Yoˇhaˬ 11:11 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹¹ Yeqsur khoerlof-aer aerghaq-awr, aqyawf, aqyawf maf-anr par aernaeq-eu, “Aqdui-euq cawq, Laqzaqlur-aq, yufkhav luf-eu mae. Aerkhawf, ngar le-awr aqyawf-anr kurnoeqler la.”

Akha

¹¹ Yeˬsuˇ kʼoeˇ loꞈ-ehˇ ehˇ gʼaˬ miˇ tsa tiˬ poˆ paˇ ehˇ-eu, “Aˬ dui-euˬ cawˬ Laˬzaˬluˇ yuꞈ kʼaˆ taˬ-euˬ meh. Ngaˇ iˇ-awˇ laˆ noeˬ nehˬ-iˇ ma.”

Yoˇhaˬ 11:11 Referans Kwoze

Yoˇhaˬ 11:13

Yeqsur khoerlof-aer aer-eu-aq, Laqzaqlur shir-euq gar aerkeuv mawf-eu mae. Aerkhawf, aqyawf ghaqnaq naq-eu lafkhoer yufkhav-euq gar aer-eu nga laer aqyawfmaf noeq-euq mae.

1 Teˇsaˬloˇni 5:10

Aqyawf, aqdui-euq gharduq shirdan-euq mirnae, aqdui yawnoeq khawf, yufkhav-euq khawf, aqyawf naeq-aer tiqkawv lof-aer yadaef-eu mae.

1 Gawˇliˬtu 15:51

Haeqsher-eq, ngar, nawmaf-anr zaftaq-euq tiq jeq aernaeq nyar. Aqdui dawqtawvluf yashir-eu maqngeur-a. Aerkhawf, aqdui dawqtawv luf-anr lavpar naeqlaf taef-a.

Gʼaˬkʼehˇ 7:60

Khoernar-aq, aqyawf pawqtsuif pawqdmq dmq-awr tersar yawkhav-aer aer-eu, “Sanqpaq Miqyaer-or! Iqbax heu aqyawf maf-euq khoertav taqbi jav.” Aqyawf khoerlof-aer aerghaq-awr yufkhav-euq mae.

Maꞈtehˬ 27:52

Lmqbymr khawf panlar-awr, yufkhavdzeur taq-euq tsawrshawr ghawqmya ghaq ghofdaef lar-euq mae.

Eˇpeˇsu 5:14

Khoermirnae, aqyawf aer-eu, “Yufkhav taq-euq tsawrhaq-or! Noeqlar-awr, shir-euq gar nae ghofdaef lar-awq. Kali, nawmaf-anr yawshaef bya’naeqlaf taef-a.”

Maˬkuˆ 5:39

Khoerngae, Yeqsur, lafkhoer urler-awr aqyawf maf-anr aernaeq-eu, “Nawmaf aqjeq mirnae ngoerngoer-aer banqgha lawfgha luf-eu le? Aqburzaq heughaq shir-euq maqngeur-a, yufkhav luf-eu taef mae.”

Maꞈtehˬ 9:24

Yeqsur, aqyawf maf-anr aernaeq-eu, “Dov-ir-awq, aqbur heughaq shir-euq maqngeur-a. Yufkhav luf-eu taef mae.” Khoerngae, aqyawfmaf, Yeqsur-anr uir-eu mae.

Yaˬkoˆ 2:23

“Aqbyaqhaq, Miqyaer-anr jan-eu mirnae, aqyawf-anr tsaq-awr dawr-eu tsawrhaq laer sawxnaeq-euq mae,” (Adb 15:6) laer aertaq-euq Yaerbof khoerdawq byanlar-euq mae. Khoeruqtaf, aqyawf-anr Miqyaer-euq cawq laer khawf kur-eu mae.

1 Gawˇliˬtu 15:34

Nawmaf, tsaq-awr dawr-eu paw uqnoeq beurlar-awr, iqbax taqmr. Aqjeq mirnae aernar-aq, tsawrhaq tiqpavnav deuq Miqyaer-anr siqnya-eu tsawrganr maqanr nga. Ngar, nawmaf bi shafdawr-eu laer heulof-aer aer-eu ma.

1 Gawˇliˬtu 15:18

Khoeruqtaf, Kali-euq lafkhoer yufkhav dzeur-euq tsawrhaq deuq khawf cawv-ir jirdzeur-euq taef-a.

Yoˇhaˬ 11:3

Aqnyafnmr, Yeqsur-anr dawqtsaf tsafanr lef-euq, “Sanqpaq-or! Nawr zawr gaq-eu ghaq narluf-eu mae.”

Yoˇhaˬ 3:29

Miqshuif-anr sheuq-eu ghaq-aq, Yoshuif mae. Yoshuif-euq cawq yoshuif-euq dawqpae yawf-awr, yoshuif-euq dawq yagaq ngae, laqkhaqcaer duidui-eu mae. Khoerlof-aer durni, ngar khawf laqkhaq caer-eu jeq byan duidui mir-a.

Yoˇhaˬ 11:10

Aerkhawf, tsawrhaq tiq ghaq uqcif paw garma can nar-aq, aqyawf sanqtif tiflar taef-a. Aqjeq mirnae aernar-aq, aqyawf-euq lafkhoer yawshaef maqanr-a.”

Yoˇhaˬ 11:12

Khoerngae, aqyawf-euq zaqlanr deuq aer-eu, “Sanqpaq-or! Aqyawf yufkhav luf-eu ngeur nar-aq, aqyawf taqler taef-a.”