Yoˇhaˬ 12:20 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²⁰ Yawbui bui-eu gar uqduqtanq lar-euq tsawrhaq deuq-euq lafkhoer, Heqlaqsar tsawrhaq tiqdeuqnav khawf keuq-eu mae.

Akha

²⁰ Baˬsaˬkaˬ Bawˬ-iˬ gʼeh ngeh, Yeˬluˇsaˬlehˬ meuˬ-ahˇ uˬ duˬ tahˬ leˇ-euˬ deuˬ laꞈ kʼoeˇ, Heˬlaˬsaˇ tsawˇ haˬ kʼawꞈ keuˬ-eu meh.

Yoˇhaˬ 12:20 Referans Kwoze

Yoˇhaˬ 7:35

Khoerngae, Yurdav tsawrhaq-euq yawkaq heulof-aer aer-eu mae, “Aqduimaf, aqyawf-anr maq povmawr nya’ni, aqyawf aqgeugar ir-eu laer aer-eu nga? Heqlaqsar tsawrhaq-euq ghanrcae jawrbyav taq-euq deuq jawr-eu gar ir-awr, Heqlaqsar tsawrhaq deuq-anr maeqnaeq tsovnaeq-ir-eu laer aer-eu nga lor?

Gʼaˬkʼehˇ 17:4

Aqyawf maf-euq lafkhoer tiqpavnav deuq-anr maeqjan-awr, Pawrluv hawr-eu Siqlav-anr gawflar-euq mae. Miqyaer-anr guv-eu Heqlaqsar tsawrhaq armaf mafma hawr-eu, myavpyawq narmaer jav-eu zaqmiq aqbur deuq khawf yawmyaq mae.

Gʼaˬkʼehˇ 8:27

Khoermirnae, aqyawf tur-awr irdov ghae-euq mae. Khoerngae, Eqtiqorpir sanqpaqma Gaqdaer-euq pyurshuir myawqganq dawqtawv luf-anr hawpir-eu, aryaq zawr gor-eu Eqtiqorpir-euq miqtsuif aqyuif ghaq, Yeqlursaqlaeq-anr uqduq tanqler-awr,

Maˬkuˆ 7:26

Aqma khoerghaq-aq, Surliv Pirniv mirkhanq-anr daefle-euq Heqlaqsarma mae. Aqyawf, ‘Ngaqbur-euq lafkhoer ur-eu naef-anr taedov naeqlaf-awq’ laer, Yeqsur-anr shar duidui-eu mae.

Gaˬlaˬtiˆ 2:3

Ngaq naeq-aer le-euq Tirtuv-aq, Heqlaqsar tsawrhaq pyeuf-eu khawf, aqyawf-anr bawkhov maeqdzaq yaeq-awq laer maq katir-aq.

Gʼaˬkʼehˇ 21:28

gur-eu, “Irsaqleqlav tsawrhaq deuq-or! Cawba le-awq! Tsawrhaq heughaq-aq, aqdui-euq tsawrjeuq tsawrca-anr khawf, zanrdawq-anr khawf, jawrduq heutsanr-anr khawf, muirni kharngeur-eu gar yawqghaq navluf-anr maeqmaeq-aer canluf-eu mae. Khoeruqtaf, aqyawf, Heqlaqsar tsawrhaq-anr uqduq tanqnymr nymrma-euq lafkhoer sheuqur laf-awr, shawr-eu jawrduq heutsanr-anr maqshawrni bipyeuf-ir-euq mae.”

Gʼaˬkʼehˇ 20:21

Yurdav tsawrhaq hawr-eu Heqlaqsar tsawrhaq-anr khawf, Miqyaer-euq maeqshi iqbax noeqpov-awr, aqdui-euq Sanqpaq Yeqsur Kali-anr jan-awq laer sarkir kamq-euq ma.

Gʼaˬkʼehˇ 16:1

Khoerngae, Pawrluv, Deqbeq hawr-eu Lurdaqlar-anr oekeuv-euq mae. Khoergar Tivmorseq laer kur-eu zaqlanr tiq ghaq jawr-eu mae. Aqyawf-aq, janlar-euq Yurdavma tiq ghaq-euq zaqyo mae. Aerkhawf, aqyawf-euq aqda-aq, Heqlaqsar tsawrhaq mae.

Gʼaˬkʼehˇ 14:1

Aqyawfnyaf Irgawrnir-anr jawr-awr, Yurdav tsawrhaq-euq zanrdawq khawqnymr-anr tiqkawv lof-aer davler-euq mae. Khoergar dawqmaeq maeqnaeq-euq mirnae, Yurdav tsawrhaq hawr-eu Heqlaqsar tsawrhaq armaf mafma janlar-euq mae.

Gawˇlawˇsehˇ 3:11

Tsawrhaq yawshuif pyeuflar-euq lafkhoer, Heqlaqsar hawr-eu Yurdav tsawrhaq, bawkhov maeqdzaq yaeq-euq hawr-eu bawkhov maeqdzaq maqyaeq-euq tsawrhaq, yarsaq tsawrhaq hawr-eu Siqtiv tsawrhaq, zaqkhav hawr-eu buq-ir-euq tsawrhaq laer maqbaw-a. Kali-aq, dawqtawvluf pyeuf-awr, dawqtawv luf-euq lafkhoer jawr-eu mae.

Gaˬlaˬtiˆ 3:28

Nawmaf dawqtawvluf, Yeqsur Kali-euq lafkhoer tiq ghaq lof-aer taef-aer pyeuf-eu mirnae, Yurdav tsawrhaq hawr-eu Heqlaqsar tsawrhaq, zaqkhav hawr-eu buq-ir-euq tsawrhaq, zaqyo aqli hawr-eu zaqmiq aqbur laer maqpar baw-eu mae.

Lormav 10:12

Yurdav tsawrhaq hawr-eu Heqlaqsar tsawrhaq maq beugar-a. Aqjeq mirnae aernar-aq, Miqyaer-aq, tsawrhaq dawqtawv luf-euq Sanqpaq pyeuf-awr, aqyawf-anr kur-eu tsawrhaq yawqghaq navluf-anr guiqlanq tiqbyanni bifnaeq-eu mae.

Lormav 1:16

Ngar, Kali-euq guiqlanqdawq gharduq maq shafdawr. Aqjeq mirnae aernar-aq, guiqlanq dawq-aq, jan-eu tsawrhaq yawqghaq navluf-anr bibuq-ir nya-eu Miqyaer-euq baoq pyeuf-eu mae. Yurdav tsawrhaq-anr nae bae-awr, Heqlaqsar tsawrhaq-anr khawf bibuq-ir-eu mae.

Yoˇhaˬ 12:1

Baqsaqkaq yawbui bui-eu maq keuvlar-aer kof nan dzer ngae, Yeqsur, Laqzaqlur jawr-eu Beqtaqnir pu-anr lekeuv-euq mae. Laqzaqlur heughaq-aq, Yeqsur nae shir-euq gar nae bi ghofdaef lar-euq khoerghaq mae.

Yoˇhaˬ 12:19

Khoermirnae, Paqliqsaer deuq, aqyawf maf-euq yawkaq aer-eu, “Nawmaf tiqjeq-iq maq mrpyeufnya nga. Hawsher-eq. Mirtsaqzaq dawqtawvluf, aqyawf-euq maeqnan cantae jir-euq ngar-a.”