Yoˇhaˬ 12:25 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²⁵ Yawqha-euq daefzir-anr gaq-eu tsawrhaq-aq, daefzir yasmq taef-a. Mirtsaq-euq khoertav daef ngae, yawqha-euq daefzir-anr byae-eu tsawrhaq-aq, mqmaq maqbyav yarzir daef-eu gharduq jeqhmqnya taef-a.

Akha

²⁵ Yawˬ ha-euˬ dehꞈ-eu jeˬ-ahˇ gaˬ-eu tsawˇ haˬ-aˬ, dehꞈ-eu jeˬ-ahˇ smˬ-iˇ tehꞈ-a. Miˇ tsaˬ kʼoeˇ taˆ dehꞈ ngeh yawˬ ha-euˬ dehꞈ-eu jeˬ-ahˇ muiˇ-eu tsawˇ haˬ-aˬ, mˬ maˬ maˬ byaˆ zaˇ ziˇ dehꞈ-eu jeˬ-ahˇ za tehꞈ-a.

Yoˇhaˬ 12:25 Referans Kwoze

Maꞈtehˬ 10:39

Yawqha-euq daefzir za’ni pov-eu tsawrhaq-aq, daefzir yasmq taef-a. Aerkhawf, ngaq-euq gharduq daefzir smq-euq tsawrhaq-aq, daefzir ya povmawr taef-a.

Luˇkaꞈ 17:33

Aqsur ghaq maqkaq, yawqha-euq daefzir buq-ir ni laejae nar-aq, yawqha-euq daefzir smq taef-a. Aqsur ghaq maqkaq, yawha-euq daefzir bismq nar-aq, yawqha-euq daefzir-anr jeqhmqnya taef-a.

Maˬkuˆ 8:35

Aqjeq mirnae aernar-aq, aqsur ghaq maqkaq, yawqha-euq daefzir bibuq-ir mawf nar-aq, daefzir yasmq taef-a. Aerkhawf, aqsur ghaq maqkaq, ngaq-euq gharduq hawr-eu guiqlanq dawq-euq gharduq yawqha-euq daefzir bismq nar-aq, daefzir za taef-a.

Maꞈtehˬ 16:25

Aqjeq mirnae aernar-aq, aqsur ghaq maqkaq, yawqha-euq daefzir bibuq-ir mawf nar-aq, daefzir yasmq taef-a. Aerkhawf, aqsur ghaq maqkaq, ngaq-euq gharduq yawqha-euq daefzir bismq-ir nar-aq, daefzir za taef-a.

Luˇkaꞈ 14:26

“Ngaq-euq maeqnan cantae lar-eu aqsur ghaq maqkaq, yawqha-euq aqma aqda, miqzaq, zaq, maernmr dmrma hawr-eu yawqha-euq daefzir-anr maqbyae nar-aq, ngaq-euq zaqlanr maq geufnya-a.

Panmaeq 12:11

Aqyawfmaf, Yawrzaq-euq shiq hawr-eu yawqha-euq sarkir kamq-eu dawq nae, yawlaeq daqler-eu ghaq-anr ghaqler-euq mae. Aqyawf maf-aq, khoer-euq gharduq, yawqha-euq daefzir-anr ghawqcawx cawv-aer maqghaeni, shir khawf shirpeuq-eu mae.

Maꞈtehˬ 19:29

Ngaq-euq tsawrmyanr-euq gharduq, yawqha-euq nymr, maqngeur nar-aq, maernmr, dmrma, aqma aqda, zaqmiq zaqyo, daeyar, heudeuq byaerdzae yaf-euq tsawrhaq yawqghaq navluf, khoermyav maqtser 100 bymr za-eu uqtaf, mqmaq maqbyav yarzir daef-eu jeq za taef-a.

Gʼaˬkʼehˇ 20:24

Aerkhawf, heudeuq tiqjeq-iq ngaq-anr maq gheunyaelar nya-aer, ngaq-euq daefzir-anr khawf, ngar maq khanqlanr. Aqjeq mirnae aernar-aq, ngar yacaev-eu garma heukanr laqkhaq tiqcaer caevli-awr, Sanqpaq Yeqsur-anr nae za-euq guiqlanq-euq gar pyeuf-eu, Miqyaer-euq guiqlanq yawdzanr byan-eu guiqlanq dawq-euq garkawv, sarkir yakamq nar-aq ghaq ma.

Gʼaˬkʼehˇ 21:13

Khoerngae, Pawrluv aer-eu, “Aqjeq mirnae nawmaf teunav nav-aer ngoerngoer-aer ngaq-euq nuima tsawqpav-ir paq-aer janrnaeq laf-eu le? Ngar, Sanqpaq Yeqsur-euq tsawrmyanr-euq gharduq aqcawq nae bipaf-eu taef-aer maqngeur-eu, Yeqlursaqlaeq-anr yashir-eu law-awr khawf laeqhmqdan taq-euq ma.”

HeˬByehˇ 11:35

Zaqmiq aqbur deuq, yawqha-euq paeqzaq shir-euq gar nae ghofdaef lar-euq gar ya’mawr-euq mae. Tiqpavnav deuq-aq, muiqdzaeq-eu ghofdaef lar-eu jeq-anr za’ni, bibuq-ir-eu jeq-anr maq hageuf-aer, khaeq-awr khav-eu jeq-anr daq-euq mae.