Yoˇhaˬ 12:42 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁴² Khoerlof-aer khawf, uvlanr-eu deuq-euq lafkhoer, ghawqmya ghaq Yeqsur-anr janlar-euq mae. Aerkhawf, Paqliqsaer deuq-anr guv-eu mirnae, Aqyawfmaf, aqyawf-euq garkawv maq aerdov-a. Aqjeq mirnae aernar-aq, zanrdawq khawqnymr-anr nae taedov lar-eu gar guv-eu mae.

Akha

⁴² Yuˇdaˆ tsawˇ haˬ aˬ yuiꞈ aˬ tsu deuˬ laꞈ kʼoeˇ kʼawꞈ, Yeˬsuˇ-ahˇ jah-eu gʼawˬ mya ni jawˇ-eu meh. Ehˇ kʼawꞈ, Yuˇdaˆ tsawˇ haˬ-euˬ uˬ duˬ tahˬ nymˇ-ahˇ maˬ bi taꞈ ni Paˬliˬsehˇ deuˬ teh dzeh laˇ gaˇ guˆ-eu miˇneh, bya cehˆ ni maˬ ehˇ doˆ peuˬ-a.

Yoˇhaˬ 12:42 Referans Kwoze

Yoˇhaˬ 9:22

Aqyawf-euq aqma aqda, Yurdav tsawrhaq-anr guv-eu mirnae khoerlof-aer aer-eu mae. Aqjeq mirnae aernar-aq, Yeqsur-anr Kali mae laer khar aerdov-eu tsawrhaq aqsur ghaq maqkaq, zanrdawq khawqnymr-anr nae taedov ma laer Yurdav tsawrhaq bawqdzaqtsaev taq-euq mae.

Yoˇhaˬ 7:13

Aerkhawf, aqyawfmaf, Yurdav tsawrhaq-anr guv-eu mirnae, tiqghaq-iq Yeqsur-euq garkawv byacaevni maq japeuq-a.

Dawqdaq 29:25

Tsawrhaq-anr guv-eu jeq-aq, tanrpaf lar-eu lanrju pyeuf-eu mae. Aerkhawf, Ya’we Miqyaer-anr, ghoe-eu tsawrhaq-aq, yabuq-ir taef-a.

Maꞈtehˬ 10:32

“Khoermirnae, tsawrhaq-euq maeqshi ‘Ngar-aq, Yeqsur-euq zaqlanr ma’ laer aerdov-eu aqgeu ghaq maqkaq; ngar, mq-euq khoertav jawr-eu ngaqDa-euq maeqshi ‘Teughaq-aq, ngaq-euq zaqlanr ma’ laer, aerdov ma.

1 Yoˇhaˬ 4:15

Yeqsur-aq, Miqyaer-euq Zaqyo mae laer khar aerdov-eu tsawrhaq-aq, Miqyaer, aqyawf-euq lafkhoer jawr-awr, aqyawf khawf Miqyaer-euq lafkhoer jawrluf-eu mae.

1 Yoˇhaˬ 4:2

Miqyaer-euq Saflar ngeur nar-aq, nawmaf-anr heulof-aer siqlar taef-a: Yeqsur Kali-aq, shiqshaq pi-awr zafka le-euq mae laer kharaer-eu saflar-aq, Miqyaer-anr taf-eu mae.

Lormav 10:10

Aqjeq mirnae aernar-aq, tsawrhaq tiq ghaq nuima-euq lafkhoer jan nar-aq, tsaq-awr dawr-eu tsawrhaq pyeuflar-awr, khaqmae nae aerdov nar-aq, kakhof-eu jeq za-eu mae.

Gʼaˬkʼehˇ 5:41

Miqyaer, aqyawf maf-anr Yeqsur-euq tsawrmyanr baqda’nae shafdawr-eu jeq-anr daq-eu geux-eu tsawrhaq laer sawxnaeq-euq mirnae, ghaqkhaer deuq, khavma armur-euq maeqshi nae laqkhaq caertavni dov-ir-euq mae.

Yoˇhaˬ 19:38

Khoernar-aq, Aqlirmaqtaeq-anr nae lar-euq Yorsaev, Yeqsur-euq mawrdo-anr bafghaeni Pirlav-anr sharler-euq mae. Aqyawf-aq, Yeqsur-euq zaqlanr pyeuf-eu khawf, Yurdav tsawrhaq-anr guv-eu mirnae, aqcawq-anr maqbi siqni Yeqsur-euq zaqlanr geufluf-eu mae. Khoerngae, Pirlav, aqyawf-anr arnmq bif-euq mirnae, aqyawf lar-awr, Yeqsur-euq mawrdo bafghae-euq mae.

Yoˇhaˬ 16:2

Aqcawq, nawmaf-anr zanrdawq khawqnymr-anr nae taedov naeqlaf taef-a. Khoeruqtaf, nawmaf-anr saef-eu aqsur ghaq maqkaq, aqyawf, Miqyaer-euq gar mr-eu ma laer noeq-eu aryamq keuvle luf-eu mae.

Yoˇhaˬ 12:11

Aqjeq mirnae aernar-aq, Yurdav tsawrhaq ghawqmya’ni Laqzaqlur baqda’nae aqyawf maf-euq armur-anr nae dov-ir-awr, Yeqsur-anr jan-ir-euq mae.

Yoˇhaˬ 11:45

Khoernar-aq, Maqliv naeq-aer oe-euq Yurdav tsawrhaq ghawqmya ghaq, Yeqsur nae mr-euq gar ya’mawr ngae, aqyawf-anr janlar-euq mae.

Yoˇhaˬ 9:34

Khoernar-aq, aqyawfmaf, aqyawf-anr aerkhof naeq-eu, “Nawr iqbax-euq lafkhoer daefpanq daeflanr le-euq khawf, nga’maf-anr parmaeq lar-eu le lor?” Khoernar-aq, aqyawfmaf, aqyawf-anr taedov ghae-euq mae.

Yoˇhaˬ 3:2

Uqcif paw, aqyawf, Yeqsur jawr-eu gar lar-awr aer-eu, “Laqbir-or! Nawr-aq, Miqyaer jawr-eu gar nae oe-euq saqlaq tiq ghaq ngar-a laer nga’maf siqnya-eu ma. Aqjeq mirnae aernar-aq, nawq nae janr-euq bisiq bimawr-eu jeq, janr-eu ghaq naeq-aer Miqyaer maqjawr lawnmr-aq, tsawrhaq tiqghaq-iq maq janrnya-a.”

Luˇkaꞈ 12:8

“Ngar, nawmaf-anr aernaeq nyar, Ngaq-euq zaqlanr ma laer tsawrhaq-euq maeqshi aerdov-eu aqgeu ghaq-anr maqkaq, Tsawrhaq-euq Zaqyo khawf, Miqyaer-euq mqtav ghaqkhaer deuq-euq maeqshi ngaq-euq zaqlanr ma laer aerdov taef-a.

Luˇkaꞈ 6:22

“Tsawrhaq-euq Zaqyo-euq baqda’nae aqcawq, nawmaf-anr byae-awr nawmaf-anr sawxdzae naeqlaf-eu uqtaf, nawmaf-anr yaeqbawq saerlu-aer aerlar-awr, nawmaf-euq tsawrmyanr-anr yawdoer laer sawxdzae naeflaf ngae, nawmaf guiqlanqhuiq taef-a.

Luˇkaꞈ 23:13

Khoerngae, Pirlav, pirma aqyuif deuq, aqyuif geuf-eu deuq hawr-eu tsawrhaq baqmaf-anr kuruiq-awr,

Yoˇhaˬ 7:31

Tsawrhaq khoerdeuq-euq lafkhoer ghawqmya ghaq aqyawf-anr janlar-awr aer-eu, “Kali oe ngae, tsawrhaq heughaq nae mr-euq bisiq bimawr-euq deuq myavmaqtser aqyawf mr taef-a lor?”