Yoˇhaˬ 12:41 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁴¹ Irsaqyar, Kali-euq yawshaef khanqsaer-anr ya’mawr-awr ya’ngaeq-euq mirnae, aqyawf-euq garkawv khoerlof-aer aer-eu mae.

Akha

⁴¹ Iˇsaˬyaˇ neh kʼoeˇ loꞈ-ehˇ ehˇ taˬ-euˬ kʼoeˇ-aˬ, Yeˬsuˇ-euˬ yaw shehꞈ kʼahˬ sehˇ-ahˇ aˬ yawꞈ ya mawˇ-awˇ aˬ yawꞈ-euˬ gaˇ kawˆ ehˇ taˬ-euˬ jeˬ pyeuꞈ-eu meh.

Yoˇhaˬ 12:41 Referans Kwoze

Yoˇhaˬ 1:18

Tsawrhaq tiqghaq-iq tiqjawr-iq Miqyaer-anr maq mawrhaw-aq. Aqda-euq bawkhanr-euq lafkhoer jawr-eu Zaqyo tiq ghaq taef nae, Miqyaer-euq garkawv tsafgaq le-euq mae.

HeˬByehˇ 1:3

Aqyawf-aq, Miqyaer-euq yawshaef khanqsaer-euq yawshaef pyeuf-awr, Miqyaer-euq shaevdzeuf byan-eu ghaq pyeuf-eu mae. Aqyawf, aqyawf-euq baoq anr-eu dawq-anr ghoe-awr, dawqtawv luf-anr hawlanr lavsav luf-eu mae. Aqyawf, aqyawf-euq mawrdo nae aqdui-euq iqbax-anr tsiqshawr ghaq-awr, yawgor-anr khanqsaer huiq-eu Ghaq-euq armar paw nuirluf-eu mae.

2 Gawˇliˬtu 4:6

Yawzanr-anr nae yawshaef byadov larni dawq bif-euq Miqyaer-aq, aqdui-euq nuima-anr yawshaef bi byalar naeqlaf-euq mae. Heu-aq, Yeqsur Kali-euq myavpyawq-anr nae byadov lef-eu, Miqyaer-euq yawshaef khanqsaer-anr siqnya-eu tsawrganr biza-eu gharduq mae.

Gʼaˬkʼehˇ 10:43

Aqyawf-anr kharjan-eu aqsur ghaq maqkaq, aqyawf-euq tsawrmyanr baqda’nae iqbax pyaeq-eu jeq za taef-a laer, Miqyaer gharduq ngaeqdan-eu tsawrhaq yawqghaq navluf aqyawf-euq garkawv sarkir kamqtaq-euq mae.”

Yoˇhaˬ 1:14

Dawq khoer-aq, shiqshaq pi-awr aqdui naeq-aer jawrle-euq mae. Aqyawf-euq yawshaef khanqsaer-anr aqdui ya’mawr-euq ma. Yawshaef khanqsaer khoer-aq, Aqda-euq Zaqyo tiq ghaq taef-euq yawshaef khanqsaer mae. Zaqyo heughaq-aq, guiqlanq yawdzanr hawr-eu yawtsaq yawdawr jeq byan-eu mae.

Panmaeq 19:10

Khoerngae, ngar awbyav ghae-awr aqyawf-euq aqkuir-anr uqduq tanq-eu laer ghae-euq ma. Aerkhawf, aqyawf, ngaq-anr aer-eu, “Hawsher-eq! Nawr teulof-aer taqpar janr de-eq. Ngar khawf, nawr hawr-eu Yeqsur-euq garkawv sarkir kamq-eu aqyuif aqnyir deuq lof-aer kuirlaf zaqkhav pyeuf-eu nawq-euq cawq ma. Miqyaer-anr uqduq tanq-awq. Aqjeq mirnae aernar-aq, Yeqsur-euq garkawv sarkir kamq-eu-aq, Miqyaer gharduq ngaeqdan-eu saflar mae.”

1 Beˬtuˆluˆ 1:11

Aqyawfmaf kakhof-eu jeq heu aqmyan, aqsur ghaq la laer povtser-awr, aqyawf maf-euq lafkhoer jawr-eu Kali-euq Saflar, aqyawf maf-anr toeqmaeq naeq-euq lof-aer, Kali shaqzanq-anr yadaq-awr, arnan yawshaef khanqsaer za taef-a laer khawf arhuba nae, aqyawfmaf ngaeqdan taq-euq mae.

Yoˇhaˬ 14:9

Yeqsur, aqyawf-anr heulof-aer aernaeq-euq mae, “Pirlirpuv-or! Ngar, nawq naeq-aer heumyanni jawrlaf-euq khawf, nawr, ngaq-anr maq siqnya-eu le siq lor? Ngaq-anr mawr-euq tsawrhaq-aq, Aqda-anr mawr-euq mae. ‘Nga’maf-anr Aqda bimawr naeqlaf-awq’ laer nawr aqjox-aer aer-eu le?

Yoˇhaˬ 5:39

“Yaerbof-euq lafkhoer mqmaq maqbyav yarzir daef-eu jeq anr-eu mae laer nawmaf noeq-eu mirnae, nawmaf, Yaerbof guigui-aer povtser luf-eu mae. Yaerbof khoer-aq, ngaq-euq garkawv sarkir kamq-eu mae.

Luˇkaꞈ 24:27

Khoernar-aq, aqyawf-euq garkawv boftaq-euq Yaerbof dawqtawvluf, Morseq nae boftaq-euq gar nae danqbae-awr, Miqyaer gharduq ngaeqdan-eu tsawrhaq deuq nae boftaq-euq gar keuvni, aqyawf nyaf-anr dawqtsuif jashaw maeqnaeq-euq mae.