Yoˇhaˬ 10:30 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³⁰ Ngar hawr-eu ngaqDa-aq, tiq ghaq taef ma.”

Akha

³⁰ Aˬda hawˇ-eu ngaˇ-aˬ, aˬ yawꞈ tiˬ gʼaˬ ma.”

Yoˇhaˬ 10:30 Referans Kwoze

Yoˇhaˬ 14:9

Yeqsur, aqyawf-anr heulof-aer aernaeq-euq mae, “Pirlirpuv-or! Ngar, nawq naeq-aer heumyanni jawrlaf-euq khawf, nawr, ngaq-anr maq siqnya-eu le siq lor? Ngaq-anr mawr-euq tsawrhaq-aq, Aqda-anr mawr-euq mae. ‘Nga’maf-anr Aqda bimawr naeqlaf-awq’ laer nawr aqjox-aer aer-eu le?

Yoˇhaˬ 5:23

Khoer-aq, tsawrhaq dawqtawvluf, Aqda Miqyaer-anr yawzeu baw-eu lof-aer, Zaqyo-anr khawf yawzeu bi bawlar-eu gharduq mae. Zaqyo-anr yawzeu maqbaw-eu tsawrhaq-aq, Zaqyo-anr khaerghae lef-euq Aqda Miqyaer-anr khawf yawzeu maqbaw-a.

Maꞈtehˬ 28:19

Khoermirnae, nawmaf ir-awr, tsawrjeuq tsawrca dawqtawvluf, ngaq-euq zaqlanr pyeuflarni mr-ir-awq. Aqda, Zaqyo hawr-eu Yawshawr Saflar-euq tsawrmyanr-euq uqmov, aqyawf maf-anr bartirsaq mrnaeq-awq.

Yoˇhaˬ 14:23

Yeqsur, aqyawf-anr heulof-aer aerkhof naeq-euq mae, “Aqgeu ghaq maqkaq, ngaq-anr gaq nar-aq, ngaq-euq dawq-anr mrcaw taef-a. Khoeruqtaf, ngaqDa khawf aqyawf-anr gaq-awr, nga’nyaf Dazaq, aqyawf jawr-eu gar oe-awr, aqyawf naeq-aer jawr ma.

Yoˇhaˬ 8:58

Yeqsur, aqyawf maf-anr aernaeq-eu, “Ngar, nawmaf-anr aqdir aqmar aernaeq nyar, Aqbyaqhaq maq daefle-euq minav-aer ngar-aq, jawrluf-eu ma.”

Yoˇhaˬ 5:17

Khoerngae, Yeqsur, aqyawf maf-anr aernaeq-eu, “Nymq-mr keuvni ngaqDa gar mrluf-eu mae. Ngar khawf mrluf-eu ma.”

Maꞈtehˬ 11:27

Yawqjeq navluf ngaqDa nae ngaq-anr a’naeq laf-euq mae. Aqda Miqyaer maqngeur nar-aq, Zaqyo-anr tiqghaq-iq maq siqnya-a. Zaqyo hawr-eu Zaqyo panmaeqnaeq mawf-eu tsawrhaq maqngeur nar-aq, Aqda Miqyaer-anr tiqghaq-iq maq siqnya-a.

1 Yoˇhaˬ 5:20

Khoeruqtaf, aqdui, tsaq-awr dawr-eu ghaq-anr siqnya larni, Miqyaer-euq Zaqyo oe-awr, ghovsiq ghovshaw nya-eu jeq bifnaeq laf-euq mae laer siqnya ma. Aqdui, aqyawf-euq Zaqyo, Yeqsur Kali-euq lafkhoer jawrluf-eu mirnae, aqdui, tsaq-awr dawr-eu ghaq-euq lafkhoer jawrluf-awr, aqyawf-aq, aqdir Miqyaer hawr-eu mqmaq maqbyav yarzir daef-eu jeq khawf pyeuf-eu mae laer khawf siqnya-eu ma.

Tiˇtuˆ 2:13

Aqdui-euq huiqdui manr duidui-eu Miqyaer pyeuf-eu, Kakhof-eu ghaq Yeqsur Kali-euq yawshaef khanqsaer dovle-eu gar, aqdui laqkhaq caertavni noeqtmq luf-eu ma.

Yoˇhaˬ 17:10

Ngaq-euq dawqtawvluf nawq-euq mae. Nawq-euq dawqtawvluf khawf ngaq-euq ma. Heudeuq-euq baqda’nae ngar yawshaef khanqsaer za-euq ma.

1 Tiˆmoˇseˬ 3:16

Aqdui uqduq tanq-eu zanr-euq lafkhoer zaftaq-euq jeq arnavni huiq-eu la laer aqdui siqnya-eu ma: Miqyaer shiqshaq pi-awr daefle-euq gar bimawr naeqlaf-euq mae. Muiq-eu Saflar khawf aqyawf-aq, dawr-awr tsaq-eu mae laer sarkir kamq-eu mae. Mqtav ghaqkhaer, aqyawf-anr ya’mawr-euq mae. Aqyawf-euq garkawv aqcawq tsawrjeuq tsawrca-anr gaqdoe-ir-awr, Mirtsaqzaq, aqyawf-anr jan-eu mae. Aqyawf-aq, yawshaef khanqsaer-euq lafkhoer bi sheuqdav lef-euq mae.

Yoˇhaˬ 16:15

Aqda kharjav-eu dawqtawvluf ngaq-euq ma. Khoermirnae, aqyawf, ngaq-anr taf-eu deuq yur-awr nawmaf-anr dzawrnaeqlaf taef-a laer ngar, nawmaf-anr aernaeq-eu ma.”

1 Yoˇhaˬ 5:7

Mq-euq khoertav sarkir kamq-eu smr ghaq jawr-eu mae: Aqda Miqyaer, Dawq hawr-eu Yawshawr Saflar, heu smr ghaq-aq tiq ghaq taef mae.

Yoˇhaˬ 10:29

Dawqtawv luf-euq khoertav huiqdzaeq-eu ngaqDa nae yawr khoerdeuq, ngaq-anr a’naeq laf-euq mae. NgaqDa-euq aqlaf-euq lafkhoer nae tiqghaq-iq yawr khoerdeuq-anr maq ludov nya-ar.

Yoˇhaˬ 10:36

Aqda nae tserdov-awr, mirtsaq-euq khoertav bi’oe-euq khoerghaq, ‘Ngar-aq, Miqyaer-euq Zaqyo ma’ laer aer-eu mirnae, nawmaf, ‘Nawr, Miqyaer-anr yaeqbawq saerlu-aer aer-eu nga’ laer aer-eu le lor?