Yoˇhaˬ 12:48 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁴⁸ Ngaq-anr byaerdzae-awr, ngaq-euq dawq-anr maq hageuf-eu tsawrhaq-anr yarkhaq dar-eu jeq jav-eu mae. Ngaq nae ngaeq-euq dawqdeuq-aq, arsaqsaq ngae nan aqyawf-anr yarkhaqdar taef-a.

Akha

⁴⁸ Ngaˬ-ahˇ maˬ ha geuꞈ-ehˇ ngaˬ-euˬ dawˬ-ahˇ maˬ naˇ haˬ geuꞈ-eu tsawˇ haˬ-ahˇ yaˇ kʼaˬ daˇ-eu gʼaˬ jawˇ meh. Miˇ tsaˬ heu aˇ saˬ saˬ ngeh nah, ngaˬ neh ngehˬ dzeuˇ-euˬ dawˬ heu deuˬ aˬ yawꞈ-ahˇ yaˇ kʼaˬ daˇ tehꞈ-a.

Yoˇhaˬ 12:48 Referans Kwoze

Luˇkaꞈ 10:16

Nawmaf-euq dawq narhaq geuf-eu tsawrhaq-aq, ngaq-euq dawq narhaq geuf-eu mae. Nawmaf-anr byaerdzae-eu tsawrhaq-aq, ngaq-anr byaerdzae-eu mae. Ngaq-anr byaerdzae-eu tsawrhaq-aq, ngaq-anr bi’oe-euq ghaq-anr byaerdzae-eu mae.”

Lormav 2:16

Ngar guiqlanqdawq maeq-eu lof-aer, Miqyaer, Yeqsur Kali-anr ghoe-awr tsawrhaqzaq nae zaftaq-euq jeq-anr yarkhaqdar ngae nan, heulof-aer pyeuflar taef-a.

2 Teˇsaˬloˇni 1:8

Miqyaer-anr maq siqnya-eu tsawrhaq-anr hawr-eu aqdui-euq Sanqpaq Yeqsur-euq guiqlanq dawq-anr maq narhaq geuf-eu tsawrhaq-anr yarkhaq darnaeq taef-a.

Yoˇhaˬ 11:24

Maqta, aqyawf-anr aernaeq-eu, “Arsaqsaq ngae nan ghofdaef lar-eu aryamq keuvlar nar-aq, aqyawf ghofdaeflar taef-a laer ngar siqnya ma.”

HeˬByehˇ 12:25

Nawmaf-anr dawq ngaeqcawq lar-eu ghaq-euq dawq-anr maq narhaq-aer maqghaeni yanr-awq. Aqjeq mirnae aernar-aq, mirtsaq-euq khoertav aqyawf maf-anr aernoeq naeq-euq khoerghaq-euq dawq-anr, aqyawfmaf maq narhaq-euq mirnae, maqya dzeur-ir-euq ngeur nar-aq, mq-anr nae aernoeq naeqlaf-euq khoerghaq-euq dawq-anr aqdui maq narhaq nar-aq, ngeurdzaeq aqjox-aer parya dzeur-ir nmr-mq?

HeˬByehˇ 2:3

Aqdui heunav nav-aer huiq-eu kakhof-eu jeq heu-anr maq noeqpoeq nar-aq, aqjox-aer caevdzeurnya nmr-mq? Kakhof-eu jeq heu-anr, ardanqbae ngae-aq, Sanqpaq Yeqsur nae maeqnaeq laf-awr, yagaq-euq tsawrhaq deuq, aqdui-anr aerduq naeqlaf-euq mae.

Yoˇhaˬ 5:45

Ngar, Aqda-euq maeqshi nawmaf-euq yawlaeq daqler taef-a laer taqnoeq. Nawmaf-anr iqbax taq-eu tiq ghaq jawr-eu mae. Khoerghaq-aq, nawmaf noeqtmq luf-eu Morseq mae.

Maꞈtehˬ 21:42

Yeqsur, aqyawf maf-anr heulof-aer aernaeq-euq mae, “Yaerbof-euq lafkhoer heulof-aer boftaq-euq gar nawmaf maq guihaw-aq lor? ‘Nymr tsov-eu deuq nae bafdzae taq-euq khaqlo khoersiq, Lafcoer-euq lozif pyeuflar-euq mae. Sanqpaq Miqyaer nae heulof-aer janr-euq mae. Heu-aq, aqdui-euq myavnuiv-euq gharduq arnavni zanqler paq-aer ghae-eu nga.’ (Jc 118:22-23)

2 Gawˇliˬtu 4:3

Nga’maf maeqluf-eu guiqlanq dawq-anr daeqkaq taq-euq jav-eu ngeur nar-aq, cawv-ir luf-eu tsawrhaq-euq gharduq daeqkaq taq-euq mae.

Luˇkaꞈ 20:17

Khoerngae, Yeqsur, aqyawf maf-anr hawtsov taq-awr aer-eu, “Tox-aer mar-iq, Yaerbof-euq lafkhoer boftaq-euq dawq heudawq aqjeq-anr aermawf-eu la? ‘Nymr tsov-eu deuq nae bafdzae taq-euq khaqlo khoersiq, lafcoer-euq lozif pyeuflar-euq mae.’ (Jc 118:22)

Luˇkaꞈ 17:25

Aerkhawf, yawbae jeq-aq, aqyawf khaeq-awr khav-eu ghawqmya jeq-anr yadaq-awr heuzir-euq tsawrhaq, aqyawf-anr byaerdzae taef-a.

Luˇkaꞈ 9:26

Aqsur ghaq maqkaq, ngaq-anr hawr-eu ngaq-euq dawq-anr shafdawr nar-aq, Tsawrhaq-euq Zaqyo khawf, aqyawf-euq yawshaef khanqsaer-euq lafkhoer maqaer, Aqda Miqyaer hawr-eu shawr-eu mqtav ghaqkhaer-euq yawshaef khanqsaer-euq lafkhoer maqaer zafkale ngae, tsawrhaq khoerghaq-anr shafdawr taef-a.

Luˇkaꞈ 9:22

Khoeruqtaf, Yeqsur aer-eu, “Tsawrhaq-euq Zaqyo-aq, shaqzanq ghawqmya jeq-anr yadaq-awr, aqyuif aqtsu deuq, pirma aqyuif deuq hawr-eu zanr maeq-eu deuq nae yabi byaerdzae-eu uqtaf, yabi saef taef-a. Aerkhawf, smq nan ngae nan-anr ghofdaeflar taef-a.”

Luˇkaꞈ 7:30

Aerkhawf, Paqliqsaer deuq hawr-eu zanrdawq siqzaq deuq-aq, Yorhaq nae bartirsaq maqbi mrnaeq-aer, Miqyaer nae aqyawf maf-euq gharduq lavsav taq-euq gar maq hageuf-aq.

Maˬkuˆ 16:16

Jan-awr bartirsaq hageuf-eu tsawrhaq-aq, kakhof-eu jeq za taef-a. Aerkhawf, maqjan-eu tsawrhaq-aq, yarkhaq dar-eu gar yadaq taef-a.

Maˬkuˆ 12:10

Nawmaf, Yaerbof-euq lafkhoer heulof-aer boftaq-euq gar maq guihaw-aq lor? ‘Nymr tsov-eu deuq nae bafdzae taq-euq khaqlo khoersiq, Lafcoer-euq lozif pyeuflar-euq mae.

Maꞈtehˬ 25:31

“Tsawrhaq-euq Zaqyo, aqyawf-euq yawshaef khanqsaer-euq lafkhoer, shawr-eu mqtav ghaqkhaer dawqtawvluf naeq-aer zafkale ngae, aqyawf, aqyawf-euq yawshaef khanqsaer jav-eu nuirmanq-anr nuir taef-a.

Gʼaˬkʼehˇ 3:23

Miqyaer gharduq ngaeqdan-eu khoerghaq-euq dawq maq narhaq geuf-eu aqsur ghaq maqkaq, (Dm 18:19) Miqyaer-euq tsawrhaq deuq-euq lafkhoer nae yabi lavcawvbyov taef-a.’ (Lb 23:29)

Maˬkuˆ 8:31

Khoerngae nae nar-aq, danqbae-awr, Yeqsur, aqyawf maf-anr, Tsawrhaq-euq Zaqyo-aq, shaqzanq ghawqmya jeq-anr yadaq-awr, aqyuif aqtsu deuq, pirma aqyuif deuq hawr-eu zanr maeq-eu deuq maq hageuf-eu uqtaf, yabi saef taef-a. Aerkhawf, smq nan keuvlar nar-aq, ghofdaeflar taef-a laer maeqnaeq tsovnaeq-euq mae.

Maꞈtehˬ 10:15

Ngar, nawmaf-anr aqdirma-aer aernaeq nyar, yarkhaqdar ngae nan, meuq khoermeuq-aq, Sordoq hawr-eu Gormorlav mirtsaq navmaqtser yadaq taef-a.

Yoˇhaˬ 6:39

Ngaq-anr khaerghae lef-euq Aqda Miqyaer, aqyawf nae ngaq-anr khar bifnaeq laf-euq tsawrhaq tiqghaq-iq maqya byov-ir-eu uqtaf, arsaqsaq ngae nan, yawqghaq navluf-anr bi ghofdaef lar-eu nuima tsaq-eu mae.

Yoˇhaˬ 8:47

Miqyaer-anr nae dovle-euq tsawrhaq-aq, Miqyaer-euq dawq narhaq taef-a. Nawmaf-aq, Miqyaer-anr nae dovle-euq maqngeur-eu mirnae maq narhaq-eu nga.”

Gʼaˬkʼehˇ 17:31

Aqjeq mirnae aernar-aq, aqyawf nae aryaq biftaq-euq ghaq-anr ghoe-awr, mirtsaqzaq-anr tsaq-awr dawr-eu lafkhoer aqyawf yarkhaq dar-eu laer nanpax paxtaq-euq mae. Aqyawf-anr shir-euq gar nae bi ghofdaef lar-euq gar ghoe-awr, Miqyaer nae khoerghaq-anr aryaq biftaq-euq mae laer tsawrhaqzaq dawqtawv luf-anr yawduq baw-eu jeq bifnaeq-euq mae.”

HeˬByehˇ 4:12

Miqyaer-euq dawq-aq, daefluf-awr baoq tiqbyanni anr-eu mae. Dawq heu-aq, miseuq nyiq paw baw-eu micaer navmaqtser tav-awr, nuima hawr-eu saflar-anr khawf, yoeqtsuif hawr-eu purnmf-anr khawf, tsawvcov dov-awr birpav nya-eu mae. Tsawrhaq-euq nuima-euq nuinoeq hawr-eu nuikhanr-anr khawf tserpav nya-eu mae.

HeˬByehˇ 10:25

Aqdui tiqkawv lof-aer uiqler bymrler-eu jeq-anr, tsawrhaq tiqpavnav byaer-eu lof-aer maqbyaerni mrdavlef kar-eur. Arnan khoernan keuvle-eu dawqpae paelar-eu ngar-a laer, nawmaf siqnya-eu mirnae, tiqghaq tirghaq, ghaq yawkhav-aer biftaer taeq-awq.

1 Beˬtuˆluˆ 1:5

Arsaq saqlar ngae, nawmaf-euq gharduq laeqhmq taq-euq, kakhof-eu jeq byacaevni panmaeq naeqlaf-awr, nawmaf kharjan-eu deuq-anr Miqyaer, aqyawf-euq baoq nae bosav luf-eu mae.

2 Beˬtuˆluˆ 3:3

Yawbae jeq-aq heulof-aer siqnya-awq. Arsaq saq-eu arnan aryamq-anr, yawqha-euq nuikhanr maeqnan cantae-awr, yaeqbawq-aer aqjaf jaf-eu tsawrhaq dovlar taef-a.

2 Beˬtuˆluˆ 3:7

Nymq-mr javluf-eu mq hawr-eu mir-anr khawf, Yaerdawq aqyawf tiqdawq nae jeqhmq taq-euq mae. Heu-aq, Miqyaer-anr yawzeu maqbaw-eu tsawrhaq-anr yarkhaq dar-awr, lavcawv ngae nan keuvni miqdzaq-euq gharduq jeqhmq taq-euq mae.