Yoˇhaˬ 10:28 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²⁸ Khoeruqtaf, ngar, aqyawf maf-anr mqmaq maqbyav yarzir daef-eu jeq bif-awr, aqyawfmaf tiqjawr-iq maqya cawv-ir-ar. Ngaq-euq aqlaf-anr nae tiqghaq-iq yawr khoerdeuq-anr maq ludov nya-ar.

Akha

²⁸ Aˬ yawꞈ maꞈ-ahˇ mˬ maˬ maˬ byaˆ zaˇ ziˇ dehꞈ-eu jeˬ ngaˇ biꞈ-awˇ, aˬ yawꞈ maꞈ ti jawˇ-iˬ maˬ paˇ shiˇ meh. Tsawˇ haˬ tiˬ gʼaˬ-iˬ aˬ yawꞈ maꞈ-ahˇ ngaˬ-euˬ aˬ laꞈ laꞈ kʼoeˇ neh maˬ ceh doˆ geuꞈ nya-a.

Yoˇhaˬ 10:28 Referans Kwoze

Yoˇhaˬ 6:37

Aqda Miqyaer nae ngaq-anr kharbif-euq tsawrhaq dawqtawvluf ngar jawr-eu gar lar taef-a. Ngar jawr-eu gar kharlar-eu tsawrhaq-anr ngar tiqjeq ghaenae-iq maq taedzae.

HeˬByehˇ 7:25

Khoermirnae, aqyawf-anr ghoe-awr Miqyaer jawr-eu gar kharlar-eu tsawrhaq-anr aqyawf tiqbyan tiqlof kakhofnaeq nya-eu mae. Aqjeq mirnae aernar-aq, aqyawf aqmyanluf daefluf-awr, aqyawf maf-euq gharduq guiqlanq sharcaw duidui luf-eu mae.

Lormav 8:29

Aqjeq mirnae aernar-aq, aqyawfmaf, aqyawf-euq Zaqyo-euq shaevdzeuf anrlarni, yawbae ngae nae Miqyaer siqnya-awr tserdov taq-euq mae. Maernmr ghawqmya ghaq-anr nae, aqyawf-euq Zaqyo-anr huqbaw zaqyo ghaq bigeuf-eu laer Miqyaer khoerlof-aer janr-euq mae.

Yoˇhaˬ 18:9

Yeqsur khoerlof-aer aer-eu-aq, “Ngar, nawq nae ngaq-anr bifnaeq laf-euq tsawrhaq tiqghaq-iq maqbi byov-ir-aq” laer aqyawf nae aertaq-euq dawq khoerdawq bi byanlar-eu gharduq mae.

Piˇliˇpiˆ 1:6

Nawmaf-euq lafkhoer gar yawmuiq jeq mrdanq bae-euq ghaq, Yeqsur Kali-euq arnan-anr keuvni, gar heu mrluivjir taef-a laer ngar yawduq baw-eu ma.

1 Yoˇhaˬ 2:25

Heu-aq, mqmaq maqbyav yarzir daef-eu jeq bif ma laer Kali, aqdui-anr sarjax dzaqtaq-euq mae.

Yoˇhaˬ 4:14

Aerkhawf, ngar bidawr-eu ircuf khardawr-euq tsawrhaq-aq, tiqjawr-iq maqpar maeflar-ar. Ngar bidawr-eu ircuf khoer, tsawrhaq khoerghaq-euq lafkhoer ircuf irbyoe pyeuf-awr, mqmaq maqbyav yarzir daef-eu jeq za-eu gar keuvni tanqdavlaf taef-a.”

Lormav 8:1

Khoermirnae, nymq-mr Yeqsur Kali-euq lafkhoer jawr-awr, shiqshaq-euq nuikhanr maeqnan maqcan-aer, muiq-eu Saflar-euq lafkhoer canluf-eu tsawrhaq deuq-aq, yarkhaq dar-eu gar maqpar yadaq-eu mae.

Yuˇdaˆ 1:24

Nawmaf sanqtif maqya tifni, Miqyaer, nawmaf-anr bosav nya-eu mae. Nawmaf iqbax taqkhar maqza-eu tsawrhaq lof-aer laqkhaq caertavni, Aqyawf-euq yawshaef khanqsaer byan-eu maeqshi yajawrni, Aqyawf sheuqkeuv naeqlaf luf-ur.

Yoˇhaˬ 17:2

Nawr, tsawrhaq dawqtawv luf-euq khoertav-euq aryaq aqyawf-anr biftaq-euq lof-aer, aqyawf-anr khar a’naeq taq-euq tsawrhaq dawqtawv luf-anr, aqyawf mqmaq maqbyav yarzir daef-eu jeq bifnaeq nya-eu mae.

Yoˇhaˬ 5:24

“Ngar, nawmaf-anr aqdir aqmar aernaeq nyar, aqsur ghaq maqkaq, ngaq-euq dawq narhaq-awr, ngaq-anr khaerghae lef-euq ghaq-anr jan nar-aq, mqmaq maqbyav yarzir daef-eu jeq za-awr, yarkhaq dar-eu gar maqya daq-aer, shir-eu jeq-anr nae dovle ghaq-awr, daef-eu jeq-euq lafkhoer urler dzeur-euq mae.

1 Yoˇhaˬ 2:19

Tsawrhaq khoerdeuq aqdui-euq armur-anr nae dov-ir-euq mae. Aqyawfmaf, aqdui-euq armur-euq lafkhoer jawr ngae khawf, aqdui-anr maqtaf-a. Aqyawfmaf, aqdui-anr taf-eu lawnmr-aq, nymq-mr keuvni aqdui naeq-aer jawrluf taef-a. Aqyawfmaf dov-ir-euq khoer-aq, aqyawfmaf yawqghaq navluf, aqdui-anr maqtaf nga laer byacaevni dovlar-euq mae.

1 Yoˇhaˬ 5:11

Sarkir kamq-eu khoer-aq heulof-aer mae: Miqyaer, aqdui-anr mqmaq maqbyav yarzir daef-eu jeq bif-euq mae. Daef-eu jeq khoer-aq, aqyawf-euq Zaqyo-euq lafkhoer anr-eu mae.

Yuˇdaˆ 1:21

Nawmaf, Miqyaer-euq gaq-eu jeq-euq lafkhoer jawr-awr, mqmaq maqbyav yarzir daef-eu jeq za’ni, aqdui-euq Sanqpaq Yeqsur Kali-euq ghawqshaq gaq-eu jeq-anr hawtsov taq-awr dawq-awq.

1 Beˬtuˆluˆ 1:5

Arsaq saqlar ngae, nawmaf-euq gharduq laeqhmq taq-euq, kakhof-eu jeq byacaevni panmaeq naeqlaf-awr, nawmaf kharjan-eu deuq-anr Miqyaer, aqyawf-euq baoq nae bosav luf-eu mae.

Jaceuq 37:28

Ya’we Miqyaer dawr-awr tsaq-eu jeq-anr gaq-eu mirnae, Aqyawf-euq tsawrshawr deuq-anr maq byaerdzae-a; Aqyawf, aqyawf maf-anr mqmaq maqbyav yarzir hawpirnaeq taef-a. Aerkhawf, tsawrcawv-euq aryoeq deuq-aq, yabi deuvtsaevdzae taef-a.

Yoˇhaˬ 11:25

Yeqsur, aqyawf-anr heulof-aer aernaeq-euq mae, “Ngar-aq, ghofdaef lar-eu jeq hawr-eu daef-eu jeq pyeuf-eu ma. Ngaq-anr jan-eu tsawrhaq-aq, shir-euq khawf ghofdaeflar taef-a.

Yuˇdaˆ 1:1

Ngar-aq, Yeqsur Kali-euq kuirlaf zaqkhav hawr-eu Yaqkov-euq maernmr Yurdav ma. Aqda Miqyaer nae kurdov-awr lavshawr-euq uqtaf, Yeqsur Kali bosav-eu lafkhoer jawrluf-eu tsawrhaq deuq-anr sanqbof bofanr lef-euq ma.

Dawqdaq 24:16

Aqjeq mirnae aernar-aq, Tsaq-awr dawr-eu tsawrhaq-aq, Shif pov coq-ir-euq khawf par turlar taef-a. Aerkhawf, tsawrcawv deuq-aq, Shaqzanq keuvle ngae, sanqtiftif taef-a.

2 Teˇsaˬloˇni 2:13

Sanqpaq Miqyaer zawr gaq-eu aqyuif aqnyir deuq-or! Nga’maf aqmyanluf nawmaf-euq gharduq Miqyaer-euq guiqlanq-anr jaceuq paq-aer ghae-eu mae. Aqjeq mirnae aernar-aq, Muiq-eu Saflar, nawmaf-anr lavshawr naeq-awr, nawmaf yawtsaq yawdawr-anr jan-eu mirnae kakhof-eu jeq za’ni, yawbae ngae nae Miqyaer, nawmaf-anr tserdov taq-euq mae.

Yoˇhaˬ 3:36

Zaqyo-anr jan-eu tsawrhaq-aq, mqmaq maqbyav yarzir daef-eu jeq za-eu mae. Zaqyo-anr maqjan-eu tsawrhaq-aq, daef-eu jeq-anr maqya mawr-eu uqtaf, Miqyaer nuima paer-eu jeq, yawqjawr navluf aqyawf-euq khoertav javluf-eu mae.”

2 Tiˆmoˇseˬ 1:12

Khoer baqda’nae, ngar khaeq-awr khav-eu heudeuq-anr ya daqluf-eu ma. Aerkhawf, ngar maq shafdawr. Aqjeq mirnae aernar-aq, ngar, aqsur ghaq-anr janluf-eu le laer ngar siqnya ma. Ngar, aqyawf-anr khar a’naeq-euq deuq, Arnan khoernan-anr keuvni, aqyawf hawlanr-awr hawpir mae laer ngar janduq taq-euq ma.

Lormav 5:21

Iqbax uvlanr-eu baqda’nae shir-eu gar bikeuv-awr, tsaq-awr dawr-eu jeq-anr ghoe-awr guiqlanq yawdzanr uvlanr-eu baqda’nae, aqdui-euq Sanqpaq Yeqsur Kali-anr ghoe-awr, mqmaq maqbyav yarzir daef-eu lafkhoer sheuqkeuv lef-eu mae.

1 Tiˆmoˇseˬ 1:16

Aerkhawf, Yeqsur Kali arnavni orcoer-eu nga laer aqyawf panmaeqnaeq mawf-eu mirnae, ngar, aqcawq navmaqtser iqbax huiq-eu khawf, aqyawf, ngaq-anr ghawqshaq gaqnaeq laf-euq mae. Khoer-aq, arnan, aqyawf-anr jan-eu baqda’nae mqmaq maqbyav yarzir daef-eu jeq za-eu tsawrhaq deuq bi dzawgeuf-eu gharduq pyeuf-eu mae.

Lormav 6:23

Aqjeq mirnae aernar-aq, iqbax mr-eu mirnae za-eu arpoeq-aq yashir-eu mae. Aerkhawf, Miqyaer nae bifnaeq laf-euq lafsawq-aq, aqdui-euq Sanqpaq Yeqsur Kali-euq lafkhoer, mqmaq maqbyav yarzir yadaef-eu mae.

Lormav 5:17

Tsawrhaq tiq ghaq mrbanq lavlaeq-awr, shir-eu jeq aqyawf-euq baqda’nae uvlanr luf-eu ngeur nar-aq, Miqyaer-euq huiqdui myaq duidui-eu guiqlanq yawdzanr hawr-eu, tsaq-awr dawr-eu lafsawq za-euq tsawrhaq-aq, ngeurdzaeq, Yeqsur Kali-anr ghoe-awr daef-eu jeq-euq lafkhoer uvlanr taef-a.

Lormav 5:2

Aqdui, Kali-anr ghoe-awr jan-eu baqda’nae, guiqlanq yawdzanr-euq lafkhoer ya urler-awr yawfluf-eu ma. Miqyaer-euq yawshaef khanqsaer-anr noeqtmq luf-eu mirnae laqkhaq caer-eu ma.

Gʼaˬkʼehˇ 7:59

Aqyawfmaf, Saqteqpaq-anr khaqlo biqluf ngae, Saqteqpaq, Miqyaer-anr kurkur-aer aer-eu, “Sanqpaq Yeqsur-or! Ngaq-euq saflar-anr hageuf naeqlaf-awq.”

Yoˇhaˬ 14:19

Tiqkhaeq ghae nar-aq, mirtsaqzaq, ngaq-anr maqpar ya’mawr-ar. Aerkhawf, nawmaf, ngaq-anr ya’mawr taef-a. Aqjeq mirnae aernar-aq, ngar daefluf-eu mirnae, nawmaf khawf yadaef taef-a.

Yoˇhaˬ 6:47

Ngar, nawmaf-anr aqdir aqmar aernaeq nyar, ngaq-anr jan-eu tsawrhaq-aq, mqmaq maqbyav yarzir daef-eu jeq za-eu mae.

Yoˇhaˬ 6:27

Buf-ir cawv-ir nya-eu dzaqdzaq dawrdawr za’ni taq laejae. Aerkhawf, Tsawrhaq-euq Zaqyo bifnaeq nya-eu mqmaq maqbyav yarzir zif-eu dzaqdzaq dawrdawr za’ni laejae-awq. Aqjeq mirnae aernar-aq, Aqda Miqyaer nae Tsawrhaq-euq Zaqyo-anr jmq diqtaq-euq mae.”

Lormav 5:9

Khoernav maqtser, nymq-mr Kali-euq shiq-euq baqda’nae, aqdui tsaq-awr dawr-eu tsawrhaq pyeuflar-euq ma. Khoeruqtaf, aqyawf-euq baqda’nae aqdui, Miqyaer nuima paer-eu jeq-anr nae yabuq-ir taef-a.

Yoˇhaˬ 6:68

Khoerngae, Sirmoq Beqtuvluv, aqyawf-anr heulof-aer aerkhof naeq-euq mae, “Sanqpaq-or! Nawq-euq lafkhoer mqmaq maqbyav yarzir daef-eu jeq bif-eu dawq anr-eu mae. Nga’maf aqsur ghaq-euq maeqnan par cantae-ir nmr-mq?

Luˇkaꞈ 23:46

Khoerngae, Yeqsur tersar yawkhav-aer gur-eu, “Aqda-or! ‘Ngar, ngaq-euq saflar, nawq-euq aqlaf-euq lafkhoer a’naeq ma. ’ ” (Jc 31:5) Aqyawf khoerlof-aer aerghaq-euq nar-aq, saf tsaev-euq mae.

Dawqdaq 4:18

Aerkhawf, tsaq-awr dawr-eu tsawrhaq-euq cankawv-aq, Yawshaef bya-eu nanrma-anr dur-awr, Yawshaef bya-eu khoer, nanlov ngaeq-aer caelar nar-aq, ngaeq-aer byadzaeq lar-eu mae.

Jaceuq 31:5

Ngar, ngaq-euq saflar, nawq-euq aqlaf-euq lafkhoer a’naeq ma. Yawtsaq yawdawr-euq Miqyaer pyeuf-eu, Ya’we Miqyaer-or! Nawr, ngaq-anr kakhof naeqlaf-euq mae.

Maˬkuˆ 13:22

Aqjeq mirnae aernar-aq, Kali jaqmyawf deuq hawr-eu Miqyaer gharduq ngaeqdan-eu jaqmyawf deuq dovle taef-a. Ghaenya nar-aq, tserdov taq-euq tsawrhaq deuq-anr khawf sheuqbanq ghaeni, bisiq bimawr-eu jeq hawr-eu zanqler paq-aer ghae-eu deuq aqyawfmaf janrmaeq taef-a.

Yoˇhaˬ 10:29

Dawqtawv luf-euq khoertav huiqdzaeq-eu ngaqDa nae yawr khoerdeuq, ngaq-anr a’naeq laf-euq mae. NgaqDa-euq aqlaf-euq lafkhoer nae tiqghaq-iq yawr khoerdeuq-anr maq ludov nya-ar.

1 Yoˇhaˬ 1:2

Daef-eu jeq khoer byacaevni dovlar-euq gar nga’maf ya’mawr-awr sarkir kamq-eu ma. Khoeruqtaf, yawbae, Aqda Miqyaer naeq-aer jawr-euq li-eu maqbawni daef-eu jeq khoer, nga’maf-anr bimawr naeqlaf-euq garkawv khawf, nawmaf-anr dzawrnaeq-eu ma.