Yoˇhaˬ 12:43 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁴³ Aqyawfmaf, Miqyaer nae jaceuq-eu gar geufmawf-eu navmaqtser, tsawrhaqzaq nae jaceuq-eu gar geufmawf-eu mae.

Akha

⁴³ Miˬyehˇ neh ciˬ poeˬ nehˬ-euˬ jeˬ-ahˇ naˆ maˬ tseˇ, tsawˇ haˬ zaˬ neh ciˬ poeˬ nehˬ-euˬ jeˬ-ahˇ aˬ yawꞈ maꞈ geuꞈ mawꞈ-eu meh.

Yoˇhaˬ 12:43 Referans Kwoze

Yoˇhaˬ 5:44

“Nawmaf-euq yawkaq tiqghaq tirghaq taqhuiq taqmanr-eu jeq povluf-awr, nawmaf, aqyawf tiq ghaq taef-aer Miqyaer pyeuf-eu ghaq-anr nae oe-euq taqhuiq taqmanr-eu jeq-anr maqpov-eu mirnae, nawmaf, ngaq-anr aqjox-aer jannya nmr-mq?

Yoˇhaˬ 5:41

“Ngar-aq, tsawrhaqzaq nae taqhuiq taqmanr-euq jeq-anr maq hageuf.

Luˇkaꞈ 16:15

Khoerngae, Yeqsur, aqyawf maf-anr heulof-aer aernaeq-euq mae, “Nawmaf-aq, tsawrhaq-euq maeqshi tsaq-awr dawr-eu janrgeuf-eu khawf, Miqyaer, nawmaf-euq nuima-anr siqnya mae. Aqjeq mirnae aernar-aq, tsawrhaq taqhuiq-eu jeq-anr Miqyaer nuidav dav-eu mae.

1 Teˇsaˬloˇni 2:6

Nga’maf, Kali-euq ghaqkhaer pyeuf-eu mirnae, nawmaf-anr khaernya-eu khawf maqkhaer-aq. Nga’maf, tsawrhaq bifnaeq laf-eu khanqsaer-anr maqpov-aq. Nawmaf bifnaeq laf-eu gar maqaer, aqcawq bifnaeq laf-eu gar maqaer maqpov-aq.

2 Gawˇliˬtu 10:18

Aqjeq mirnae aernar-aq, yawqhar yawqha ciqpoeq-eu tsawrhaq-anr maqngeur-eu, Sanqpaq Miqyaer ciqpoeq-eu tsawrhaq-anr taef-aer hageuf paq-aer ghae-eu mae.

Maꞈtehˬ 6:2

“Khoermirnae, nawr bifnaeq gamfnaeq ngae, yawmuiq janrgeuf-eu tsawrhaq lof-aer taqmr. Aqyawf maf-aq, aqcawq bi jaceuq-eu laer zanrdawq khawqnymr-anr hawr-eu, garma doeni maeqhu paw darhae bibaw-awr bifnaeq gamfnaeq-eu mae. Ngar, nawmaf-anr aqdirma-aer aernaeq nyar, aqyawf maf-aq, yawqha-euq mrpoeq lafsawq yawqha zadzeur-euq mae.

1 Gawˇliˬtu 4:5

Khoermirnae, aryamq maq keuvlar-euq minav-aer, Sanqpaq Miqyaer maqoe-euq nmrkaq, tiqjeq-anr-iq yarkhaq taqdar siq. Aqyawf oekeuv ngae, yawzanr-euq lafkhoer zaftaq-euq deuq yawbya-anr bi dovlar-awr, tsawrhaq-euq nuima khawf aqyawf panmawrnaeq taef-a. Khoerngae, Miqyaer, tsawrhaq yawqghaq navluf-anr geux-eu lof-aer jaceuqnaeq taef-a.

Yoˇhaˬ 12:26

Tsawrhaq tiqghaqnav ngaq-euq kuirlaf zaqkhav geufmawf nar-aq, ngaq-euq maeqnan ya cantae-eu mae. Ngar aqgeugar jawr nar-aq, ngaq-euq kuirlaf zaqkhav khawf khoergar yajawr-eu mae. Tsawrhaq tiqghaqnav ngaq-euq kuirlaf zaqkhav geuf nar-aq, ngaqDa, aqyawf-anr taqhuiq taqmanrnaeq taef-a.”

Yoˇhaˬ 8:54

Khoerngae, Yeqsur heulof-aer aerkhof naeq-euq mae: “Ngar, yawqhar yawqha taqhuiq taqmanr nar-aq, ngaq-euq taqhuiq taqmanr-eu jeq-aq, gardanr tiqpawf-iq maqtsoeq-a. Ngaq-anr taqhuiq taqmanr naeqlaf-eu ghaq-aq, ngaqDa mae. Aqyawf-aq, nawmaf-euq Miqyaer ma laer nawmaf aer-eu khoerghaq mae.

Luˇkaꞈ 19:17

Sanqpaq aer-eu, ‘Yawmuiq ngar-a. Kuirlaf zaqkhav yawmuiq ghaq-or! Nawr yawnyir jeq mr ngae sarjax zif-eu mirnae, meuq tser meuq-anr uvlanr-eu aryaq bifnaeq ma.’

1 Beˬtuˆluˆ 3:4

Aerkhawf, maq mawrlar-eu nawmaf-euq nuima-anr maqcawv-ir nya-eu myawqgur pyeuf-eu; nanqyuni ghae-awr, ciqcurni ghae-eu saflar nae lavmuiq-awq. Heu-aq, Miqyaer-euq maeqshi poeq duidui-eu jeq pyeuf-eu mae.

Lormav 2:7

Nuima zifdanni or-eu lafkhoer yawmuiq jeq mr-awr, yawshaef khanqsaer hawr-eu taqhuiq taqmanr-eu jeq-anr pov-eu uqtaf, maqbyov-ir maqcawv-ir nya-eu jeq-anr pov-eu tsawrhaq-aq, mqmaq maqbyav yarzir daef-eu jeq za taef-a.

Jaceuq 22:29

Mirtsaq-euq smrmuiq smrbaw dawqtawvluf, yadzaq-awr uqduq yatanq taef-a; Mirtsaq-euq shaqjaev ghofpyeuf-ir-eu yawqghaq navluf, Yawqha yawqha maq daefnya-aer pyeuflar-euq deuq, Aqyawf-euq maeqshi ya awbyav taef-a.

Dawqdaq 29:25

Tsawrhaq-anr guv-eu jeq-aq, tanrpaf lar-eu lanrju pyeuf-eu mae. Aerkhawf, Ya’we Miqyaer-anr, ghoe-eu tsawrhaq-aq, yabuq-ir taef-a.

Yoˇhaˬ 7:18

Yawqha-anr nae dovlar-euq jeq ngaeq-eu tsawrhaq-aq, yawqha-euq yawshaef khanqsaer pov-eu mae. Aerkhawf, aqyawf-anr khaerghae lef-euq ghaq-euq yawshaef khanqsaer-anr pov-eu ghaq-aq, tsaq-awr dawr-awr, aqyawf-euq lafkhoer maqtsaq maqdawr-eu jeq maqanr-a.

Lormav 2:29

Lafkhoer paw Yurdav tsawrhaq pyeuf-eu ghaq taef-aer aqdir Yurdav tsawrhaq mae. Aqdir bawkhov maeqdzaq yaeq-euq tsawrhaq-aq, nuima-euq lafkhoer yaeq-eu mae. Boftaq-euq zanrdawq khofdawq-euq baqda’nae maqngeur-a, muiq-eu Saflar baqda’nae mae. Khoerlof-aer ghae-eu tsawrhaq-anr jaceuq-eu-aq, tsawrhaq maqngeur-a, Miqyaer mae.