Yoˇhaˬ 12:26 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²⁶ Tsawrhaq tiqghaqnav ngaq-euq kuirlaf zaqkhav geufmawf nar-aq, ngaq-euq maeqnan ya cantae-eu mae. Ngar aqgeugar jawr nar-aq, ngaq-euq kuirlaf zaqkhav khawf khoergar yajawr-eu mae. Tsawrhaq tiqghaqnav ngaq-euq kuirlaf zaqkhav geuf nar-aq, ngaqDa, aqyawf-anr taqhuiq taqmanrnaeq taef-a.”

Akha

²⁶ Ngaˬ-euˬ gaˇ mˇ mawꞈ-eu tsawˇ haˬ aˬ geuˬ gʼaˬ maˬ kaˬ, ngaˬ-euˬ mehˬ nah ya caw teh laˇ meh. Aˬ jeˬ miˇ neh ehˇ naˇ, ngaˬ-euˬ zaˬ kʼaˆ-aˬ, ngaˇ kʼaˇ jawˇ gaˇ ya jawˇ tehꞈ-a. Ngaˬ-euˬ gaˇ kʼaˇ mˇ-eu tsawˇ haˬ-ahˇ ngaˬ Da taˬ huiˬ taˬ mahˇ nehˬ tehꞈ-a.”

Yoˇhaˬ 12:26 Referans Kwoze

Gaˬlaˬtiˆ 1:10

Nymq-mr, tsawrhaq, ngaq-anr nuima tsaqni ngar mrluf-eu nga lor? Maqngeur nar-aq, Miqyaer nuima tsaqni mrluf-eu nga laq? Tsawrhaq, ngaq-anr nuikhanr bishir-eu laer ngar povluf-eu nga lor? Tsawrhaq, ngaq-anr nuikhanr bishir-eu laer ngar povluf-eu ngeur nar-aq, ngar-aq, Kali-euq zaqkhav maqngeur-a.

Gawˇlawˇsehˇ 3:24

Nawmaf, Sanqpaq Miqyaer nae bifnaeq laf-euq jeqbir-euq mrpoeq lafsawq za mae laer siqnya luf-eu mae. Aqjeq mirnae aernar-aq, nawmaf-aq, Sanqpaq Kali-euq gar mrluf-eu mae.

Lormav 1:1

Ngar-aq, Yeqsur Kali-euq kuirlaf zaqkhav Pawrluv ma. Miqyaer, ngaq-anr ghaqkhaer geuf laer kur-awr, Miqyaer-euq guiqlanq dawq-euq gharduq bi tserpav taq-euq tiq ghaq ma.

Yoˇhaˬ 17:24

“Aqda-or! Mirtsaq maqbae-euq minav-aer nawr, ngaq-anr gaqluf-eu mirnae, nawq nae ngaq-anr bifnaeq laf-euq yawshaef khanqsaer khoer-anr aqyawfmaf ya’mawrni, nawq nae ngaq-anr bifnaeq laf-euq tsawrhaq-anr ngar kharjawr-eu gar aqyawfmaf khawf bi jawrmawf mir-a.

Yoˇhaˬ 10:27

Ngaq-euq yawrdeuq-aq, ngaq-euq tersar-anr narhaq-eu mae. Ngar, aqyawf maf-anr siqnya-awr, aqyawfmaf khawf ngaq-euq maeqnan cantae-eu mae.

2 Gawˇliˬtu 5:8

Aqdui yawduqbaw ma. Mawrdo heu-anr ghawqmawf-awr, Sanqpaq Miqyaer naeq-aer jawrler mawfdzaeq mir-a.

Yuˇdaˆ 1:1

Ngar-aq, Yeqsur Kali-euq kuirlaf zaqkhav hawr-eu Yaqkov-euq maernmr Yurdav ma. Aqda Miqyaer nae kurdov-awr lavshawr-euq uqtaf, Yeqsur Kali bosav-eu lafkhoer jawrluf-eu tsawrhaq deuq-anr sanqbof bofanr lef-euq ma.

1 Yoˇhaˬ 5:3

Miqyaer-anr gaq-eu laer aer-eu-aq, aqdui, Miqyaer nae biftaq-euq dawq-anr narhaq geuf-eu gar aer-eu mae. Aqyawf nae biftaq-euq dawq-aq, aqdui-euq gharduq kan-eu khavbaev maqngeur-a.

2 Beˬtuˆluˆ 1:1

Ngar-aq, Yeqsur Kali-euq kuirlaf zaqkhav hawr-eu ghaqkhaer Sirmoq Beqtuvluv ma. Aqdui-euq Miqyaer hawr-eu Kakhof-eu ghaq, Yeqsur Kali-euq tsaq-awr dawr-eu jeq-euq baqda’nae, nga’maf lof-aer zawr poeq-eu jan-eu jeq za-euq nawmaf-anr sanqbof bofanr lef-eu ma.

2 Gawˇliˬtu 4:5

Nga’maf-aq, yawqha-euq garkawv dawqmaeq maeqluf-eu maqngeur. Yeqsur Kali-aq, Sanqpaq Miqyaer mae laer maeq-eu uqtaf, nga’maf-aq, Yeqsur-euq gharduq nawmaf-euq zaqkhav pyeufluf-eu ma.

Lormav 14:18

Kali-euq gharduq mr-eu tsawrhaq-anr Miqyaer nuikhanr shir-awr, tsawrhaqzaq khawf nuima tsaq taef-a.

Yoˇhaˬ 15:20

‘Zaqkhav-aq, yawqha-euq yawsanr navmaqtser maq huiqdzaeq-a’ laer ngaq nae nawmaf-anr aernaeq-euq dawq-anr taqngaer. Aqyawfmaf, ngaq-anr khaeqlar khavlar nar-aq, nawmaf-anr khawf khaeqlar khavlar taef-a. Aqyawfmaf, ngaq-euq dawq-anr mrcaw nar-aq, nawmaf-euq dawq-anr khawf mrcaw taef-a.

Luˇkaꞈ 6:46

“Nawmaf, ngaq-anr ‘Sanqpaq-or! Sanqpaq-or’ laer kur-eu gar nae, aqjeq mirnae ngaq nae aertaq-euq lof-aer maqmr-eu le?

Dawqdaq 27:18

Siqguq arbawr-anr hawpir-eu tsawrhaq-aq, Siqguq arsiq yadzaq-awr, Yawqha-euq yawsanr-anr lof-awr dawq-eu tsawrhaq-aq, Taqhuiq taqmanr-eu jeq za taef-a.

Jaceuq 91:15

Aqyawf, ngaq-anr kur ngae, Ngar, aqyawf-anr ngaeqkhofnaeq ma. Aqyawf-anr gardzaq garkawv keuvle ngae, Ngar, aqyawf naeq-aer jawr ma. Ngar, aqyawf-anr bibuq-ir-awr taqhuiq taqmanrnaeq ma.

Piˇliˇpiˆ 1:23

Ngaq-anr yawkhav-aer nyaefsuf lar-eu heu nyiq jeq-euq yawkaq-anr jawrluf-eu ma. Ngar geufmawf-eu jeq-aq, mirtsaq-anr ghawq-awr, Kali naeq-aer jawrlermawf mir-a. Heu-aq, muiqdzaeq-eu jeq pyeuf-eu mae.

Yoˇhaˬ 14:3

Ngar ghofler-awr, nawmaf-euq gharduq jawrzar lavsav ghaq-euq nar-aq, ngar tiq pov paroe-awr, nawmaf-anr sheuqlaqle ma. Aqjeq mirnae aernar-aq, ngar aqgar jawr nar-aq, nawmaf khawf khoergar yajawr taef-a.

Yoˇhaˬ 13:16

Ngar, nawmaf-anr aqdirma-aer aernaeq nyar, kuirlaf zaqkhav-aq, yawqha-euq yawsanr navmaqtser maq huiqdzaeq-a. Bikhaer-eu ghaq khawf, aqyawf-anr khaer-euq ghaq navmaqtser maq huiqdzaeq-a.

Luˇkaꞈ 9:23

Khoernar-aq, Yeqsur, tsawrhaq dawqtawv luf-anr heulof-aer aernaeq-euq mae: “Tsawrhaq tiq ghaq, ngaq-euq maeqnan cantaelar mawf nar-aq, yawqha-euq nuikhanr byaerdzae yaf-awr, yawqnan navluf yawqha-euq lafyaq yawqha baf-awr nae, ngaq-euq maeqnan ya cantae-eu mae.

Maꞈtehˬ 25:21

Yawsanr ghaq, aqyawf-anr aernaeq-eu, ‘Yawmuiq ngar-a, muiq-awr sarjax zif-eu kuirlaf zaqkhav-or! Nawr yawnyir yawcuiv jeq-anr sarjax zif-eu mirnae, ngar, nawq-anr ghawqmya jeq-anr hawlanr-eu ghaq bigeuf ma. Nawq-euq yawsanr-euq laqkhaq caer-eu jeq-euq lafkhoer urlar-awq.’

Jaceuq 17:15

Aerkhawf, ngar lawnmr-aq, tsaq-awr dawr-eu lafkhoer nawq-euq myavpyawq-anr ya’mawr ma. Ngar noeqlar ngae, nawq-anr dur-eu shaevdzeuf za-euq mirnae, ngaq-euq nuima tmqjawvni ghae taef-a.

Panmaeq 14:4

Tsawrhaq heudeuq-aq, zaqmiq aqbur-euq baqda’nae maq lavjawf-euq shawr-eu tsawrhaq mae. Aqyawf maf-aq, Yawrzaq kharir-eu gar cantae-eu, Miqyaer hawr-eu Yawrzaq-anr lawrnaeq-eu awfbae baelar-euq arsiq pyeufni, aqyawf maf-anr tsawrhaqzaq-euq lafkhoer nae kakhofdov taq-euq deuq mae.

Gawˇlawˇsehˇ 4:12

Nawmaf-euq lafkhoer Kali-euq kuirlaf zaqkhav pyeuf-eu Irbaqpaqlar, nawmaf-anr dawqcawq puqanr lef-euq mae. Nawmaf, Miqyaer nuima tsaq-eu yawqjeq navluf-euq lafkhoer, zifdanni yawfnya lar-awr byanlarni, aqyawf aqmyanluf laejae-awr guiqlanq yawkhav-aer sharluf-eu mae.

Yoˇhaˬ 21:22

Yeqsur, aqyawf-anr aernaeq-eu, “Ngar ghofle ngae keuvni, ngar, aqyawf-anr bi jawrmawf nar-aq, nawq-anr aqjeq taf-eu la? Nawr-aq, ngaq-euq maeqnan cantaelaf nar-aq ghaq-ar.”

Yoˇhaˬ 14:15

“Nawmaf, ngaq-anr gaq nar-aq, ngaq nae bif-euq dawqdeuq-anr mrcaw taef-a.

Maˬkuˆ 8:34

Khoerngae, Yeqsur, tsawrhaq armaf hawr-eu zaqlanr deuq-anr kur-awr, aqyawf maf-anr heulof-aer aernaeq-euq mae: “Tsawrhaq tiq ghaq, ngaq-euq maeqnan cantaelar mawf nar-aq, yawqha-euq nuikhanr byaerdzae yaf-awr, yawqha-euq lafyaq baf-awr nae, ngaq-euq maeqnan cantae lar-awq.

Maꞈtehˬ 16:24

Khoerngae, Yeqsur, aqyawf-euq zaqlanr deuq-anr heulof-aer aernaeq-euq mae: “Tsawrhaq tiq ghaq, ngaq-euq maeqnan cantaelar mawf nar-aq, yawqha-euq nuikhanr byaerdzae yaf-awr, yawqha-euq lafyaq baf-awr nae, ngaq-euq maeqnan ya cantae lar-eu mae.

Luˇkaꞈ 12:37

Yawsanr ghaq ghoflar ngae, yawbeur beur-aer lofluf-eu kuirlaf zaqkhav deuq-aq, guiqlanqhuiq taef-a. Ngar, nawmaf-anr aqdirma-aer aernaeq nyar, yawsanr ghaq jofpaf paf-awr, kuirlaf zaqkhav deuq-anr hawqjawq bijawq-awr, aqyawf hawqbyawr lavdawvnaeq taef-a.