Yoˇhaˬ 13:13 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹³ Nawmaf, ngaq-anr Saqlaq hawr-eu Sanqpaq laer kurluf-eu mae. Nawmaf kur-eu-aq tsaq mae. Aqjeq mirnae aernar-aq, ngar-aq, nawmaf kur-eu lof-aer ngeur-eu ma.

Akha

¹³ Naw maꞈ ngaˬ-ahˇ ‘Saˬ laˬ-oˇ’, ‘Sahˬpaˬ-oˇ’ lehˇ kuˇ-eu meh. Naw maꞈ kʼoeˇ loꞈ-ehˇ kuˇ-eu tsaˬ meh. Aˬ jeˬ miˇ neh ehˇ naˇ, ngaˇ-aˬ, naw maꞈ kuˇ-eu loꞈ-ehˇ naw maꞈ-euˬ saˬ laˬ hawˇ-eu Sahˬpaˬ pyeuꞈ-eu ma.

Yoˇhaˬ 13:13 Referans Kwoze

Luˇkaꞈ 6:46

“Nawmaf, ngaq-anr ‘Sanqpaq-or! Sanqpaq-or’ laer kur-eu gar nae, aqjeq mirnae ngaq nae aertaq-euq lof-aer maqmr-eu le?

Piˇliˇpiˆ 2:11

Khoeruqtaf, Aqda Miqyaer-euq yawshaef khanqsaer za’ni, maeqlar yawqlar navluf, Yeqsur Kali-aq, Sanqpaq Miqyaer mae laer ya aerdov taef-a.

1 Gawˇliˬtu 12:3

Khoermirnae, ngar, nawmaf-anr heulof-aer bi siqnya’mawf mir-a. Tsawrhaq tiqghaq-iq Miqyaer-euq Saflar-anr ghoe-awr nae, Yeqsur-anr yaqkhaer yaq-eu dawq maqngaeq-ar. Khoeruqtaf, Yawshawr Saflar-anr maqghoe nar-aq, Yeqsur-aq, Sanqpaq mae laer tsawrhaq tiqghaq-iq maqaer nya-a.

Yoˇhaˬ 11:28

Maqta khoerlof-aer aerghaq ngae, aqyawf ghofler-awr, aqyawf-euq aqnyir Maqliv-anr yawzaf zaf-aer kur-awr aer-eu, “Saqlaq larkeuv taq-awr nawq-anr kurluf-eu mae.”

Piˇliˇpiˆ 3:8

Aqdir aernar-aq, ngar, ngaq-euq Sanqpaq Yeqsur Kali-anr yawmuiq-aer siqnya-eu tsawrganr baqda’nae, khoerdeuq-anr smq-eu jeq laer sawxtaq-euq ma. Ngar, Kali-anr za’ni, aqyawf-euq gharduq yawqjeq navluf smq-euq gar yadaq-awr, khoerdeuq dawqtawv luf-anr javguv javmeuq lof-aer sawxtaq-euq ma.

1 Gawˇliˬtu 8:6

Aerkhawf, aqdui-euq gharduq-aq, Miqyaer tiq ghaq taef-aer jawr-awr, aqyawf-aq, aqdui-euq Aqda mae. Yawqjeq navluf aqyawf-anr nae dovle-awr, aqdui khawf aqyawf-euq gharduq daefluf-eu ma. Aqdui-euq Sanqpaq khawf tiq ghaq jawr-eu taef ma. Aqyawf-aq, Sanqpaq Yeqsur Kali mae. Aqyawf-euq baqda’nae yawqjeq navluf javluf-awr, aqdui khawf, aqyawf-euq baqda’nae daefluf-eu ma.

Yaˬkoˆ 2:19

Miqyaer tiq ghaq jawr-eu taef mae laer nawr jan-eu khoer-aq, tsaq mae. Naefdeuq khawf jan-awr, yawdzuq gan’gan-aer guv-eu mae.

Luˇkaꞈ 10:28

Yeqsur, aqyawf-anr aernaeq-eu, “Nawr aerkhof naeqlaf-eu tsaq mae. Nawr khoerlof-aer mr-ir-awq. Mr nar-aq, saflar yadaef taef-a.”

Luˇkaꞈ 7:43

Khoerngae, Sirmoq aerkhof naeq-eu, “Dzirdzov davdzaeq-eu ghaq gaqdzaeq taef-a laer ngar noeq mir-a.” Yeqsur aer-eu, “Nawr dar-eu tsaq mae.”

Maꞈtehˬ 20:28

Aqjeq mirnae aernar-aq, Tsawrhaq-euq Zaqyo-aq, aqcawq-anr yawqha-euq kuirlaf bigeuf-eu laer oe-euq maqngeur-eu. Aqcawq-euq kuirlaf geuf-awr, tsawrhaq ghawqmya ni-euq gharduq yawqha-euq daefzir bif-awr kakhof-eu laer oe-euq mae.”

Yoˇhaˬ 11:2

Maqliv heughaq-aq, arnan, Sanqpaq Yeqsur-anr tsir yawsaw laef-awr, tsaerkanr nae aqyawf-euq aqkuir-anr sivshawr naeq-eu khoerghaq mae. Narluf-eu Laqzaqlur-aq, Maqliv-euq aqmanr mae.

Yoˇhaˬ 11:3

Aqnyafnmr, Yeqsur-anr dawqtsaf tsafanr lef-euq, “Sanqpaq-or! Nawr zawr gaq-eu ghaq narluf-eu mae.”

Eˇpeˇsu 6:9

Yawsanr deuq-or! Nawmaf khawf, aqyawf maf-anr tiqkawv lof-aer durni janrnaeq-awr, aqyawf maf-anr guvtsiq taqnyaef. Nawmaf-euq Yawsanr ghaq khawf, mq-euq khoertav jawr-awr myavpyawq huiqnyir maqtser-a laer siqnya-awq.