Yoˇhaˬ 11:42 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁴² Nawr, ngaq-euq shardawq-anr aqmyanluf narhaq mae laer ngar siqnya ma. Aerkhawf, nawq nae ngaq-anr khaerghae lef-euq nga laer, heugar yawfluf-eu tsawrhaq deuq janlarni, aqyawf maf-euq gharduq ngar heulof-aer aer-eu ma.”

Akha

⁴² Nawˇ ngaˬ-euˬ shaˇ dawˬ-ahˇ aˬ myah luꞈ naˇ haˬ nehˬ laꞈ meh lehˇ ngaˇ siˬ nya ma. Ehˇ kʼawꞈ, ngaˇ shaˇ-eu heu-aˬ, heu gaˇ jawˇ-eu tsawˇ haˬ deuˬ gʼaˇ duˬ ma. Ngaˬ-ahˇ nawˬ neh kʼehˇ gʼeh leꞈ-euˬ meh lehˇ aˬ yawꞈ maꞈ jah laˇ ni shaˇ-eu ma.”

Yoˇhaˬ 11:42 Referans Kwoze

Yoˇhaˬ 3:17

Aqjeq mirnae aernar-aq, mirtsaqzaq-anr yarkhaq bidar-eu laer Miqyaer, aqyawf-euq Zaqyo-anr mirtsaq-euq khoertav khaerghae lef-euq maqngeur-a. Mirtsaqzaq, aqyawf-euq baqda’nae kakhof-eu jeq za’nya’ni khaerghae lef-euq mae.

Yoˇhaˬ 17:21

Nawq nae ngaq-anr khaerghae lef-euq ngar-a laer mirtsaqzaq janlarni, Aqda-or! Nawr, ngaq-euq lafkhoer jawr-awr, ngar, nawq-euq lafkhoer jawr-eu lof-aer, aqyawfmaf dawqtawvluf nuima tiqsiq taef-aer taqnya larni, aqyawfmaf, arnyaf-euq lafkhoer bijawr-awq.

1 Yoˇhaˬ 4:14

Mirtsaqzaq-anr Kakhof-eu ghaq bigeuf-eu laer Aqda Miqyaer, aqyawf-euq Zaqyo-anr bi’oe-euq gar aqdui ya’mawr-awr sarkir kamq-eu ma.

HeˬByehˇ 7:25

Khoermirnae, aqyawf-anr ghoe-awr Miqyaer jawr-eu gar kharlar-eu tsawrhaq-anr aqyawf tiqbyan tiqlof kakhofnaeq nya-eu mae. Aqjeq mirnae aernar-aq, aqyawf aqmyanluf daefluf-awr, aqyawf maf-euq gharduq guiqlanq sharcaw duidui luf-eu mae.

HeˬByehˇ 5:7

Kali shiqshaq pi-awr daefluf ngae, aqyawf-anr shir-eu jeq-anr nae bibuq-ir nya-eu Miqyaer-anr, tersar yawkhav-aer gurgur-aer myavbir dov-eu lafkhoer, guiqlanq shar-awr tanqshar duidui-euq mae. Aqyawf, Miqyaer-anr yawzeu baw-eu lafkhoer guv-eu mirnae, Miqyaer, aqyawf-euq shardawq-anr narhaq-euq mae.

Lormav 8:3

Shiqshaq-euq baqda’nae zanrdawq ghaq byaev-eu mirnae, maq mrnya-eu jeq-anr Miqyaer nae mr-euq mae. Iqbax bi shadzae-eu laer Miqyaer, aqyawf-euq Zaqyo-anr iqbaxzaq lof-aer shiqshaq pi-awr bi’oe-awr, shiqshaq-euq lafkhoer anr-eu iqbax-anr yarkhaq darnaeq-euq mae.

Yoˇhaˬ 20:31

Aerkhawf, Yeqsur-aq, Kali pyeuf-eu Miqyaer-euq Zaqyo ngar-a laer nawmaf jan-awr, aqyawf-anr jan-eu mirnae, aqyawf-euq tsawrmyanr-euq lafkhoer nawmaf daef-eu jeq za’ni garkawv heudeuq boftaq-euq ma.

Yoˇhaˬ 17:25

Tsaq-awr dawr-eu Aqda-or! Mirtsaqzaq, nawq-anr maq siqnya-eu khawf, ngar, nawq-anr siqnya ma. Nawq nae ngaq-anr khaerghae lef-euq mae laer tsawrhaq heudeuq siqnya-eu mae.

Yoˇhaˬ 17:8

Aqjeq mirnae aernar-aq, nawq nae ngaq-anr bifnaeq laf-euq dawq, ngar, aqyawf maf-anr bif-awr, aqyawfmaf khawf dawq khoerdeuq-anr hageuf-euq mae. Khoeruqtaf, ngar, nawr jawr-eu gar nae oe-euq ngar-a laer aqyawfmaf siqduq-awr, nawq nae ngaq-anr khaerghae lef-euq ngar-a laer khawf aqyawfmaf jan-eu mae.

Yoˇhaˬ 11:22

Nymq-mr khawf, nawr, Miqyaer-anr aqjeq shar-eu maqkaq, Miqyaer, nawq-anr bifnaeq taef-a laer ngar siqnya ma.”

Maꞈtehˬ 26:53

Nymq-mr, ngar jawr-eu gar mqtav ghaqkhaer 12 maf dzaeqni khaerghae lef-awq laer ngar, ngaqDa-anr maqshar nya-ar laer nawr noeq-eu le lor?

Gaˬlaˬtiˆ 4:4

Aerkhawf, aryamq byanlar ngae, Miqyaer, aqyawf-euq Zaqyo-anr bi’oe-awr, zaqmiq aqbur-anr nae bi daefle-euq uqtaf, zanrdawq-euq lafov daefle-euq mae.

Yoˇhaˬ 11:31

Khoerngae, Yurdav tsawrhaq deuq, Maqliv naeq-aer irkanr-euq lafkhoer jawr-awr, aqyawf nuima sarlarni janrluf-eu mae. Maqliv yawkawr-aer tur-awr dov-ir gar ya’mawr ngae, aqyawf-euq maeqnan cantae ghae-awr aer-eu, “Aqyawf, lmqbymr-anr ir-awr ngoer-ir-eu nga.”

Yoˇhaˬ 8:42

Khoerngae, Yeqsur, aqyawf maf-anr heulof-aer aernaeq-eu mae: “Miqyaer, nawmaf-euq Aqda ngeur nar-aq, nawmaf, ngaq-anr gaq taef-a. Aqjeq mirnae aernar-aq, ngar, Miqyaer-anr nae dovle-awr, Miqyaer jawr-eu gar nae oe-euq ma. Ngar, yawqha yawqha oe-euq maqngeur, aqyawf nae ngaq-anr khaerghae lef-euq mae.

Yoˇhaˬ 8:29

“Ngaq-anr khaerghae lef-euq ghaq, ngaq naeq-aer jawrluf-eu mae. Aqda Miqyaer, ngaq-anr byaerdzae-awr, ngar tiq ghaq taef-aer maqbi jawrnaeq laf-a. Aqjeq mirnae aernar-aq, ngar aqmyanluf aqyawf nuima tsaq-eu heudeuq mrluf-eu ma.”

Yoˇhaˬ 8:16

Ngar yarkhaqdar lawnmr-aq, ngaq nae dar-euq khoer tsaq ma. Aqjeq mirnae aernar-aq, ngar tiq ghaq taef-aer dar-eu maqngeur, ngaq-anr khaerghae lef-euq Aqda Miqyaer, ngaq naeq-aer jawr-eu mae.

Yoˇhaˬ 11:43

Khoerlof-aer aerghaq-euq nar-aq, aqyawf tersar yawkhav-aer gur-eu, “Laqzaqlur-or! Dovle-awq.”

Yoˇhaˬ 12:11

Aqjeq mirnae aernar-aq, Yurdav tsawrhaq ghawqmya’ni Laqzaqlur baqda’nae aqyawf maf-euq armur-anr nae dov-ir-awr, Yeqsur-anr jan-ir-euq mae.

Yoˇhaˬ 12:17

Yeqsur, Laqzaqlur-anr shir-euq gar nae bi ghofdaef lar-awr, lmqbymr-anr nae kurdov ngae, Yeqsur naeq-aer khoergar jawr-eu tsawrhaq armaf khoerdeuq, garkawv khoer sarkir kamqluf-eu mae.