Yoˇhaˬ 10:29 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²⁹ Dawqtawv luf-euq khoertav huiqdzaeq-eu ngaqDa nae yawr khoerdeuq, ngaq-anr a’naeq laf-euq mae. NgaqDa-euq aqlaf-euq lafkhoer nae tiqghaq-iq yawr khoerdeuq-anr maq ludov nya-ar.

Akha

²⁹ Yawˇ kʼoeˇ deuˬ ngaˬ-ahˇ biꞈ laꞈ-euˬ gʼaˬ pyeuꞈ-eu ngaˬ Da-aˬ, dawˬ tawˆ kʼoeˇ taˆ huiˬ-eu gʼaˬ meh. Ngaˬ Da neh haw lahˇ taˬ-euˬ uˬ moˆ aˬ yawꞈ maꞈ-ahˇ tiˬ gʼaˬ-iˬ maˬ ceh doˆ geuꞈ gʼeh nya-a.

Yoˇhaˬ 10:29 Referans Kwoze

Yoˇhaˬ 6:37

Aqda Miqyaer nae ngaq-anr kharbif-euq tsawrhaq dawqtawvluf ngar jawr-eu gar lar taef-a. Ngar jawr-eu gar kharlar-eu tsawrhaq-anr ngar tiqjeq ghaenae-iq maq taedzae.

Yoˇhaˬ 17:9

“Ngar, mirtsaqzaq-euq gharduq sharluf-eu maqngeur. Aerkhawf, nawq nae ngaq-anr bifnaeq laf-euq tsawrhaq deuq-aq, nawq-euq tsawrhaq mirnae, ngar, aqyawf maf-euq gharduq guiqlanq sharluf-eu ma.

Yoˇhaˬ 17:2

Nawr, tsawrhaq dawqtawv luf-euq khoertav-euq aryaq aqyawf-anr biftaq-euq lof-aer, aqyawf-anr khar a’naeq taq-euq tsawrhaq dawqtawv luf-anr, aqyawf mqmaq maqbyav yarzir daef-eu jeq bifnaeq nya-eu mae.

Yoˇhaˬ 14:28

‘Ngar ghofler khawf, nawmaf jawr-eu gar tiq pov paroe ma’ laer ngaq nae nawmaf-anr aernaeq-euq dawq nawmaf yagaq-euq mae. Nawmaf, ngaq-anr gaq nar-aq, ‘Ngar, Aqda jawr-eu gar ghofler ma’ laer aer-eu mirnae, nawmaf laqkhaqcaer taef-a. Aqjeq mirnae aernar-aq, Aqda-aq, ngaq-euq navmaqtser huiq-eu mae.

Yoˇhaˬ 17:6

“Mirtsaq-euq khoertav nae nawr, ngaq-anr bifnaeq laf-euq tsawrhaq-anr, ngar, nawq-euq tsawrmyanr byacaevni bisiq-euq ma. Aqyawfmaf, nawq-euq tsawrhaq pyeuf-awr, nawq nae ngaq-anr bifnaeq laf-euq mae. Aqyawfmaf khawf nawq-euq dawq-anr mrcaw-euq mae.

Yoˇhaˬ 17:11

Nymq-mr nae nar-aq, ngar, mirtsaq-euq khoertav maqpar jawrni nawr jawr-eu gar ghoflar ma. Aerkhawf, aqyawf maf-aq, mirtsaq-euq khoertav yajawr-eu mae. Shawr-eu Aqda-or! Arnyaf lof-aer aqyawfmaf khawf nuima tiqsiq taef-aer taqnya larni, nawq-euq tsawrmyanr-anr ghoe-awr, nawq nae ngaq-anr bifnaeq laf-euq tsawrhaq deuq-anr bosav naeq-awq.

Jaceuq 145:3

Ya’we Miqyaer-aq, huiq-awr manr-eu mae; Aqyawf-anr yawkhav-aer jaceuq-eu tsaq mae; Aqyawf-euq yawhuiq yawmanr-anr maq povduq nya-a.

Yoˇhaˬ 10:28

Khoeruqtaf, ngar, aqyawf maf-anr mqmaq maqbyav yarzir daef-eu jeq bif-awr, aqyawfmaf tiqjawr-iq maqya cawv-ir-ar. Ngaq-euq aqlaf-anr nae tiqghaq-iq yawr khoerdeuq-anr maq ludov nya-ar.

Yoˇhaˬ 10:30

Ngar hawr-eu ngaqDa-aq, tiq ghaq taef ma.”