Yoˇhaˬ 11:33 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³³ Maqliv hawr-eu aqyawf-euq maeqnan cantae lef-euq Yurdav tsawrhaq deuq ngoer-eu gar Yeqsur ya’mawr ngae, aqyawf-euq nuima-anr zawler-awr nuima tiqpawf-iq maqsar-a.

Akha

³³ Maˬ liˇ ngoeˇ luꞈ-awˇ, Maˬliˇ nehˬ-ehˇ laˇ-euˬ tsawˇ haˬ deuˬ kʼawꞈ ngoeˇ luꞈ gaˇ Yeˬsuˇ ya mawˇ ngeh, aˬ yawꞈ-euˬ nui ma-ahˇ zaw dui dui leˇ-euˬ meh.

Yoˇhaˬ 11:33 Referans Kwoze

Yoˇhaˬ 11:38

Khoerngae, Yeqsur, nuima shaqzanq mr-eu lafkhoer, lmqbymr-anr irkeuv-euq mae. Lmqbymr khoer-aq, lokhanq pyeuf-awr, ghaqkhaeq-anr khaqlo nae ngawqtsoeq taq-euq mae.

Yoˇhaˬ 12:27

“Nymq-mr ngaq-euq nuima saflar tiqpawf-iq maq sarnya. Ngar aqjox-aer aer-eu tsaq-eu la? ‘Aqda-or! Aryamq heu-anr nae ngaq-anr bibuq-ir naeqlaf-awq’ laer ya’aer-eu la laq? Aerkhawf, ngar-aq, arpyar heu jav-awr oe-euq ma.

Maˬkuˆ 3:5

Yeqsur nuima paerpaer-aer aqyawf maf-euq tiqjawq haw-euq mae. Aqyawfmaf nuima ghanr-eu mirnae, Yeqsur noeqshaq-awr khoerghaq-anr aernaeq-eu, “Nawq-euq aqlaf cawqja-awq.” Khoerghaq aqlaf cawqja ngae, taqler-awr yawqlafyawq lof-aer durlar-euq mae.

Lormav 12:15

Laqkhaq caer-eu tsawrhaq naeq-aer laqkhaq cawcaer-awr, ngoer-eu tsawrhaq naeq-aer cawngoer-awq.

HeˬByehˇ 4:15

Aqjeq mirnae aernar-aq, aqdui-euq Pirma yawhuiq ghaq-aq, aqdui ghaq baq-eu jeq-anr ghawqshaq maq gaqnya-eu maqngeur-a. Aqyawf khawf, aqdui lof-aer yawqdzer dzaq-anr navluf murjur jur-eu gar yadaq haw-euq mae. Aerkhawf, aqyawf iqbax maqmr-aq.

Maˬkuˆ 9:19

Yeqsur aerkhof naeq-eu, “Nuijan maqanr-eu heuzir-euq tsawrhaq-or! Ngar, nawmaf naeq-aer aqmyan keuvni yajawr-eu la? Ngar, nawmaf naeq-aer aqmyan keuvni parya or-eu la siq? Aqyawf, ngar jawr-eu gar sheuqlaf-awq.”

Yoˇhaˬ 13:21

Yeqsur heudeuq aerghaq ngae, aqyawf-euq saflar tiqpawf-iq maqsar-aer byacaevni aer-eu, “Ngar, nawmaf-anr aqdir aqmar-aer aernaeq nyar, nawmaf-euq lafkhoer nae tiq ghaq, ngaq-anr anqdzaq taef-a.”

Yoˇhaˬ 11:19

Yurdav tsawrhaq ghawqmya’ni, Maqliv hawr-eu Maqta jawr-eu gar lar-awr, aqnyaf nmr-euq aqmanr shir-euq mirnae, aqyawfnyaf nuima bi sarlar-eu gharduq lartaq-euq mae.

Yoˇhaˬ 11:31

Khoerngae, Yurdav tsawrhaq deuq, Maqliv naeq-aer irkanr-euq lafkhoer jawr-awr, aqyawf nuima sarlarni janrluf-eu mae. Maqliv yawkawr-aer tur-awr dov-ir gar ya’mawr ngae, aqyawf-euq maeqnan cantae ghae-awr aer-eu, “Aqyawf, lmqbymr-anr ir-awr ngoer-ir-eu nga.”

Yoˇhaˬ 11:34

Khoerngae, aqyawf aer-eu, “Nawmaf, aqyawf-anr aqgeugar bafpanq taq-euq le?” Aqyawfmaf, aqyawf-anr aernaeq-eu, “Sanqpaq-or! Oe-awr hawle-awq.”

Yoˇhaˬ 11:35

Yeqsur ngoer-euq mae.