Yoˇhaˬ 12:27 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²⁷ “Nymq-mr ngaq-euq nuima saflar tiqpawf-iq maq sarnya. Ngar aqjox-aer aer-eu tsaq-eu la? ‘Aqda-or! Aryamq heu-anr nae ngaq-anr bibuq-ir naeqlaf-awq’ laer ya’aer-eu la laq? Aerkhawf, ngar-aq, arpyar heu jav-awr oe-euq ma.

Akha

²⁷ “Ngaˬ-euˬ nui ma shaˬ zahˬ naꞈ dui dui nya. A joˆ-ehˇ ehˇ paˬ maˬ siˬ miˇ-a. ‘Aˬ da-oˇ, aˇ yamˬ heu yamˬ ngaˬ-euˬ kʼoeˇ taˆ taˬ bi keuˆ le laꞈ’ lehˇ ehˇ naˇ muiˬ-eu maˬ siˬ. Ehˇ kʼawꞈ, heu-euˬ gʼaˇ duˬ ngaˇ oe-euˬ jeˬ pyeuꞈ-eu ma. Kʼoeˇ miˇ neh, shaˬ zahˬ heu ngaˇ ya pi meh.

Yoˇhaˬ 12:27 Referans Kwoze

Yoˇhaˬ 12:23

Khoerngae, Yeqsur, aqyawf nyaf-anr heulof-aer aerkhof naeq-euq mae, “Tsawrhaq-euq Zaqyo yawshaef khanqsaer za-eu aryamq keuvlar-euq mae.

HeˬByehˇ 5:7

Kali shiqshaq pi-awr daefluf ngae, aqyawf-anr shir-eu jeq-anr nae bibuq-ir nya-eu Miqyaer-anr, tersar yawkhav-aer gurgur-aer myavbir dov-eu lafkhoer, guiqlanq shar-awr tanqshar duidui-euq mae. Aqyawf, Miqyaer-anr yawzeu baw-eu lafkhoer guv-eu mirnae, Miqyaer, aqyawf-euq shardawq-anr narhaq-euq mae.

Yoˇhaˬ 13:21

Yeqsur heudeuq aerghaq ngae, aqyawf-euq saflar tiqpawf-iq maqsar-aer byacaevni aer-eu, “Ngar, nawmaf-anr aqdir aqmar-aer aernaeq nyar, nawmaf-euq lafkhoer nae tiq ghaq, ngaq-anr anqdzaq taef-a.”

Maꞈtehˬ 26:42

Aqyawf parir-awr guiqlanq parshar-eu, “NgaqDa-or! Ngar khmqmaq heukhmq-anr maqdawr-euq khoer-aq maqjir nar-aq, nawr nuima tsaq-eu lof-aer bipyeuf-awq.”

HeˬByehˇ 2:14

Zaq khoerdeuq shiq hawr-eu shaqjir piluf-eu lof-aer, aqyawf khawf aqyawfmaf lof-aer durni daefle-euq mae. Aqyawf shir-awr, shir-eu jeq-anr uvlanr-eu naef sanqpaq-euq baoq-anr lavcawv le-euq mae.

Luˇkaꞈ 22:44

Yeqsur shaqzanq mr duidui-eu mirnae, yawbae navmaqtser, yawshaq-anr teufler-awr guiqlanq parshar-euq mae. Aqyawf-euq kuqpyur, shiq lof-aer pyeuf-ir-awr, mirtsa dzavka luf-eu mae.

Yoˇhaˬ 18:37

Khoermirnae, Pirlav, aqyawf-anr narhaq-eu, “Tox-aer mar-iq, nawr sanqpaq le lor?” Yeqsur aerkhof naeq-eu, “Nawr, ngaq-anr sanqpaq laer aer-eu tsaq mae. Ngar yawtsaq yawdawr-euq gharduq sarkir kamqni daefle-awr, ngar heu-euq gharduq mirtsaq-euq khoertav oe-euq ma. Yawtsaq yawdawr-anr khartaf-eu tsawrhaq-aq, ngaq-euq tersar-anr narhaq-eu mae.”

Luˇkaꞈ 22:53

Ngar yawqnan navluf nawmaf naeq-aer uqduq tanqnymr nymrma-anr jawrluf-eu khawf, nawmaf, ngaq-anr maqnyaef-a. Aerkhawf, aryamq heu-aq, nawmaf-euq aryamq mae. Nymq-mr-aq, yawzanr-euq baoq uvlanr luf-eu mae.”

Jaceuq 88:3

Aqjeq mirnae aernar-aq, ngaq-anr gardzaq garkawv tiqbyanni keuvle taq-awr; Ngaq-euq daefzir lmqbymr-euq dawqpae keuv-ir shaw-iq mir-a.

1 Tiˆmoˇseˬ 1:15

“Iqbaxzaq-anr kakhof-eu laer Yeqsur Kali mirtsaq-euq khoertav oe-euq mae” laer aertaq-euq dawq heudawq-aq, jancoer paq-aer ghae-awr, tiqbyan tiqlof hageufcoer paq-aer ghae-eu mae. Ngar-aq, iqbaxzaq-euq lafkhoer aqcawq navmaqtser iqbax huiqdzaeq-eu ghaq ma.

Yoˇhaˬ 11:41

Khoerngae, aqyawfmaf, shir-euq khoerghaq bafpanq taq-euq gar nae, khaqlo ngawqdzae-euq mae. Yeqsur mq paw ghawrleur-awr heulof-aer aer-eu mae, “Aqda-or! Nawr, ngaq-euq shardawq-anr narhaq-eu mirnae, ngar, nawq-anr jaceuq ma.

Maꞈtehˬ 11:25

Khoerngae, Yeqsur heulof-aer aer-eu mae: “Mq hawr-eu mir-euq Yawsanr pyeuf-eu Aqda-or! Ngar, nawq-anr jaceuq ma. Aqjeq mirnae aernar-aq, nawr, zaqsiq tsawrganr anr-eu tsawrhaq hawr-eu noeqdanr doe-eu tsawrhaq-anr nae garkawv heudeuq zaftaq-awr, zaqnanq deuq-anr panmaeq naeq-eu mae.

Jaceuq 6:3

Ngaq-euq nuima saflar shaqzanq naf duidui nya. Ya’we Miqyaer-or! Nawr aqmyan keuvni ghae-awr, ngaq-anr cawba-eu laer ghae-eu le?

Maꞈtehˬ 11:26

Aqda-or! Heu-aq, nawr nuima tsaq-eu jeq pyeuf-eu mae.

Maꞈtehˬ 26:45

Khoernar-aq, aqyawf, zaqlanr deuq jawr-eu gar ghoflar-awr heulof-aer aernaeq-euq mae, “Nawmaf nymq-mr keuvni yufyuf-aer ghaqnaq naqluf-eu le siq lor? Hawsher-eq, Tsawrhaq-euq Zaqyo-anr anqdzaq-awr, iqbaxzaq-euq aqlaf-euq lafkhoer a’naeq-eu aryamq keuvlar-euq ngar-a.