Yoˇhaˬ 13:11 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹¹ Yeqsur, aqsur ghaq, aqyawf-anr anqdzaq-eu laer ghae-eu la laer siqnya-eu mirnae aer-eu, “Nawmaf yawqghaq navluf-aer shawr-eu maqngeur-a.”

Akha

¹¹ Aˬ geu gʼaˬ aˬ yawꞈ-ahˇ ahˬ dzaˬ-eu lehˇ gʼeh-eu gaˇ kawˆ Yeˬsuˇ siˬ duˬ taˬ-euˬ miˇ neh, “Naw maꞈ laꞈ kʼoeˇ tiˬ gʼaˬ maˬ ngeuˇ naˇ dawˬ tawˆ luꞈ yaw shawˇ meh” lehˇ ehˇ-eu jeˬ pyeuꞈ-eu meh.

Yoˇhaˬ 13:11 Referans Kwoze

Yoˇhaˬ 13:26

Yeqsur aerkhof naeq-eu, “Ngar, kaqmur tiq pyaeq laef-awr, aqsur ghaq-anr bifnaeq nar-aq, ngaq-anr anqdzaq-eu-aq khoerghaq mae.” Khoernar-aq, Yeqsur, kaqmur tiq pyaeq laef-awr, Sirmoq-euq zaqyo, Yurdav Irsaqgaqliqoq-anr bifnaeq-euq mae.

Yoˇhaˬ 13:21

Yeqsur heudeuq aerghaq ngae, aqyawf-euq saflar tiqpawf-iq maqsar-aer byacaevni aer-eu, “Ngar, nawmaf-anr aqdir aqmar-aer aernaeq nyar, nawmaf-euq lafkhoer nae tiq ghaq, ngaq-anr anqdzaq taef-a.”

Yoˇhaˬ 13:18

“Ngar heulof-aer aer-eu-aq, nawmaf yawqghaq navluf-anr aer-eu maqngeur. Ngaq nae tserdov taq-euq tsawrhaq-anr ngar siqnya ma. Aerkhawf, ‘Ngaq naeq-aer kaqmur dzaqtaf-eu tsawrhaq, Aqyawf-euq kuirnuif bafdir-awr, ngaq-anr muirlar-eu mae,’ (Jc 41:9) laer Yaerbof-euq lafkhoer boftaq-euq lof-aer ya byanlar taef-a.

Yoˇhaˬ 13:2

Cifhawq dzaqluf ngae, naef sanqpaq nae Sirmoq-euq zaqyo, Yurdav Irsaqgaqliqoq-euq nuima-euq lafkhoer, Yeqsur-anr anqdzaq-eu nuinoeq dawvanr naeq-euq mae.

Yoˇhaˬ 2:25

Aqcawq, aqyawf-anr tsawrhaq-euq garkawv sarkir kamqnaeq-eu laer maqya ghaeni, Yeqsur, tsawrhaq-euq lafkhoer aqjeq anr-eu la laer siqnya-eu mae.

Yoˇhaˬ 17:12

Ngar, aqyawfmaf naeq-aer mirtsaq-euq khoertav jawrluf ngae, nawq-euq tsawrmyanr-euq uqmov, ngar, aqyawf maf-anr bosav-euq ma. Nawq nae ngaq-anr bifnaeq laf-euq tsawrhaq deuq-anr ngar bosav-awr, lavcawv-eu ghaq-euq zaq maqngeur nar-aq, aqyawfmaf tiqghaq-iq maqbyov-ir-aq. Heu-aq, Yaerbof-euq lafkhoer boftaq-euq lof-aer bi byanlar-eu gharduq mae.

Yoˇhaˬ 18:4

Yeqsur-aq, aqyawf-euq khoertav keuvle-eu laer ghae-eu yawqjeq navluf-anr siqnya-awr, maeqhu paw ledov-awr aqyawf maf-anr narhaq-eu, “Nawmaf aqsur ghaq-anr povluf-eu le?”