬkʼehˇ 1:2

Yeqsur, Yawshawr Saflar-anr ghoe-awr, aqyawf nae tserdov taq-euq ghaqkhaer deuq-anr dawq bifyaf-awr, mqtav bi sheuqdav lef-euq gar keuvni boftaq-euq ma.

Gʼaˬkʼehˇ 1:16

“Aqyuif aqnyir deuq-or! Yawshawr Saflar, Daqbir-euq khaqmae-anr ghoe-awr aerkeuv taq-euq, Yaerbof-euq lafkhoer boftaq-euq dawq heudawq ya byanlar-eu mae. Khoer-aq, Yeqsur-anr nyaef-euq tsawrhaq deuq-anr sheuqmaeq naeq-eu tsawrhaq pyeuflar-euq Yurdav-euq garkawv mae.