Yoˇhaˬ 11:41 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁴¹ Khoerngae, aqyawfmaf, shir-euq khoerghaq bafpanq taq-euq gar nae, khaqlo ngawqdzae-euq mae. Yeqsur mq paw ghawrleur-awr heulof-aer aer-eu mae, “Aqda-or! Nawr, ngaq-euq shardawq-anr narhaq-eu mirnae, ngar, nawq-anr jaceuq ma.

Akha

⁴¹ Kʼoeˇ ngeh, aˬ yawꞈ maꞈ kʼaˬ lo ngawˬ dzeh-euˬ meh. Yeˬsuˇ mˬ paw gʼawˇ leuˇ-awˇ ehˇ-eu, “Aˬda-oˇ, ngaˬ-euˬ shaˇ dawˬ-ahˇ nawˇ naˇ haˬ nehˬ laꞈ-eu miˇ neh nawˬ-euˬ guiˬ lahˬ-ahˇ ja ceuˬ-eu ma.

Yoˇhaˬ 11:41 Referans Kwoze

Maꞈtehˬ 11:25

Khoerngae, Yeqsur heulof-aer aer-eu mae: “Mq hawr-eu mir-euq Yawsanr pyeuf-eu Aqda-or! Ngar, nawq-anr jaceuq ma. Aqjeq mirnae aernar-aq, nawr, zaqsiq tsawrganr anr-eu tsawrhaq hawr-eu noeqdanr doe-eu tsawrhaq-anr nae garkawv heudeuq zaftaq-awr, zaqnanq deuq-anr panmaeq naeq-eu mae.

Yoˇhaˬ 17:1

Yeqsur dawq heudeuq ngaeqghaq-awr, mq paw ghawrleur-awr heulof-aer aer-eu mae: “Aqda-or! Aryamq keuvlar-euq ngar-a. Zaqyo-euq baqda’nae nawr yawshaef khanqsaer za’ni, nawq-euq Zaqyo-anr yawshaef khanqsaer biza naeqlaf-awq.

Jaceuq 123:1

Mq-euq khoertav jawr-eu ghaq-or! Ngaq-euq myavnuiv, nawr jawr-eu paw ciqpyawr laf-awr hawluf-eu ma.

Luˇkaꞈ 10:21

Khoerngae, Yeqsur, Yawshawr Saflar-euq baqda’nae laqkhaq caer-awr heulof-aer aer-eu mae: “Mq hawr-eu mir-euq Yawsanr pyeuf-eu Aqda-or! Ngar, nawq-anr jaceuq ma. Aqjeq mirnae aernar-aq, nawr, zaqsiq tsawrganr anr-eu tsawrhaq hawr-eu noeqdanr doe-eu tsawrhaq-anr nae garkawv heudeuq zaftaq-awr, zaqnanq deuq-anr panmaeq naeq-euq mae. Aqda-or! Heu-aq, nawr nuima tsaq-eu jeq pyeuf-eu mae.

Piˇliˇpiˆ 4:6

Tiqjeq-anr-iq khanq taqlanr. Aerkhawf, yawqjeq navluf-euq lafkhoer guiqlanq sharshar-aer, tanqshar-awr jaceuq-eu lafkhoer, nawmaf sharmawf-eu jeq Miqyaer-anr dzawrnaeq-awq.

Luˇkaꞈ 18:13

“Aerkhawf, jeq taf-eu khoerghaq-aq, garmanr kaq-eu gar yawf-awr, myavpyawq mq paw maq ghawrleur peuq-aer, khanq-anr terter-aer aer-eu, ‘Miqyaer-or! Ngar-aq, iqbaxzaq mir-a. Ngaq-anr ghawqshaq gaqnaeq laf-awq.’

Maꞈtehˬ 11:26

Aqda-or! Heu-aq, nawr nuima tsaq-eu jeq pyeuf-eu mae.

Maꞈtehˬ 27:60

Khoernar-aq, aqyawf, yawqha-euq gharduq khaqlo-anr taftaq-euq lmqbymr yawshuif-euq lafkhoer bafpanq-ir-euq mae. Lmqbymr-euq ghaqkhaeq-anr khaqlo loma nae laeqtsoeq yaf-awr ghofler-euq mae.

Maˬkuˆ 15:46

Khoernar-aq, Yorsaev, sheqsha saqpar zeurlaq-ir-awr, Yeqsur-euq mawrdo bafka-awr nae, sheqsha saqpar nae mawrtawv tawvghaq-euq nar-aq, khaqlo-anr taftaq-euq lmqbymr-euq lafkhoer baftaq-ir-euq mae. Khoernar-aq, lmqbymr-euq maeqkhaeq-anr khaqlo tiq siq laeqtsoeq yaf-euq mae.

Luˇkaꞈ 24:2

Khoerngae, lmqbymr-euq ghaqkhaeq-anr ngawqtsoeq taq-euq khaqlo khoersiq ngawqdzae taq-euq gar ya’mawr-euq mae.

Yoˇhaˬ 11:22

Nymq-mr khawf, nawr, Miqyaer-anr aqjeq shar-eu maqkaq, Miqyaer, nawq-anr bifnaeq taef-a laer ngar siqnya ma.”

Yoˇhaˬ 20:1

Tiqjaw-euq lafkhoer yawbae ngae nan, uqbya maqbya lar-euq minav-aer, Maqliv Maqgaqdaqlar, lmqbymr-anr ir-euq mae. Aqyawf irkeuv ngae, lmqbymr-euq ghaqkhaeq-anr ngawqtsoeq taq-euq khaqlo khoersiq ngawqdzae taq-euq gar ya’mawr-euq mae.

Gʼaˬkʼehˇ 7:55

Khoerngae, Saqteqpaq-anr Yawshawr Saflar byanle-awr mq-anr hawtsovtaq ngae, Miqyaer-euq yawshaef khanqsaer-anr mawr-awr, Yeqsur, Miqyaer-euq armar paw yawfluf-eu gar khawf ya’mawr-awr,