Yoˇhaˬ 11:28 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²⁸ Maqta khoerlof-aer aerghaq ngae, aqyawf ghofler-awr, aqyawf-euq aqnyir Maqliv-anr yawzaf zaf-aer kur-awr aer-eu, “Saqlaq larkeuv taq-awr nawq-anr kurluf-eu mae.”

Akha

²⁸ Maˬta kʼoeˇ loꞈ-ehˇ ehˇ gʼaˬ ngeh, Maˬliˇ jawˇ gaˇ gʼoꞈ-iˇ-awˇ, “Saˬ laˬ oe keuˆ-awˇ nawˬ-ahˇ kuˇ luꞈ meh” lehˇ ehˇ nehˬ-iˇ-euˬ meh.

Yoˇhaˬ 11:28 Referans Kwoze

Yoˇhaˬ 13:13

Nawmaf, ngaq-anr Saqlaq hawr-eu Sanqpaq laer kurluf-eu mae. Nawmaf kur-eu-aq tsaq mae. Aqjeq mirnae aernar-aq, ngar-aq, nawmaf kur-eu lof-aer ngeur-eu ma.

Yoˇhaˬ 11:20

Yeqsur larluf-eu garkawv Maqta yagaq-euq naeq-aer, aqyawf dov-ir-awr Yeqsur-anr mawr-ir-euq mae. Aerkhawf, Maqliv-aq, irkanr-euq lafkhoer nuirluf-eu mae.

Maˬkuˆ 10:49

Yeqsur naqler-awr, aqyawf-anr kurlaf-awq laer dawq bif-euq mae. Khoerngae, aqyawfmaf, myavbaef khoerghaq-anr aernaeq-eu, “Laqkhaq caertavni tur-awq, aqyawf, nawq-anr kurluf-eu nga.”

Yoˇhaˬ 21:7

Khoerngae, Yeqsur zawr gaq-eu zaqlanr khoerghaq, Beqtuvluv-anr, “Sanqpaq Yeqsur nga” laer aernaeq-euq mae. Sirmoq Beqtuvluv, Sanqpaq Yeqsur nga laer aer-eu gar yagaq ngae, maeqtsoeq maq dmluf-eu mirnae, paerkhanq paermanr tiq kanr lanrcuf-awr, lan-anr tsawqpuf ghae-euq mae.

Yoˇhaˬ 20:16

Yeqsur, aqyawf-anr, “Maqliv-or” laer kur ngae, Maqliv nanrghof ghofhaw-awr, “Laqbornir-or” laer aqyawf-anr kur-euq mae (Laqbornir laer aer-eu-aq, saqlaq laer aermawf-eu mae).

Yoˇhaˬ 10:3

Ghovkhaeq-anr lof-eu ghaq, aqyawf-anr larghov pannaeq taef-a. Yawrdeuq khawf aqyawf-euq tersar-anr narhaq-eu mae. Aqyawf-aq, aqyawf-euq yawr-euq armyanr kurkur-aer, yawr khoerdeuq-anr sheuqdov ghae-eu mae.

Yoˇhaˬ 1:45

Pirlirpuv, Naqdaqneqlar-anr povmawr-awr aqyawf-anr aernaeq-eu, “Morseq nae boftaq-euq zanrdawq-euq lafkhoer hawr-eu, Miqyaer gharduq ngaeqdan-eu deuq-euq sanqbof-euq lafkhoer boftaq-euq tsawrhaq khoerghaq-anr nga’maf ya’mawr-euq ma. Aqyawf-aq, Naqzaqlaer tsawrhaq Yorsaev-euq zaqyo Yeqsur mae.”

Yoˇhaˬ 1:41

Aqdaeqlaeq mrbae bae-euq jeq-aq, aqyawf-euq ardov Sirmoq-anr povmawr-ir-awr aernaeq-eu, “Nga’nyaf, Meqsirya-anr ya’mawr-euq ma.” (Meqsirya laer aer-eu-aq, Kali laer aermawf-eu mae.)

Luˇkaꞈ 22:11

Khoernar-aq, nymrsanr ghaq-anr heulof-aer aernaeq-awq, ‘Saqlaq, nawq-anr heulof-aer bi narhaq le-euq mae, “Ngar, ngaq-euq zaqlanr deuq naeq-aer Baqsaqkaq dzaqbyawr dzaqnya’ni, daqyan-euq kuvlawv aqgar jav-eu la?” ’

Maˬkuˆ 14:14

Aqyawf aqgeu nymr-anr ur-ir-eu maqkaq, nawnyaf, nymrsanr ghaq-anr heulof-aer aernaeq-awq, ‘Saqlaq aernyar-eu, “Ngar, ngaq-euq zaqlanr deuq naeq-aer Baqsaqkaq dzaqbyawr dzaqnya’ni, daqyan-euq kuvlawv aqgeugar jav-eu la?” ’

Maꞈtehˬ 26:18

Yeqsur aerkhof naeq-eu, “Nawmaf, meuq-anr jawr-eu tsawrhaq tiq ghaq jawr-eu gar ir-awr, aqyawf-anr heulof-aer aernaeq-awq, ‘Saqlaq aer-eu, “Ngaq-euq aryamq keuvlar-euq mirnae, ngar, nawq-euq nymr-anr ngaq-euq zaqlanr deuq naeq-aer Baqsaqkaq yawbui yabui nga.” ’ ”

HeˬByehˇ 12:12

Khoermirnae, gagheu taq-euq nawmaf-euq aqlaf hawr-eu ghaq maqanr-eu aqkuir pawqtsuif ghaq bi anrlar-awq.

1 Teˇsaˬloˇni 5:11

Khoermirnae, nymq-mr nawmaf tiqghaq tirghaq nuima sarlarni mr-awr, huiqlar manrlarni cawba luf-eu lof-aer, maeqhu paw khawf mrghae-awq.

Yoˇhaˬ 11:29

Maqliv khoerlof-aer yagaq-euq naeq-aer yawkawr-aer tur-awr, aqyawf jawr-eu gar ir-euq mae.

Yoˇhaˬ 11:30

Khoerngae keuvni, Yeqsur pu-anr maq urlerni, Maqta, aqyawf-anr mawrle-euq tsanr-anr jawrluf-eu mae.